Fréttablaðið - 05.03.2013, Blaðsíða 6

5. mars 2013 ÞRIÐJUDAGUR| FRÉTTIR | 6
Í þágu heimilanna
Lækkum vöruverð
Markvissar og raunhæfar aðgerðir
í þágu heimilanna sem má koma
í framkvæmd án tafar.
› Lækkum virðisaukaskatt
› Einföldum og lækkum
vörugjöld og afnemum
þau að lokum
Sími 412 2500 - sala@murbudin.is - www.murbudin.is
– Afslátt eða gott verð?
KALT ÚTI
Rafmagnshitablásari
2Kw 1 fasa
6.990
Panelofnar í MIKLU ÚRVALI!
FRÁBÆRT VERÐ!
KRANAR OG
HITASTILLAR FRÁ
Ryco-1509 Olíufylltur
2000W rafmagnsofn
m/termo stillingum og
yfirhitavörn 9 þilja
7.990
Kletthálsi Reykjavík
Reykjanesbæ
Akureyri
Vestmannaeyjum
Ryco-2006T Rafmagns -
þilofn Turbo með yfirhita -
vari 3 stillingar 2000w
4.490
Rafmagnshita-
blásari 2Kw
1.995
TÉKKLAND, AP Vaclav Klaus, forseti
Tékklands, verður ákærður fyrir
landráð, samkvæmt ákvörðun efri
deildar tékkneska þingsins frá því
í gær um að vísa landráðamáli á
hendur honum til stjórnskipunar-
dómstóls landsins.
Klaus veitti um sex þúsund föng-
um almenna sakaruppgjöf þann
fyrsta janúar. Sakar uppgjöfin
náði meðal annars til sakborn-
inga í nokkrum fjársvikamálum
sem höfðu hlotið mikla fjölmiðla-
umfjöllun. Hann sagðist vilja
stöðva endalaus réttarhöld, en
sakar uppgjöfin vakti upp mikla
reiði meðal Tékka, sem marg-
ir hverjir eru þreyttir á mikilli
og útbreiddri spillingu í landinu.
Sakaruppgjöfin er ástæðan fyrir
ákvörðun þingsins, auk þess sem
meirihlutinn telur Klaus hafa brot-
ið í bága við stjórnarskrá landsins
í öðrum málum, til dæmis þegar
hann neitaði að skrifa undir lög
um björgunarsjóð evrunnar, þrátt
fyrir að meirihluti þingsins hafi
samþykkt þau.
Vinstriflokkar hafa meirihluta í
efri deild þingsins og þegar kosið
var um málið vildu 38 þingmenn
kæra Klaus en þrjátíu voru því and-
vígir. Alls hafa 73 þúsund Tékkar
tekið þátt í undirskriftasöfnun til
stuðnings landráðaákærunni.
Stjórnskipunardómstóllinn mun
taka málið fyrir eins fljótt og hægt
er, en þó er líklegt að nokkrar
vikur muni líða þar til niðurstaða
fæst. Viðurlögin við landráðum for-
seta eru embættismissir, en Klaus
lætur af störfum á fimmtudag.
Ef hann verður sakfelldur verður
honum hins vegar bannað að bjóða
sig fram til forseta nokkurn tím-
ann aftur auk þess sem hann gæti
misst eftirlaun sín, sem nema um
630 þúsund íslenskum krónum.
Andstæðingar forsetans fráfar-
andi segja tillöguna ekki tilraun til
að klekkja á honum, heldur til að
skerpa á lögunum til frambúðar.
„Við viljum vita hversu langt for-
seti getur gengið,“ sagði Miro slav
Antl öldungadeildar þingmaður.
„Þingið var ekki í aðstöðu til að
þegja um þetta mál,“ sagði annar
þingmaður, Jiri Dienstbier, sem
mun sjá um málið fyrir hönd
þingsins. „Þingið uppfyllir skyld-
ur sínar með þessu.“
Forsætisráðherrann Petr Necas,
sem er samflokksmaður forset-
ans, hefur fordæmt ákvörðun efri
deildarinnar. Hann segir hana
árás á mannorð ríkisins og byggða
á persónulegu hatri á forsetanum.
Klaus hefur sjálfur sagt að hann
sjái ekki eftir sakaruppgjöfinni, og
að hann myndi haga málum alveg
eins ef hann tæki ákvörðun í dag.
thorunn@frettabladid.is
Þingið ákærir Klaus
forseta fyrir landráð
Efri deild tékkneska þingsins samþykkti í gær landráðaákæru á hendur forsetanum
Vaclav Klaus. Klaus er sakaður um stjórnarskrárbrot með því að veita sex þúsund
föngum sakaruppgjöf. Hann lætur af embætti á fimmtudag og sér ekki eftir neinu.
