Fréttablaðið - 17.04.2014, Blaðsíða 12
17. apríl 2014 FIMMTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Við erum dugleg að kenna börnunum okkar
dyggðir. Við viljum að þau standi við orð
sín, séu heiðarleg, steli hvorki né ljúgi,
fari ekki í manngreinarálit og séu góð
við minnimáttar. Við teljum hógværð til
mannkosta, nægjusemi, ráðdeild, tillits-
semi og kennum aðgát í nærveru sálar. Við
viljum að börnin okkar komi hreint fram,
sýni öðrum virðingu og taki samfélagslega
ábyrgð þegar þar að kemur. Þessar siða-
reglur eiga að tryggja heilsteypta einstak-
linga og velgengni í lífinu.
Út frá manngildi er ofangreind sýn tær
og falleg en er hún vænleg? Hverjir tróna
í efstu lögum á Íslandi? Er það fólk sem
hefur haft hógværð að leiðarljósi? Eru
nægjusamir einstaklingar að gera það
gott? Er tillitssemi að skila árangri í lífs-
gæðakapphlaupinu? Eru þeir sem helga
sig hjálparstörfum hátt metnir í launastig-
anum? Er vænlegra til frama að sýna fylgi-
spekt eða vera hreinskilinn? Hvorum vegn-
ar betur, ráðdeildarmanninum sem eyðir
ekki umfram efni eða óreiðumanninum
sem hringsnýst á tíundu kennitölunni? Er
stjörnulögfræðingur sá sem leitar rétt lætis
eða sá sem sigrar? Er kjörþokki fólginn í
heiðarleika eða blekkingu? Eða kannski
útlitinu einu saman? Kjósum við frambjóð-
anda sem segir okkur það sem við þurfum
að heyra eða það sem við viljum heyra?
Hvort er vænlegra til valda á Íslandi, sann-
leikurinn eða lygin?
Hverjir eru ríkastir á Íslandi í dag? Eru
það grandvarir og fyrirhyggjusamir kaup-
sýslumenn eða heiðarlegir atvinnurek-
endur sem hafa unnið sig upp? Gegna sið-
blindir sjálftökumenn einhverju hlutverki í
auðsöfnun á Íslandi? Og hverjir eiga Ísland,
náttúruperlurnar, fiskimiðin, fjölmiðlana,
feitustu stöðurnar hjá hinu opinbera? Er
það hinn almenni Íslendingur eða sá inn-
múraði? Hinn sjálfstæði Íslendingur sem
ber skoðanir sínar á torg eða músin sem
læðist með flokksskírteinið í vasanum?
Hverjir búa Ísland, er það samheldin,
dyggðum prýdd þjóð eða sundurleit hjörð,
óalandi og óferjandi?
Maður spyr sig þessara spurninga og
veltir óhjákvæmilega fyrir sér hvort rétt
sé að kenna börnunum dyggðir. Myndu þau
ekki pluma sig miklu betur ef þau kynnu að
ljúga, svíkja, stela, vera sæt, smjaðra, gefa
skít í náungann og umgangast engan nema
hafa af því einhvern hag? Svei mér þá, það
skyldi þó ekki vera?
Eigum við að kenna
börnunum okkar dyggðir?
SAMFÉLAG
Lýður Árnason
læknir og vaktstjóri
Lýðræðisvaktar-
innar
Innskot í Fréttablaðið skilar árangri!
MEST LESNA
DAGBLAÐ Á ÍSLANDI*
Fréttablaðið er mest lesna dagblaðið landsins
með glæsilegt forskot á keppinautana.
Meðallestur Fréttablaðsins í
aldurshópnum 25-54 ára er 73%
á höfuðborgarsvæðinu.*
Við bendum auglýsendum á að notfæra
sér forskotið þegar þeir velja dreifingarleið
fyrir fjölpóst sinn. Við dreifum sex daga
vikunnar til heimila á stærsta markaðssvæði landsins.
Kannaðu dreifileiðir og verð í síma 512 5448
eða í tölvupóstfangi fjolpostur@frettabladid.is
*P
re
nt
m
ið
la
kö
nn
un
C
ap
ac
en
t o
kt
ób
er
–d
es
em
be
r 2
01
2
–
hö
fu
ðb
or
ga
rs
væ
ði
2
5-
54
á
ra
HAFÐU FJÖLPÓSTINN ÞINN
Í FRÉTTABLAÐINU
I
llugi Gunnarsson menntamálaráðherra blés fyrirhugaða
sameiningu Landbúnaðarháskóla Íslands á Hvanneyri og
Háskóla Íslands af, eftir að hagsmunaöfl á borð við sveitar-
stjórn Borgarbyggðar og Bændasamtökin höfðu lagzt
eindregið gegn henni, ásamt þingmönnum Norðvesturkjör-
dæmis.
Samkvæmt því sem fram kom í fréttaskýringu í Fréttablaðinu
á þriðjudaginn eru þó farnar að heyrast efasemdaraddir, að
minnsta kosti í hópi þingmannanna, um að það sé rétt að streitast
á móti sameiningunni. Hugsanlega gæti enn orðið af henni.
