Fréttablaðið - 12.06.2014, Side 46

12. JÚNÍ 2014 FIMMTUDAGUR14 ● HM-blaðið
Það er löngu komin hefð fyrir því að það sé sérstakt lukkudýr á HM.
Fyrsta lukkudýrið var á HM í Englandi árið 1966. Það hét hinu skemmti-
lega nafni World Cup Willie. Lukkudýrið var eðlilega ljón.
Lukkudýrið í Brasilíu heitir Fuleco og er beltisdýr. Þessi tegund
af beltisdýri er aðeins til í Brasilíu og þess utan í útrýmingarhættu.
Brasilíumönnum er umhugað um dýrið.
Með því að velja beltisdýr sem lukkudýr mótsins vonast Brasil-
íumenn til að fólk kynni sér þann fjölda dýra sem eiga heimkynni í
landinu. Hvað sem því líður þá má klárlega stóla á að Fuleco verður í
banastuði næsta mánuðinn.
Lukkudýrið
Fuleco
1. Bosnía og Hersegóvína er eini
nýliðinn á HM. Bosníumenn hafa áður
leikið á HM, undir merkjum Júgó-
slavíu, en þetta er í fyrsta sinn sem
Bosnía tekur þátt sem sjálfstætt ríki.
2. Ekkert lið hefur fengið á sig jafn fá
mörk á HM og Angóla. Liðið var með
í fyrsta og eina skipti í Þýskalandi
2006, þar sem liðið fékk aðeins á
sig tvö mörk í þremur leikjum gegn
Portúgal, Mexíkó og Íran.
3. England hefur oftast fallið úr leik
án þess að hafa tapað leik (víta-
spyrnukeppnir ekki meðtaldar). Það
gerðist 1982, 1990 og 2006.
4. Þýskaland hefur oftast unnið
silfur og brons á HM, eða fjórum
sinnum hvor verðlaun. Alls hafa
Þjóðverjar unnið til verðlauna á 11
af þeim 17 mótum sem liðið hefur
tekið þátt í til þessa.
5. Bora Milutinovic og Carlos Al-
berto Parreira hafa þjálfað flest lið
á HM, eða fimm lið hvor. Milutinovic
stýrði Mexíkó (1986), Kostaríka
(1990), Bandaríkjunum (1994), Níg-
eríu (1998) og Kína (2002) og Parreira
þjálfaði Kúveit (1982), Sameinuðu
arabísku furstadæmin (1990), Brasilíu
(1994 og 2006), Sádi-Arabíu (1998)
og Suður-Afríku (2010).
6. Aldrei hafa jafn margir leikmenn
skorað fimm eða fleiri mörk á einu
HM og árið 1994 í Bandaríkjunum.
Hristo Stoichkov og Oleg Salenko
skoruðu báðir sex mörk og Romário,
Kenneth Andersson, Jürgen Klins-
mann og Roberto Baggio fimm hver.
7. Ekkert lið hefur farið taplaust í
gegnum jafn mörg mót og Brasilía.
Það hefur gerst sjö sinnum: 1958, ‘62,
‘70, ‘78, ‘86, ‘94 og 2002.
8. Átta lið hafa orðið heimsmeist-
arar: Úrúgvæ, Ítalía, Þýskaland,
Brasilía, England, Argentína, Frakk-
land og Spánn.
9. Þrír leikir á HM hafa endað með
níu marka sigri: Ungverjaland 9-0
S-Kórea (1954), Júgóslavía 9-0 Saír
(1974) og Ungverjaland 10-1 El
Salvador (1982).
10. Peter Shilton og Fabien Barthez
hafa haldið hreinu oftast allra mark-
varða á HM, eða tíu sinnum hvor.
11. Enginn þjálfari hefur stýrt liði
til jafn margra sigra í röð og Luiz
Felipe Scolari. Undir hans stjórn vann
Brasilía alla sjö leiki sína á HM 2002
og Portúgal fyrstu fjóra á HM 2006.
12. Aldrei hafa verið skoruð fleiri
mörk í leik á HM en þegar Austurríki
vann Sviss með sjö mörkum gegn
fimm árið 1954.
13. Just Fontaine á metið yfir flest
mörk skoruð í einni keppni. Fram-
herjinn skoraði 13 mörk þegar Frakk-
land vann til bronsverðlauna á HM í
Svíþjóð 1958.
14. Ekkert lið hefur tekið jafn oft
þátt á HM án þess að komast í
undanúrslit og Mexíkó.
15. Ronaldo er markahæsti leik-
maður í sögu HM með 15 mörk.
Hann skoraði fjögur mörk 1998, átta
mörk 2002 og þrjú mörk 2006.
16. Bakvörðurinn Cafu hefur oftast
verið í sigurliði á HM, eða 16 sinnum.
17. Ekkert lið hefur leikið jafn marga
leiki í röð á HM án þess að vinna, en
Búlgaría vann ekki fyrr en í 18. leik.
18. Brasilía (1930-1958) og Þýska-
land (1934-1958) hafa skorað að
minnsta kosti eitt mark í flestum
leikjum í röð á HM, eða 18 talsins.
19. Ekkert lið hefur endað jafn oft í
efstu 16 sætunum á HM og Brasilía,.
20. HM í Brasilíu er 20. mótið sem fer
fram. Brasilía er eina liðið sem hefur
tekið þátt á þeim öllum.
Hm í tölum
Sama hvað gerist
líkaminn þarf Hleðslu
hledsla.is
ÍSLE
N
SK
A
/SIA
.IS M
SA 69552 06/14
64 FÓTBOLTALEIKIR
Á EINUM MÁNUÐI