Fréttablaðið - 05.03.2013, Blaðsíða 27

ÞRIÐJUDAGUR 5. mars 201319TÍMAMÓT 5. mars 2013 ÞRIÐJUDAGUR
Ástkær móðir okkar, tengdamóðir,
amma og langamma,
SIGRÍÐUR SALVARSDÓTTIR
fyrrum húsfreyja í Vigur
lést á Fjórðungssjúkrahúsinu á Ísafirði
föstudaginn 1. mars. Útför hennar fer fram
frá Ögurkirkju laugardaginn 9. mars kl. 11.
Hafsteinn Hafliðason Iðunn Óskarsdóttir
Björg Baldursdóttir
Ragnheiður Baldursdóttir Óskar Óskarsson
Bjarni Baldursson
Salvar Baldursson Hugrún Magnúsdóttir
Björn Baldursson Ingunn Ósk Sturludóttir
barnabörn og barnabarnabörn
Elskulegur eiginmaður minn, faðir okkar,
tengdafaðir og afi,
HALLDÓR S. SIGURÐSSON
Leynisbrún 16, Grindavík,
lést á Heilbrigðisstofnun Suðurnesja
þann 25. febrúar. Útför hans fer fram frá
Grindavíkurkirkju miðvikudaginn 6. mars kl. 13.00.
Jóna Þorkelsdóttir
Sigurður Halldórsson Laufey Þórdís Sigurðardóttir
Unnur Heiða Halldórsdóttir
Þorkell Halldórsson
og barnabörn
Innilegar þakkir fyrir auðsýnda samúð
og hlýhug við andlát og útför ástkærrar
eiginkonu, móður, tengdamóður, ömmu
og langömmu,
FRIÐFRÍÐAR DODDU RUNÓLFSDÓTTUR
Byggðarholti 11, Mosfellsbæ.
Aðstandendur.
Elskuleg eiginkona mín, móðir okkar,
tengdamóðir, amma og langamma,
ODDNÝ SIGURRÓS
SIGURÐARDÓTTIR
Suðurgötu 17, Sandgerði,
lést á Hjúkrunarheimilinu Garðvangi, Garði,
mánudaginn 25. febrúar. Útför verður
frá Safnaðarheimilinu í Sandgerði
fimmtudaginn 7. mars kl. 14.00.

Jóhann Guðbrandsson
Guðbrandur Jóhannsson
Sigurður Jóhannsson Ingibjörg Bjarnadóttir
Jóhann Magni Jóhannsson Guðbjörg Antonía Guðfinnsdóttir
Hjörtur Vignir Jóhannsson Ester Grétarsdóttir
Hafdís Jóhannsdóttir Bjarni Ástvaldsson
Harpa Jóhannsdóttir Árni Baldvin Sigurpálsson
Hlynur Jóhannsson
barnabörn og barnabarnabörn.
Elskulegur bróðir minn og frændi okkar,
GÍSLI BJARNASON
Hjúkrunarheimilinu Hlíð, Akureyri,
lést þriðjudaginn 26. febrúar á heimili
sínu. Jarðarförin fer fram frá Höfðakapellu
föstudaginn 8. mars kl. 13.30. Þeim sem
vilja minnast hans er bent á styrktarsjóð
Hjúkrunar- og dvalarheimilisins Hlíðar.

Fyrir hönd aðstandenda
Lóa Bjarnadóttir
Elskulegur eiginmaður, faðir, tengdafaðir,
afi og langafi,
BALDUR HELGASON
rafmagnstæknifræðingur,
Vogatungu 22, Kópavogi,
lést á Hjúkrunarheimilinu Sunnuhlíð
laugardaginn 2. mars. Útförin fer fram
frá Kópavogskirkju þann 21. mars kl. 13.00.

Anna Einarsdóttir
Helgi Einar Baldursson Stella Sigríður Benediktsdóttir
Ásbjörn Garðar Baldursson Sjöfn Tryggvadóttir
barnabörn og barnabarnabörn.
Innilegar þakkir fyrir auðsýnda samúð
vegna andláts og útfarar okkar ástkæru
ÞÓRUNNAR (DÚU) MAGNÚSDÓTTUR
sem var jarðsungin frá Aðventkirkjunni í
Reykjavík þann 22. febrúar. Sérstakar þakkir
til hins einstaka starfsfólks Dvalarheimilisins
Hraunbúða og Heilbrigðisstofnunar
Vestmannaeyja. Séra Þóra Jónsdóttir fær
líka alúðarþakkir fyrir allt.

Aðstandendur.
Elskulegur faðir okkar, afi, sonur og bróðir,
FREYR NJARÐVÍK
Hátúni 10, Reykjavík,
varð bráðkvaddur á Landspítalanum
í Fossvogi 1. mars sl. Útförin verður í kyrrþey.

