Fréttablaðið - 12.06.2014, Qupperneq 34

12. JÚNÍ 2014 FIMMTUDAGUR2 ● HM-blaðið
Hvað er nýtt
á HM?
Það verður boðið upp á ýmsar
nýjungar á HM. Það verður
stuðst við marklínutækni og
einnig verða dómarar
með spreybrúsana
á lofti.
Prufað var að
nota spreyið í
heimsmeist-
arakeppni
félagsliða
í desember
síðastliðnum og
reyndist það vel.
Með spreyinu geta
dómarar merkt hvar eigi
að taka aukaspyrnu og síðan
geta þeir merkt hvar veggurinn
eigi að vera. Spreyið hverfur svo
eftir stuttan tíma.
„Þetta er frábær lausn. Sumir
segja að það taki of
langan tíma að nota
þetta og ég hafði
mínar efasemdir
á sínum tíma.
Dómararnir eru
aftur á móti
hæstánægðir
með þetta,“ sagði
Sepp Blatter, for-
seti FIFA.
Þetta sprey hefur
verið notað síðustu ár bæði
í Argentínu og Brasilíu. Notkun
spreysins hefur orðið til þess
að draga úr tuði leikmanna
yfir staðsetningu veggjar og
aukaspyrnu. Þar af leiðandi
flýtur leikurinn betur.
Englendingar munu aldrei
gleyma því þegar löglegt mark
var tekið af Frank Lampard gegn
Þýskalandi á síðasta HM. Það
atvik varð þess valdandi að FIFA
fór að skoða marklínu-
tækni af fullri alvöru.
Hönnun búnaðar-
ins hefur heppnast
fullkomlega og
tekur það enga
stund að fá úr
því skorið hvort
boltinn hafi
verið inni eður ei.
Englendingar tóku
þetta meðal annars upp
á síðustu leiktíð með góðum
árangri.
„Þessi tækni er algjörlega
af hinu góða,“ sagði Massimo
Busacca, fyrrverandi stórdómari
og nú yfirmaður dómaramála
hjá FIFA. „Það eina sem
þessi tækni gerir
er að auðvelda
dómaranum að
sjá hvort bolt-
inn hafi farið
yfir línuna. Það
er jákvætt og
auðvitað eigum
við að nýta okkur
svona tækni.“
Ekki eru þó allir
knattspyrnuáhugamenn
jafn ánægðir með þessa innreið
tækninnar í boltann. Til eru þeir
sem segja hana taka sjarmann
af leiknum og sakna þess að
geta rifist um umdeild atriði.
Það verður í það minnsta ekkert
rifist um það á HM núna hvort
boltinn sé inni eða ekki.
„Í sögu hverrar þjóðar er að
finna meiriháttar stórslys
eða áfall, eitthvað eins og
Hiroshima,“ sagði brasilíska
leikskáldið Nelson Rodrigues
eitt sinn. „Okkar stórslys, okkar
Hiroshima, var tapið gegn
Úrúgvæ 1950.“ Rodrigues
vísar þarna til taps brasilíska
landsliðsins fyrir því úrúgvæska
í úrslitaleik HM 1950 á
Maracanã, hinum þá nýreista
þjóðarleikvangi Brasilíu.
Brasilía komst yfir með marki
Friaça skömmu eftir leikhlé, en
tvö mörk frá Juan Schiaffino
og Alcides Ghiggia tryggðu
Úrúgvæ óvæntan sigur.
Tapið gegn Úrúgvæ – Maracanazo eins
það er jafnan kallað – hafði djúpstæð
áhrif á brasilísku þjóðarsálina og þrátt
fyrir að hafa unnið HM fimm sinum
síðan þá, auk annarra titla, er sárið frá
1950 ekki gróið. Brasilía þótti sigur-
stranglegasta liðið á HM á heimavelli
og það voru allir búnir að bóka sigur
liðsins. Og ekki að ástæðulausu, því það
var svo sannarlega ástæða til bjartsýni.
Búið var að semja sérstakt sigurlag,
grafa nöfn leikmanna brasilísku leik-
mannanna á gullmedalíur, um milljón
bolir með áletruninni „Heimsmeistarar“
höfðu verið seldir og fyrir leikinn hyllti
borgarstjórinn í Ríó de Janeiro sína
menn sem heimsmeistara.
