Morgunblaðið - 16.10.2014, Qupperneq 24

Árin segja sitt1979-2014
Hjónin Ragnar Guðmundsson, matreiðslu-meistari og kona hans
Bára Sigurðardóttir, stofnendur og eigendur Lauga-ás.
Laugarásvegi 1
104 Reykjavík • laugaas.is
Lauga-ás hefur frá 1979
boðið viðskiptavinum
sýnum uppá úrval af
réttum þar sem hráefni,
þekking og íslenskar
hefðir hafa verið hafðar
að leiðarljósi.
)553 1620
Verið velkominn
24 UMRÆÐAN
MORGUNBLAÐIÐ FIMMTUDAGUR 16. OKTÓBER 2014
Menntamálaráðu-
neytið hefur sent öllum
framhaldsskólum
landsins bréf þar sem
lagt er að þeim að
stytta stúdentsbrautir í
þrjú ár. Undanfarna
áratugi hefur nám á
stúdentsbrautum mið-
ast við að hæfilegt sé
að ljúka því á fjórum
árum. Fækkun náms-
ára úr fjórum í þrjú er vart fram-
kvæmanleg nema dregið verði úr
námsefni og nemendur þannig lakar
búnir undir háskólanám.
Þeir nemendur, sem kjósa að ljúka
framhaldsskóla á styttri tíma en fjór-
um árum, eiga þess kost að velja
áfangaskóla og ráða sjálfir námshrað-
anum að verulegu leyti. Það hafa fjöl-
margir notfært sér án þess að breyta
þyrfti skipulagi skólans í
heild. Hins vegar er öllu
óhægra um vik að
fækka námsárum í
bekkjaskóla án þess að
skerða námsefnið. Hér
verður tekið dæmi af
Menntaskólanum í
Reykjavík. Þar ljúka
nemendur 144 einingum
(gömlum) á fjórum ár-
um. Eflaust væri vanda-
lítið að skipa því náms-
efni niður á þrjú ár
þannig að það liti vel út
á blaði. En framkvæmdin yrði þannig
að vikustundum hvers nemanda
fjölgaði úr 36 í 48. Nemandinn þyrfti
að sækja fjórar kennslustundir fyrir
hádegishlé og fimm eða sex eftir há-
degi, kæmi oftast þreyttur heim um
fimmleytið og ætti þá eftir margra
klukkustunda heimavinnu. Enginn
tími yrði til tónlistarnáms, íþróttaiðk-
unar eða félagslífs sem því nafni gæti
nefnst. Fæstir þyldu álagið til lengd-
ar og því verður ekki mælt með þess-
ari leið til styttingar náms.
Raunar er lítið svigrúm til þess að
lengja skóladaginn ef nemandinn á að
eiga sér eitthvert einkalíf. Þess í stað
mætti að sumra dómi lengja skóla-
árið. Það hefði þó þann ókost að nem-
endum gæfist lítill tími til sum-
arvinnu og þeir yrðu ekki aðeins af
tekjum heldur færu þeir einnig á mis
við dýrmæta starfsreynslu og kynni
af ólíkum stéttum þjóðfélagsins. Auk
þess yrði lengingin í mesta lagi þrjár
vikur á ári, þ.e. níu vikur á þremur
árum eða rúmur fjórðungur af núver-
andi lengd skólaársins. Því yrði óhjá-
kvæmilega að fella niður a.m.k. 70%
af námsefni eins skólaárs, u.þ.b. 25
gamlar einingar.
Þá vaknar spurningin: Hvað á að
fella brott? Á að draga úr kennslu í
hverri grein til þess að þurfa ekki að
fækka námsgreinum? Þá er hætt við
því að nemendur hafi ekki nógu
trausta undirstöðu í kjarnagreinum
þegar í háskóla er komið. Ef sú verð-
ur raunin um þorra stúdenta kann
svo að fara að íslenskir háskólar
neyðist til að taka upp eins konar að-
faranám og lengja þannig námstíma
til BA-prófs um það ár sem sparaðist
í framhaldsskóla. Hins vegar munu
erlendir háskólar ekki laga skipulag
námsins að íslenskum umsækjendum
heldur gera þá afturreka með mark-
laus prófskírteini.
Þá er sú leið ókönnuð að leggja
áherslu á kjarnagreinar en draga úr
kennslu í öðrum námsgreinum. Nem-
andi í eðlisfræðideild fengi t.d. mikla
kennslu í stærðfræði og eðlisfræði en
lærði aðeins eitt eða tvö erlend
tungumál og sáralitla sögu og bók-
menntir. Slíkum nemanda gæti vegn-
að vel í háskólanámi í raungreinum
en hann hefði farið á mis við ýmislegt
sem víkkar sjóndeildarhringinn.