Úlfur Kolka Freysson Teresa Dröfn Njarðvík
Pétur Hafsteinn Bera Dís
Bera Þórisdóttir Njörður P. Njarðvík
Hildur Njarðvík Urður Njarðvík
MERKISATBURÐIR
473 Glycerius verður Rómarkeisari.
1770 Fjöldamorðin í Boston: Fimm menn eru drepnir af bresk-
um hersveitum. Þessi atburður verður ein af kveikjunum að
bandarísku byltingunni fimm árum síðar.
1865 Kirkjan á Möðruvöllum í Hörgárdal brennur. Arngrímur
Gíslason listmálari málar mynd af þessum atburði og telst hún
vera fyrsta íslenska atburðarmyndin.
1912 Fiskverkakonur í Hafnarfirði hefja verkfall sem stendur í
nokkrar vikur. Er það í fyrsta skiptið sem konur fara í verkfall á
Íslandi.
1932 Sparisjóður Reykjavíkur og nágrennis hefur starfsemi sína.
1933 Nasistaflokkurinn í Þýskalandi fær 44 prósent greiddra
atkvæða í þingkosningum.
1946 Winston Churchill heldur
fræga ræðu þar sem hann nefn-
ir Járntjaldið í fyrsta skipti.
1970 Ísland gerist aðili að
Fríverslunarsamtökum
Evrópu, EFTA.
Vinafélag Kerlingarfjalla verður stofn-
að eftir rétta viku og segir Halldóra
Hjörleifsdóttir sem setið hefur í undir-
búningshópi að stofnun félagsins löngu
tímabært að huga að
þessu fallega svæði.
„Hugmyndin er sú
að Vinafélagið verði
félags sem heldur
utan um umhverfi
og náttúru í Kerl-
ingarfjöllum. Við
myndum til dæmis
sækja um styrki og
framlög til að bæta
aðgengi þarna á
svæðinu og bæta alla aðstöðu. Meðal
þess sem vantar á þessum slóðum eru
göngustígar og merkingar. Þarna er til
dæmis heitt vatn úti um allt sem mætti
öryggisins vegna merkja betur,“ segir
Halldóra, sem var fulltrúi Hruna-
mannahrepps í undirbúningshópinum.
Auk hennar sátu í honum Fríða Björg
Eðvarðsdóttir, sem var fulltrúi Land-
verndar, og Friðrik Stefán Halldórs-
son sem sat hópinn sem fulltrúi Fann-
borgar, fyrirtækisins sem rekið hefur
ferðaþjónustuna í Kerlingarfjöllum.
Halldóra segir umferð um og ásókn
í Kerlingarfjöll sífellt vera að aukast.
„Fyrst og fremst er sumartraffík á
svæðinu þó svo að vetrarferðamennsk-
an sé alltaf einhver. En við erum aðal-
lega að hugsa um ferðamennskuna
að sumarlagi. Við viljum alls ekki að
upp komi sú staða að umhverfið líði
of mikið fyrir ágang ferðamanna. Við
viljum að sjálfsögðu að fólk geti notið
fjallanna, en viljum ekki að það sjái á
náttúrunni. Við viljum sjá hana fallega
um aldur og ævi.“
Stofnfundurinn verður haldinn í
félagsheimili Hrunamannahrepps
að Flúðum 12. mars næstkomandi og
hefst hann klukkan fimm og eru allir
velkomnir.
sigridur@frettabladid.is
Vilja standa vörð um
velferð Kerlingarfj alla
Halldóra Hjörleifsdóttir er í hópi fólks sem stendur að fundi um stofnun Vinafélags
Kerlingarfj alla. Hún segir umferð um þessa náttúruperlu sífellt vera að aukast og því
mikilvægt að huga vel að henni. Fundurinn verður haldinn að Flúðum í næstu viku.
KERLINGARFJÖLL Eru vinsæll áfangastaður ferðamanna einkum að sumarlagi.
HALLDÓRA HJÖR-
LEIFSDÓTTIR
Kerlingarfjöll eru skammt í suðvestur frá Hofsjökli, á vatnaskilum Hvítár og
Þjórsár. Þau eru þyrping strókmyndaðra tinda og eggja sem ná yfir um það bil 150
ferkílómetra svæði. Fjöllin sjást mjög langt að og eru hæstu tindarnir í um 1.500
metra hæð yfir sjávarmáli. Ásgarðsá og Kisa mynda mikið árskarð í gegnum fjöllin
og kljúfa þau í tvo meginhluta, austur- og vesturfjöll. Mikið jarðhitasvæði er á
söðlinum milli ánna.
Á Austurfjöllunum er hæsti og hrikalegasti hluti svæðisins. Hæstu tindarnir eru
Loðmundur og Snækollur. Sagt er að ofan af Snækolli sé í góðu skyggni hægt að
sjá til hafs bæði í suðri og norðri. Á Vesturfjöllunum ber hæst tindana Ögmund og
Hött.
Bílferðir hófust á Kili í kjölfar þess að Hvítárbrúin var byggð árið 1933 en á
árunum þar á eftir fikruðu menn sig á bílum í átt að Hveravöllum.
Bílfært varð í Kerlingarfjöll árið 1936.
Árið 1961 hófu menn að kanna möguleika til skíðaiðkunar í Kerlingarfjöllum.
Félagið Fannborg hóf starfsemi árið 1963 eftir að gengið hafði verið frá samningi
við hreppsnefnd Hrunamannahrepps um afnot af svæðinu og byggði upp öfluga
starfsemi í Ásgarði, gisti- og mötuneytisaðstoðu, vatnsveitu, rafveitu, fráveitur,
heita potta, skíðalyftur, vegi og annað sem til þurfti vegna starfseminnar. Í dag hefir
skíðaiðkun lagst af sökum breytinga í snjóalögum að sumri til og því lögð áhersla á
gönguferðir og aðra útivist. www.kerlingarfjoll.is
Útivistarsvæði í áratugi