Fréttablaðið - 19.12.2013, Qupperneq 90

19. desember 2013 FIMMTUDAGUR| MENNING | 78
BAKÞANKAR
Atla Fannars
Bjarkasonar
Allir vita að það er undarlegt að veita verðlaun fyrir árangur þar sem mæli-
einingin er huglæg. Þess vegna gerir það
enginn. Helstu verðlaunahátíðir heims
veita nokkurs konar söluverðlaun enda
ógjörningur að mæla með óyggjandi hætti
hvaða plata eða kvikmynd er best. Gæði
eru mæld á fjölbreyttan hátt en lokaniður-
staðan ræðst ávallt af huglægu mati fólks,
sem stjórnast af ótal tilfinningum.
NÚ þegar tilnefningar til íslensku tónlist-
arverðlaunanna hafa verið kunngjörðar fer
af stað sama umræða og í fyrra. Og árið
þar áður. Sumum líst ekkert á listann og
efast í kjölfarið um dómgreind dómnefnd-
ar. Fullt af frábærum plötum er hvergi
að finna á sama tíma og fullt af leiðin-
legum plötum eru tilnefndar í fullt
af flokkum. Fullkomlega rökrétt
umræða … ef það væri til tónlistar-
legt metrakerfi, mælt með tón-
listarlegu málbandi sem dóm-
nefndir kynnu almennt ekki að
lesa á.
MÁLIÐ er að verðlaunahátíð-
ir eru ekki haldnar af örlátu hugsjóna-
fólki. Þær eru haldnar til að hampa
þeim sem þjóna best hagsmunum
þeirra sem veita viðurkenninguna. Þess
vegna er ekkert skrýtið að Beyoncé fái
stærstu verðlaunin fyrir plöturnar sínar en
ekki Will Oldham. Hún selur miklu fleiri
plötur og uppskeran er ekki aðeins stjarn-
fræðileg auðævi, milljónir aðdáenda og
spikfeitur trúlofunar hringur frá Jay-Z, hún
hefur líka unnið 17 Grammy-verðlaun, 24
Bill board-verðlaun, tvenn Brit-verðlaun og
9 BET-verðlaun frá því að hún gaf út fyrstu
sólóplötuna sína árið 2003. Hún hefur
meira að segja verið tilnefnd til Golden
Globe-verðlauna fyrir kvikmyndaleik.
UPPHEFÐIN kitlar eflaust hégóma-
girnd Beyoncé en auðvitað skipta verðlaun
engu raunverulegu máli. Ef verðlaun væru
marktæk væri til dæmis Shakespeare in
Love besta myndin sem kom út árið 1998
og Beautiful Day með U2 besta lagið sem
kom út árið 2000. Þeir, sem finnst það
eðlilegt, þurfa á hjálp að halda. Þá væri
Maroon 5 besta hljómsveitin sem steig
fram á sjónarsviðið árið 2004 og Fearless
með Taylor Swift besta platan sem kom
út árið 2008. Loks væri Cuba Gooding Jr.
betri leikari en James Woods, Edward
Norton og William Macy, Coolio á meðal
bestu rappara sinnar kynslóðar og forseti
Bandaríkjanna væri friðarsinni.
Ef verðlaun væru marktæk
„Verkið fjallar um það hvernig
minnið virkar, hvernig sumt
gleymist og annað ekki,“ segir
Valgerður Rúnarsdóttir, sem semur
nú verkið Farangur í samvinnu við
Íslenska dansflokkinn.
„Maður gleymir hversdags-
legum hlutum eins og hvar lyklarnir
manns eru en svo geta til dæmis
löngu gleymdar minningar komið
aftur til manns þegar maður finnur
lykt sem maður tengir við minn-
inguna. Farangurinn eru svo þær
minningar sem maður ferðast með
áfram af öllum þessum upplifunum
í lífinu í einhvers konar huglægu
farangursrými. Þetta er það sem við
höfum verið að skoða, en svo geta
dansverk verið svo abstrakt. Áhorf-
endur fara kannski á allt annað
ferðalag. Við erum ekki að mata
áhorfandann þó að við vitum hvað
við viljum segja.“
Undanfarin sex ár hefur
Valgerður unnið með belgíska dans-
höfundinum Sidi Larbi Cherkaoui.
„Ég hef túrað með honum út um
allan heim, og síðast fórum við
til Sao Paulo í Brasilíu. Hann er
ein skærasta stjarnan í samtíma-
dansheiminum og er mikið í því að
blanda saman ólíku listafólki alls
staðar að úr heiminum. Hann stefn-
ir til dæmis fólki með samtímadans-
bakgrunn, eins og mér, saman með
breikurum, flamingódönsurum og
magadönsurum. Eins vinnur hann
með fjölbreytilegum hópi leikara
og tónlistarmanna og annarra lista-
manna. Það var mjög skemmtileg
reynsla að vinna með honum. Við
ferðuðumst út um allan heim og það
er auðvitað gaman að sjá heiminn
á meðan maður er í vinnunni. Mér
fannst kannski ekki síst skemmti-
legt að dansa fyrir ólíka áhorfendur.
