Fréttablaðið - 02.03.2013, Side 46

FÓLK|HELGIN
Þetta var allt Elísabetu að kenna. Hún fékk mig í þetta,“ segir Jónas sposkur, spurður út í hvernig það
atvikaðist að hann var fenginn til starfa í
Gerðubergi fyrir þrjátíu árum.
Jónas rekur upphafið til þess er hann
starfaði sem kennari við Tónmenntaskóla
Reykjavíkur, talsvert áður en Menningar-
miðstöðin Gerðuberg reis.
„Skólinn hafði þá aðstöðu í Fellahelli
og þar kom stundum stúlka að tala við
mig í pásum. Stúlkan var Elísabet Þóris-
dóttir, sem seinna varð forstöðukona í
Gerðubergi. Þegar Gerðuberg opnaði fékk
Tónmenntaskólinn þar inni og átti gaml-
an, uppgerðan flygil sem fékk aðsetur í
salnum. Elísabet var fljót að sjá mögu-
leika á nýtingu hljóðfærisins til tónleika
og spurði hvort ég gæti ekki komið með
einhverja af þessum tónleikum sem ég
væri með í Norræna húsinu, á Kjarvals-
stöðum eða víðar upp í Gerðuberg. Ég
svaraði því til að ef hún treysti sér til að
hengja þá saman á hölunum og gera úr
reglulegar tónleikaraðir þá stæði ekki á
mér,“ segir Jónas og setti Elísabetu annað
skilyrði; að efnisskrár yrðu alltaf til fyrir-
myndar.
„Elísabet gekkst við þessu og úr urðu
ljóðatónleikar sem stóðu yfir í fimmtán ár
ásamt tónleikaröðinni Íslenska einsöngs-
lagið sem var vaxtarsproti samvinnu
okkar Trausta Jónssonar veðurfræðings.
Trausti og Reynir Axelsson stærðfræði-
prófessor við Háskólann urðu strax og
eru mér enn mjög drjúgir því Reynir hef-
ur þýtt nær 2.000 ljóð úr sextán mismun-
andi tungumálum og við Trausti safnað
saman nær 3.000 íslenskum einsöngslög-
um fyrir rödd og píanó. Afraksturinn er
hreinasta gullkista heimsbókmenntanna
og opin bók sem enn hjálpar mörgum.“
TÓNLEIKAR Í FOKHELDU BÓKASAFNI
Í Gerðubergi urðu líka fyrstu kynni
Jónasar og Kristins Sigmundssonar
óperusöngvara.
„Þá hafði Kristinn unnið til verðlauna
í alþjóðlegri söngvarakeppni í Vínarborg
og hringdi til að spyrja hvort ég vildi
ekki spila undir á tónleikum hjá honum í
Gerðubergi. Salur hússins var þá tilbúinn
en bókasafnið, stærsta rýmið í húsinu,
enn á byggingarstigi. Aðsókn á tón-
leikana var mikil og fleiri hundruð sem
þurftu frá að hverfa. Þá tilkynnti Kristinn,
ungur, sprækur og hamingjusamur með
aðsóknina: „Við endurtökum þetta bara
á morgun!“ og úr varð að daginn eftir var
flygillinn borinn yfir í hálfbyggt bókasafn-
ið og mættu hátt í 700 manns sem sátu á
teppum á gólfinu, enda hver einasti stóll
farinn og meira að segja píanóbekkurinn
þegar ég ætlaði að setjast við flygilinn,“
segir Jónas og hlær að minningunni en
í ágúst verða liðin þrjátíu ár frá upphafi
farsæls samstarfs þeirra Kristins.
Jónas segir Efra-Breiðholt ekki verri
stað en hvern annan fyrir menningarhús
og að sér þyki afar vænt um Gerðuberg.
Þar hafi komist reglusemi á hluta starfs
hans og umhverfið hafi verið örvandi.
„Menning og listir eru eðlilegur hluti
mannlífsins og það á að vera jafn sjálfsagt
að fara á tónleika og að fara í laugina.
Mjög margt af því sem fyrst fæddist í
Gerðubergi bar ávöxt sem dreifði sér víð-
ar og í Gerðubergi er enn grasrót frum-
kvöðlastarfs í menningu og listum.“
HVERGI AF BAKI DOTTINN
Í dag starfar Jónas við Salinn í Kópavogi
og segist ekki grunlaus um að Kópavogs-
bær hafi viljað nýta sér dýrmæta reynslu
hans úr Gerðubergi.
