Fréttablaðið - 05.03.2013, Blaðsíða 23

| FÓLK | 3HEILSA
Menningarmiðstöðin Gerðuberg í Breiðholti hefur staðið fyrir svokölluðu Handverkskaffi frá
árinu 2008. Þá er boðið upp á notalega
kvöldstund fyrsta miðvikdags hvers
mánaðar þar sem gestir geta notið
kaffiveitinga meðan boðið er upp á
stutta kynningu eða sýnikennslu. Á
morgun miðvikudag mun Gunnvant Ár-
mannsson matreiðslumeistari kenna
gestum einfalda aðferð við að útbúa
sushi. Aðgangur er ókeypis og verða
öll áhöld og hráefni til staðar.
Gunnvant segir sushi-gerð vera
einfalda en of margir mikli hana fyrir
sér. Aðalatriðið sé að sjóða grjónin og
krydda þau á réttan hátt. Afgangurinn
snúist um hugmyndaflug og smekk
hvers og eins. „Ég verð með sýni-
kennslu í Gerðubergi á morgun og fer
yfir helstu grunnatriðin í sushi-gerð,
þar með talið hvernig
sjóða á grjónin. Þau eru
langstærsti hluti sushi-
bitans og því skiptir
miklu máli að sjóða
þau á réttan hátt.
Einnig mun ég sýna
hvernig útbúa á maki
rúllur sem eru þessir
dæmigerður sushi-bitar
sem flestir þekkja og einkennast af
svörtu þarablaðinu.“ Gestir fá að prófa
sjálfir að útbúa maki-rúllur á meðan
birgðir endast.
Gunnvant segir íslenska fiskinn vera
frábæran til sushi-gerðar enda vand-
fundinn ferskari og betri fiskur. „Þrátt
fyrir gott hráefni hafa Ís-
lendingar verið tregir við
að útbúa nýjar tegundir
sushi-bita. Því miður
öpum við enn of margt
eftir öðrum þjóðum í
stað þess að prófa ný
hráefni. Sjálfur hef ég
leikið mér með ólíkar fisk-
tegundir, til dæmis notað
reykta ýsu í stað reykts áls sem fæst
ekki hérlendis auk þess sem ég hef ég
prófað íslenska þangið. Við ættum að
gera meira af því að nota þetta góða ís-
lenska hráefni í stað þess að flytja það
inn yfir hálfan hnöttinn.“
AFGERANDI BRAGÐ
SUSHI-GERÐ Boðið er upp á ókeypis sýnikennslu í sushi-gerð í Gerðubergi á
morgun. Gestir spreyta sig á sushi-gerð undir leiðsögn matreiðslumeistara.
KENNIR SUSHI
Gunnvant Ármannsson
matreiðslumeistari.
MYND/STEFÁN
CrossFit-rétturinn er hin fullkomna máltíð sam-kvæmt CrossFit-fræðum. Þar er ekki einblínt á hitaeiningafjölda heldur tryggt að líkaminn fái
rétt hlutfall orku- og næringarefna úr fersku og góm-
sætu hráefni,“ segir Sólveig Guðmundsdóttir, fram-
kvæmdastjóri Culiacan, um nýjasta réttinn á matseðl-
inum.
Rétturinn var þróaður í samstarfi við Evert Víglunds-
son CrossFit-þjálfara og Fríðu Rún Þórðardóttur nær-
ingarfærðing sem reiknað hefur út nákvæm næringar-
og orkugildi réttarins.
„CrossFit-rétturinn samanstendur af grillaðri
kjúklingabringu sem framreidd er á Hot Plate-
platta með fajitas, baunum, káli, fersku salsa,
möndluflögum, guacamole, sýrðum rjóma og
sterkri eða mildri sósu. Hann er ljúffengur,
hollur og vel útilátinn og gefur þægilega og
góða saðningu,“ upplýsir Sólveig.
FÆRRI KOLVETNI, MEIRI FITU
Evert Víglundsson er yfirþjálf-
ari og einn af eigendum Cross-
Fit Reykjavík í Skeifunni 8.
Hann er þrautreyndur þjálfari
og veit vel hvaða mataræði virk-
ar þegar ná á árangri og ástunda
heilnæman lífsstíl.
