Fréttablaðið - 07.02.2013, Blaðsíða 28

7. febrúar 2013 FIMMTUDAGUR| SKOÐUN | 28
Nú liggur fyrir Alþingi
frumvarp að nýjum nátt-
úruverndarlögum og
stefna stjórnvöld á að það
verði að lögum á yfir-
standandi þingi. Margt
er gott í frumvarpinu
en ágallarnir eru samt
svo margir að ég teldi
það stórslys ef þing-
menn afgreiddu það sem
lög. Ég skora því á hina
kjörnu fulltrúa að fresta
afgreiðslu málsins og
vinna það aftur frá grunni.
Mig langar að nefna nokkra
vankanta á frumvarpinu:
Í frumvarpinu er snúið á haus
því almenna ákvæði laga að allt
sé leyft sem ekki er sérstaklega
bannað. Þannig á að banna akst-
ur um alla vegi og slóða nema
þeir séu skráðir í viðeigandi
gagnagrunn hjá Land mælingum
Íslands. Væri þessi regla
viðhöfð í núverandi gatna-
kerfi þyrfti við hver ein-
ustu gatnamót að vera
skilti sem segði að aka
mætti inn á viðkomandi
götu en ekki eins og nú
tíðkast að eingöngu er til-
greint ef götur eru lok-
aðar eða þar gildir ein-
stefna. Þannig hefur það
verið frá ómunatíð og gef-
ist vel. Þetta gerir auð-
vitað kröfur um að þar
sem er talin þörf á að takmarka
umferð verður að merkja slíkt
með skýrum hætti. Er það ekki
þannig sem við viljum hafa það?
Einfaldar reglur um hvað má og
ekki má?
Þórsmörk á bannsvæði?
Í frumvarpinu eru einnig strang-
ar reglur um akstur yfir vöð og
vatnsföll. Samkvæmt þeim er
t.d. ekki leyfilegt að aka niður
eyrar við ár til að leita að góðu
vaði. Þetta þýðir að nánast aldrei
verður hægt að fara í Langadal
eða Húsadal í Þórsmörk án þess
að gerast brotlegur við lög þar
sem vöðin yfir Krossá færast til
og frá í ánni. Er þetta framtíðin
sem við viljum?
Í reglugerð með væntanlegum
lögum er mun strangar kveðið á um
hvenær leyft er að aka utanvega á
snævi þakinni og frosinni jörð með
nokkrum undantekningum. Hvern-
ig vitum við hvort jörð sé frosin
undir? Jöklar eru snævi þaktir en
jörð undir þeim er ekki frosin. Til
að brjóta ekki þetta ákvæði þarf
einfaldlega að banna allan akstur
á jöklum, m.a. með erlenda ferða-
menn sem skila drjúgum gjaldeyri
í þjóðarbúið. Ég spyr aftur; er þetta
það sem við viljum?
Almannaréttur hefur fylgt
íslenskri þjóð frá örófi alda, löngu
áður en vélknúin ökutæki komu
til sögunnar. Í þessu frumvarpi er
ekkert tillit tekið til þeirrar stað-
reyndar að í dag ferðumst við um
landið á slíkum ökutækjum enda
nokkuð liðið á annan áratug 21.
aldar! Slík tæki eru ekki viður-
kennd innan almannaréttarins
og hlýtur hver maður að sjá rök-
villuna í slíkri afstöðu og hvað
það þýðir fyrir þær tugþúsundir
Íslendinga sem vilja ferðast um
frjálsir menn í frjálsu landi.
Lög eða ólög?
Að lokum þetta. Lög eiga að vera
samkvæm sjálfum sér. Það hlýt-
ur að vera lágmarkskrafa að
almenningur geti framfylgt þeim
án þess að vera með lögmann
eða siglingafræðing sér til ráðu-
neytis. Lög mega heldur ekki vera
svo flókin að ferðamenn þurfi að
fara á kvíða stillandi lyf áður en
land er lagt undir fót, hver sem
ferðamátinn er eða í hvaða til-
gangi farið er af stað. Ríki óvissa
um túlkun laga er ein búið að þau
gagnast ekki. Slík lög verða aldrei
annað en ólög. Þannig hygg ég að
fari fyrir nýjum náttúruverndar-
lögum verði þau samþykkt
óbreytt.
Kvíðastillandi lyf fyrir heimsókn á hálendið?