Hann væri hugsanlega ólæs á önnur
tungumál en íslensku og ensku og
kynni lítil skil á sögu og bókmenntum
eigin þjóðar og nágrannaþjóða.
Framhaldsskólanámið hefði lítið auk-
ið skilning hans á orsakasamhengi at-
burða, samskiptum þjóða og mannlíf-
inu yfirleitt.
Niðurstaðan er sú að fækkun
námsára á stúdentsbrautum hljóti
ókvæmilega að rýra gæði námsins.
Því heiti ég á yfirvöld menntamála að
skylda engan skóla til slíkra breyt-
inga. Stúdentspróf frá íslenskum
skóla á að vera vitnisburður um hald-
góða almenna menntun og marktækt
í háskólum um víða veröld.
Eftir Sigríði
Jóhannsdóttur
Sigríður Jóhannsdóttir
» Styttingin hlyti að
leiða til skerðingar
náms og gera íslenskum
stúdentum erfitt fyrir í
erlendum háskólum.
Höfundur er menntaskólakennari.
Stytting stúdentsbrauta í þrjú ár
Í Morgunblaðinu 14.
október birtist grein
eftir Bjarna Krist-
jánsson, fyrrverandi
fjármálastjóra RÚV,
en hann lét af störfum
í vor um það leyti sem
ný framkvæmdastjórn
tók til starfa hjá félag-
inu. Í grein sinni held-
ur Bjarni því fram að
vandi RÚV í dag sé
það sem hann kallar „nútímavandi“
en ekki „fortíðarvandi“.
Af því tilefni er rétt að árétta að
umræðan um erfiða fjárhagsstöðu
RÚV byggir á stöðunni eins og hún
var orðin á þeim tíma sem skipt
var um framkvæmdastjórn félags-
ins í vor. Stjórn RÚV óskaði þá
þegar eftir sjálfstæðri úttekt á fjár-
málum RÚV, sem endurskoð-
unarfyrirtækið PWC framkvæmdi.
Í þeirri greiningu kemur fram að
RÚV sé yfirskuldsett og geti ekki
staðið undir afborgunum af skuld-
um sínum á næstu misserum. Einn-
ig liggur fyrir að RÚV hefur aðeins
fengið hluta útvarpsgjaldsins og að
þær tekjur hafa ekki dugað til að
standa undir rekstri félagsins.
Fjárhagsvandi RÚV hefur orðið til
á löngum tíma, hann opinberast
vissulega á þessum tímapunkti í
vor og er „nútímavandi“ í þeim
skilningi að það þarf að vinna á
honum nú og í nánustu framtíð.
Hann hefur hins vegar ekki aukist
neitt á því tæpa hálfa ári sem liðið
er síðan ný framkvæmdastjórn var
ráðin að félaginu. Þvert á móti þá
er efnahagur RÚV óbreyttur frá
því í vor en auk þess hefur umtals-
verð hagræðing átt sér stað á
starfseminni á þessum stutta tíma.
Þetta eru staðreyndir sem stjórn
og framkvæmdastjórn RÚV telja
mikilvægt að hafa uppi á borðum
til að hægt verði að vinna úr stöð-
unni.
Stjórn og ný framkvæmdastjórn
munu halda áfram að draga fram
heildstæða mynd af stöðu RÚV til
að hægt sé að horfast í augu við
vandann og vinna að lausn máls-
ins. Sú greining er að sjálfsögðu
forsenda þess að hægt sé að grípa
til úrræða sem duga til að koma
rekstri og skuldastöðu RÚV í betri
og heilbrigðari farveg. Aðeins
þannig skapast grundvöllur fyrir
bjartari tíð, Ríkisútvarpi okkar
allra til heilla.
Árétting vegna
greinar fyrrverandi
fjármálastjóra RÚV
Eftir Ingva Hrafn
Óskarsson og Magn-
ús Geir Þórðarson
» Þvert á móti þá er
efnahagur RÚV
óbreyttur frá því í vor
en auk þess hefur um-
talsverð hagræðing átt
sér stað á starfseminni
á þessum stutta tíma.
Ingvi Hrafn
Óskarsson
Ingvi Hrafn er formaður stjórnar
RÚV. Magnús Geir er útvarpsstjóri
RÚV.
Magnús Geir
Þórðarson
Þegar ég var ungur
maður kenndi ég þol-
fimi í mörg ár. Tím-
arnir voru troðfullir.
Þá ekki af karl-
mönnum, heldur kon-
um. Þannig var þetta í
þá daga. Konur fóru í
þolfimi og karlarnir
lyftu lóðum. Ekki var
konu að sjá í tækja-
salnum og öfugt. Það
eru ekki svo mörg ár síðan.
