Fréttablaðið - 03.10.2013, Qupperneq 2

3. október 2013 FIMMTUDAGUR| FRÉTTIR | 2
TÆKNI Tuttugu eintök af lúxus-
rafbílnum Tesla Model S hafa verið
seld hér á landi og voru fyrstu tveir
bílarnir afhentir í vikunni. Þetta
segir Gísli Gíslason hjá Northern
Lights Energy sem flytur bílana
inn, en hann segir að um þessar
mundir sé að
verða vitundar-
vakning varð-
andi rafbíla hér
á landi. Grunn-
útgáfan af bíln-
um kostar frá
11,8 milljónum
króna upp í 13,8
milljónir þannig
að óhætt er að gefa sér að bílarnir
hafa selst fyrir hátt í 250 milljónir
króna.
Mikil umræða hefur verið um
Tesla-bílana, sem framleiddir eru
í Bandaríkjunum, og hafa þeir
fengið gríðargóða dóma bæði hér-
lendis og erlendis. Meðal annars
segir í nýlegri umsögn bílablaðs
Fréttablaðsins að hann sé engum
líkur. Hann kemst upp í 100 kíló-
metra hraða á 4,2 sekúndum og
dýrari útgáfurnar fara allt að 480
kílómetra á hleðslunni.
Bíllinn er afar eftirsóttur
erlendis þar sem hann var til
dæmis söluhæsti bíllinn í Noregi í
byrjun síðasta mánaðar.
„Þeir eru búnir að selja 200 bíla í
Noregi, en þar er núna sex mánaða
biðlisti eins og alls staðar annars
staðar í Evrópu nema hjá okkur,“
segir Gísli og bætir því við að þeir
geti enn selt um þrjátíu bíla í ár.
Gísli segir að mikill spenningur
sé fyrir þessum bíl og þó að verð-
miðinn sé vissulega hár sé þarna
um að ræða lúxusbíl og verðið sé
jafnvel lægra en á sambærilegum
bensínbílum, meðal annars frá
Audi.
„Þessi bíll er betri en bensín-
bílarnir,“ fullyrðir Gísli. „Það eina
neikvæða sem hefur verið sagt um
þá er að þeir sem hafa prófað þá
missa áhugann á að keyra Ferrari-
bílana sína.“
Gísli segir að mikil vakning sé
nú hér á landi varðandi rafbíla sem
séu orðnir raunhæfur kostur hér á
landi.
„Nú er verið að fara að setja upp
hleðslustöðvar um allt land og því
ekki eftir neinu að bíða lengur. Það
eru sennilega um fjörutíu rafbílar
á Íslandi í dag og þeir eru að ná að
keyra um 150 til 200 kílómetra á
hleðslunni og er svo bara stungið í
samband hvar sem er.“
Gísli segir að lokum að nú sé
afar spennandi tími í rafbíla-
geiranum og gríðarlegur áhugi í
samfélaginu.
thorgils@frettabladid.is
Hafa selt lúxusrafbíla
fyrir tugi milljóna
Fyrirtækið Northern Lights Energy hefur þegar selt tuttugu lúxusrafbíla af
tegundinni Tesla Model S hér á landi. Kosta frá 11,8 milljónum króna. Gísli Gísla-
son segir að vitundarvakning hafi orðið hér á landi um möguleika rafbílanna.
GÍSLI GÍSLASON
Á vefsíðunni plugincars.com er fjallað um innreið Tesla Model S hér á landi og
taldir upp sjö valinkunnir menn sem fullyrt er að hafi tryggt sér eintak. Þeir eru
eftirfarandi:
■ Skúli Mogensen, eigandi og forstjóri Wow Air og eigandi Títan
fjárfestingafélags.
■ Ragnar Agnarsson, eigandi Saga Film.
■ Friðrik Pálsson, eigandi Hótel Rangár.
■ Heiðar Már Guðjónsson, hagfræðingur og fjárfestir.
■ Þormóður Jónsson, stjórnarformaður Fíton auglýsingastofu.
■ Hilmar Veigar Pétursson, framkvæmdastjóri CCP.
■ Eyþór Arnalds, framkvæmdastjóri og formaður bæjarráðs
Árborgar.SKÚLI MOGENSEN
EINRÓMA
LOF Tesla
Model S hefur
fengið afar
góða dóma
hérlendis sem
erlendis. Þeir
kosta frá 11,8
milljónum
króna.
FRÉTTABLAÐIÐ/GVA
Valinkunnir Tesla-kaupendur
STJÓRNSÝSLA Landhelgisgæslan
ætlar ekki að leigja varðskipið Þór
út til verkefna erlendis.
