Fréttablaðið - 13.01.2014, Blaðsíða 14

13. janúar 2014 MÁNUDAGUR| SKOÐUN | 14
AF NETINU
Spuni og blaður
Spunakerling ráðuneytis setur
á blað tilbúnar ávirðingar um
hælisleitanda. Upp komst um
spunann. Blaðurfulltrúi ráðu-
neytisins segir, að fyrirspurnum
um málið verði ekki svarað. Fer
síðan á fund í dómnefnd verð-
launa fyrir ársins beztu blaða-
mennsku. Ákveður þar, að fréttir
af skandalnum séu ekki hæfar
til verðlauna. Þannig er Ísland
í dag, fúlt fiskabúr fyrir spuna
og falsanir. Í öðru ráðuneyti er
spunnið, að minnkun friðlands
sé stækkun. Ráðherra stöðvar
eldri stækkun og slakar henni
svo laskaðri í gegn. Dæmigerður
spuni á ferð. Ráðherrar snúast
um fals og lygi. Því er gert grín að
Íslandi í NY Times.
http://www.jonas.is
Jónas Kristjánsson
Skattar, gjöld og b
Staðgreiðsla
Staðgreiðsla skatta 2014 er reiknuð í þremur þrepum.
Útreikningur fyrir mánaðartekjur er sem hér segir:
Af fyrstu 290.000 kr. ................................... 37,30%
Af næstu 494.619 kr. ................................... 39,74%
Af fjárhæð umfram 784.619 kr. ................. 46,24%
Frádráttur vegna lífeyrisréttinda
Heimill frádráttur vegna greiðslu launþega til almennra
lífeyrisréttinda er 4% af iðgjaldsstofni. Frádráttur vegna
séreignarsparnaðar er 2% af iðgjaldsstofni en verður
4% frá 1. júlí.
Persónuafsláttur
Persónuafsláttur er 50.498 kr. á mánuði.
Skattlagning barna
Börn fædd 1999 og síðar greiða 6% af tekjum
yfir 180.000 kr.
Laun frá fleiri en einum launa-
greiðanda
Þeir sem hafa laun frá fleiri en einum launagreiðanda þurfa
að gæta þess að rétt hlutfall sé notað við útreikning á stað-
greiðslu. Fari laun yfir 290.000 kr. hjá einum launagreiðanda
þarf að reikna 39,74% staðgreiðslu af launum hjá öðrum
launagreiðendum, eða eftir atvikum 46,24%.
Tryggingagjald
Tryggingagjald er 7,59%.
Fjársýsluskattur
Fjársýsluskattur er 5,5%.
Fjármagnstekjuskattur
Skattur á fjármagnstekjur er 20%.
Framtal og álagning
Barnabætur
Barnabætur með fyrsta barni hjóna eru 167.564 kr. og með
hverju barni umfram eitt 199.455 kr. Bætur með fyrsta barni
einstæðs foreldris eru 279.087 kr. og með hverju barni
umfram eitt 286.288 kr.
Skerðingarmörk vegna tekna eru 4.800.000 kr. hjá hjónum
og 2.400.000 kr. hjá einstæðu foreldri. Bæturnar skerðast
um 3% af tekjum umfram þessi mörk fyrir eitt barn, 5% fyrir
tvö börn og 7% ef börnin eru þrjú eða fleiri.
Viðbótargreiðsla með hverju barni yngra en 7 ára er 100.000
kr. og skerðist um 3% af tekjum umfram ofangreind mörk.
Vaxtabætur
Hámark vaxtabóta er 400.000 kr. fyrir einhleyping,
500.000 kr. fyrir einstætt foreldri og 600.000 kr.
fyrir hjón/sambúðarfólk.
Vaxtagjöld til útreiknings vaxtabóta geta ekki orðið hærri
en 7% af eftirstöðvum skulda vegna íbúðarkaupa og að
hámarki 800.000 kr. hjá einhleypingi, 1.000.000 kr. hjá
einstæðu foreldri og 1.200.000 kr. hjá hjónum og sam-
búðarfólki. Skerðing vegna tekna er 8,5% af tekjustofni.
Vaxtabætur einhleypinga og einstæðra foreldra byrja að
skerðast við nettóeign 4.000.000 kr. og falla niður þegar
hún nær 6.400.000 kr.
Vaxtabætur hjóna og sambúðarfólks byrja að skerðast
við nettóeign 6.500.000 kr. og falla niður þegar hún nær
10.400.000 kr.
Í stofunni heima hjá mér er
búnaður til móttöku á um
900 erlendum sjónvarps-
rásum um gervihnött auk
ótrúlegs framboðs á sjón-
varpsþáttum og kvikmynd-
um um streymiþjónustur á
borð við iTunes, Netflix og
Hulu. Einkareknir íslensk-
ir ljósvakamiðlar bjóða mér
svo afbragðs skemmtun og
afþreyingu, hvort sem er í
áskrift eða ókeypis á rásum
sem fjármagna starfsemi
sína eingöngu með auglýs-
ingum. Enginn hefur tölu á fjölda
erlendra útvarpsstöðva sem standa
til boða auk þess að Spotify Radio og
Deezer hafa ráðist með látum inn á
tónlistarmarkaðinn. Fréttir finnast
svo víða að varla er hægt að forðast
þær, dagblöð koma án greiðslu inn
um póstlúguna, nýir miðlar spretta
stöðugt upp á internetinu, Twitter
og Facebook tengja svo umræðuna
á rauntíma.
