Fréttablaðið - 05.03.2013, Blaðsíða 2

5. mars 2013 ÞRIÐJUDAGUR| FRÉTTIR | 2
Hugleikur, ertu kominn með
þinn sess í tilverunni?
„Já, ég er að stóla á það!“
Teikningar eftir listamanninn Hugleik Dags-
son prýða nýjan stól sem verður frumsýndur
á Hönnunarmars.
NÁTTÚRA „Við tókum upp rósakál
úr garðinum í gær,“ segir Arnar
Tómasson, hárgreiðslumeistari
og matjurtaræktandi, sem varð
heldur hissa þegar maðurinn
hans tók eftir því að rósakál var
í beði við heimili þeirra.
„Ég var að setja niður hvítlauk
í gær og maðurinn minn tók eftir
rósakálinu þarna. Ég hélt að ég
hefði verið búinn að taka allt upp
síðasta sumar en þetta var eftir,
þetta var sett niður í maí. Blíð-
an hefur verið svo mikil að þetta
var bara ágætis uppskera, ekk-
ert stór en við náðum af þremur
stönglum svona tuttugu til þrjátíu
hausum. Það dugar í eina máltíð
allavega,“ segir Arnar, sem hefur
einnig stundað nám í garðyrkju-
skóla og lært um lífræna rækt-
un matjurta. „Rósakálið er ágætt
þótt það komi pínu frost í það.“
Auður Ottesen garðyrkjufræð-
ingur segir rósakálið hjá Arnari
ekki vera einsdæmi. „Það er bara
búinn að vera svo mildur vetur
og það hefur ekkert fryst af viti.
Þetta er ekki bara rósakál, ég var
að hitta mann sem var með gul-
rætur og fleira, reyndar undir
plasti. Hann fór að róta í beðinu
af því að það átti að koma þetta
mikla frost núna og það var allt
heilt og hafði geymst. Það eru
fjölmörg dæmi bara fyrir það að
það er búinn að vera svo mildur
og nær frostlaus vetur.“
Auður segir að grænkál sé
farið að lifa af allan veturinn,
sem það hafi ekki gert fyrir
fimmtán árum. „Grænkál og
rósakál er oft geymt fram í októ-
ber, nóvember og látið frysta
nokkrum sinnum því bragðið
þykir betra ef það frystir aðeins.“
Auður segir að í eðlilegu tíðar-
fari þekki hún dæmi þess að fólk
geymi rósakálið fram á aðfanga-
dagsmorgun til að borða með
jólamatnum.
thorunn@frettabladid.is
Tóku upp rósakál úr
garðinum í vikunni
Arnar Tómasson tók upp rósakál úr garðinum sínum um helgina. Kálið hafði lifað
frá því síðasta sumar. Garðyrkjufræðingur segir kálið ekki einsdæmi, fjölmörg
dæmi séu um svipað vegna þess hversu mildur og frostlaus veturinn hefur verið.
ARNAR TÓMASSON Rósakálið sem var
tekið upp um helgina dugar í eina mál-
tíð og verður gott með spagettíi, segir
Arnar. FRÉTTABLAÐIÐ/VALLI
➜ Rósakál er kál af
krossblóma ætt
➜ Kálið nefnist Brussels
sprout á ensku og nafnið
vísar til höfuðborgar Belgíu,
þar sem talið er mögulegt að
það hafi fyrst verið ræktað í
núverandi mynd
BRETLAND Glæpamenn í borginni Bradford á Norður-Englandi skjálfa
eflaust á beinunum eftir að lögreglan í borginni upplýsti að maður í
gervi Leðurblökumannsins hefði veitt aðstoð við að upplýsa glæpi í
borginni.
Lögreglan hefur birt myndir úr öryggismyndavélum á lögreglustöð
í borginni, þar sem maður klæddur í gervi ofurhetjunnar sést afhenda
lögreglu eftirlýstan glæpamann.
Lögreglan hefur enga hugmynd um hver leyndist á bak við grímu
ofurhetjunnar, en maðurinn sem hann afhenti er grunaður um vörslu
þýfis og fleiri brot. - bj
Grímuklædd hetja slær í gegn í Bradford á Norður-Englandi:
Batman veitti lögreglunni lið
OFURHETJA Lögreglan hefur engar upplýsingar um hver maðurinn sem klæddist
búningi ofurhetjunnar er.
STJÓRNSÝSLA Gríðarlegar annir voru í gær hjá Sýslu-
manninum í Kópavogi í kjölfar breyttra reglna um
gildistíma vegabréfa sem embættið annast útgáfu á.
Að sögn starfsmanna sýslumanns áttu þeir reyndar
von á holskeflu vegabréfaumsókna eftir að reglunum
var breytt 1. mars þannig að gildistími vegabréfanna
verður nú tíu ár en ekki aðeins fimm ár eins og verið
hafði frá árinu 2006. Um leið lengist afgreiðslutími
vegabréfanna úr tíu virkum dögum í þrettán virka
daga. Þurfi menn að fá vegabréf innan þess frests þarf
að greiða tvöfalt gjald fyrir skyndiútgáfu. Það kostar
16.200 krónur.
„Sumir sem hafa komið í dag eru jafnvel ekki að fara
út fyrr en í júlí en vilja vera búnir að ganga frá vega-
bréfinu strax,“ sagði afgreiðslukona hjá sýslumann-
inum í gær.