„CrossFit-rétturinn er í anda þess
sem við kennum okkar viðskiptavinum í
bættu mataræði,“ útskýrir Evert, sem vill sjá fólk
minnka kolvetnaskammtinn og auka hlut prótíns
og fitu í máltíðum.
„Ofneysla á kolvetnum er að gera hinn vest-
ræna heim of þungan og þreyttan. CrossFit-
réttur Culiacan byggir á hlutföllunum 30-40-30;
það er 30 prósent fita, 40 prósent kolvetni og
30 prósent prótín. Til hliðsjónar höfum við
grunn Zone-matarkúrsins en betrumbætum hann með
orkuhlutföllum sem virka. Við erum enda alfarið á móti
kúrum og skyndilausnum því þær virka ekki og heil-
brigðan lífsstíl ástundar fólk árið um kring en ekki eftir
hentugleikum í þrjá mánuði á ári.“
Evert leggur áherslu á ferskt, náttúrulegt hráefni og
segir mataræði CrossFit svínvirka.
„Borði fólk í hlutföllunum 30-40-30 finnur það fljótt
árangur í betri líðan og heilsu. Holl fita gerir líkam-
anum gott, smyr kerfið og auðveldar efnaskipti. Prótín
er uppbyggingarefni allra vefja líkamans og án þeirra
verður engin uppbygging. Kolvetni í of miklum mæli
sest hins vegar utan á líkamann nema hreyfing sé
stunduð af kappi,“ segir Evert og útskýrir betur aukna
fituneyslu sem sumir mundu hvá við.
„Að neyta hollrar fitu má líkja við að setja olíu á vél.
Án hennar virkar vélin ekki eins vel eða jafnvel stoppar
og það sama á við um líkamann.“
ÍSLAND Í FARARBRODDI
Evert hefur áralanga reynslu sem þjálfari og opnaði
fyrstu CrossFit-stöðina á Íslandi. Í CrossFit Reykjavík
eru, auk CrossFit, kenndar ólympískar lyftingar og
iðkendur eru á aldrinum sex ára til sjötugs.
„Við viljum kenna fólki að hreyfing sé
skemmtileg og að hollt mataræði sé ávísun á
aukin lífsgæði. Íslendingar hafa löngum gert
gys að Bandaríkjamönnum fyrir að vera
feitasta þjóð heims en eru nú á góðri leið
með að ná þeim. Því ætti stærsta verkefni
þjóðarinnar nú að vera að snúa þróuninni
við og Ísland ætti að vera í fararbroddi í
heiminum þegar kemur að heilsu og hreysti.
Við höfum öll tækifæri í hendi okkar til að vera
öðrum góð fyrirmynd.“
Culiacan er á Suðurlandsbraut 4a. Kíktu á matseðil
og uppskriftir á www.culiacan.is
HINN FULLKOMNI
CROSSFIT-RÉTTUR
CULIACAN KYNNIR Má bjóða þér grillaðan kjúkling með ristuðum möndlum,
guacamole, baunum, káli, osti, sýrðum rjóma og mexíkósku salsa? Þá skaltu
prófa nýja, lostæta CrossFit-réttinn á Culiacan sem uppfyllir hárrétt orku- og
næringargildi fyrir góða heilsu og hraustan kropp.
CROSSFIT-
RÉTTURINN:
Innihald:
Kjúklingabringa,
laukur, paprika, hrís-
grjón, baunir, tómatar,
kál, avókadó, sýrður
rjómi, möndlur og
kryddjurtir.
Orka: 480 hitaeiningar
Fita: 16,1 g (þar af
mettuð 3,8 g)
Kolvetni: 46,7g
Prótín: 36,3 g
ÁRANGUR MEÐ
SÆLKERAFÆÐI
Evert Víglundsson
aðalþjálfari í Cross-
Fit Reykjavík lagði
línurnar í CrossFit-rétti
Culiacan.
ORKUDREYFING
Prótein
30%
Kolvetni 40%
Fita
30%
Frábært úrval af skóm
á ótrúlega góðu verði!
kr.10.900
aðeins
kr.12.900
aðeins
aðeins
kr.6.900aðeins
kr.8.900
OUTLET-SKÓR | FISKISLÓÐ 75 | 101 REYKJAVÍK
Opið: mán-fös 13-18 & lau 12-16 sími: 514 4407
Stelpu skór
St. 27-35
Herra skór
St. 39-48Herra skór
St. 41–48
Dömu skór
St. 36–41