Síminn hefur ákveðið að
ljósnetvæða 53 þéttbýlis-
staði á landsbyggðinni á
árinu. Það þýðir að allt
að 16 þúsund heimili, öll
á landsbyggðinni, bætast
við fyrri áætlanir Sím-
ans um 100 þúsund heim-
ili um mitt næsta ár.
Þetta er stórt skref
fyrir Símann. Það hefur
áhrif á mörg minni
sveitarfélög úti á landi.
Þau hefðu líklega þurft
að bíða þess að háhraðanet yrði
sett upp að fullu á stærri stöðum
áður en röðin kæmi að þeim.
Heimili 11 þéttbýlisstaða sem
fá Ljósnet í símstöð fá auk þess
í fyrsta sinn fulla sjónvarps-
þjónustu. Þau munu geta valið úr
yfir hundrað sjónvarpsstöðvum
í stað á annan tug nú. Og netið
eflist.
En af hverju þessir 53 staðir
umfram aðra? Valinu ræður: a)
stærð staðanna, b) tengingar til
þeirra og c) staðsetning sím-
stöðvanna í bæjarfélaginu. Við
viljum ná til sem flestra. Það
fleytir sem flestum fram veginn
og hefur mestu áhrifin á þjóðar-
búið í heild.
16 þúsund bætast í hópinn
Þessi ákvörðun sýnir þá áherslu
sem Síminn leggur á þjónustu
við landsbyggðina. Nú bíðum við
almennt með að leggja Ljósnet-
ið á jöðrum hverrar byggðar þar
til símstöðvar þessara 53ja staða
hafa verið uppfærðar. Þann-
ig tekst okkur að ljósnetvæða
þúsundir heimila fyrir það
fé sem kostaði að tengja á
jöðrum fárra þeirra.
Við breyttum verkáætlun
okkar þótt það þýddi að bæjar-
búar eða þéttbýli innan hvers
sveitarfélags tengdist ekki
háhraðaneti á sama tíma. Við
veljum þessa leið því hún hefur
þann ótvíræða kost að færri
þurfa að bíða þess að fá háhraða-
net heim til sín.
Við hjá Símanum viljum benda
á að 62 þúsund heimili geta nýtt
Ljósnetið. Með þessari ákvörð-
un er stefnt að því að þau verði
orðin allt að 116 þúsund um mitt
næsta ár. Uppbyggingin hefur
verið hröð. Hún hefur aðeins
staðið frá árinu 2009. Þetta eru
fyrstu stóru skref Símans á
landsbyggðinni; tekin fyrr en
stóð til.
Við hjá Símanum hefjum þessa
vegferð því við gerum okkur
fulla grein fyrir því að fjarskipti
skipa lykilsess í grósku sam-
félaga. Með ákvörðuninni viljum
við skapa tækifæri fyrir lands-
menn að hasla sér völl þar sem
þeir vilja helst. Þetta er fyrsta
skrefið til þess.
Uppbygging Ljósnets
Það er ekki einleikið
hvernig umræðan hefur
verið á frétta- og sam-
skiptamiðlum síðan
Jón Gunnar Kristins-
son borgarstjóri ásak-
aði Grafarvogsbúa, að
loknum eftirminnilegum
íbúafundi, um að leggja
sig í einelti og beita sig
ofbeldi.
Það sem helst virðist
hafa farið fyrir brjóstið
á borgarstjóranum, og
reyndar fleirum, er að
einum fundarmanna varð
það á að viðhafa orðið
„hyski“ um borgarstjórann og
fylgisfólk hans.
Í framhaldi af því að borgar-
stjóri, á fasbókarsíðu sinni,
kvartaði undan því að hafa orðið
fyrir téðu einelti og ofbeldi hafa
ýmsir farið hamförum og ekki
sparað Sigurði Harðarsyni,
þeim sem beitti orðinu „hyski“,
gífuryrðin og farið langt fram
úr honum í notkun fúk-
og gífur yrða. Vekur það
óneitanlega spurningar
um það hversu heilag-
ur og ósnertanlegur Jón
Gunnar Kristinsson borg-
arstjóri hlýtur að vera
hjá sauðtryggum aðdá-
endum og hversu van-
heilagir og réttdræpir
þeir eru, í þeirra augum,
sem leyfa sér að gagn-
rýna hann á opinberum
vettvangi. Sigurður hefur
reyndar beðist afsökunar
á orðalagi sínu og er hann
maður að meiri á eftir.