Karlar lyftu lóðum. Þeir misstu
ummál og þyngdust. Konur fóru í
eróbikk eða á brettið. Þær misstu
ummál og léttust. Tímarnir breyt-
ast. Núna sé ég oftar en ekki karla
sem fara í hóptíma og konurnar gefa
strákunum ekki tommu eftir í tækja-
salnum.
Þetta er góð og heilbrigð þróun.
Ég hélt upp á 25 ára starfsafmæli
mitt sem þjálfari í apríl síðast-
liðnum. Ég fór út að borða í tilefni
dagsins og skemmti mér með mínum
bestu vinum. Það var góður dagur
og mikið var rifjað upp eins og geng-
ur og gerist. Bransa-
sögurnar fengu að njóta
sín með skemmtilegum
útúrsnúningum og
kryddi sem passaði. Á
þessum árum í gegnum
vinnu mína hef ég
kynnst mörgum og er
þakklátur fyrir. Á sömu
árum hef ég öðlast
mikla reynslu og lent í
ýmsu.
Markmiðasetning
viðskiptavina hins veg-
ar hefur ekki breyst jafnmikið.
Flestir karlarnir vilja enn fá aukinn
vöðvamassa og konur vilja léttast.
Alveg eins og var áður. Karlar horfa
lítið á vogina en allir vilja þeir missa
ummál. Eitt hefur breyst eins og
glöggir lesendur eru kannski farnir
að taka eftir. Konurnar eru byrjaðar
að lyfta lóðum og eróbikktímarnir
sem voru og hétu hafa hrunið niður
vinsældalistann. Brettin eru yfirleitt
notuð sem upphitunartæki en ekki
svokölluð brennslutæki eins og var
áður. Lóðunum, sem voru aðeins
notuð af körlum fyrir nokkrum ár-
um, er refsað af báðum kynjum í
dag.
Aftur að markmiðasetningunni.
Konur vilja ennþá léttast. Þess
vegna varpa ég orðum mínum til
kvenna í dag.
Kæru dömur á öllum aldri sem
stundið líkamsrækt og lyftið lóðum:
Þið eruð líklegri til að þyngjast en
léttast meðan þið lyftið lóðum en þið
missið ummál og mikið af því. Haldið
því áfram að lyfta og spáið heldur í
ummálsbreytingar en kílóamissi.
Horfið á heildina og hafið hugann við
umræddar breytingar sem hafa átt
sér stað síðustu árin.
Að lokum, til beggja kynja:
Áður en þið sendið mig ítrekað í
viðgerð með vogina sem er í salnum í
Átaki heilsurækt á Akureyri, þar
sem ég starfa, hafið þá þennan pistil
ítrekað yfirfarinn næst þegar þið
stigið á hana. Það er ekkert að
henni, hún virkar fínt. Við þurfum
bara að sjá heildarmyndina. Saman.
Eftir Ásgeir
Ólafsson
Ásgeir Ólafsson
» Þið eruð líklegri til að
þyngjast en léttast
meðan þið lyftið lóðum...
Höfundur er lífsstíls- og markþjálfi.
Að léttast eða þyngjast
Bridsdeild Breiðfirðinga
Það var spilað á 11 borðum 12. okt.
sl. í keppni sem stendur yfir í fjögur
kvöld og þrjú bestu kvöldin ráða úr-
slitum.
Úrslit í N/S þriðja kvöldið:
Halldór Þorvaldss. – Magnús Sverriss. 264
Oddur Hannesson – Árni Hannesson 261
Sturlaugur Eyjólfs. – Birna Lárusd. 254
Úrslit A/V:
Björn Arnarson – Brynjar Jónsson 255
Birgir Kristjánsson – Jón Jóhannss. 236
Árni Guðbjörnss. – Hafliði Baldurss. 235
Staðan í mótinu eftir þrjú kvöld:
Halldór Þorvaldsson – Magnús Sverriss. 792
Ingibj. Guðmundsd. – Kristín Andrews 717
Þorgeir Ingólfss. – Garðar V. Jónsson 716
Benedikt Egilss. – Sigurður Sigurðars. 711
Árni Guðbjörnss. – Hafliði Baldurss. 683
Spilað er á sunnudögum kl. 19.
Anna Þóra og Ljósbrá
Íslandsmeistarar
Anna Þóra Jónsdóttir og Ljósbrá
Baldursdóttir sigruðu í Íslandsmóti
kvenna í tvímenningi sem fram fór
um helgina en alls tóku 17 pör þátt í
mótinu að þessu sinni.
Lokastaðan (% skor):
Anna Þóra Jónsd. – Ljósbrá Baldursd. 60,0
Dröfn Guðmundsd. – Hrund Einarsd. 59,3
BRIDS
Umsjón Arnór G.
Ragnarsson| brids@mbl.is