Fréttablaðið - 19.03.2013, Blaðsíða 22
4 ● BÍLAR Þriðjudagur 19. mars 2013
Fréttablaðið
Finnur Thorlacius bílablaðamaður og
Sigurjón Ragnar ljósmyndari gera nú
mikla leit að dýrgripum í flokki forn-
bíla Íslendinga. Ætlunin er að gera þeim
verðug skil í sannkallaðri glæsibók sem
kemur út hjá Veröld í haust. Vitað er
að í skúrum og skemmum víða um land
leynast ýmsir gullmolar frá fyrri tíð, jafnt
amerískir kaggar sem evrópskar drossíur.
Eigendur glæstra fornbíla eru eindregið
hvattir til að láta vita af sjálfrennireiðum
sínum í netfangið fornbilar@verold.is en
þær verða myndaðar sérstaklega fyrir
bókina við bestu aðstæður.
Þær upplýsingar sem þurfa að koma
fram í póstinum eru tegund og undir-
tegund, árgerð, eigendaskrá, eftir því
sem kostur er, ásamt núverandi ástandi.
Þá þarf að fylgja með nafn núverandi
eiganda og farsímanúmer. Aðeins verða
teknir með í bókina fornbílar sem eru í
góðu ásigkomulagi.
Samkvæmt lögum eru þær bifreiðar
fornbílar sem orðnar eru 25 ára gamlar.
Stefnt er að því að myndatökur hefjist um
miðjan apríl, svo tíminn til að senda inn
upplýsingar er takmarkaður.
Finnur Thorlacius hefur skrifað um bíla
og önnur ökutæki um langt árabil, fyrst í
Morgunblaðið en síðar hjá Vísi og Frétta-
blaðinu og reynsluekið fleiri bílum en
hann kærir sig um að muna. Sigurjón
Ragnar hefur um tveggja áratuga skeið
verið afkastamikill ljósmyndari, bæði á Ís-
landi og erlendis, og myndað fyrirsætur,
jafnt sem knattspyrnustjörnur – og bíla.
Leit að
glæstum
fornbílum
Er dýrgripur inni
í skúr eða skemmu
hjá þér?
Áskorun frá FÍB
til eldsneytissala
– lækkið bensínið strax!
FÍB mótmælir háu eldsneytisverði.
Þessi áskorun til olíufélaganna
barst í lok síðustu viku frá FÍB þar
sem bent er á réttlætanlega lækkun
eldsneytisverðs.
Undanfarið hefur gengi íslensku
krónunnar skánað lítillega og
heimsmarkaðsverð á bensíni
lækkað um 15%. En meinið er
það að hvorki þessi lækkun né
sterkara krónugengi er að skila
sér til íslenskra neytenda. Meðal-
álagning og flutningur á bensíni
nú í mars er um 42 krónur á lítra.
Til samanburðar hefur álagning
olíufélaganna og flutningskostn-
aður á árunum 2010, -11 og -12
verið uppreiknuð til vísitölu
dagsins í dag. Útreikning arnir
sýna að á núvirði var álagningin
um 34 krónur á lítra árið 2012, 33
krónur á lítra 2011 og 32 krónur á
lítra 2010.
Eldsneytiskostnaður heimil-
anna hefur vaxið langt umfram
þróun verðlags á undanförnum
árum. Vísitölur launa og kaup-
máttar hafa ekki haldið í við
verðlag frá hruni. Saman burður
á verðþróun milli mánaða frá
febrúar 2008 til febrúar 2013 eru
sláandi. Útsöluverð á bensíni fór
úr 137,60 krónum á lítra í 263,50
krónur, sem er hækkun um
125,90 krónur eða 91,5%.
Það er ljóst að olíufélögin geta
lækkað bensínið um 10 krónur á
lítra bara til að halda í við meðal-
álagningu síðasta árs. Og hafa
skal í huga að það leggst virðis-
aukaskattur á álagninguna sem
hækkar 8 krónur í 10. Olíufélögin
eru þessa dagana að bjóða tíma-
bundin tilboð í auglýsingum og
SMS-skeytum til fólks. En það
skal rækilega áréttað að tíma-
bundið tilboð hjá einu félagi um
7 krónu lækkun í dag til vildar-
viðskiptavina er hreint ekkert til-
boð, heldur einungis nakin aug-
lýsingabrella.
SKILABOÐIN TIL
OLÍUFÉLAGANNA ERU EINFÖLD
Sýnið samfélagslegan samhug
með almenningi og lækkið
bensínið strax!
www.adalskodun.is og www.adal.is
Aðalskoðun, faggildur skoðunaraðili í 19 ár
Reykjavík
Grjóthálsi 10
Sími 590 6940
Reykjavík
Skeifunni 5
Sími 590 6930
Hafnarfjörður
Hjallahrauni 4
(við Helluhraun)
Sími 590 6900
Kópavogur
Skemmuvegi 6
(bleik gata)
Sími 590 6935
Reykjanesbær
Holtsgötu 52
(við Njarðarbraut)
Sími 590 6970
HJÁ AÐALSKOÐUN ER BÍLLINN
Í GÓÐUM HÖNDUM
VERIÐ VELKOMIN Á GRJÓTHÁLSINN
Þaulreyndir fagmenn taka vel á móti þér þegar þú lætur skoða
bílinn þinn hjá Aðalskoðun. Nýjasta skoðunarstöðin okkar er að
Grjóthálsi 10. Hlökkum til að sjá þig, það er alltaf heitt á könnunni.
Opið kl. 8-17 virka daga – sími 590 6900