Áður en ég vann með honum hafði
ég unnið sem dansari hjá Íslenska
dansflokknum og þá vorum við
oft að sýna fyrir sama áhorfenda-
hópinn svo ferðirnar um heiminn
voru áhugaverð tilbreyting.“
Nýja dansverkið verður frum-
sýnt 1. febrúar. „Dansflokkurinn
sýnir þrjú verk þetta kvöld og Far-
angur verður eitt þeirra.“ Áður en
Valgerður fór utan til að vinna með
Sidi Larbi Cherkaoui vann hún sem
dansari hjá Íslenska dansflokknum
í fimm ár. Nú er hún aftur að vinna
með Íslenska dansflokknum, en sem
danshöfundur. „Ég er að semja verk
fyrir hann en geri það líka í sam-
vinnu við hópinn. Ég kem með hug-
mynd og dansararnir fara lengra
með hugmyndina, og við vinnum
verkið í sameiningu. Samstarfið er
afskaplega þægilegt enda þekki ég
hópinn vel. Þetta eru vinir mínir.“
Valgerður er einnig að vinna að
öðru verki með öðrum hópi sem
verður frumsýnt í janúar.
„Hitt dansverkið er ég að semja
með Þyri Huld Árnadóttur og Urði
Hákonardóttur tónlistarkonu. Það
heitir Óraunveruleikir og við frum-
sýnum það í Þjóðleikhúsinu.“
ugla@frettabladid.is
Túrar með skærustu
stjörnu samtímadans
Valgerður Rúnarsdóttir semur dans fyrir Íslenska dansfl okkinn. Hún hefur unnið
með belgískum danshöfundi í sex ár og túrað með honum út um allan heim.
STYTTIST Í
FRUMSÝNINGU
Farangur verður
frumsýnt
1. febrúar.
FRÉTTABLAÐIÐ/VALLI
Pippa Middleton, systir hertoga-
ynjunnar af Camebridge, Kate
Middleton, trúlofaðist banka-
manninum Nico Jackson í byrjun
þessa mánaðar er þau voru á
ferðalagi um Indland.
Pippa og Nico hafa verið saman
í fimmtán mánuði og stefna á að
ganga í það heilaga á næsta ári.
Pippa vakti óskipta athygli í brúð-
kaupi systur sinnar árið 2011
þegar hún giftist Vilhjálmi prins.
Nýtrúlofaða parið ætlar að eyða
öðrum degi jóla hjá Middleton-
fjölskyldunni í Bucklebury áður
en þau fara í frí í Ölpunum um
áramótin.
- lkg
Pippa trúlofuð
VERÐANDI BRÚÐUR Pippa ljómaði í
brúðkaupi systur sinnar árið 2011.
Á FÖSTU Niall er byrjaður að deita.
One Direction-sjarmörinn Niall
Horan hefur sést spóka sig um
London með Victoria‘s Secret-
fyrirsætunni Barböru Palvin.
Nú nýverið borðuðu þau kvöld-
mat saman og fengu sér drykk á
klúbb í borginni. Nokkrum dögum
síðar sáust þau saman í bíó.
„Þau hlógu og grínuðust saman
alla myndina og voru mjög af-
slöppuð. Maður sá að þeim leið vel
í félagsskap hvors annars,“ segir
einn gestur kvikmyndahússins.
Niall hefur ekki viljað tjá sig
um ástarsambandið.
Niall er afar eftirsóttur um
allan heim enda hefur stráka-
sveitin One Direction gert allt vit-
laust síðustu misseri.
Þeir lentu í þriðja sæti í breska
X Factor árið 2010 en plöturnar
þeirra þrjár, Up All Night, Take
Me Home og Midnight Memories
hafa slegið fjöldamörg met.
- lkg
Hittir fyrirsætu
ANCHORMAN 2 10 FORSÝNING
FROZEN 2D 4:45
FROZEN 3D 4:45
HUNGER GAMES 2 7, 9, 10
FURÐUFUGLAR 2D 5
ÍSL TAL
FORSÝNING KL. 21
NÁNAR Á MIÐI.IS
ANCHORMAN 2 (FORSÝNING)
FROSINN 2D
FROSINN 3D
THE HUNGER GAMES 2
THE HUNGER GAMES 2 LÚXUS
THE COUNCELOR
PIONEER
MANDELA
THE HUNGER GAMES 2
HROSS Í OSS
PIONEER
MANDELA
THE HUNGER GAMES 2
KL. 9
KL. 3.30 - 5.40
KL. 3.30 - 6
KL. 5 - 6 - 8 - 9
KL. 5 - 8
KL. 8
KL. 6 - 8
KL. 10
KL. 6
Miðasala á: og
KL. 6 - 9
KL. 6 - 9
KL. 6 - 9
KL. 6 - 9
-H.S.S, MBL
PHILOMENA
SJÁ FLEIRI SÝNINGAR Á WWW.BIOPARADÍS.IS - Miðasala: 412 7711 - Hverfisgata 54 - bioparadis.is - Hluti af Europa Cinemas
ÁLFABAKKA
AKUREYRI
EGILSHÖLL
KRINGLUNNI
KEFLAVÍK
USA TODAY LOS ANGELES TIMES
Ábendingahnappinn má
finna á www.barnaheill.is