„Ég er sístarfandi og líf mitt snýst um
tónlist; ég get ekki að því gert. Ég er eins
og hávaxinn þurftakirtill fyrir tónlist og
næri mig á henni. Undanfarið hef ég verið
truflaður af aðstæðum sem ég ræð ekki
við og komið að minna gagni. Ég hef verið
veikur en ég er ekki dauður,“ segir hann
af kíminn.
Jónas hefur undanfarin þrettán ár átt
í endurteknum slag við krabbamein í
eitlum. Hann segist hvergi af baki dottinn
þótt á honum sé dagamunur.
„Ég hef farið í þrjár krabbameinsmeð-
ferðir, fimm uppskurði á auga, vélinda-
brottnám, stofnfrumskipti og búið er að
klippa af öðru eyranu vegna krabbans.
Ég er samt í fullu fjöri. Stofnfrumuskipti
gefa góða von og ég hef ekki yfir neinu
að kvarta. Ég er greinilega sterkur og
hraustur að þola þetta trekk í trekk og
vitaskuld er ég þakklátur. Maður planar
ekki veikindi en þarf að lifa með þeim og
hagar seglum eftir vindi með breyttum
lífsmáta og einvala liði læknastéttarinnar.
Eitlakrabbamein er ólæknanlegt en hægt
að halda því í skefjum og ég á mörg ár
eftir. Ég pæli samt ekkert í því; aðalatriðið
er að njóta lífsins og standa sig vel í því
sem maður gerir.“ ■ thordis@365.is
ENN Í FULLU FJÖRI
GERÐUBERG 30 ÁRA Jónas Ingimundarson píanóleikari átti í árafjöld veg og
vanda af tónlist í Gerðubergi. Hann segist sístarfandi þrátt fyrir erfið veikindi.
LÍFIÐ ER TÓNLIST
Í dag klukkan 15.50
spilar Jónas tvö lög eftir
Þorkel Sigurbjörnsson
með Gunnari Guð-
björnssyni. Annað lagið
er tileinkað Eísabetu
Þórisdóttir og hitt
Jónasi sjálfum. Ljóða-
textar voru dregnir úr
hatti í samkvæmisleik í
Gerðubergi.
Jónas verður aftur í
Gerðubergi 23. mars
með Þóru Einarsdóttur.
Þá flytja þau prósa sem
þau hafa ofurást á við
fallegustu lög í heimi.
MYND/GVA
VINIR Í GERÐUBERGI
Kristinn Sigmundsson
og Jónas hófu farsælt
samstarf sitt fyrir 30
árum í Gerðubergi.
HÁTÍÐ!
Í tilefni 30 ára af-
mælis Gerðubergs
verður þar veg-
leg tónlistar- og
barnahátíð um
helgina. Skoðið
heillandi dagskrá á
www.gerduberg.is.
miðvikudaginn 6. mars
kl. 16.00–18.00OPIÐ HÚS Í MK
Menntaskólinn i Kópavogi
Hótel- og matvælaskólinn
Ferðamálaskólinn og Leiðsöguskólinn
Digranesvegi 51
sími 594 4000
www.mk.is
Félagsfræðabraut
Málabraut + ferðagreinar
Náttúrufræðibraut
Viðskipta- og hagfræðibraut
Framhaldsskólabraut

Ferðamálanám
Hótelstjórnunarnám
Leiðsögunám
Matartæknanám
Matsveinanám
Meistaranám í matvælagreinum
Skrifstofu- og fjármálagreinanám
Starfsbraut fyrir einhverfa
Bakstur - bakari
Framreiðsla - þjónn
Kjötiðn - kjötiðnaðarmaður
Matreiðsla - kokkur
SAMFÉLAGSVERÐLAUN
FRÉTTABLAÐSINS
visir.is/samfelagsverdlaun
að senda t
ilnefninga
r
er til miðn
ættis þann
Frestur til
14. mars
Nýtt námskeið hefst 26. septemberNýtt námskeið hefst 6. mars
FÓLK ER KYNNINGARBLAÐ sem býður aug-
lýsendum að kynna vörur og þjónustu í formi
viðtala og umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Jónína María Hafsteinsdóttir, jmh@365.is, s. 512 5473
Sverrir Birgir Sverrisson, sverrirbs@365.is, s. 512 5432
Elsa Jensdóttir, elsaj@365.is, s. 512-5427 | Hönnun: Silja Ástþórsdóttir