Fréttablaðið - 03.10.2013, Blaðsíða 18

3. október 2013 FIMMTUDAGUR| FRÉTTIR NEYTENDUR | 18
Neytendastofa hefur lagt sölubann á snuð með ljósi og varar við öðrum sam-
bærilegum vörum sem kunna að vera til sölu. Neytendastofu barst ábending
um að snuð hefði brotnað í munni barns þegar það
féll fram fyrir sig. Barnið hlaut skurð í efri góm. Óskað
var eftir gögnum sem sýndu fram á að snuðið væri í
lagi en engin gögn bárust. Neytendastofa segir hættu
geta stafað af snuðinu ef börn nota það eða taka það í
misgripum þar sem snuðin eru ekki ætluð til sambæri-
legrar notkunar og snuð ætluð ungbörnum. Neytenda-
stofa hefur farið fram á að auglýsing á heimasíðunni
glowogblikk.is verði fjarlægð.
Sölubann á snuð með ljósi
Sprotafyrirtækið QuickFill á Lálandi
í Danmörku hefur þróað hjólbarða-
ventil sem gefur frá sér hljóð þegar
nóg loft er komið í hjólbarðann. Ekki
þarf því að mæla loftþrýstinginn
þegar pumpað er í dekk, að því er
greint er frá á vef Félags íslenskra
bifreiðaeigenda sem vitnar í
Motormagasinet.
Bent er á að samkvæmt marg-
endurteknum könnunum á ástandi
hjólbarða undir bílum séu um sex af
hverjum bílum í umferð með rangan
(of lágan) loftþrýsting. Rangur og
misjafn loftþrýstingur sé ávísun á
versnandi aksturseiginleika, verri
hemlun og aukna eldsneytiseyðslu.
QuickFill-ventillinn, sem kemur
á markað í Danmörku í apríl, er
skrúfaður á hjólbarðaventilinn í stað
hettunnar sem þar er venjulega.
Ventillinn flautar þegar réttum
þrýstingi er náð. Hann gefur hins
vegar ekkert upp um loftþrýstinginn
þess í milli.
Mælir pípir
þegar nóg loft
er komið
Lestarfélög geta ekki lengur
vísað til óviðráðanlegra orsaka
þegar seinkanir verða. Samkvæmt
nýjum úrskurði Evrópusambands-
ins eiga farþegar rétt á bótum,
að minnsta kosti 25 prósentum
af miðaverði, verði eins til
tveggja klukkustunda seinkun.
Verði seinkunin meiri en tvær
klukkustundir eiga farþegar rétt
á að fá að minnsta kosti helming
miðaverðsins endurgreiddan.
Engu máli skiptir hvort seinkunin
verður fyrir eða eftir brottför.
Farþegar eiga einnig rétt á bótum
sé lestarferð aflýst og þeir velja
að bóka næstu mögulegu ferð.
Lestarfélög
borgi bætur
vegna seinkana
Helmingur allra karla telur að konur séu hrifnari af körlum á dýrum sport-
bílum en körlum á öðrum bílum. Þetta eru niðurstöður könnunar á vegum
Motors.co.uk sem tímaritið Vi bilägare vitnar í. Samkvæmt könnuninni telja
konur að karlar á sportbílum séu hrokafullir, uppteknir af sjálfum sér og
hættulegir. Konur telja hins vegar karla á
umhverfisvænum bílum meðvitaða,
gáfaða og örugga bílstjóra. Karlar
eru þeirrar skoðunar að konur á
fjórhjóladrifnum bílum
séu hrokafullar,
óforskamm-
aðar og
upp-
teknar
af
sjálf-
um
sér.
Konur heillast ekki af sportbílum
Nanna Rögnvaldardóttir,
rithöfundur og matargúrú,
eldar innmat allt árið en oft-
ast á haustin. En fjölskyldan
er ekki hrifin af slíku fæði.