Brasilía tefldi fram frábæru liði sem
hafði unnið S-Ameríkukeppnina árið
áður, þar sem liðið skoraði 46 mörk í
átta leikjum. Brasilía vann Mexíkó 4-0 í
sínum fyrsta leik á HM, gerði síðan 2-2
jafntefli við Sviss og tryggði sér svo
sæti í úrslitariðlinum með 2-0 sigri á
Júgóslavíu. Þegar þangað var komið
héldu liðinu engin bönd. Brasilía, með
framherjatríóið frábæra, Zizinho, Jair og
Ademir, tætti Svíþjóð og Spán í sig 7-1
og 6-1 og fátt virtist geta stöðvað liðið.
En Úrúgvæjar voru engir byrjendur
og það gleymist stundum hversu gott
lið þeirra var. Markvörðurinn Roque
Máspoli, Víctor Rodríguez Andrade
(nafni hans og frændi hafði orðið
heimsmeistari með Úrúgvæ 1930),
framherjarnir Schiaffino og Ghiggia
voru allir leikmenn
í heimsklassa sem
og fyrirliðinn með
járnviljann, Obdulio
Varela, sem barði
kjark í sína menn fyrir
úrslitaleikinn og lyfti
Jules Rimet-styttunni að
honum loknum.
Úrúgvæ græddi reyndar á fyrir-
komulagi mótsins, en liðið þurfti aðeins
að leika einn leik, gegn Bólivíu sem
vannst 8-0, til að komast í úrslitariðilinn.
HM 1950 var annars nokkuð sérstakt
mót. Þetta var í fyrsta sinn í tólf ár og í
fyrsta sinn eftir seinni heimsstyrjöldina
sem HM fór fram og aðeins 13 lið tóku
þátt, eftir að Frakkar og Indverjar drógu
sig úr leik á síðustu stundu, en sam-
kvæmt einhverjum heimildum neituðu
Indverjar að taka vegna þess að þeir
máttu ekki spila berfættir.
Mörg sterk lið
vantaði, ólíkra
ástæðna vegna.
Argentína var ekki
með vegna ósættis
við brasilíska knatt-
spyrnusambandið,
Austurríki tók ekki þátt og
bar fyrir sig mikinn ferðakostnað,
Þýskaland var í banni, Sovétríkin,
Ungverjaland og Tékkóslóvakía neituðu
að taka þátt og skoska knattspyrnusam-
bandið neitaði að senda lið af því að
Skotland vann ekki Home Champion-
ship (árleg keppni milli liðanna á Bret-
landseyjum).
England tók hins vegar þátt í fyrsta
skipti og var í riðli með Spáni, Síle og
Bandaríkjunum. Englendingar unnu
Síle í fyrsta leik sínum, en töpuðu svo
mjög óvænt fyrir Bandaríkjunum 1-0.
Tap fyrir Spáni með sömu markatölu
sendi Englendinga heim með skottið
á milli lappanna, en Spán áfram í úrslita-
riðilinn.
Ríkjandi heimsmeistarar Ítalíu
voru einnig með, aðallega að nafninu
til, en kjarninn úr liðinu hafði farist í
Superga-flugslysinu árið áður. Ítalir
töpuðu sínum fyrsta leik á HM gegn
Ólympíumeisturum Svía og voru nánast
úr leik eftir það. Sigur á Paragvæ breytti
engu þar um.
Svíar komust í úrslitariðilinn þar
sem liðið tapaði fyrir bæði Brasilíu
og Úrúgvæ, en þeir gulu og bláu
tryggðu sér þriðja sætið með 3-1 sigri
á Spáni. Svíar voru með mjög sterkt
lið á mótinu, sem hefði þó verið enn
sterkara ef sænska knattspyrnusam-
bandið hefði leyft atvinnumönnum
– sem flestir léku á Ítalíu, þar á meðal
Gunnar Gren, Gunnar Nordahl og Niels
Liedholm – að taka þátt.
Okkar Hiroshima var HM 1950
MARK!!! Juan
Schiaffino
skorar hér
fyrsta mark
úrslitaleiksins
gegn Brasilíu
framhjá
Barbosa í
markinu.
FRÉTTABLAÐIÐ/GETTY