VIÐSKIPTI Farice tapaði 6,1 milljón evra,
jafngildi tæpra 990 milljóna króna, á árinu
2012. Til samanburðar tapaði félagið 8,55
milljónum evra árið 2011.
Þetta kemur fram í ársuppgjöri félags-
ins fyrir árið 2012. Rekstrartekjur Farice
jukust úr 7,2 milljónum evra í 10,2 milljón-
ir í fyrra. Á sama tímabili jókst rekstrar-
kostnaður úr 5,8 milljónum í 6,3. Fyrir
vikið hækkaði rekstrarhagnaður fyrir fjár-
magnsliði, afskriftir og skatta úr 1,3 millj-
ónum evra í 3,9 milljónir.
Batnandi rekstur má að stærstum hluta
rekja til þjónustusamnings sem félagið
gerði við íslenska ríkið í apríl síðastliðn-
um. Greiddi hið opinbera Farice tæpar 2,2
milljónir evra á árinu samkvæmt samningi
sem var gerður til að tryggja netsamband
almennings við útlönd. Þá hækkaði Farice
verðskrá sína umtalsvert á árinu.
Farice rekur tvo af þremur sæstrengjum
sem tengja Ísland við umheiminn. Íslensk
fjarskiptafyrirtæki, stærri netfyrirtæki og
gagnaver kaupa aðgang að strengjunum.
Stærsti einstaki eigandi Farice er
íslenska ríkið, sem á 30% í félaginu, en þar
að auki á Landsvirkjun 29%. Þá á Arion
banki 39,3% hlut í því. - mþl
Mikið tap þótt rekstrarniðurstaða hafi batnað milli ára:
Áfram taprekstur hjá Farice
41,3%
var aukningin á
tekjum Farice á
árinu 2012.
VEISTU SVARIÐ?
1. Hversu mörgum ólöglegum þvotta-
vélum frá varnarliðinu átti að farga?
2. Tré af hvaða tegund náði 25 metra
hæð nýverið og er hæsta tré landsins?
3. Hver varð Íslandsmeistari í einliða-
leik karla í borðtennis um helgina?
SVÖR:
1. Um 1500. 2. Sitkagreni. 3. Guðmundur
Eggert Stephensen.
FORSETINN FRÁFARANDI Vaclav Klaus segist ekki sjá eftir neinu, þrátt fyrir að sakaruppgjöf hans hafi reitt marga Tékka til reiði.
NORDICPHOTOS/AFP
DÓMSMÁL Fjórar konur, 19 til 27
ára, játuðu í Héraðsdómi Reykja-
víkur í gær grófa líkamsárás á
fimmtu konuna í janúar fyrir
rúmu ári.
Þær gengust allar við því að
hafa komið að konunni sofandi
í íbúð í Mosfellsbæ, slegið hana
ítrekað í andlitið, rakað af henni
nánast allt hárið og neytt hana til
að afklæðast.
Konurnar komu því sérstaklega
á framfæri að þær sæju eftir árás-
inni og iðruðust gjörða sinna. Þær
mótmæltu bótakröfu fórnarlambs-
ins, sem hljóðar upp á 1,3 milljónir.
Ekki verður aðalmeðferð í mál-
inu, heldur munu lögmenn flytja
málið eftir um tvær vikur. - sh
Fjórar konur játuðu grófa árás en mótmæltu bótakröfu fórnarlambsins:
Iðrast ofbeldisins og rakstursins
HVER ER ÞETTA? Konurnar mættu grímuklæddar til þinghaldsins í Héraðsdómi
Reykjavíkur í gær. Þessi var með grímu af skrautlegra tagi. FRÉTTABLAÐIÐ/VILHELM
KENÝA, AP 32 létust og 50 slösuð-
ust þegar rúta valt í austurhluta
Kenía. Bílstjórinn missti stjórn á
rútunni um 200 kílómetra austan
við höfuðborgina, Naírobí, með
fyrrgreindum afleiðingum.
Árlega látast um 3.000 manns af
völdum umferðarslysa í Kenía og
nýlega hafa sektir vegna umferð-
arlagabrota verið hækkaðar. Sam-
kvæmt samtökum sem beita sér
gegn spillingu í landinu skilar
það sér þó aðallega í hærri mútu-
greiðslum til lögreglumanna. - möþ
Manntjón í rútuslysi í Kenía:
Á fjórða tug
létu lífið