Þetta kemur fram í skriflegu
svari frá Georg Lárussyni, for-
stjóra Landhelgisgæslunnar, við
fyrirspurn Fréttablaðsins um
rekstur varðskipsins.
Landhelgisgæslan hefur þurft
að draga verulega úr siglingum
varðskipsins á árinu. Ástæðan er
aukinn kostnaður við rekstur flug-
deildar stofnunarinnar, sem hefur
kallað á endurskipu lagningu á
rekstri hennar. Þrátt fyrir það
ætlar stofnunin ekki að leigja
skipið út en hún hefur undan farin
ár leigt eldri varðskipin, Tý og
Ægi, til verkefna í útlöndum.
Spurður um ferðir og ástand
hinna varðskipanna svarar Georg
að búnaður sem tengist annarri
aðalvél Ægis sé bilaður og að
skipið sé í Reykjavík.
„Á meðan er skipið búið annarri
aðalvélinni en hún er 4.500 hest-
öfl, sem er nokkuð samsvarandi
því sem gengur og gerist í flest-
öllum skipum í íslenska flotanum,“
segir Georg.
Varðskipið Týr er að sögn
Georgs staðsett á Akureyri ásamt
hluta áhafnar, en hinn hlutinn er
staðsettur í Reykjavík og er flog-
ið með þyrlum eða flugvél Land-
helgisgæslunnar þegar nauðsyn
krefur.
„Það sparar bæði tíma og eykur
öryggi að hafa skipið á norðaustur-
horninu á móti hinum skipunum
sem eru til taks á suðvestur-
horninu,“ segir Georg. -hg / hmp
Tvö af varðskipunum þremur eru þessa dagana staðsett í Reykjavík en Týr er á Akureyri:
Varðskipið Þór fer ekki til verkefna erlendis
VIÐ BRYGGJU Varðskipið Þór hefur
stóran hluta af árinu legið við bryggju í
Reykjavíkurhöfn. FRÉTTABLAÐIÐ/DANÍEL
DÓMSMÁL Verjendur Annþórs
Kristjáns Karlssonar og Barkar
Birgissonar kröfðust þess fyrir
Héraðsdómi Suðurlands í gær að
upptökur af hleruðum samtölum
sakborninganna verði gerðar hluti
af málsskjölum.
Tvímenningarnir sæta ákæru
fyrir að hafa ráðist á samfanga
sinn, Sigurð Hólm Sigurðarson, í
maí í fyrra, með þeim afleiðingum
að milta hans rofnaði og hann lést.
Annþór og Börkur voru í kjöl-
farið færðir á öryggisgang og þar
voru samskipti þeirra hleruð, og
eins sími sem þeir höfðu aðgang
að með takmörkunum. Lögregla og
ákæruvald lögðu upptökurnar ekki
fram sem gögn, en verjendurnir
telja hins vegar mikilvægt að það
sé gert, enda komi ekkert fram á
upptökunum sem bendi til sektar
tvímenninganna. - sh
Verjendur krefjast gagna:
Vilja upptökur
af hlerunum
DÓMSMÁL Fjögur rétthafasam-
tök hafa sent Sýslumanninum
í Reykjavík lögbannskröfu þar
sem farið er fram á að fimm fjar-
skiptafyrirtæki loki fyrir aðgang
að tveimur skráarskiptasíðum.
„Krafan gegn þessum fyrir-
tækjum er sú að þau loki fyrir
aðgang viðskiptavina sinna að
skráarskiptasíðunum Pirate Bay
og Deildu.net, þar sem stórtæk-
ustu höfundarréttarbrotin hafa
átt sér stað undanfarin ár,“ segir
Tómas Jónsson, lögmaður rétt-
hafasamtakanna.
Tómas segir lögbannsbeiðnina
ekki eiga að gefa í skyn að fjar-
skiptafyrirtækin beri ábyrgð á
brotunum. „Vandamálið er að það
næst ekki í þá sem eru í forsvari
fyrir þessar síður og það veit eng-
inn hverjir þeir eru. Þetta er því
neyðarúrræði,“ segir Tómas. - hg
Rétthafar vilja lögbann:
Segja lokunina
neyðarúrræði
MÓTMÆLI NPA-miðstöðin efndi til mótmæla fyrir utan Salinn í Kópa-
vogi í gær vegna ráðstefnu um NPA, notendastýrða persónulega aðstoð.