Ein ástæðan fyrir því gæti
verið sú að Illugi Gunnarsson
hyggst taka harðar á halla-
rekstri LBHÍ en forverar hans
og hefur farið fram á áætlun um
hvernig eigi að koma rekstrinum
í jafnvægi. Hún liggur fyrir og
gerir ráð fyrir að skorið verði
niður um 70 milljónir á þessu ári, sem þýðir að stöðugildum við
skólann verði fækkað um fimmtán. Sameiningaráformin gerðu
hins vegar ráð fyrir fjárfestingum og uppbyggingu á Hvanneyri.
Hugsanlega hafa rök fræðimanna við báða háskólana, sem
nú eru farnir að láta í sér heyra, líka áhrif. Þrír fjórðuhlutar
akademískra starfsmanna LBHÍ hafa skorað á rektor skólans,
ráðherrann og allsherjar- og menntamálanefnd Alþingis að klára
sameiningarferlið. Háskólaráð HÍ hefur sömuleiðis kallað eftir
því að tækifærin sem kunni að skapast með sameiningunni verði
skoðuð áfram með opnum huga.
Ágúst Sigurðsson, rektor LBHÍ, segir að meiningin sé að
efla starfsmenntanám á Hvanneyri og alls ekki að starfsemin
minnki og sogist til Reykjavíkur, heldur þvert á móti. Kristín
Ingólfsdóttir, rektor HÍ, segir að það verði gífurleg vonbrigði
ef ekki verði úr sameiningunni vegna andstöðu sveitarfélagsins
og Bændasamtakanna. Hún benti í viðtali við Stúdentablaðið á
að landbúnaður væri að þróast hratt sem þekkingargrein og því
fylgdu auknar kröfur til námsins. Það væru því mjög spennandi
tengingar á milli skólanna.
Kennarar LBHÍ bentu í grein í Morgunblaðinu á að landbún-
aðarvísindi og tengdar greinar ætti ekki að reka í sérhólfi heldur
sæmdi þeim að vera við hlið annarra mikilvægra fræðigreina.
Það væri líka leiðin sem nágrannaþjóðirnar hefðu farið á síðustu
árum.
Þetta er mikilvægur punktur í málinu. Hvaða rök eru fyrir því
að sérstakur háskóli sé rekinn fyrir landbúnaðinn, fremur en til
dæmis sjávarútveginn, ferðaþjónustuna eða stóriðjuna? Flestar
fræðigreinar græða á sambýli og samstarfi við aðrar.
Kjarni málsins er kannski það sem kemur fram í grein kennar-
anna á Hvanneyri: „Sjálfskipaðir umsagnaraðilar Borgarbyggðar
og Bændasamtaka Íslands hafa án faglegrar röksemdafærslu
sett sig gegn sameiningaráformum.“ Flest bendir nefnilega til
að þessi hagsmunaöfl séu föst í gamaldags ótta við breytingar,
fremur en að hlusta á fagleg rök um þau tækifæri fyrir báða
háskólana og fyrir landbúnaðinn sem atvinnugrein sem felast í
sameiningunni.
Vísindamenn vilja sameiningu háskóla:
Óttinn við
tækifærin
Ólafur Þ.
Stephensen
olafur@frettabladid.is
Þægileg sæti
Borgarstjórn Reykjavíkur samþykkti í
vikunni að veita íþróttafélaginu Fylki
fjögurra milljóna króna styrk vegna
uppsetningar sæta í áhorfendastúku.
Áður en tillaga þessi var samþykkt
var tillaga sjálfstæðismanna í borgar-
stjórn hins vegar felld, en þeir vildu
veita félaginu tæplega átta millj-
óna styrk til verkefnisins. Einn
borgarfulltrúi, Sóley Tómas-
dóttir hjá Vinstri grænum,
vildi hins vegar engan styrk
veita. Hún lagði fram bókun
þar sem meðal annars kom
fram að þegar hefði 90
milljónum verið varið í verkið,
með fögrum fyrirheitum
um ráðdeild og sparnað
við framkvæmdir, og
nú ætti að bæta í. Hún
sagði að á meðan leik- og grunnskóla-
starf færi fram við þröngan kost og
viðhaldi skólabygginga væri stórlega
ábótavant væri óréttlætanlegt að
veita meira í nógu þægileg sæti fyrir
áhorfendur meistaraflokks Fylkis.
Grínistinn Guðni
Vefsíðan Eyjan hefur sett sig í
stellingar völvu þegar kemur að
hugleiðingum um hver taki
oddvitasæti framsóknarmanna í
Reykjavík eftir að Óskar Bergs-
son dró sig í hlé. Þar segir að
orðið á götunni sé að góður
möguleiki sé á því að Guðni
Ágústsson, fyrr-
verandi ráðherra
og formaður
flokksins,
fari fram.
Guðni er þar borinn saman við Jón
Gnarr, núverandi borgarstjóra og
grínista– Guðni sé geysivinsæll, njóti
stuðnings úr öllum flokkum og kunni
sannarlega að gera lífið skemmti-
legra. Hann sé þó að sönnu ekki á
heimavelli þegar komi að borgarpóli-
tíkinni, en Eyjan spyr hvort hið sama
hafi ekki gilt um Jón Gnarr
fyrir fjórum árum. Það má
allavega fullyrða að Vaktar-
sjónvarpsseríurnar hefðu
verið áhugaverðar með
Guðna Ágústsson í aðal-
hlutverki.
fanney@frettabladid.is