Fréttablaðið - 03.10.2013, Síða 6

3. október 2013 FIMMTUDAGUR| FRÉTTIR | 6
STJÓRNMÁL Sigmundur Davíð
Gunnlaugsson forsætisráðherra
sagði í stefnuræðu sinni á Alþingi
í gærkvöldi, að unnið væri að lausn
sem ætti að gera eigendum yfir-
skuldsettra íbúða kleift að losna
undan eftirstöðvum lána sem veð
standa ekki undir án þess að við-
komandi yrði gjaldþrota. Þarna
er hugmynd lýst sem hefur oft-
ast verið nefnd lyklafrumvarp í
umræðunni. Gert er ráð fyrir því
að frumvarpið verði lagt fram á
næstu vikum.
Aukið eftirlit
Forsætisráðherrann fór víða í
stefnuræðu sinni á Alþingi í gær
og boðaði meðal annars aukið eftir-
lit á netinu og gjaldtöku af ferða-
mönnum. Þannig sagði ráðherra að
iðnaðarráðherra myndi leggja fram
frumvarp á þessu þingi um gjald-
töku af ferðamönnum til að standa
undir kostnaði vegna uppbyggingar
og viðhalds á ferðamannastöðum.
Hugmyndir um internetið eru svip-
aðar og þær sem forveri núverandi
innanríkisráðherra viðraði á síð-
asta kjörtímabili. Það er að segja,
að hafin verði vinna við að auka
net- og upplýsingaöryggi á Íslandi
– og að til skoðunar væru leiðir til
að verja börn fyrir einelti og öðru
ofbeldi á netinu.
Súrefni heimilanna
Ráðherrann ræddi um hugsanlegt
afnám gjaldeyrishafta og sagði að
það væri nauðsynlegt að skoða allt
hagkerfið í samhengi við aflétt-
ingu hafta. Hann bætti við að það
væri sameiginlegt hagsmunamál
allra að skapa þær aðstæður sem
leyfa afnám hafta.
Samhliða því að hleypa loftinu
úr eignabólunni sagði Sigmundur
að það væri eðlilegt að hleypa
lofti úr hinni hlið eignabólunnar,
skuldabólunni. „Niðurfærsla
skulda er fyrst og fremst réttlát
efnahagsleg aðgerð sem mun veita
heimilum nauðsynlegt súrefni svo
að þau geti dregið andann,“ sagði
Sigmundur og vísaði þar til kosn-
ingaloforðs Framsóknarflokksins
um skuldaleiðréttingu heimilanna.
Bæta regluverk
Ráðherrann sagði að til þess að
fjölga störfum og bæta kjör yrði
fjárfesting að aukast til mikilla
muna á Íslandi og að ríkisstjórnin
ynni við að bæta regluverk hvað það
varðaði.
Sigmundur sagði að sjávarútvegs-
ráðherra hygðist leggja fram frum-
vörp um breytingar á fiskveiðistjór-
nun og gjaldtöku af sjávarútvegi
sem eigi að skila meiri tekjum í
ríkis sjóð en nokkru sinni áður.
Niðurskurði lokið
Sigmundur sagði að heilbrigðis-
kerfið hefði látið mikið á sjá eftir
ítrekaðan niðurskurð undan-
farinna ára og að þeim mikla
niður skurði væri nú lokið. Hann
sagði aftur á móti að það væri
ljóst að breytinga væri þörf til að
íslenskt heilbrigðiskerfi geti verið
samkeppnishæft við nágranna-
löndin. Ráðherrann segir að til
þess að ná þessum markmiðum
þyrfti að vinna langtímastefnu-
mótun fyrir heilbrigðiskerfið og
forgangsraða í þágu upp byggingar
þar á næstu árum. valur@frettabladid.is
Boðar gjald á ferðamenn
og aukið upplýsingaöryggi
Forsætisráðherra boðar frumvarp þar sem íbúðareigendur geti gengið frá eftirstöðum lána af yfirveðsettum
íbúðum án þess að fara í gjaldþrot. Ráðherrann boðar gjaldtöku á ferðamenn til þess að standa undir kostnaði
vegna uppbyggingar á ferðamannastöðum. Þá boðar ráðherrann aukið net- og upplýsingaöryggi. „Þessi ræða hljómaði eins og upphafskafli í skáldsögunni
Einfarinn í fyrirmyndarríki sjálfs
sín. Það er saga sem getur ekki
endað vel,“ sagði Árni Páll Árna-
son, formaður Samfylkingar-
innar, um stefnuræðu Sigmunds
Davíðs Gunnlaugssonar forsætis-
ráðherra.
Hann gagnrýndi fjárlagafrum-
varp ríkisstjórnarinnar harðlega
og sagði að stefna þess muni
hægja á hjólum atvinnulífsins.
„Ríkisstjórnin slær af brýnar
uppbyggingarframkvæmdir
við skóla og heilbrigðisstofn-
anir víða um land og bygg-
ingu nýs Landspítala. Hún
lækkar framlög til uppbyggingar
grænnar atvinnustarfsemi, sem
allir flokkar voru sammála um
á síðasta þingi. Hún kippir
grundvellinum undan allri upp-
byggingu skapandi greina.“ Hann
telur að á Íslandi séu að verða til
tvær þjóðir. „Fjölmennur hópur
lágtekjufólks og svo fámennur
hópur forréttindafólks, sem eitt
hefur ráð á því sem einu sinni
var á flestra færi að kaupa.“
Árni telur að endurvekja
þurfi trú almennings á störfum
Alþingis. Það sé aðeins hægt
með því að tala af alvöru við
fólkið í landinu og segja satt. „Þá
fyrst er um eitthvað að tala og
þá fyrst leysist úr læðingi sam-
stöðuaflið til góðra verka.“ - nej
Bjarni Benediktsson,
fjármála- og efnahags-
ráðherra, hét frekari
lækkun tryggingar-
gjaldsins.
