Fréttablaðið - 14.06.2014, Blaðsíða 66

FÓLK|HELGIN
BRASILÍSKUR RÆKJURÉTTUR
Þetta er bragðgóður réttur með
risarækjum og hrísgrjónum.
FYRIR FJÓRA
600 g risarækjur, hreinsaðar
1 stk. blaðlaukur
2 stk. hvítlauksrif
1 stk. rauð paprika
2 stk. grænir chili-pipar
400 g þroskaðir plómutómatar
2,5 dl kókosmjólk
2 msk. chili-sósa
2 msk. límónusafi
1 dl ferskt kóríander, smátt skorið
1 lúka kasjúhnetur, grófmalaðar
Salt og nýmalaður pipar
Olía til steikingar
Skerið lauk, hvítlauk og papriku
í þunnar sneiðar. Skerið chili-pip-
arinn mjög smátt. Tómatarnir eru
skornir í litla bita.
Hitið olíu á góðri pönnu og
steikið lauk, hvítlauk, papriku og
chili yfir meðalhita í 10-15 mín-
útur. Setjið tómatana saman við og
látið malla áfram í 5-10 mínútur.
Bætið kókosmjólk saman við,
rækjunum, límónu og kóríander.
Hafið lágan hita og eldið í stutta
stund. Setjið grófmalaðar hnet-
urnar saman við. Skreytið með
kóríander og berið strax fram með
hrísgrjónunum.
BRASILÍSK HRÍSGRJÓN
2,5 dl venjuleg hrísgrjón
4 msk. olía
1 lítill laukur, fínt skorinn
1 hvítlauksrif, fínt skorið
1 plómutómatur, skorinn í litla bita
5 dl vatn
1 tsk. salt
Skolið hrísgrjónin í köldu vatni.
Steikið lauk og hvítlauk í olíu á
stórri pönnu. Bætið því næst hrís-
grjónunum á pönnuna ásamt tóm-
ötunum. Látið krauma smástund
en þá er vatni og salti bætt út í.
Látið sjóða undir loki í 15 mínútur.
Slökkvið undir og látið hvíla áfram
í 5 mínútur. Hrærið í grjónunum
með gaffli áður en þau eru borin
fram með rækjunum.
LAX GRAFINN Í LÍMÓNU
Það er algengt í S-Ameríku að
leggja hráan fisk í sítrónu- eða
límónusafa en við það fær hann
sérstakt bragð og „eldast“. Það má
nota lax, bleikju, þorsk, túnfisk,
hörpuskel eða annan fisk. Í þessari
uppskrift er notaður lax sem er
afar ljúffengur sem forréttur.
Frystið laxinn í tvo daga áður
en hann er notaður í þennan rétt.
Uppskriftin miðast við tvo.
1 stk. límóna, safinn
100 g laxaflak
½ stk. lárpera
½ tsk. rauður chili-pipar, fínt sax-
aður
salt og pipar
½ stk. greipávöxtur, helst rauður
½ dl smátt skorið sítrónubasil
Þýðið laxinn og skerið í bita.
Setjið í skál og kreistið límónusafa
yfir. Látið marínerast í eina klukku-
stund. Skerið lárperuna í litla bita
og greip sömuleiðis. Látið í skál
ásamt chili-pipar. Hrærið laxinum
varlega saman við og bragðbætið
með salti og pipar.
FEIJOADA
Þetta er þjóðarréttur í Brasilíu
sem allir þurfa að prófa þegar
BEINT FRÁ BRASILÍU
GOTT AÐ BORÐA Nú er heimsmeistarakeppnin í knattspyrnu hafin í Brasilíu
og margir sem fagna því. Er ekki alveg tilvalið að flytja angan og bragð frá
Brasilíu heim með því að elda eitthvað sem hæfir landinu?
LAX GRAFINN Í LÍMÓNU FEIJOADA
BRASILÍSKUR
RÆKJURÉTTUR
þeir heimsækja landið eða bara
búa til heima. Nokkrar útgáfur
eru til af þessum rétti en yfirleitt
eru notaðar svartar baunir sem
fást í dósum. Stundum er sett
beikon í réttinn og vel er hægt að
bæta því við fyrir þá sem vilja.
Berið fram gott brauð með pott-
réttinum og jafnvel salat. Upp-
skriftin er fyrir sex manns.
1 msk. olía
120 g chorizo-pylsa, skorin í bita
150 g soðin skinka, skorin í bita
1 stk. laukur, smátt skorinn
2 stk. hvítlauksrif, pressuð
450 g sætar kartöflur
1 stk. rauð paprika, skorin í bita
2 dósir tómatar í bitum með saf-
anum
1 stk. lítill grænn chili-pipar
1½ bolli vatn
2 dósir svartar baunir, hreinsaðar
og þurrkaðar
1 stk. mangó, afhýtt og skorið í bita
1 lúka smátt skorið, nýtt kóríander
Salt
Hitið olíu í stórum potti yfir
miðlungshita og steikið chorizo
og skinku í 2-3 mínútur. Bætið
lauknum út í og steikið þar til
hann mýkist.
Þá er hvítlaukurinn settur út í
ásamt sætum kartöflum, papriku,
tómötum, chili-pipar og vatni.
Látið suðuna koma upp, lækkið
hitann og sjóðið undir loki í að
minnsta kosti 15 mínútur eða
þangað til kartöflurnar eru orðn-
ar mjúkar. Þá er baununum bætt
við og hitaðar með. Að lokum
fer mangó, kóríander og salt í
pottinn.
SAO PAULO LÍMÓNA OG VODKA
Í Brasilíu heitir vinsælasti drykk-
urinn cachaça. Erfitt er að finna
hann hér á landi svo í staðinn
fundum við tískudrykkinn í borg-
inni Sao Paulo um þessar mundir.
Þetta er frísklegur drykkur og
uppskriftin miðast við eitt glas.
1 hluti vodka
2 ísmolar, muldir
1 límóna
1 msk. sykur
Setjið ís í glas og vodka yfir.
Límónusafi er kreistur yfir og
hrært með sykri. Ef einhverjum
finnst drykkurinn of sterkur má
setja smávegis sódavatn út í.
Sömuleiðis má setja meiri sykur
ef hann er of súr.