„Börnin og barnabörnin
borða þetta ekki þannig að
ég elda þetta fyrst og fremst
fyrir sjálfa mig. Svo hef ég
gaman
af því
að gefa
öðrum að
smakka
þegar
ég prófa
eitthvað
nýtt.“
Sjálf
ólst hún
upp við
slíkt fæði
en þá
var mat-
reiðslan
öðruvísi. „Mamma eldaði
reyndar lifrina, sem var
borin fram í brúnni sósu,
ekki lengi en hjörtun voru
langsoðin.“
Hjörtun sem Nanna gefur
uppskrift að eru snögg-
steikt í þunnum sneiðum og
það er kryddaða lifrin líka.
Hún hefur gaman af því að
prófa uppskriftir að inn-
mat frá öðrum löndum og á
margar bækur um innmat.
„Í mörgum löndum er inn-
matur talinn besti hlutinn af
skepnunni.“
Lifur og heitt hjarta á salati
Nanna Rögnvaldardóttir á margar bækur um innmat. Segir innmat víða talinn besta hlutann af skepnunni.
Prófar uppskriftir frá öðrum löndum og kryddar lifrina og hjörtun með hvítlauk, kóríander og broddkúmeni.
LIFUR AÐ HÆTTI NÖNNU Borin fram á salati með sítrónu-
bátum. MYNDIR/NANNA RÖGNVALDARDÓTTIR
NANNA
RÖGNVALDARDÓTTIR
SALAT MEÐ HEITU HJARTA Hjörtun eru skorin í þunnar
sneiðar sem eru steiktar í eina mínútu á hvorri hlið.
KRYDDUÐ LIFUR
1 lambalifur
2 laukar
3 msk. olía
1 msk. smjör
3 msk. hveiti
1 tsk. broddkúmen
1 tsk. steytt kórían-
derfræ
¾ tsk. reykt paprika eða
venjuleg
Cayennepipar á
hnífsoddi
Pipar
Salt
Viðbótarkrydd: Pistasíu-
dukkah, reykt paprika og
súmak.
Laukurinn skorinn í þunnar
sneiðar og látinn krauma í
10 til 15 mínútur í 1 msk. af
olíu og 1 msk. af smjöri. Gæta
þarf þess að laukurinn brenni
ekki.
Á meðan laukurinn
kraumar eru æðar og himnur
skornar burt af lifrinni og hún
skorin í 1 cm þykkar sneiðar
eða þynnri. Hveiti og kryddi
blandað saman og sneið-
unum velt upp úr blöndunni.
Afganginum af blöndunni
hellt yfir sneiðarnar.
Laukurinn er geymdur á
diski á meðan lifrin er steikt í
2 msk. af olíu á þykkri pönnu.
Lifrin er steikt við meðalhita í
2 mínútur á hvorri hlið.
Borið fram á salati með
sítrónubátum. Lauknum er
dreift yfir.
SALAT MEÐ HEITU
HJARTA
Lambahjörtu
Fljóteldað grænmeti,
t.d.:
Spergilkál
Paprika
Sveppir
Fennika
Hvítlauksrif
Chili-aldin
Vorlaukur
Olía
Kóríanderfræ
Pipar
Salt
Grænmetið steikt í 3 til
4 mínútur á venjulegri
pönnu og hrært oft í á
meðan.
Fita skorin burt af
hjörtunum og einnig
æðar. Hjörtun skorin í ½
til 1 cm þykkar sneiðar.
Kryddað með pipar, salti
og kóríanderfræjum.
Steikt í 1 mínútu á
hvorri hlið.
Borið fram með kús-
kús, hrísgrjónum eða
kartöflustöppu.
Opnum afturmiðvikudaginn 23. október
Við breytum og
bætum Vínbúðina
Stekkjarbakka
Lokað verður dagana 7.- 22. október.
Við þökkum þolinmæðina og bendum
viðskiptavinum á Vínbúðirnar Dalvegi,
Smáralind og Heiðrúnu á meðan
breytingarnar standa yfir.
Hlökkum til að taka á móti ykkur
í enn betri Vínbúð.
vinbudin.is