Fréttablaðið - 22.10.2013, Síða 46

22. október 2013 ÞRIÐJUDAGUR| MENNING | 34
„Það var stutt í átakið meistara-
mánuð og ég hugsaði með mér:
Hvað langar mig að gera í meist-
aramánuði? Höfuðstaðan er uppá-
haldsjógaæfingin mín og mig hefur
lengi langað til að standa meira á
haus, enda er það eitt af því sem
mér finnst best að gera, en ég hef
alltaf látið ytri aðstæður stoppa
mig í því,“ segir Sólveig Eiríks-
dóttir, einnig þekkt sem Solla á
veitingastaðnum Gló. Hún ákvað
að taka virkan þátt í meistaramán-
uði og taka höfuðstöðuna daglega
á meðan á átakinu stendur. Hún
hefur svo birt myndir af gjörningn-
um á Instagram.
Solla hefur meðal annars tekið
jógastöðuna í miðri Kringlunni, í
Bónus, inni í bókaverslun og uppi á
borði á einum veitingastaða sinna.
Hún segir fólk taka vel í uppátækið
og að viðbrögð þess hafi að mestu
leyti verið góð. „Ókunnugir hafa
stoppað mig á förnum vegi og hrós-
að mér fyrir uppátækið, aðrir hafa
beðið mig að kenna sér stöðuna.
Ég fékk svo persónulegan póst frá
tveimur konum sem hrósuðu mér,
en lýstu að sama skapi yfir áhyggj-
um. Þær voru hræddar um að ég
færi mér að voða. Mér þótti vænt
um það.“
Eiginmaður Sollu tekur flestar
myndirnar en hún á það til að fá
ókunnuga til að aðstoða sig þegar
hann er fjarri. „Oftast er það mað-
urinn minn sem tekur myndirnar,
en þess á milli eru það bara hinir
og þessir.“ Höfuðstaðan er ekki
eina æfingin sem Solla gerir hér og
þar, því þrisvar á dag gerir hún tíu
hnébeygjur. „Ég hef þó látið vera
að mynda þær,“ útskýrir hún.
Solla segist vona að átakið ýti af
stað nýju æði á borð við plankann
sem fór um netheima sem eldur í
sinu fyrir ekki margt löngu. „Mér
skilst að fleiri hafi tekið upp á
þessu og það er frábært, enda er
höfuðstaðan sögð konungur jóga-
æfinganna.“ sara@frettabladid.is
Solla á hausnum í
meistaramánuði
Sólveig Eiríksdóttir tekur virkan þátt í meistaramánuði. Hún gerir höfuðstöðu á
ólíklegustu stöðum á degi hverjum og myndar uppátækið við góðar undirtektir.
VINSÆLT UPP-
ÁTÆKI Sólveig
Eiríksdóttir veit-
ingamaður hefur
staðið á haus á
hverjum degi í
meistaramánuði.
Uppátækið hefur
vakið mikla
athygli.
FRÉTTABLAÐIÐ/STEFÁN
MEISTARAMÁNUÐUR, Solla Eiríks í
höfuðstöðu.
„Þetta verður ekki „normal“ djass-
trommuleikur en ég skrölti mér
fram úr þessu einhvern veginn,“
segir Sigtryggur Baldursson.
Þrátt fyrir áratugalangan feril
spilar hann í fyrsta sinn djass á tón-
leikum Karls Orgeltríós á Kexi Hos-
teli í kvöld. Karl Olgeirsson stofnaði
tríóið í kringum Hamm ond-orgelið
sitt sem er 55 ára gamalt.
Sigtryggur hlakkar mikið til að
spreyta sig á djassinum í fyrsta
sinn. „Bogomil [Font] er búinn að
raula djass lengi en ég hef aldrei
spilað djass á trommusett. Ég hef
verið að spila alls konar hluti en
aldrei djass enda hef ég aldrei gefið
mig út fyrir að vera djasstromm-
ari,“ segir Sigtryggur, sem er lík-
lega þekktastur fyrir spilamennsku
sína með Sykurmolunum.
„Mínar rætur lágu annars staðar.
Ég hef aldrei þorað í þennan pytt
en Kalli vildi að ég gerði þetta með
mínu nefi, þannig að ég ætla að láta
slag standa og gera það. Aðalmálið
er samt að við höfum mjög gaman af
þessu. Kalli ætlar að syngja seinni
hlutann af tónleikunum en mér
finnst hann gimsteinn sem söngv-
ari, fyrir utan það að vera frábær
organisti.“ - fb
Spreytir sig loksins á djassinum
Trommarinn Sigtryggur Baldursson spilar djass í fyrsta sinn á Kexi Hosteli í kvöld.
NÝTT DJASSTRÍÓ Karl Olgeirsson,
Ásgeir Ásgeirsson og Sigtryggur
Baldursson spila á Kexi Hosteli í kvöld.
FRÉTTABLAÐIÐ/VALLI
„Núna borða ég alltaf tröllahafra-
graut með stöppuðum banana.
