Fréttablaðið - 02.03.2013, Side 78

2. mars 2013 LAUGARDAGUR| HELGIN | 46
➜ „COCOON“-KÁPA
Yfirhafnirnar báru
keim af hinni þekktu
„Cocoon“-kápu
Cristóbals Balenciaga.
NORDICPHOTOS/GETTY
➜ SVART OG HVÍTT
Hvítir, svartir og gráir litir
voru ríkjandi í haustlínu
Balenciaga.
➜ MUNSTUR
Falleg en látlaus
munstur mátti
finna í línunni.
➜ TÍMALAUS KLASSÍK
Hönnun Wangs var nútíma-
leg og tímalaus í senn.
Sara
McMahon
sara@frettabladid.is
➜ HREINAR
LÍNUR
Alexander Wang
sótti innblástur
til Cristóbals
Balenciaga og
hélt sig við
hreinar línur í
hans anda.
Í fótspor
meistarans
Fyrsta lína Alexanders Wang fyrir Balenciaga þótti
sérlega vel heppnuð og falleg.
Haust- og vetrarlína Balenciaga var frum-sýnd í París á fimmtu-dag. Þetta var fyrsta lína tískuhússins með Alexander Wang við
stjórnvölinn og hafði hennar verið
beðið með mikilli eftirvæntingu.
Tískuhúsið var stofnað af spænska
klæðskeranum Cristóbal Balenciaga
árið 1914 og á sér langa og merka sögu.
Balenciaga þótti framsækinn hönnuður
og var þekktur fyrir hreinar línur og
framúrstefnulega hönnun. Fatahönn-
uðurinn Christian Dior dáðist mikið að
hæfileikum Balenciaga og kallaði starfs-
bróður sinn „meistara okkar allra“.
Tilkynnt var í lok síðasta árs að Wang
myndi taka við af Nicolas Ghesquière sem aðal-
hönnuður Balenciaga. Ljóst var að Wangs beið
ærið starf enda hafði Ghesquière aukið vinsæld-
ir tískuhússins um allan heim með hönnun sinni.
Þegar Wang tók við starfinu kvaðst hann ætla
sækja innblástur beint til Cristóbals Balenciaga.
Yfirhafnir í anda „cocoon“-kápu Cristóbal, kvart-
ermar og hreinar línur voru áberandi í línunni og
eru menn sammála um að Wang hafi tekist vel til
að nútímavæða hina klassísku hönnun Balenciaga.
Wang hefur með þessu sýnt og sannað að hann er
einn sá hæfileikaríkasti í bransanum í dag.
➜ GLÆSILEG
LÍNA
Hönnun
Wangs þótti
hin glæsi-
legasta.
Cristóbal Balenciaga þótti sérlega
framsækinn hönnuður og fór
sínar eigin leiðir í sniðagerð.
Í upphafi sjötta áratugarins
hannaði hann kjól sem kallaður
var „The tunic dress“ og var
hann með breiðum öxlum og
víður í mittið, en slíkt snið var
hvergi sjáanlegt á þeim tíma.
Kjóllinn veitt öðrum hönnuðum
innblástur og úr varð hið vinsæla
„Baby-doll“-snið. Stuttu síðar
hannaði Balenciaga
blöðrupilsið og
„Cocoon“-kápuna,
sem hlaut nafn-
giftina vegna þess
að yfirhöfnin
var þægileg og
alltumlykjandi
líkt og
lirfuhýði.
„Cocoon“-
kápan hefur
nú gengið
í gegnum
endurnýjun
lífdaga og hafa
hönnunarhús
á borð við
Isabel Marant,
Marc Jacobs
og Haider
Ackermann
meðal annars
sótt innblástur sinn til
hennar undanfarin ár.
Snið sem aldrei
fer úr tísku