Nú vill svo til að víða í Graf-
arvogi er fólk orðið langþreytt
og jafnvel reitt vegna valdníðslu
borgarstjórnar í hverfinu, sér-
staklega í skólamálum. Foreldr-
ar grunnskólabarna í hverfinu
hafa ítrekað reynt að fá embætt-
ismenn borgarinnar til umræðu
um þær breytingar sem á síðasta
ári var þvingað upp á íbúa án
nokkurs samráðs, en án árang-
urs. Það er því ekki að undra
þótt hvíni í þegar Jón Gunnar
Kristinsson borgar stjóri mætir
drjúgur á svip og talar fjálglega
um „íbúalýðræði“ þegar ráðstafa
á einhverjum 2.000 krónum eða
svo á mann í umhverfisverkefni.
Flestum Grafarvogsbúum blöskr-
ar nefnilega þegar þeir verða
vitni að slíkum tvískinnungi.
Ekki pólitískur fundur
Fréttamiðlar þreyttust heldur
ekki á því að tíunda þá staðreynd
að nefndur Sigurður er stjórnar-
maður í Félagi sjálfstæðismanna
í Grafarvogi. Hefur öll umræðan
síðan snúist að mestu leyti um að
hér hafi sjálfstæðis maður verið
að tala. Það hafa hins vegar fáir
orðið til þess að nefna að marg-
nefndur fundur var ekki pólit-
ískur fundur sem slíkur. Þetta
var opinn fundur borgarstjóra
með borgarbúum. Grafarvogs-
búar sem þarna mættu voru
því ekki mættir þar sem full-
trúar þeirra stjórnmálaflokka
sem þeir kunna að tilheyra,
hvort heldur það er Sjálfstæðis-
flokkurinn, Vinstri græn eða
eitthvað annað, heldur sem íbúar
í sínu hverfi. Og nú sl. föstudag
var Sigurður Harðarson sagð-
ur formaður Félags sjálfstæðis-
manna í Grafarvogi. Það er
reyndar ekki rétt því það vill
til að undirritaður er formaður
þess ágæta félags og hefur um
árabil átt gott samstarf við Sig-
urð á þeim vettvangi. Hins vegar
var Sigurður mættur, eins og
svo margir aðrir, sem foreldri
grunnskólabarna sem honum
þykir borgaryfirvöld hafa brotið
á og er orðinn langþreyttur á því
að reyna árangurslaust að ræða
þau mál við yfirvöld.
Mér þykir það skjóta skökku
við að heyra það fólk tuða af mik-
illi vandlætingu um að hafa verið
kallað hyski, sem rak ögrandi
kosningabaráttu með fúkyrðum
á við „gefum fávitunum frí“ og
„allt fyrir aumingja“.
Mér þykir það líka vera aumt
að borgarstjóri skuli ekki geta
svarað fyrir aðgerðir sínar og
það er beinlínis lélegt að reyna að
koma sér undan því með slíkum
orðhengilshætti og hann hefur
hér orðið uppvís að. Þar að auki
hefur hann orðið uppvís að því að
ljúga sakir upp á stóran hóp borg-
arbúa og misnota orð eins og „ein-
elti“ og „ofbeldi“ í því samhengi
og þar með gert lítið úr þolendum
þess. Með réttu ætti borgarstjóri
að biðjast afsökunar á þessu
framferði sínu. Ég á samt ekki
von á að hann sé maður til þess.
Af meintu einelti og ofbeldi íbúa í Grafarvogi
SAMFÉLAG
Emil Örn
Kristjánsson
leiðsögumaður og
formaður Félags
sjálfstæðismanna í
Grafarvogi
➜ Nú vill svo til að víða
í Grafarvogi er fólk orðið
langþreytt og jafnvel reitt
vegna valdníðslu borgar-
stjórnar í hverfi nu, sérstak-
lega í skólamálum.
FJARSKIPTI
Sævar Freyr
Þráinsson
forstjóri Símans
NÁTTÚRA
Hafl iði S.
Magnússon
formaður Ferða-
klúbbsins 4x4
➜ Lög eiga að vera sam-
kvæm sjálfum sér. Það
hlýtur að vera lágmarks-
krafa að almenningur geti
framfylgt þeim án þess að
vera með lögmann eða
siglingafræðing sér til ráðu-
neytis.
➜ Þau hefðu líklega
þurft að bíða þess að
háhraðanet yrði sett
upp að fullu á stærri
stöðum áður en röðin
kæmi að þeim.