Síðan sýð ég mér vatn með sítrónu
og engifer. Þetta er það besta til að
keyra sig í gang.“
Sara María Júlíudóttir, stofnandi fatamerkis-
ins Shiny Diamonds.
MORGUNMATURINN
➜ Karl Orgeltríó hefur spilað
á Bravó á miðvikudagskvöld-
um en aldrei með Sigtrygg á
bak við trommusettið.
➜ Solla hefur stundað jóga
í 35 ár og hefur lengst staðið
í höfuðstöðu í 30 mínútur.
Fiskikóngurinn
Sogavegi 3
fiskikongurinn.is
s. 587 7755
Hryllingsmyndin Frost seld til 56 landa
Frost hlaut ekki Gylltu hauskúpuna á Screamfest-hátíðinni. Erlingur Óttar Thoroddsen vann verðlaun.
FROST Hryllingsmyndin hefur verið seld til 56
landa.
„Það er búið að selja myndina til 56 landa. Það
er með því meira sem gerist með íslenskar bíó-
myndir,“ segir Ingvar Þórðarson, annar af fram-
leiðendum Frosts.
Hryllingsmyndin tók þátt í hinni árlegu hryll-
ingsmyndahátíð Screamfest sem var haldin í Los
Angeles en tókst ekki að hreppa sigurlaunin sem
kallast Gyllta hauskúpan.
„Ég var að koma þarna í annað sinn og það er
mjög ánægjulegt að vera þarna. Þarna eru allir
hryllingsmeistararnir í heiminum,“ segir Ingvar,
sem ræddi við ýmsa aðila varðandi Frost.
Hann er mjög ánægður með hversu mörg lönd
hafa keypt sýningarréttinn á myndinni. „Sci-fi
hryllingsmyndageirinn er mjög sérhæfður en
hann er risastór. Það er líka alþjóðlegur áhugi
fyrir íslenskum myndum varðandi sölu á þeim
erlendis.“
Viðræður hafa verið uppi í eitt ár um bandaríska
endurgerð á Frosti. Fari svo að ráðist verði í það
verkefni er ætlunin að gera nokkrar myndir. „Það
er hugmyndin og þeim líst vel á það þarna úti.“ - fb
➜ Erlingur Óttar Thoroddsen sem
er búsettur í New York hlaut Gyllta
hauskúpu á Screamfest sem efnilegasti
leikstjórinn fyrir stuttmyndina
The Banishing.
„Þetta var alveg hrikalega gaman.
Ég er ekki mikill rallímaður en ég
sagði já á staðnum þegar haft var
samband við mig, bæði hljómaði
þetta mjög spennandi og svo er erf-
itt að segja nei við Finn [Thorlacius,
þáttarstjórnanda],“ segir Guðlaug-
ur Þór Þórðarson alþingismaður
sem keppti nýverið í rallíi ásamt
öðrum þjóðþekktum einstakling-
um. Keppnin er hluti af sjónvarps-
þættinum Á fullu gazi sem sýndur
verður á Stöð 2 í nóvember.
Leikkonan Saga Garðarsdóttir
var liðsfélagi Guðlaugs Þórs í
keppninni, en hvert lið var skipað
tveimur einstaklingum. Saga var
aftur á móti eini keppandinn sem
ekki er með ökuréttindi. „Það var
gaman að kynnast Sögu og áhuga-
vert að sitja með henni bíl. Hún stóð
sig með ágætum, en hringurinn var
þó ekki tíðindalaus, eins og mun
koma fram í þáttunum.“ Hann bætir
við: „Það sem mér þótti erfiðast við
rallíaksturinn var að halda einbeit-
ingunni. Þegar maður þarf að keyra
brautina nokkrum sinnum verður
þetta ansi lýjandi.“
Á leið sinni á rallímótið var Guð-
laugur Þór stöðvaður af lögreglu
og sektaður fyrir of hraðan akstur.
Spurður út í atvikið segir þingmað-
urinn það vandræðalegt. „Mér var
sagt að mæta stundvíslega klukkan
níu á laugardagsmorgni. Ég var svo-
lítið seinn fyrir og flýtti mér um of.
Ég get upplýst það að lögreglumenn
hanga ekki í morgunkaffi á laugar-
dagsmorgnum, heldur eru komnir
strax til vinnu,“ segir hann.
Fékk þetta farsælan endi? „Það
fer eftir því hvernig þú skilgreinir
orðið „farsæll“. Ég veit ekki hvort
það sé nokkru sinni farsælt að vera
tekinn fyrir of hraðan akstur,“ segir
hann að lokum. - sm
Stöðvaður fyrir hrað-
akstur á leið í rallí
Guðlaugur Þór Þórðarson var í hópi þjóðþekktra ein-
staklinga er kepptu í rallíi fyrir þáttinn Á fullu gazi.
➜ Alls tóku 16 þjóðþekktir
einstaklingar þátt
í rallíakstrinum.
KEPPTI Í RALLÍ Guðlaugur Þór Þórðarson keppti ásamt Sögu Garðarsdóttur í rallíi
fyrir sjónvarpsþáttinn Á fullu gazi. FRÉTTABLAÐIÐ/VALLI