Fréttablaðið - 19.03.2013, Blaðsíða 29

ÞRIÐJUDAGUR 19. mars 2013 | MENNING | 21
Þessir söngvarar eru búnir að vera
í námi hjá mér frá einu ári og upp
í fimm ár,“ segir Anna Júlíana
Sveinsdóttir, söngkennari við söng-
deild Tónlistarskóla Kópavogs sem
ásamt Krystynu Cortes setur upp
óperuna Venus og Adónis eftir John
Blow í Salnum í Kópavogi í kvöld og
annað kvöld. Þetta er fastur liður
í dagskrá skólans og hefur verið
síðan 1993 þegar verkið Hans og
Gréta eftir Engilbert Humperdinck
var sett á svið. „Við höfum sett upp
allt frá styttri nútímaóperum upp
í Carmen og Töfraflautuna og allt
í óstyttum útgáfum,“ segir Anna
Júlíana. „Ég tel það vera mjög
mikil vægt fyrir nemendurna að
æfast ekki bara í að syngja heldur
líka í að koma fram á sviði.“
Sýningin á Venus og Adónis er
viðamikil og auk söngvaranna taka
kammersveit skipuð nemendum
skólans og nemendur úr Ballett-
skóla Sigríðar Ármann undir stjórn
Ástu Björnsdóttur ballettmeistara,
sem einnig semur tvo dansa, þátt.
Kammersveitin nýtur liðsinnis
Ásdísar Runólfsdóttur víóluleikara
og Krystynu Cortes semballeikara,
sem stjórnar hljómsveitinni.
Anna Júlíana segir tónskáldið
John Blow, sem uppi var á seinni
hluta sautjándu aldar, tiltölulega
lítið þekktan hérlendis, en að hann
hafi haft mikil áhrif á tónskáld eins
og Henry Purcell sem síðan hafi
haft áhrif á Benjamin Britten.
Er þetta ekki óskaplega mikil
vinna fyrir tvær sýningar? „Jú,
þetta er mikil vinna en líka mjög
skemmtileg,“ segir Anna Júlíana.
„Strax í ágúst er ég búin að velja
verkefnið fyrir þau þannig að þau
fá að vaxa með hlutverkinu. Það
er reyndar höfuðverkur á hverju
hausti að velja óperu fyrir hópinn
því það verður auðvitað að taka mið
af því hvaða nemendur eru í skól-
anum hverju sinni.“
Texti óperunnar byggir á goð-
sögunni um ástargyðjuna Venus
sem verður ástfangin af mennskum
manni, Adónis, og kemur til jarðar
til að eltast við hann. Venus er
sungin af Bryndísi Guðjónsdóttur,
Adónis syngur Kristófer Kvaran og
ástarguðinn Amor, sonur Venusar,
er sunginn af Tinnu Jóhönnu Magn-
usson. Sýningin hefst klukkan 20
bæði kvöldin.
fridrikab@frettabladid.is
Við höfum sett
upp allt frá styttri
nútímaóperum upp í
Carmen og Töfraflautuna
og allt í óstyttum út-
gáfum.
Mikilvægt að æfast í
að koma fram á sviði
Söngnemendur Tónlistarskólans í Kópavogi fl ytja Venus og Adónis eft ir John
Blow í Salnum ásamt kammersveit skólans og nemendum úr Ballettskóla S.Á.
AMOR SKÝTUR Ástarguðinn Amor, sunginn af Tinnu Jóhönnu Magnusson, kennir
ástarenglunum að skjóta ástarörvum.