Fréttablaðið - 13.05.2014, Blaðsíða 39

ÞRIÐJUDAGUR 13. maí 2014 | MENNING | 23
Velkomin í Háskólann á Bifröst
– hvar sem þú ert!
Öflugt meistaranám á sviði
viðskipta og stjórnunar
Forysta og stjórnun – MS / MLM
Nýtt meistaranám sem undirbýr nemendur fyrir
forystustörf í atvinnulífi og samfélagi. Fjölbreyttir
áfangar mynda fræðilegan og praktískan grunn þar
sem fjallað er um ólíkar kenningar innan leiðtoga-
og stjórnunarfræða. Áhersla er á þjónandi forystu
(e. Servant leadership) og samskiptahæfni. Þetta er
fjölbreytt nám sem hjálpar þér að ná lengra.
Alþjóðaviðskipti MS / MIB
Meistaranám sem veitir þjálfun til sérhæfðra starfa hjá
fyrirtækjum sem sækja á erlenda markaði. Sérstaklega
er horft til stefnumótunar og markaðssetningar nýrra
viðskiptahugmynda. Lögð er áhersla á að nemendur
þjálfist í að meta með gagnrýnum hætti tækifæri til
úrbóta og sóknar á erlenda markaði. Nám sem hjálpar
þér að finna nýja möguleika.
www.nam.bifrost.is
Umsóknarfrestur rennur út 15. maí
Josh Hartnett segist hafa þurft
að endurmeta líf sitt eftir að hafa
séð grimma fátækt við tökur á
kvikmyndinni Black Hawk Down.
Myndin, sem kom út árið 2001,
var byggð á því þegar banda-
ríski flugherinn gerði loftárásir
á Mogadishu í Sómalíu árið 1993.
Hartnett segir að þegar hann hafi
séð börn sem höfðu verið limlest
í þeirri von að þau gætu betlað
peninga hefði það vakið hann
til umhugsunar um sitt eigið líf.
Hinn 35 ára Hartnett vinnur um
þessar mundir við tökur á þátta-
röðinni Penny Dreadful sem
hefur fengið góða dóma ytra.
Tökurnar tóku
á fyrir Hartnett
SÁ FÁTÆKTINA BERUM AUGUM Josh
Hartnett var brugðið þegar hann sá
limlest börn í Sómalíu við tökur á Black
Hawk Down.
Solange Knowles, litla systir
söngkonunnar Beyoncé, réðst
á rapparann Jay Z, eiginmann
Beyoncé, á Met-ballinu fyrir
stuttu.
Solange, Jay Z og Beyoncé fóru
saman í lyftu á Standard-hótel-
inu þar sem ballið var haldið. Allt
í einu byrjaði Solange að öskra á
rapparann og síðan réðst hún að
honum.
Stór maður, sem líklega var líf-
vörður, hélt Solange en vefsíðan
TMZ er með upptöku úr lyftu-
myndavélinni og birtir hana á
vefsíðu sinni.
Ekki er ljóst af hverju til átak-
anna kom en þremenningarnir
fóru ekki heim í sama bíl eftir
ballið. Systurnar fóru á einum bíl
og Jay Z öðrum. - lkg
Fjölskylduerjur
OBBOBBOBB Beyoncé blandaði sér
ekki í rifrildið. FRÉTTABLAÐIÐ/GETTY
„Ég er rosalega ánægður með sam-
starfið, það er mikill stökkpall-
ur fyrir mig að fá lagið mitt spil-
að á svona þekktum og fjölsóttum
miðlum,“ segir raftónlistarmaður-
inn Marinó Breki Benjamínsson
en hann gaf nýverið út lagið The
Beast, sem verður spilað á vinsæl-
um miðlum. Um er að ræða miðla á
borð við Dada Life, Edm.com, sem
er stærsti vettvangur fyrir raftón-
list í dag, og Vital Edm, sem hefur
400.000 áskrifendur á myndbanda-
vefnum Youtube. „Þetta virkar
þannig að þeir spila lagið mitt á
sínum miðlum. Þetta er mikil kynn-
ing fyrir mig. Þetta kom þannig til
að ég hef verið í góðu sambandi við
eigendur þessara miðla og þetta
hjálpar mér mikið,“ útskýrir hann.
Fyrir utan kynninguna á miðlun-
um er hann kominn í samstarf við
ástralska söngkonu sem kallar sig
Lele. „Ég er að gera nýtt lag með
henni. Hún er þekkt í Ástralíu en
meira þekkt í Japan. Hún er bæði
fyrirsæta og tónlistarkona og hefur
gefið út tónlist í Japan á vegum
Universal,“ segir Marinó Breki.
Hann segir samstarfið við Lele
ganga mjög vel en þau vinna saman
í gegnum tölvupósta, Skype og
Facebook.
Marinó Breki, sem er fæddur
árið 1997, hefur verið að gera fjöl-
breytta raftónlist í fimm ár og
hefur komið víða við. Á síðasta
ári fékk hann meðal annars plötu-
samning við stærsta raftónlistar-
plötuútgáfufyrirtæki í heiminum,
Monstercat.
- glp
Í samvinnu við vinsæla netmiðla
Raft ónlistarmaðurinn Marinó Breki Benjamínsson er kominn í samstarf við vin-
sæla miðla á netinu, sem ætla að aðstoða hann við að kynna tónlist sína.
STÖKKPALLUR Marinó Breki Benja-
mínsson er hæstánægður með sam-
starfið. MYND/ÚR EINKASAFNI
Lady Gaga ætlar að bjóða upp
Rolls Royce-bifreið sína hjá Juli-
en‘s Auctions í Kaliforníu þann
17. maí. Byrjunarverð er þrjátíu
þúsund pund, tæplega sex millj-
ónir króna.
Bíllinn er árgerð 1990 og
keypti lafðin hann fyrir fimm
árum. Frægt er orðið þegar hún
ferðaðist um Manhattan í bíln-
um í september árið 2012 til að
kynna nýjan ilm sem hún setti á
markað.
Sérfræðingar telja að hann
gæti farið á allt að 53 þúsund
pund, rúmar tíu milljónir króna.
- lkg
Frægur bíll á
uppboð