Fréttablaðið - 01.05.2014, Blaðsíða 2

1. maí 2014 FIMMTUDAGUR| FRÉTTIR | 2
NÁTTÚRA Aukin refaveiði hefur
ekki skilað tilætluðum árangri og
svo virðist sem veiðin hafi frekar
orðið til þess að refum fjölgi en
fækki, segir Ester Rut Unnsteins-
dóttir, spendýravistfræðingur hjá
Náttúrufræðistofnun Íslands.
Ástæðan er aukin áhersla á
vetrarveiði, sem fer þannig fram
að egnt er fyrir refina með því að
bera út æti og þeir skotnir þegar
þeir koma nærri. Ester segir margt
benda til þess að allt of mikið æti
sé sett út og þar sem það sé ekki
vaktað öllum stundum verði það til
þess að refir sem ella hefðu soltið
í hel yfir veturinn nái að komast í
fæði og lifa af.
Alls voru 84 þúsund refir drepnir
á sautján ára tímabili, frá 1995 til
2012. Kostnaðurinn við veiðarnar
var um 1,6 milljarðar, uppreiknað
á verðlag ársins í ár, segir Ester.
Refastofninn náði lágmarki
um 1970, en þá hafði langt kulda-
skeið farið illa með stofninn, segir
Ester, auk þess sem eitrunarherferð
hafði áhrif. Síðan hefur refastofn-
inn verið á uppleið og tók sérstakan
kipp upp úr 1997.
„Það voru sett ný lög um friðun
refsins árið 1994, og eftir að þau
lög tóku gildi, sérstaklega árið 1997,
var farið í sérstakt veiðiátak,“ segir
Ester. „Þá var meiri áhersla lögð á
vetrarveiðar og minni á grenja-
vinnslu, sem getur verið dýr og
tímafrek.“
Ester segir að um 500 veiðimenn
hafi unnið á þessum 84 þúsund
dýrum. Margir þeirra leggi út tals-
vert mikið æti. Þegar það bætist við
náttúrulegt fæðuframboð refsins á
erfiðasta tíma ársins hafi það áhrif.
Hún leggur til að haldið verði
utan um hversu mikið æti sé lagt
út. Það gæti jafnvel verið ódýr-
ari aðgerð til að fækka dýrunum
að hætta að leggja út æti fyrir
refi yfir veturinn. Verkefnin eru
önnur í Skandinavíu, þar sem tóf-
unni hefur fækkað gríðarlega, og
hún er í mikilli útrýmingarhættu.
Þar hafa vísindamenn komist að því
að besta leiðin til að styrkja stofn-
inn sé að setja út æti að vetrarlagi,
segir Ester. brjann@frettabladid.is
Refum hefur fjölgað
vegna aukinnar veiði
Veiðimenn sem setja út fæði til að lokka til sín tófur gætu hafa orðið þess valdandi
að viðkoma stofnsins er sífellt að batna. Fæðið verður til þess að tófur sem hefðu
ella drepist nái að lifa af veturinn segir sérfræðingur hjá Náttúrufræðistofnun.
FJÖLGAR Halda ætti utan um hversu mikið æti veiðimenn setja út til að lokka til
sín refi segir Ester Rut Unnsteinsdóttir, spendýravistfræðingur hjá Náttúrufræði-
stofnun Íslands. FRÉTTABLAÐIÐ/VILHELM
■ Refastofninn á Íslandi er talinn vera á
bilinu 10 til 13 þúsund dýr.
■ Tófan er ein af þrettán refategundum í
heiminum og sú tegund sem býr nyrst allra.
■ Aðeins 200 dýr af sömu tegund og ís-
lenska tófan eru eftir í Skandinavíu. Álíka
margir vísindamenn vinna að rannsóknum
á stofninum.
■ Ekkert spendýr hefur fundist nær
Norðurpólnum en tófan, ekki einu sinni ísbjörn.
■ Tófan er vel aðlöguð kulda og er með þéttastan feld allra dýra að
vetrarlagi.
■ Tófan getur þolað allt að 70 gráða frost, þrátt fyrir að hún safni ekki
miklu fitulagi.
➜ Pólfari með þykkasta feld allra dýra
Siggi, eru rangindin augljós?
Já, þetta er fjarri því stormur
í vatnsglasi.
Siggi Stormur stendur í ströngu við Hafnar-
fjarðarbæ en bærinn hefur ekki auglýst í
miðli hans, H220, þrátt fyrir ítrekaðar beiðnir.
VIÐSKIPTI Íslandsbanki fær láns-
hæfismatið BB+/B með stöð-
ugum horfum frá Standard &
Poor’s. Samkvæmt því er bank-
inn í traustri stöðu á íslenskum
fjármálamarkaði með 30 til 40
prósenta markaðshlutdeild á
flestum sviðum, þrátt fyrir að
vera með minnsta efnahags-
reikninginn af viðskiptabönk-
unum þremur. Einkunn bankans
er aðeins einu þrepi frá íslenska
ríkinu. - fbj
Gott lánshæfismat frá S&P:
Íslandsbanki
fær BB+/B
SKIPULAGSMÁL „Ef það á að þétta
byggð í Reykjavík verður að gera
það í samvinnu við íbúa. Það verð-
ur að vera á hreinu hvert verklag-
ið er,“ segir Hildur Sverrisdóttir
borgarfulltrúi Sjálfstæðisflokks.
