Fréttablaðið - 17.09.2013, Qupperneq 38

17. september 2013 ÞRIÐJUDAGUR| MENNING | 30
MORGUNMATURINN
„Ég byrjaði að ganga fyrir Ljósið,
sem er endurhæfingarstöð fyrir
krabbameinssjúka, en svo breytti
ég til. Nú er ég að vinna að bók
um fjöllin og göngurnar og mun
gefa höfundarlaun mín til krabba-
meinssjúkra barna,“ segir Þor-
steinn Jakobsson, göngugarpur og
höfundur bókarinnar Íslensk bæjar-
fjöll sem kemur út næsta sumar.
„Markmiðið er að ganga hvert ein-
asta bæjarfjall og sýslu á landinu til
að tengja landið saman.“
Bókin verður byggð upp á leiðar-
vísum um landið en Þorsteinn seg-
ist ekki vilja eigna sér heiðurinn að
bókinni þar sem hann fær aðstoð
ýmissa aðila. Tveir jarðfræðingar
skrifa meðal annars í bókina og í
kringum tíu ljósmyndarar alls stað-
ar af landinu myndskreyta.
Þorsteinn er lærður leiðsögu-
maður og meðlimur gönguhópsins
Fjallagarpar og gyðjur en hópurinn
telur um þrjú þúsund manns. Hann
segir að fleiri tugir fólks hafi lagt
honum lið í göngunum undanfarin
ár. „Mér líður hvergi eins vel og úti
í náttúrunni og svo langaði mig bara
að láta gott af mér leiða og minna
fólk á að vera jákvætt. Ég gef allt
sem ég safna en ég lét einnig búa
til eitt þúsund söfnunarbauka sem
dreift er víðs vegar um landið í
göngunum. Ég á núna aðeins eftir
að ganga níu fjöll á landinu til að
klára bókina.“
Þorsteinn hefur góða þekkingu
á hálendinu en hann er lærður
leiðsögumaður. Hann segir að
í framhaldi af þessu verkefni
muni hann uppfylla gamlan
draum og ganga á Kilimanjaro,
hæsta fjall Afríku. Hann stefn-
ir á að ganga á hæstu fjöll allra
heimsálfanna.
marinmanda@frettabladid.is
Fjalla-Steini gengur á
öll fj öll og skrifar bók
Fjallagarpurinn Þorsteinn Jakobsson gengur á öll fj öll landsins og skrifar bókina
Íslensk bæjarfj öll. Ágóðinn rennur til krabbameinssjúkra.
FJALLGÖNGUR Mikið af fólki hefur áhuga á fjallgöngum og hafa veitt Þorsteini Jakobssyni stuðning á göngunum.
Hæsta fjall Íslands er
Hvannadalshnjúkur
sem er 2.110 metrar.
Næst á eftir eru það
Bárðarbunga sem er
2.000 metrar, Kverk-
fjöll sem eru 1.920
metrar og Snæfell sem
er 1.833 metrar.
➜ Hæstu fjöll Ís-
landsÁ TOPPNUM Fjalla- steini ásamt Jóhanni
Smára ljósmyndara.
„Ég fæ mér gjarnan chia-graut með
sojamjólk og smá kanil. Einnig eitt
hrökkbrauð og vatn að drekka.“
Helga Braga Jónsdóttir leikkona
Listamaðurinn Ragnar Kjartans-
son setur upp verkið Der Klang
der Offenbarung des Göttlichen
í Volksbühne-leikhúsinu í Berlín
ásamt tónlistarmanninum Kjartani
Sveinssyni. Verkið verður frum-
sýnt í febrúar á þessu ári. „Þetta
er um það bil sextíu mínútna verk,“
segir Ragnar. „Það gerist ekki neitt
í þessu verki,“ heldur hann áfram.
„Þetta er meira svona eins og hug-
leiðing um fegurðina og einveruna.
Og kannski um leikhúsið og yfir-
borðskennd þess,“ útskýrir Ragnar.
Ragnar hefur ásamt samstarfs-
fólki sínu málað sviðsmyndir sem
verða hluti af sýningunni. Þá
semur Kjartan Sveinsson tónlist
fyrir verkið. „Þetta verður eins
konar ópera án orða,“ segir Ragnar.
Verkið er unnið fyrir Volks-
bühne-leikhúsið í Berlín í samstarfi
við Borgarleikhúsið. Verkið verð-
ur sett upp í Borgarleikhúsinu í
tengslum við Listahátíð í Reykjavík.
Volksbühne-leikhúsið í Berlín hefur
hlotið fjölda viðurkenninga fyrir
uppsetningar sínar. Húsið hefur
einnig hlotið mikla athygli fjöl-
miðla og búið sér orðspor sem eitt
framsæknasta og flottasta leikhús
í Þýskalandi. - ósk
Setur upp leikverk án leikara
„Það gerist ekki neitt í þessu verki,“ segir Ragnar Kjartansson myndlistarmaður.
STRIGARNIR MYNDA DÝPT Í RÝMINU
Á SVIÐINU Ragnar að störfum á
málara verkstæði Borgarleikhússins.
Myndlist verksins er máluð á striga.
Stærstu strigarnir eru um 160 fermetrar
og byggir hver sena á nokkrum lögum
af slíkum strigum. MYND/LILJA GUNNARSDÓTTIR
„Það var bara hringt í mig og mér boðið að
taka þátt. Mér þótti þetta spennandi tækifæri
og vissi að ég myndi læra margt af þessu,“
segir Tanja Ýr Ástþórsdóttir, nýkrýnd ungfrú
Ísland. Þessi 21 árs gamla Reykjavíkurmær
er nemi í fjármálaverkfræði við Háskólann í
Reykjavík en hún er mikill stærðfræðingur.
„Auðvitað hefur þessi sigur áhrif á líf mitt en
það er undir mér komið að nýta þetta tæki-
færi,“ bætir Tanja Ýr við.
Fegurðardísin spáir lítið í tónlist og segist
horfa lítið á sjónvarp þrátt fyrir að hafa mikið
dálæti á ákveðnum galdrastrák. „Ég elska
Harry Potter og Monsters Inc. og svo hlusta
ég mest á tónlist sem er vinsæl hverju sinni.“
Tanja Ýr er mikil íþróttamanneskja og æfir
loftfimleika af kappi, en einnig hefur hún
mikinn áhuga á brimbrettum. „Ég hef farið
á brimbretti í Þorlákshöfn og á Tenerife og
þykir þetta mjög skemmtilegt sport.“
Þá ekur Tanja Ýr um á Toyota Yaris og
elskar mexíkóskan mat.
„Ég á tvær systur og einn chihuahua-hund,“
segir Tanja Ýr en systurnar studdu vel við
bakið á Tönju Ýr í kringum keppnina.
Aðspurð um framhaldið segist Tanja Ýr
vera mjög spennt og hlakka mikið til þess að
fara fyrir hönd Íslendinga í keppnina Miss
World á næsta ári.
- glp
Fegursta stúlka landsins elskar Harry Potter
Tanja Ýr var kjörin fegursta stúlka Íslands í keppninni Ungfrú Ísland um helgina en hún er mikill dýravinur.
FEGURST
ALLRA Tanja
Ýr Ástþórs-
dóttir var
krýnd
fegurðar-
drottning
Íslands.
FRÉTTABLAÐIÐ/GVA