Fréttablaðið - 19.12.2013, Page 96

19. desember 2013 FIMMTUDAGUR| SPORT | 84
FÓTBOLTI „Mér finnst ég eiga mikið inni á erlendri
grundu. Sérstaklega í ljósi þess að ég er laus við
meiðslin,“ segir Margrét Lára Viðarsdóttir. Marka-
drottningin er samningslaus en hún varð þriðji til
fjórði markahæsti leikmaður sænsku deildarinn-
ar með Kristianstad á síðustu leiktíð með 13 mörk.
Samningur hennar rann út í kjölfarið og kaus hún
að endurnýja hann ekki að svo stöddu. Margrét Lára
hefur verið á Íslandi undanfarnar vikur og notið þess
að vera í fríi frá fótbolta.
„Maður er svo sem aldrei í fríi. Þegar maður er
atvinnumaður æfir maður allt árið,“ segir Margrét
Lára. Hún fagnar því að geta loksins gert
æfingar sem hafa reynst henni erfiðar
undan farin ár sökum langvinnra meiðsla.
Hún vill ekkert gefa upp um líklegan
áfangastað en segir þó að spennandi tímar
séu framundan.
Þurfti að breyta um lífsstíl
„Það má segja að ég sé að fá mitt annað
tækifæri á ferlinum til þess að spila fót-
bolta. Ég þarf að nýta það rétt,“ segir
framherjinn sem spilaði meidd í heil
fimm ár og gat ekki beitt sér að
fullu. Sökum þess yfirgaf hún
mikið æfingaálag hjá þýska
félaginu Turbine Potsdam
og gekk í raðir Kristi-
anstad sumarið 2012.
Elísabet Gunnarsdóttir
þjálfar liðið og mætti
Margrét Lára miklum
skilningi hvað meiðslin
varðaði og æfingaálag-
ið minnkaði til muna.
„ Ég þurft i að
breyta um lífsstíl.
Ég var vön að æfa tíu
til tólf sinnum í viku
en æfi nú sex til sjö
sinnum. Þannig verð-
ur mín framtíð ef ég
ætla að spila fótbolta,“ segir Eyjamærin 27 ára. Hún
þurfi að æfa minna en einfaldlega nýta æfingarnar
betur.
„Ef ég fer í nýtt umhverfi þarf að vera skilningur á
þessu svo ég geti notið mín og blómstrað.“
Margrét Lára er ekki sú eina í fjölskyldunni sem
liggur undir feldi þessa dagana. Elísa, yngri systir
hennar, sem spilað hefur undanfarin sjö sumur með
uppeldisfélagi sínu, ÍBV, er með tilboð frá fleiri
íslenskum félögum að sögn Margrétar. Þá hafi erlend
félög sýnt henni áhuga.
Launin skipta ekki mestu
„Hún er metnaðarfull og langar eins og marga
að reyna fyrir sér erlendis,“ segir Margrét
um Elísu sem er 22 ára. Elísa hefur spilað
mest sem hægri bakvörður en einnig mið-
vörður með Eyjaliðinu. Hlaupageta hennar
er með ólíkindum og var hún í landsliðshópi
Íslands á EM síðastliðið sumar.
„Hún verður að halda áfram að sýna sig
og standa sig vel,“ segir Margrét. Elísa
þurfi að passa að taka rétt skref ætli
hún í nýtt umhverfi og skoða hlutina í
víðu samhengi. Þjálfarateymi, sam-
herjar og umhverfið skipti meiru
máli en launin.
„Fólk má auðvitað samt ekki
svelta í hel,“ segir Margrét
Lára. Hún reiknar með því
að þær systur taki ákvörð-
un um framtíð sína áður en
árið er úti.
„Það er alltaf rosa-
lega gott að vera búin að
ákveða sig þegar nýtt
ár gengur í garð. Vera
búin að setja sér mark-
mið og geta skálað fyrir
þeim og góðu ári. Við
systurnar munum gera
það.“
kolbeinntumi@frettabladid.is
Systurnar munu skála um áramótin
Margrét Lára Viðarsdóttir hefur ekki ákveðið hvar hún spilar fótbolta á næstu leiktíð. Eyjamærin 27 ára segist vera að fá sitt annað
tækifæri á ferlinum í íþróttinni eft ir langvarandi meiðsli. Systurnar Elísa og Margrét stefna á ákvörðunartöku fyrir áramótin.
„Potsdam fær ekki til sín erlendan leikmann til að vera á bekknum,“
segir Margrét Lára um nýtt félag Guðbjargar Gunnarsdóttur. Lands-
liðsmarkvörðurinn gekk til liðs við þýska risann á dögunum en
Margrét varð þýskur meistari með liðinu árið 2012.