Á vef innanríkisráðuneytisins kemur fram að gildis-
tíminn sé lengdur í tíu ár vegna þess að örflögur sem
geymi tiltekin lífkenni manna í vegabréfum hafi reynst
endingarbetri en talið hafi verið fyrir nokkrum árum.
Verulegur sparnaður er sagður verða af þessu.
„Áætlað er að um 20 þúsund færri vegabréf verði
gefin út sem svarar til um 65 milljóna króna lægri inn-
kaupakostnaðar á ári og til viðbótar gæti ýmis breyti-
legur kostnaður lækkað árlega um liðlega þrjár millj-
ónir,“ segir innanríkisráðuneytið. - gar
Gildistími vegabréfa lengdur í tíu ár og biðtíminn verður 13 virkir dagar:
Örtröð í afgreiðslu sýslumanns
HJÁ SÝSLUMANNI Örflögur í vegabréfum endast mun betur
en menn höfðu áður talið og því er talið óhætt að tvöfalda
gildistímann. Margir sóttu um vegabréf hjá Sýslumanninum í
Kópavogi í gær. FRÉTTABLAÐIÐ/VILHELM
DANMÖRK Tveir menn voru í gær
dæmdir í fjórtán og nítján ára
fangelsi fyrir að myrða fyrr-
verandi sambýlismann annars
þeirra.
Málið er afar sérstakt, þar sem
líkið fannst aldrei. Rétturinn
féllst hins vegar á málflutning
saksóknara sem reiddi sig á fram-
burð tveggja vitna sem sögðu
annan manninn hafa játað fyrir
sér morðið.
Er kenningin sú að þeir hafi
skotið fórnarlambið til bana. Eftir
það hafi þeir svo hlutað líkið í
sundur og komið hlutunum undan.
Báðir áfrýjuðu dómum sínum
strax við uppkvaðningu. - þj
19 ára fangelsi fyrir morð:
Lík hins myrta
enn ófundið
BANDARÍKIN, AP Nýfæddur dreng-
ur, sem lifði af bílslys sem for-
eldrar hans dóu í, lést á spítala í
gær.
Drengurinn var ófæddur þegar
foreldrar hans lentu í bílslysi í
Brooklyn í New York um mið-
nætti á laugardagskvöld. Foreldr-
arnir voru í leigubíl á leið á spít-
ala þar sem móðirin hafði verið
veik. Þau voru bæði úrskurðuð
látin en drengurinn lifði af og
var tekinn með keisaraskurði.
Hann lést svo snemma á mánu-
dagsmorgun, samkvæmt tals-
manni strangtrúaðra gyðinga í
Brooklyn, en foreldrarnir voru
strangtrúaðir gyðingar. - þeb
Bílslys í Brooklyn:
Lifði af ófæddur
en lést í gær
VEÐUR Veðurstofan spáir áfram-
haldandi norðaustan hvassviðri
eða stormi í dag og að líkum næstu
daga. Vindur verður í dag 15 til 25
metrar á sekúndu, hvassast verður
norðan- og vestan til. Hitastig getur
farið í mínus tíu gráður. Draga mun
úr ofankomu með deginum.
Áfram verður stormur til fjalla
vestan til á Norðurlandi og á
Vestfjörðum suður um Dali og á
Snæfells nesi.
Veðurstofan fylgist náið með
snjóflóðahættu en ekki stóð til í
gærkvöldi að grípa til aðgerða.
Ekki var í gærkvöldi talin snjó-
flóðahætta í byggð.
Veður tók að versna á Vestfjörð-
um á sunnudagskvöld með norðan-
átt og snjókomu en í gær og fram
á kvöld var vonskuveður um allt
Norðurland og austur um með til-
heyrandi ófærð. Útlit er fyrir að
mikið kóf og skafrenningur verði á
Norðurlandi áfram. Ofankoma gæti
orðið með köflum en nokkur óvissa
um það hversu áköf snjókoman
verður, segir í tilkynningu. - shá
Áframhaldandi hvassviðri eða stormur í dag og jafnvel næstu daga:
Náið fylgst með snjóflóðahættu
BYLUR Vetur konungur hefur knúið
dyra að nýju eftir mildan febrúar.
FRÉTTABLAÐIÐ/GVA
STJÓRNMÁL Benedikt Jóhannes-
son, formaður Sjálfstæðra
Evrópu sinna, kveðst í fyrsta sinn
eiga í vandræðum með að svara
spurningunni um hvort hann
hyggist kjósa Sjálfstæðisflokkinn
til þings. Svo sagði hann í fréttum
Stöðvar 2 í gær.
Félagsskapurinn fundaði í
gær og harmaði í yfirlýsingu að
loknum fundinum landsfundar-
ályktun Sjálfstæðisflokksins um
að hætta skyldi aðildarviðræðum
við Evrópu sambandið. - hks, sh
Sjálfstætt Evrópufólk hugsi:
Í vandræðum í
fyrsta skipti
SPURNING DAGSINS
meiri orku
henta þeim sem glíma
við orkuleysi, þrekleysi, verki eða svefnvanda.
Hentar vel þeim sem vilja byggja upp orku
vegna vefjagigtar eða eftir veikindi.