„Okkur var ekki boðið á þessa ráðstefnu,“ segir Inga Björk Bjarna-
dóttir, en hún er í stjórn NPA miðstöðvarinnar. „Okkur finnst alvarlegt
að því sé haldið fram að við getum ekki tekið þátt í umræðunni um NPA
og sjálfstætt líf vegna þess að við höfum fjárhagslega hagsmuni frekar
en að berjast fyrir mannréttindum fatlaðs fólks,“ útskýrir Inga. „Rauði
þráðurinn á ráðstefnunni var að hægja á ferlinu, forðast að innleiða NPA
í lög og markviss útilokun fatlaðra barna og fólks með þroskahömlun.
Þetta var mjög áberandi og ekkert verið að tala undir rós. “ - nej
Ekki fjárhagslegir hagsmunir heldur mannréttindi fatlaðra:
Markviss útilokun fatlaðra barna
MÓTMÆLTU Hópur úr NPA-miðstöðinni mætti fyrir utan ráðstefnuna í gær til þess
að minna á af hverju þau væru að berjast með aðstoðinni. MYND/GVA
STJÓRNSÝSLA „Það er fyrst og
fremst furðulegt að við fréttum
ekkert af þessu fyrr en þessi
gjörningur fer fram,“ segir
Ármann Kr. Ólafsson, bæjar-
stjóri Kópavogs, um þá tilhögun
að Reykjanesbær leigði húsnæði
í bænum þar sem hælisleitendur
héldu til. Bæjaryfirvöld fréttu svo
af veru hælisleitenda þegar lög-
reglan á höfuðborgarsvæðinu, með
aðstoð sérsveitar ríkislögreglu-
stjóra, réðist til atlögu og hand-
tók á annan tug hælisleitenda frá
Albaníu í húsinu fyrir helgi.
Í fyrirspurn velferðarsvið sendi
Reykjanesbæ og innanríkisráðu-
neytinu í vikunni kemur fram að
Reykjanesbær hefur leigt hús-
næðið síðan í febrúar. „Það er
al gjörlega augljóst, að þegar það
er verið að leigja húsnæði undir
hælis leitendur í okkar bæjar-
félagi, þá þurfi að hafa samstarf
við okkur,“ segir Ármann, sem
segir það lágmark að bæjaryfir-
völd séu upplýst um málið.
„Nú er verið að leitast eftir sam-
starfi við bæinn um að hýsa hælis-
leitendur, og það þarf að fá svör
hvort við getum leigt húsnæði í
öðrum bæjarfélögum.“
Í svari Reykjanesbæjar til
Kópavogs segir að Reykjanesbær
þjónusti hælisleitendur í Kópavogi
á allan hátt. - vg
Bæjarstjóri Kópavogs frétti fyrir tilviljun af veru flóttamanna í bænum:
Furðar sig á veru flóttamanna
ÁRMANN KR. ÓLAFSSON Bæjar-
stjórinn frétti af flóttamönnum fyrir
tilviljun. FRÉTTABLAÐIÐ/STEFÁN
SPURNING DAGSINS
Þegar það er verið
að leigja húsnæði undir
hælisleitendur í okkar
bæjafélagi, þá þarf að hafa
samstarf við okkur.
Ármann Kr. Ólafsson,
bæjarstjóri í Kópavogi
Grand Hótel Reykjavík við Sigtún
Mánudaginn 7. október 2013 kl. 13.30-16.40
Þekktir erlendir vísindamenn flytja framsögur um eftirfarandi:
· Reynsla Bandaríkjanna af notkun erfðatækni í landbúnaði
· Erfðavísindin, erfðatæknin og áhrif á heilsufar
· Matvæli og fóður vottuð og merkt án erfðabreyttra efna
Fyrirspurnir til framsögumanna að erindum loknum
Sjá www.erfdabreytt.is & Facebook: Er erfðabreytt framleiðsla sjálfbær?
Aðgangur ókeypis meðan húsrúm leyfir
Er erfðabreytt
framleiðsla sjálfbær?
Ráðstefna Kynningarátaks um erfðabreyttar lífverur
Matvæla- og veitingafélag Íslands
www.matvis.is
Náttúrulækningafélag Íslands
www.nlfi.is
Neytendasamtökin
www.ns.is
Vottunarstofan Tún
www.tun.is
Slow Food Reykjavík
www.slowfood.is
Landvernd
www.landvernd.is
Kynningarátak um erfðabreyttar lífverur
Pétur, er næg eftirspurn eftir
nýju víni í gamla belgi?
„Já, enda of seint að byrgja brunn-
inn þegar barnið er dottið ofan í.“
Hrafnista hefur fengið leyfi til að selja
áfengi á kaffistofu sinni í Hafnarfirði. Pétur
Magnússon er forstjóri Hrafnistu.