Morgunblaðið - Sunnudagur - 05.10.2014, Blaðsíða 20

B
orgin Manchester á Eng-
landi dregur til sín um
milljón ferðamenn á ári
hverju en í borginni býr
rúm hálf milljón manna.
Margir fara til borgarinnar til að
horfa á knattspyrnuleiki en þeir
sem ekki hafa áhuga á slíku ættu
að geta fundið sér ýmislegt til
dundurs. Margir tónlistarmenn
halda tónleika í borginni og nætur-
lífið ku vera líflegt. Flóra veit-
ingastaða er áhugaverð og til hliðar
má sjá lista yfir þá staði sem not-
endur Trip Advisor telja þá tíu
bestu í borginni allri.
Í Manchester er að finna stærstu
verslunarmiðstöð sem er í miðborg
í Bretlandi, Manchester Arndale
Shopping Centre. Verslunarmið-
stöðin er vel staðsett í miðri borg
og í götunum sem liggja nærri eru
ótal veitingastaðir, barir auk fleiri
verslana. Miðstöðin geymir allar
helstu verslanir; H&M, Urban Out-
fitters, Nike, Adidas og svo mætti
áfram telja. Þá má finna flenn-
istóra Primark verslun á Market
Street, sem er ein af þeim götum
sem Arndale stendur við.
Eins og gjarnan er um stærri
borgir þá er auðvelt að finna upp-
lýsingar um það sem er að gerast
hverju sinni í Manchester. Á vef
ferðamálaráðs borgarinnar,
www.visitmanchester.com, má til að
mynda finna ágætis dagatal undir
flipanum „What to do“ þar sem
hægt er að fá upp lista yfir helstu
viðburði sem framundan eru í
borginni. Manchester Art Gallery
er vinsæll viðkomustaður ferða-
manna en það var nýlega gert upp
og stækkað til að taka við enn fleiri
gestum. John Rylands Library er
einnig áhugavert að skoða, hvort
sem er fyrir bókhneigða eða þá
sem hafa áhuga á byggingarlist.
Ef það að horfa á knattleiki úti
við er ekki nóg fyrir fótbolta-
áhugamenn sem heimsækja borg-
ina þá má benda á hið margrómaða
National Football Museum. Það er
sagt vera stærsta knattspyrnusafn
heims, er opið alla daga vikunnar
og aðgangseyrir er enginn. Ef
buddan er farin að léttast eftir
miðakaup á knattspyrnuleiki eða
óhóflegt búðaráp er gott að láta
hugann reika á safninu og spá í
hvernig best er að greiða kred-
itkortareikninginn þegar heim er
komið. Manchester býr almennt
yfir flestu því sem borg þarf að
hafa og ferðamenn sækjast eftir
t.d. fyrir helgarferð.
Þar sem hún er töluvert minni
en höfuðstaðurinn London tekur
allt aðeins styttri tíma, sam-
göngur eru hraðari og því kannski
aðeins einfaldara að ná að gera
það sem á að gera í stuttri
heimsókn.
MANCHESTER
Ekki bara
fótbolti
FÓTBOLTI ER EKKI ÞAÐ EINA SEM DREGUR FERÐAMENN
TIL MANCHESTER. BORGIN ER MIKIL VERSLUNARBORG OG
ÞAR MÁ FINNA FJÖLDA FRAMBÆRILEGRA VEITINGASTAÐA.
Eyrún Magnúsdóttir eyrun@mbl.is
Manchester er ekki síst þekkt fyrir gott úrval verslana af ýmsu tagi.
Elton John er einn fjölmargra tónlistarmanna sem troðið hafa upp í Manchester.
20 MORGUNBLAÐIÐ SUNNUDAGUR 5.10. 2014
Ferðalög og flakk
Á ferðasíðunni Trip Advisor gefa ferðamenn veit-
ingastöðum, hótelum og ýmsum ferðamannastöð-
um einkunn. Notendur Trip Advisor telja þessa tíu
veitingastaði þá bestu í Manchester-borg.
Staðirnir eru ólíkir en eiga það þó sameiginlegt
að vera vandlega faldir í úthverfum borgarinnar en
ekki staðsettir í hringiðu miðborgar Manchester. Í
einhverjum tilvikum kann því að vera gott að kynna
sér samgöngur og verð á leigubílum áður en
ákvörðun er tekin um að skella sér á einhvern
þessara staða.
1. Le Delicatezze di Bruno, Ashton New
Road, Clayton.
Ítalskur matur.
Pitsur staðarins fá góða einkunn og staðurinn er
sagður heimilislegur og bjóða upp á 100% alítalskan
matseðil. Vínið er á góðu verði og starfsfólkið vin-
gjarnlegt.
2. Jollof Cafe, Hyde Road, Gorton.
Afrískur matur.
Marokkóski kjúklingarétturinn ku vera stolt stað-
arins og ýmsir grænmetisréttir freista einnig. Þótt nú sé farið að kula í Mancester borg eru margir veitingastaðir sem setja borð og stóla út þegar veður er til.
10 bestu veitingastaðir M
Argentínski knattspyrnumaðurinn Sergio Aguero leikur með stórliðinu Manchester City.