Hann sagði jafnframt
að atvinnurekendur
yrðu að líta sér nær.
„Þeir þurfa að svara
því hversu stór hluti
þeirra vanda er til
kominn vegna þess að
tryggingargjaldið er
prósentinu hærra en
ekki lægra þegar þeir
hafa hækkað launin
um 35% undanfarin
fjögur ár, langt umfram umsamdar launahækk-
anir– og sínu mest í fjármálageiranum.“
Bjarni gagnrýndi hallarekstur fyrri ríkisstjórnar
og boðaði jafnvægi í ríkisfjármálum.
„Við viljum ekki eyða meiru en við öflum en
við viljum heldur ekki leggja frekari byrðar á al-
menning og fyrirtæki í almennum rekstri,“ sagði
Bjarni. Hann sagði fyrirhugaðan bankaskatt á fjár-
málafyrirtæki í slitastjórn koma til með að skapa
svigrúm sem mun nýtast fólkinu í landinu. - nej
Katrín Jakobsdóttir
sagði það hafa verið
áhugavert að hlusta
á ræðu Sigmundar
Davíðs Gunnlaugssonar
forsætisráðherra sem
hefði verið á róman-
tísku nótunum og talað
um að hér byggi ein
þjóð í einu landi. „Er
þetta kannski fram-
tíðarsýn ríkisstjórnar-
innar? Er heimurinn
ekki stærri en Ísland?
Ungt fólk hér á landi
kallar eftir raunsærri
og nútímalegri fram-
tíðarsýn þar sem heimurinn allur er undir, þar
sem hægt er að mennta sig, rannsaka og skapa
eitthvað nýtt og vinna með fólki hvaðanæva úr
heiminum– ég fann ekki þá framtíðarsýn í þessari
útópíu sem minnir meira á útvatnaða Fjölnis-
mennsku.“
Katrín gagnrýndi Sigmund Davíð fyrir að minn-
ast lítið sem ekkert á umhverfismál í stefnuræðu
sinni, hafa ekki sagt orð um sjálfbæra þróun né
talað um hvernig Ísland getur, með raunverulegum
aðgerðum, orðið fyrirmynd á alþjóðavettvangi. - nej
Birgitta Jónsdóttir
hjá Pírötum sagði í
umræðum á Alþingi
í gærkvöldi að ríkis-
stjórnina skorti fram-
tíðarstefnu.
Þá sagði Birgitta að
Píratar muni meðal
annars flytja þings-
ályktun um meðferð
á frumvarpi til nýrrar
stjórnarskrár. Eins
munu Píratar beita
sér fyrir því að „af-
glæpavæða“ fíkniefna-
misnotkun eins og
það var orðað í ræðu
Birgittu. Píratar munu einnig endurskoða lög um
mannanafnanefnd og flokkurinn mun beita sér
fyrir heildarendurskoðun á höfundarrétti.
Birgitta sagði að þingmenn Pírata muni vinna
jafnt með minni- og meirihluta með þau mark-
mið að leiðarljósi sem Píratar voru kjörnir á þing
til að koma í verk.
- vg
SIGMUNDUR DAVÍÐ GUNNLAUGSSON Forsætisráðherra sagði heimilin þurfa
súrefni til þess að anda. FRÉTTABLAÐIÐ/VALLI
ÁRNI PÁLL ÁRNASON
KATRÍN JAKOBSDÓTTIR
BJARNI BENEDIKTSSON
BIRGITTA JÓNSDÓTTIR
➜ Óskaði rökstuðnings
➜ Ekkert minnst á umhverfismál
➜ Lofar lækkun tryggingargjalds
➜ Tvær ólíkar þjóðir
á Íslandi
➜ Stjórnin skortir framtíðastefnu
„Maður getur látið
ótrúlegustu hluti dynja
á sér ef maður veit
hvert leiðin liggur
og maður hefur trú
á ferðinni og áfanga-
staðnum,“ sagði
Guðmundur Stein-
grímsson, formaður
Bjartrar framtíðar í
eldhúsdagsumræðum
gærkvöldsins. Hann
spurði hver stefna
ríkisstjórnarinnar væri.
Hann hefði áhyggjur
af því að verið væri
að hætta við vel
ígrundaðar áætlanir og
óskaði rökstuðnings.
Hann minnti á það í ræðu sinni hve mikilvægt
það væri að fylgja ákveðinni stefnu og vísaði í
Reisubók séra Ólafs Egilssonar sem gekk frá Alsír
heim til Eyja á 17. öld.
Guðmundur gagnrýndi meðal annars lækkun
á tekjuskatti. „Það er lækkun sem skilar meðal-
manni einhverjum hundrað köllum á viku. En
þarna fara milljarðar úr ríkiskassanum.“ - nej
GUÐMUNDUR
STEINGRÍMSSON