Þurfa skattgreiðendur að bæta
við þessa mynd með ríkisreknum
fjölmiðli? Af hverju þarf hver ein-
asti skattskyldur lögaðili á Íslandi
að greiða nær 20 þúsund krónur
á ári til reksturs Ríkisútvarpsins
þegar Stöð 2 og Skjár Einn bjóða
okkur upp á prýðis afþreyingu?
Væri ekki þessum rúmu þremur
milljörðum betur varið í tækja-
kaup fyrir Landspítalann? Nú eða
einfaldlega lækka skatta og hækka
ráðstöfunartekjur heimilanna þann-
ig að allir geti kosið hvaða fjölmiðla
þeir kaupa?
En skattgreiðendur fengju þá ekki
sérlega marga þætti þar sem íslensk
menning og stjórnmál eru krufin
til mergjar. Íslensk nútímatónlist,
íslenska sinfónían og íslenskt leik-
hús myndu mun sjaldnar ná eyrum
þeirra. Minni umfjöllun og grein-
ing yrði á heimsfréttum eins og þær
snúa að Íslandi. Það yrði líka minna
um nýja, leikna íslenska sjónvarps-
þætti.
Að sjálfsögðu myndum við áfram
hafa Stöð 2, Skjá Einn og Bylgjuna
sem hafa öll staðið sig afbragðs vel í
ójafnri samkeppni við Ríkis útvarpið
en við myndum samt missa af miklu
því sem skiptir okkur máli. Hætt er
við að íslenskur fjölbreyti-
leiki myndi minnka mikið
þegar enginn yrði ábyrgur
fyrir skráningu á íslensku
þjóðlífi og menningu.
Meiri kröfur
Ríkisútvarpið er okkur
nauðsynlegt sem alíslensk
sjónvarps- og útvarpsstöð
með skuldbindingar varð-
andi fjölbreytni og hlut-
leysi, varðandi íslenskt lýð-
ræði og menningu. Okkur
er nauðsynlegt að umræða
um íslenskar og erlendar fréttir geti
farið fram á vettvangi sem ekki er
algerlega háður því að ná augum
eða eyrum sem flestra því slíkt
umhverfi kallar sjálfkrafa á breið-
asta og oft um leið lægsta samnefn-
ara. Við eigum að geta gert miklu
meiri kröfur um gæði til sjálfstæðs
ríkisútvarps heldur en allra annarra
fjölmiðla.
Almannaútvarp þarf alls ekki að
vera fámennaútvarp. Því ber hins
vegar skylda til að taka tillit til
þess að ekki eru allir steyptir í sama
mótið. Við höfum öll ólík áhugamál
og ólíkar skoðanir. Við sækjumst
ekki öll eftir sömu afþreyingu eða
upplýsingum en við eigum það öll
sameiginlegt að vera Íslendingar.
Aðeins á meðan við rekum íslenskt
ríkisútvarp getum við gert kröfur
um ítarlega greiningu á íslensku
þjóðlífi, upplýsingar um það sem
íslenskt er og leikið íslenskt efni
sem endurspeglar raunveruleika
okkar, samtíma, sögu og menningu.
Sem sagt kröfur um eitthvað fyrir
alla. Einungis ríkisútvarpi er hægt
að fela þá ábyrgð að standa vörð um
íslenska menningu og íslenskt lýð-
ræði.
Við þurfum að endurskilgreina
hlutverk ríkisins í rekstri fjöl-
miðla. Á næstu vikum verður geng-
ið frá ráðningu nýs útvarpsstjóra
sem þarf að leiða stofnunina inn í
nýja öld fjölbreytileikans. Hans
bíða ærin verkefni en ég vona að
það fyrsta verði að taka niður ljósa-
skilti í Efstaleitinu þar sem stendur
stórum stöfum RÚV. Við eigum að
kalla hlutina þeirra réttu nöfnum og
temja okkur aftur að tala um Ríkis-
útvarpið. Og vera stolt af því.
Um tilvist Ríkisútvarpsins
RÍKISÚTVARPIÐ
Magnús
Ragnarsson
aðstoðarmaður
mennta- og menn-
ingarmálaráðherra
➜ Ríkisútvarpið er okkur
nauðsynlegt sem alíslensk
sjónvarps- og útvarpsstöð með
skuldbindingar varðandi fjöl-
breytni og hlutleysi, varðandi
íslenskt lýðræði og menningu.
Þú færð Blaðberann þinn í
Skaftahlíð 24 alla virka daga
frá kl. 9-17.
...góðar fréttir fyrir umhverfið
Blaðberinn...
Blaðberinn
bíður þín