„Þetta verður vonandi gæfuspor fyrir hana og á eftir að gera hana
að enn betri leikmanni,“ segir Margrét. Hún segir liðið klárlega eitt
af þremur stærstu í Evrópu enda berjist liðið árlega um titlana í
Þýskalandi og Meistaradeild Evrópu.
„Með fullri virðingu fyrir öðrum liðum er þetta toppurinn.“
Margrét Lára segir félagaskiptin enn eitt dæmi þess hve hátt
íslenskir leikmenn séu metnir í Evrópu. Liðið hafi verið í markvarðar-
leit í eitt og hálft ár. Sú sem standi í markinu núna hafi verið þriðji
kostur fyrir tveimur árum er Margrét Lára var á mála hjá félaginu.
„Gugga er bara miklu betri markvörður.“
Gugga er bara miklu betri markvörður
NÚMER 13 Guðbjörg fékk langþráð tækifæri á milli stanganna hjá landsliðinu á
EM í sumar sökum meiðsla Þóru Bjargar Helgadóttur. Guðbjörg sló í gegn og hlaut
mikið lof fyrir frammistöðu sína. NORDICPHOTOS/GETTY
FÓTBOLTI Tottenham og West Brom
eru í leit að nýjum stjóra eftir að
Andre Villas-Boas og Steve Clarke
voru reknir á dögunum. Fimm
stjórar hafa fengið að taka pok-
ann sinn á leiktíðinni og ljóst að
þolinmæði eigenda ensku úrvals-
deildarfélaganna gagnvart mönn-
unum í brúnni er lítil.
Eftir að Sir Alex Ferguson
lét af störfum í vor eftir 27 ár
í starfi hjá Manchester Uni-
ted ber Arsene Wenger, stjóri
Arsenal, höfuð og herðar yfir
kollega sína í deildinni
þegar kemur að
lengd starfsferils.
Frakkinn hefur
stýrt Arsenal frá
haustinu 1996
þegar hann tók
við liðinu af
Bruce Rioch.
Forveri Wen-
gers hékk í
starfi í eitt ár
áður en hann
fékk að fjúka.
Sá líftími er
í takt við þann
sem stjórar á Englandi og víðar búa
við. Reyndar eru laun stjóranna af
þeirri stærðargráðu að enginn ætti
að missa svefn yfir starfsskilyrðum
þeirra.
Helmingur stjóranna í ensku
úrvalsdeildinni hefur verið skemur
en eitt ár í starfi. Sá sem hefur
verið næstlengst í starfi er
Alan Pardew, stjóri New-
castle. Sá enski heldur
upp á þriggja ára afmæli
í starfi hjá þeim svörtu og
hvítu í mánuðnum.
Meðalstarfsaldur
stjóranna átján sem
stýra liðum í ensku
úrvalsdeildinni í
dag er rétt rúm
tvö ár. Starfs-
aldur Wengers
skekkir myndina
töluvert. Sé hann
ekki talinn með
er meðalstarfs-
aldur hinna
sautján
þrettán
mánuðir.
- ktd
Wenger í sérfl okki
Helmingur stjóranna hefur verið innan við ár í starfi .
Stjórar Félag Þjóðerni Mánuðir í starfi
Arsene Wenger Arsenal Franskur 207
Alan Pardew Newcastle United Enskur 36
Malky Mackay Cardiff Skoskur 30
Sam Allardyce West Ham Enskur 30
Paul Lambert Aston Villa Skoskur 18
Steve Bruce Hull City Enskur 18
Brendan Rodgers Liverpool Norður-Írskur 18
Chris Hughton Norwich City Enskur 18
Michael Laudrup Swansea City Danskur 18
Mauricio Pochettino Southampton Argentínskur 11
David Moyes Manchester United Skoskur 7
Mark Hughes Stoke City Velskur 7
Jose Mourinho Chelsea Portúgalskur 6
Roberto Martinez Everton Spænskur 6
Manuel Pellegrini Manchester City Chileskur 6
Gus Poyet Sunderland Úrúgvæskur 2
Tony Pulis Crystal Palace Velskur 1
Rene Muelensteen Fulham Hollenskur 0
Tottenham og West Brom eru án knattspyrnustjóra þessa stundina.
ÍS
LE
N
SK
A/
SI
A.
IS
/N
AT
6
18
85
1
1/
12
Settu hátíðarkraft í
sós una með Knorr
– kraftinum sem þú
þekkir og treystir!
...kemur með góða bragðið!
Hátíðarkrafturinn
kemur úr Knorr
Starfstími stjóranna átján á Englandi