Fréttablaðið - 05.03.2013, Blaðsíða 10

5. mars 2013 ÞRIÐJUDAGUR| FRÉTTIR | 10
Styttist í alvarlegt slys
með hverri mínútu
Formaður Rafiðnaðarsambandsins gagnrýnir seinagang við framkvæmdir á
rafkerfi Vallarsvæðisins harðlega. Reynst geti stórhættulegt að nota heimilistæki
fyrir vitlaus kerfi. Um 400 vélar sem Hringrás fargaði voru ekki skráðar í kerfið.
NEYTENDAMÁL Nýtt eldsneyti fyrir
dísilbifreiðar, sem minnkar koltví-
sýringsútblástur um 5 prósent hefur
verið tekið í sölu hjá Olís.
Um er að ræða dísilolíu sem er
blönduð vetnis meðhöndlaðri líf-
rænni olíu (VLO). Meðhöndlun-
in fjarlægir súrefni úr olíunni og
skilar hreinni lífrænni olíu en áður
hefur þekkst, að sögn Olís.
VLO-dísil virkar alveg eins og
venjuleg dísilolía, en auk þess að
minnka koltvísýrings útblástur
brennur hún betur, sem skilar
hreinni vél.
VLO er hægt að nota hreina á dís-
elbíla án þess að breyta vélunum.
Hún er þó dýr kostur og ekki sam-
keppnishæf í verði á eldsneytis-
markaði. Því er hún blönduð dísil-
olíu. Íblöndunin hefur engin áhrif
á lítraverð, afl né eldsneytiseyðslu.
Hún er gerð hér á landi og er í sam-
ræmi við evrópskar reglugerðir.
Olís er fyrsta olíufyrirtækið sem
býður þessa nýju olíu. Hún hefur
verið notuð víða og staðist prófanir
við erfið skilyrði. Til að þessi nýt-
ing á lífrænni olíu bitni ekki á mat-
vælaverði verður hún sótt þar sem
hún er ekki nýtt nú þegar.
VLO-dísil er nú fáanlegt á bensín-
stöðvum Olís í Reykjavík og á Akur-
eyri. - ofþ
Olís selur umhverfisvænna eldsneyti fyrir dísilbíla:
Nýr dísill dregur úr
útblæstri koltvísýrings
NÝJUNGIN
KYNNT Einar
Benediktsson,
forstjóri Olís,
fór á kynningu
yfir kosti nýja
eldsneytisins.
FRÉTTABLAÐIÐ/VALLI
Flug
Dublin
28. mars – 1. apríl
Verð frá 39.900 kr.

Bilbao
28. mars – 1. apríl
Verð frá 59.900 kr.

Madrid
1. – 5. maí
Verð frá 59.900 kr.

Róm
25. – 29. apríl
Verð frá 64.900 kr.
dúndur
tilboði!
sæti
á
Innifalið: flug fram og til baka með sköttum.
fljúgðu
fyrir
minna
ÍS
L
E
N
S
K
A
S
IA
.I
S
F
E
R
6
3
2
2
0
0
3
/1
3
KEFLAVÍK „Með hverri mínútu stytt-
ist í að alvarlegt slys verði í þessu
húsnæði eða með búnaði sem flutt-
ur hefur verið þaðan, hver á að bera
ábyrgðina af því?“ spyr Kristján
Þórður Snæbjarnarson, formaður
Rafiðnaðarsam-
bands Íslands, í
grein sem skrif-
uð var í kjöl-
far umfjöllunar
Fréttablaðsins um
amerískar þvotta-
vélar úr íbúðum
varnarliðsins í
Keflavík.
„Það getur vel
verið að alvarlegt
slys hafi orðið af
því nú þegar án þess að það hafi
verið tilkynnt sökum þess að ólögleg-
ur búnaður er tengdur slíku slysi.“
Kristján bendir á að raflost af
raftækjum geti haft mjög alvar-
legar afleiðingar, eins og skemmdir
á líffærum og minnisleysi sem geti
komið fram nokkrum vikum, mánuð-
um eða mörgum árum seinna.
Greint var frá því í blaði gærdags-
ins að talið væri að gamlar þvotta-
vélar úr íbúðum á vallarsvæðinu
væru ekki sendar til förgunar eins
og lög segja til um, heldur væru
seldar eða gefnar. Framkvæmda-
stjóri Háskólavalla, Ingvi Jónasson,
þvertók fyrir það en undirstrikaði þó
að engin hætta stafaði af heimilis-
tækjunum.
Kristján segir að í ljósi þess
hversu langan tíma það hefur tekið
að skipta út ameríska rafkerfinu á
svæðinu fyrir hið íslenska og íbúar
noti heimilistæki sem ekki henta
fyrir kerfin, skapist mikil hætta.
„Það er ekki að ástæðulausu sem
kröfur til raffanga eru settar og það
er ekki bara á Íslandi heldur á við-
komandi raforkumarkaði, Evrópu-
eða Ameríkumarkaði. Þessar regl-
ur eru til þess að tryggja öryggi og
heilsu fólks.“ sunna@frettabladid.is
„Þeir hafa víst verið að keyra í okkur frá áramótum og síðan þá hafa
okkur borist yfir 400 tæki sem koma í gegnum Helguvík. Svo getur
reyndar vel verið að eitthvað meira hafi komið sem ekki hefur farið
inn í kerfið,“ segir Jóhann Karl Sigurðsson, rekstrarstjóri spilliefna hjá
Hringrás.
Hringrás gaf þær upplýsingar til Fréttablaðsins á sunnudag að einu
vélarnar sem fyrirtækinu hefðu borist frá vallarsvæðinu væru 26 tonn
árið 2010. Það gerir um 124 þvottavélar og sama magn af þurrkurum,
eldavélum og örbylgjuofnum, eða samanlagt um 500 tæki. Samkvæmt
nýjustu upplýsingum hafa þá yfir 900 tæki verið send til förgunar hjá
Hringrás, þó að það sé ekki allt skráð inn í kerfið.
Jóhann Karl segir starfsmenn nú ætla að fara yfir skráningarferli fyrir-
tækisins til að tryggja að svona misskilningur endurtaki sig ekki.
Þrátt fyrir þessa viðbót er enn ekki vitað um í kringum 4.500 amerísk
heimilistæki; þvottavélar, þurrkara, eldavélar og örbylgjuofna, sem voru í
gömlu íbúðum varnarliðsins, en eitt sett af hverju var í öllum íbúðum.
Skráning véla misfórst hjá Hringrás
BROTAJÁRN HJÁ HRINGRÁS Starfsmenn Hringrásar munu fara yfir skráningar-
ferli fyrirtækisins í kjölfar umfjöllunar Fréttablaðisins af amerískum þvotta-
vélum sem átti að farga. FRÉTTABLAÐIÐ/STEFÁN
KRISTJÁN
ÞÓRÐUR SNÆ-
BJARNARSON