Fréttablaðið - 24.04.2013, Síða 34

KYNNING − AUGLÝSINGHávaðavarnir MIÐVIKUDAGUR 24. APRÍL 20134
Það er þekkt að hávaðaáreiti veldur streitu og nýlega var sýnt fram á að hávaði dregur
verulega úr vinnuafköstum,“ segir
Halldór K. Júlíusson, hljóðverk-
fræðingur hjá Verkís. Hann segir
blessun að nú sé oftast krafa um
að hafa hljóðverkfræðinga með
í ráðum þegar hannaðir eru nýir
skólar eða byggingar þar sem víst
er að hávaðaáreiti verður mikið.
„Það er talað um hávaða þótt
hann sé á mjög lágum styrk og
stundum mælum við nánast
þögnina,“ útskýrir Halldór, sem
ásamt fleiri hljóðverkfræðingum
Verkís veitir þjónustu á víðtæku
sviði; allt frá húsfélögum til stórra
iðnaðarsala; fyrir skip, skóla, tón-
leikasali, umferðarhávaða og allt
þar á milli.
„Ef það tengist hljóði skoð-
um við málið og verkefnin eru
fjölbreytileg. Á hljóðaskalanum
greinum við hávaða og finnum úr-
lausnir vegna áreitis í íbúðarhús-
um en það getur verið frá lyftu-
húsum, útsogi loftræstinga eða
vatnsniðs í lögnum,“ segir Halldór.
Verkís kemur einnig að hönnun
og úrbótum í opnum skrifstofu-
rýmum. „Þar metum við og grein-
um ástand sem fyrir er og speglum
við viðmiðunargildi fyrir þannig
rekstur ásamt því að koma með til-
lögur að því sem má betur fara svo
sköpuð sé góð hljóðvist og meiri
vellíðan á vinnustaðnum.“
Halldór telur upp nokkra af trufl-
andi hávaðagjöfum í skrifstofurým-
um. „Þeir geta verið frá tækjum sem
tengjast húsinu, eins og loftræstingu
eða kælibúnaði, eða þá tækjum sem
tengjast rekstri eins og suði í prent-
ara, glamri á lyklaborði og pípi í sím-
tækjum, en einnig frá samstarfsfólki
þegar talað er í síma.“
Halldór segir fara eftir viðfangs-
efni vinnustaða hversu mikil trufl-
unin reynist. „Ekki er óalgengt að
atvinnurekendur hummi þenn-
an vanda fram af sér. Þeir átta sig
ekki alltaf á að góð hljóðvist skilar
sér í betri afköstum og meiri vellíð-
an starfsfólks, alveg eins og rétt lýs-
ing og loftræsting. Þar er að mörgu
að huga, eins og hvernig loftefni eru
í vinnurýminu, hvort hljóðdeyfing
sé á veggjum, hvernig skilrúm eru
uppbyggð, hvernig borðin snúa,
skápar, hillur og annar húsbúnað-
ur því allt hefur það áhrif á hljóð-
vistina.“
Hljóðverkfræðingar Verkís koma
einnig að hávaðamælingum hjá
framleiðslufyrirtækjum.
„Dæmi um þess háttar verkefni
eru iðnaðarsalir þar sem hávaði er
við hættumörk og tryggja þarf að
hann sé ekki skaðlegur heilsu. Þá
gerum við mælingar á hljóðgjöfum,
kortleggjum stóra framleiðslusali
með reiknilíkani og viðskiptavin-
urinn fær litakort sem sýnir hættu-
svæði þar sem skylda er að nota há-
vaðavarnir og heyrnarhlífar.“
Samkvæmt hávaðareglugerð eru
atvinnurekendur skuldbundnir til
að draga úr hávaða fari hann yfir
85 desibel. „80-85 desibel samsvara
hrópi úr eins metra fjarlægð og sam-
ræður tveggja mælast á bilinu 60-65
desibel. Mælieining á hljóðstyrk er
lógaryþmísk eins og á Richter-skala
og skynjar eyrað því hver tíu auka-
desibel sem tvöfalt meira áreiti,“ út-
skýrir Halldór.
Hann segir góðar hávaðavarn-
ir haldast í hendur við góða heilsu.
„Eitt er að tryggja að enginn hljóti
heyrnarskaða af hávaða en hitt eru
dulin áhrif og streituvaldar. Flest-
ir kannast við léttinn þegar slökkt
er á hljóðlátu tæki sem þó malar of
hátt og þannig leynast ótal duldir
streituvaldar í umhverfi okkar sem
við veitum ekki alltaf eftirtekt.“
Hljóðverkfræðingar Verkís eru
einnig fengnir til að greina hávaða
þegar óljóst áreiti veldur truflun.
„Þá kemur oftar en ekki fyrir að há-
vaðagjafinn sem kemur fram á mæl-
ingu er annar en haldið var. Því er
mikilvægt að fá fagaðila til mælinga
og greiningar því þannig má fyrir-
byggja kostnaðarsamar aðgerðir
sem engu skila.“
Verkís er í Ármúla 4. Sjá verkis.is.
Dulinn hávaði veldur heilsubresti
Á verkfræðistofunni Verkís starfa hljóðverkfræðingar sem veita ráðgjöf um lækkun hávaða af öllum toga, hvort sem það er angrandi
áreiti í lögnum fjölbýlishúsa, kliður og malandi í skrifstofurýmum, umferðarhávaði eða heilsuspillandi hávaði í iðnaðarsölum.
Verkís sér einnig um ýmiss konar hljómvistarhönnun, eins og í skóla og tónleikarými.
Halldór K. Júlíusson, hljóðverkfræðingur hjá Verkís, með hátalarakúlu, hljóðmæli fyrir
mælingar og upptökur á hávaða og titringi og startbyssu fyrir mælingar á hljóðvist og
enduróm rýma. MYND/GVA