Íbúar í vesturbæ urðu fyrir
talsverðum óþægindum og tjóni
vegna sprenginga á Lýsisreit,
snemma í vetur. Íbúar nokkurra
fasteigna á svæðinu undirbúa
málssókn vegna tjóns á fasteign-
um sínum.
Hildur segir að í kjölfar þess
hafi hún og fleiri fulltrúar Sjálf-
stæðisflokksins lagt til að skipað-
ur yrði vinnuhópur sem hefði það
hlutverk að skoða uppbyggingar-
mál borgarinnar.
Hópnum yrði falið að endur-
skoða núgildandi byggingarreglu-
gerð, kortleggja réttarstöðu íbúa,
endurskoða reglur heilbrigðiseft-
irlitsins og fleira er lýtur að stöðu
íbúa gamalla og gróinna hverfa í
framtíðinni.
Borgarstjórn samþykkti að
skipa slíkan hóp 4. mars síðast-
liðinn og átti umhverfis- og skipu-
lagsráð að gera það. Síðan hefur
ekkert gerst.
Hjálmar Sveinsson, Samfylk-
ingu, á sæti í skipulagsráði.
Hann segir að það sé yfirsjón
að hópurinn skuli ekki hafa verið
skipaður strax. „Ef við ætlum að
fylgja þeirri stefnu sem er mörk-
uð í aðalskipulagi að þétta byggð
er nauðsynlegt að fara í gegnum
allar vinnureglur þar sem verið
er að byggja hús inni í grónum
hverfum,“ segir Hjálmar - jme

Borgarstjórn hefur ekki enn skipað starfshóp um framkvæmdir á þéttingarsvæðum í grónum hverfum:
Yfirsjón af okkar hálfu segir borgarfulltrúi
HJÁLMAR SVEINSSON Segir að upp-
lýsingagjöf þurfi að vera í lagi en mis-
brestur hafi verið þar á. FRÉTTABLAÐIÐ/VALLI
STJÓRNMÁL Nýr flokkur hægri manna sem er í deigl-
unni ætlar ekki að bjóða fram til sveitarstjórnar-
kosninga. Benedikt Jóhannsson, talsmaður hópsins,
segir að þessi ákvörðun hafi verið tekin á fundi í gær.
Hann segir ástæðurnar þær að kveikjan að stofnun
flokksins séu Evrópumál, vestræn samvinna og frelsi
í viðskiptum. Þessar hugmyndir lúti fremur að lands-
málum en sveitarstjórnarmálum.
Í öðru lagi sé tíminn til að bjóða fram orðinn
knappur.
Í þriðja lagi segir Benedikt að margir þeirra sem
gætu átt samleið með nýjum flokki hægri manna séu
þegar komnir í framboð fyrir aðra flokka eða fram-
boð.
Hægri menn ætla að halda tvo undirbúningsfundi
í vor.
Í kjölfarið á að stofna nefnd sem á að hafa veg og
vanda af því að stofna flokkinn.
„Okkur liggur ekkert á, það verða væntanlega ekki
þingkosningar fyrr en eftir þrjú ár. Menn vilja gefa
sér góðan tíma og vanda til verka,“ segir Benedikt.
- jme
Nýr flokkur hægri manna ætlar ekki að bjóða fram í kosningum í vor:
Tíminn orðinn of knappur
BENEDIKT JÓHANNSSON Hægrimenn ætla að halda tvo
undirbúningsfundi í vor. FRÉTTABLAÐIÐ/GVA
NEPAL, AP Nepalar lögðu í gær niður kerti í borginni Katmandú til
minningar um sjerpana 16 sem fórust í snjóflóði á Everest 18. apríl.
Með í för í leiðangrinumvoru pólfarinn Vilborg Arna Gissurardóttir
og Ingólfur Axelsson fjallgöngumaður. Þau sluppu bæði ómeidd, en
sneru niður af fjallinu í kjölfar snjóflóðsins.
Everest hefur nú verið lokað fjallgöngumönnum, en slysið var það
mannskæðasta í sögu fjallsins. Ríkisstjórn Nepals bauð aðstandend-
um hinna látnu jafngildi rúmra 44 þúsund króna í bætur fyrir ástvini
sína en þeir heimta nú hærri bætur fyrir missinn. - kóh
Everest-fjalli hefur verið lokað í kjölfar slyssins mannskæða:
Kerti til minningar sjerpanna 16
KVEIKT Á KERTUM Nepalar leggja niður kerti í höfuðborg Nepals, Katmandú, til
minningar um þá sem fórust í snjóflóðinu á dögunum. NORDICPHOTOS/AFP
EFNAHAGSMÁL Kína gæti tekið við
af Bandaríkjunum sem stærsta
hagkerfi heims á þessu ári.
Alþjóðagjaldeyrissjóðurinn
metur það svo að hagvöxtur í
Kína milli áranna 2011 til 2014
hafi verið rúm 24 prósent á meðan
hagvöxtur í Bandaríkjunum á að
hafa verið rúm 7,6 prósent.
Árið 2005 var hagkerfi Kína
metið sem rúm 43 prósent af heild-
arstærð hagkerfis Bandaríkjanna.
- kóh
Fara fram úr Bandaríkjunum:
Kína gæti orðið
stærst á árinu
SPURNING DAGSINS
SEGLAGERÐIN ÆGIR
Þar sem ferðalagið byrjar
FERÐAVAGNAR
Ægis
tjaldvagn