Hrund - 01.06.1967, Blaðsíða 3

FRÁ
OTGEFANDA
Á þeim stutta tíma, sem liðinn er, frá því að fyrsta tölublað HRUNDAR kom út,
hafa liðlega 6000 konur gerzt áskrifendur að blaðinu. Að vísu er hluti þeirra reynslu-
áskrifendur, þ.e.a.s. þær kaupa fjögur tölublöð og halda því aðeins áfram áskriftinni,
að þeim líki blaðið.
Þessi fjöldi áskrifenda strax í byrjun er vissulega glæsilegur árangur, en einnig
mikil hvatning fyrir okkur að láta ekki staðar numið, heldur fylgja þeirri stefnu, sem
var sett í upphafi: að gefa út vandað, íslenzkt kvennablað.
Hingað til hefur HRUND aðallega verið kynnt konum í Reykjavík. En nú er sumarið
komið, og við munum nota það til að kynna HRUND þeim konum, sem eru búsettar
utan Reykjavíkur. Það er von okkar og vissa, að jafn vel verði tekið á móti HRUND
úti á landsbyggðinni og raun hefur verið á í Reykjavík.
Gerður Helgadóttir er sú listakona íslenzk, sem hefur getið sér hvað bezt frægðarorð
erlendis. i þessu blaði birtum við sögu hennar og þróunarsögu listsköpunar hennar
að mestu í myndum, því að við héldum í þessu tilviki myndir segja svo miklu meira
en orð.
italska sýningin er tízkuþáttur okkar að þessu sinni. Það er ekki á hverjum degi,
að erlendir aðilar standa fyrir tízkusýningu á íslandi enda vakti sýningin mikla athygli.
Að lokum viljum við biðja lesendur velvirðingar á seinkun þeirri, sem varð á útkomu
þessa tölublaós. Það tekur langan tíma að vinna það, sem vel er gert, en við vonum,
að þetta komist í samt lag með næstu blöðum.

MÁNAÐARLEGT KVENNABLAÐ - ÚTGEFANDI: HANDBÆKUR H.F.
Ritstjóri: Margrét R. Bjarnason, ábm. - Framkvæmdastjóri: Einar Sveinsson. - Blaðamaður: Silja Aðalsteinsdóttir.
Hönnun: Peter Behrens hjá Auglýsingaþjónustunni. - Filmusett og offsetprentað i Lithoprent hf. - Prentun á útsíðum:
Myndprent hf. - Myndamót fyrir litprentun: Litróf hf. - Ritstjórnarskrifstofa: Lindargötu 48, simi 19645. - Sölu og
auglýsingaskrifstofa: Tjarnargötu 14, simi 19400. - Verð: i lausasölu kr. 65.00, í áskrift kr. 55.00, greitt fjórða hvern
mánuð. Söluskattur innifalinn.
JÚNl
1967
3
l.ÁRG.
EFNISYFIRLIT:
6 Gerður Helgadóttir
Saga listakonu í máli og myndum.
Texti: Margrét Bjarnason.
16 Blessuð vinnan
Smásaga eftir Félicien Marceau.
Teikning: Pétur Ottóson.
Þýtt af Sonju Diego.
18 Frúarleikfimi
Bára Magnúsdóttir sýnir og leiðbeinir.
Ljósmyndir: Lars Björk.
19 Morgunverðurinn
Mikilvægasta máltíð dagsins.
Vigdís Jónsdóttir, skólastjóri, skrifar.
20 La Linea Italiana
ítalska sýningin á hótel Sögu.
Ljósmyndari: Ingimundur Magnússon.
27 Handavinna
Ása Ólafsdóttir leiðbeinir.
28 Orson Welles
32 Leiðar konur eru leiðinlegar konur
Höfundur: Alma Birk.
36 Saga Rækjunnar
Eftir Henry Gris. Frá U.P.I. með
einkarétti á íslandi.
41 Hvað segja stjörnurnar ?
Persónulýsing fyrir Tvíburamerkið.
42 í næsta blaði.
Forsíðumyndin er af þeim Titti
og Ornellu, ítölsku sýningar-
stúlkunum. Myndin er tekin á
svölum Utvegsbankans, í baksýn
er turninn á Reykjavíkurapóteki.
Ljósmyndari Ingimundur
Magnússon.
3