Fréttablaðið - 14.06.2014, Blaðsíða 102

14. júní 2014 LAUGARDAGUR| LÍFIÐ | 66
MÆLT MEÐ MYNDINNI
Kvikmyndahátíðin í Los Angeles hófst
á miðvikudagskvöldið en vefsíðan
Twitch Film hefur tekið saman lista yfir
fimmtán myndir sem fólk má ekki láta
fram hjá sér fara á hátíðinni. Meðal
þeirra er kvikmyndin Uncertain Terms
þar sem íslenska leikkonan
Indía Salvor Menuez, dóttir
skartgripahönnuðarins
Jóhönnu Methúsalems-
dóttur, fer með hlutverk.
Myndin fjallar um
heimili fyrir tánings-
stúlkur sem eiga von á
barni en Indía sást síðast
framan á umslagi
plötunnar Girl með
Pharrell. - lkg
„Það eru æ fleiri að verða
meðvitaðir um tilvist þessar-
ar aðferðar og ágætis hópur í
kringum mig sem er að gera
þetta,“ segir Frosti Gnarr sem
hefur tileinkað sér húðflúr-
tæknina „stick n poke“. Flúr af
þessu tagi eru handgerð en hver
punktur er þrykktur í húðina
með nál og svokölluðu „ indian
ink“. „Ég varð alveg upp numinn
af þessari aðferð en hef lengi
verið mikill áhugamaður um
tattú. Ég hef gert töluvert af
þessu og er sjálfur með ein átta
„stick n poke“-tattú, þrjú sem ég
gerði sjálfur en hin eru gerð af
vinum mínum sem ég hef sjálfur
flúrað á móti,“ segir Frosti.
Hann segir aðalstemninguna
í kringum tæknina vera þá að
vinir geti tattúverað hver annan
og fyrir vikið verði flúrið mun
persónulegra. Mikilvægt sé
þó að hafa hreinlætið í fyrir-
rúmi. „Ef fólk ætlar að fara að
gera „stick n poke“-tattú verður
það að vera algjörlega meðvit-
að um það hvað það sé í raun
að gera. Sömu nálina má aldrei
nota tvisvar, umhverfið þarf að
vera vel sótthreinsað og nota á
gúmmíhanska við verkið.“
Frosti er orðinn vel sjóaður í
„Stick n poke“ og segist telja að
hann hafi skellt í um 100 tattú.
„Þetta er eiginlega hætt að verða
skemmtilegt enda er þetta ekki
lengur nógu sjoppulegt hjá mér.
Þeir sem fíla aðferðina vilja hafa
þetta áberandi handgert, með
bjöguðum línum og svona ófull-
komlegt,“ segir Frosti hress að
lokum.
kristjana@frettabladid.is
Áberandi handgerð
og ófullkomin fl úr
„Stick n poke“ tattú njóta aukinna vinsælda en tæknin á bak við fl úrin er öllu
frumstæðari en þekkist með hefðbundin húðfl úr. Frosti Gnarr hefur gert um
hundrað „stick n poke“ húðfl úr en sjálfur skartar hann átta slíkum.
ENGIN EFTIRSJÁ Frosti er ánægður með „stick n poke“-tattúin sín en þau eru átta
talsins, þar af þrjú sem hann gerði sjálfur. FRÉTTABLAÐIÐ/GVA
„Við munum fríska aðeins upp
á tónleikagestina,“ segir Selma
Karlsdóttir hjá Reykjavík Fashion
Academy, en nemendur skólans
verða með bás á tónleikasvæði tón-
listarhátíðarinnar Secret Solstice
sem fram fer í Laugardalnum um
næstu helgi.
Básinn verður opinn yfir dag-
inn og fram eftir kvöldinu. „Þeir
sem vilja geta látið laga sig aðeins
til eða látið gera sig enn fínni. Við
bjóðum upp á hefðbundna förðun
en ef fólk vill eitthvað sérstakt þá
er alveg hægt að verða við þeirri
beiðni. Við reynum auðvitað að
gleðja alla,“ segir Selma.
Hún segir lifandi verkefni
sem þessi vera hluta af náms-
skrá skólans. „Við hjá förðunar-
deild RFA reynum alltaf að koma
nem endum að í svona verkefnum,
bæði samhliða og eftir námið. Það
á örugglega eftir að myndast mjög
skemmtileg stemning í Laugar-
dalnum enda frábært að vera hluti
af þessari hátíð.“
kristjana@frettabladid.is
Fríska upp á sveitta
tónleikagesti
Nemendur hjá Reykjavík Fashion Academy munu
bjóða tónleikagestum Secret Solstice að fríska upp á
útlitið en skólinn verður með bás á tónleikasvæðinu.
GLEYMDI GÍTAR
Landsþekkti Spaugstofuleikarinn Karl
Ágúst Úlfsson lenti í því leiðinlega
tilviki að brotist var inn í geymslu
á heimili hans. Karl segir frá því á
Facebook-síðu sinni að þjófurinn hafi
fengið lánaðan slípirokk til að saga í
sundur lás á hjóli nágranna Karls, sem
þjófurinn síðan stal. Hins vegar varð
þjófnum það á að skilja gítarinn sinn
eftir hjá Karli. „Ég er búinn
að stilla hann fyrir þig
og vegna þess að ég veit
hvað það er óþægilegt
að tapa eigum sínum skal
ég passa vel upp á hann
– þú getur sótt hann
til mín þegar þú vilt,“
skrifar Karl. - fbj
RADÍUSBRÆÐUR
SKEMMTA Á NÝ
Einhverjir hressustu Hafnfirðingar
sem sögur fara af, Radíusbræðurnir
Steinn Ármann og Davíð Þór, ætla að
skemmta fólki í Bæjarbíói í kvöld.
Þetta er í fyrsta sinn í langan tíma
sem þeir félagar skemmta fólki á sviði.
Menningar- og listafélag Hafnarfjarðar
tók við lyklunum að hinu sögufræga
Bæjarbíói í Hafnarfirði á
dögunum og blæs því
í lúðra. Tvær myndir
Gunnars Björns Guð-
mundssonar verða
einnig sýndar en
bræðurnir skemmta
á milli mynda. Fjörið
hefst klukkan 21.00.
- glp
SELMA KARLSDÓTTIR
„Það mega tveir
einstaklingar vera í
herberginu þegar ég
fæði. Læknirinn minn
og maki. Og hann á að
standa þar sem útsýnið
er skert, við höfuðið á
mér, ekki píkuna. Nema
að hann vilji leggja líf sitt
í hættu, en ég hef ráðið
honum frá því.“
LEIKKONAN MILA KUNIS Í
VIÐTALI VIÐ MARIE CLAIRE
UM FÆÐINGU FRUMBURÐAR-
INS SEM HÚN Á VON Á MEÐ
LEIKARANUM ASHTON
KUTCHER.
Við hjálpum þér
með garðinn
Vönduð ráðgjöf og vörur
sem endast
bmvalla.is
Fáðu ráðgjöf fagfólks til að laga
draumagarðinn að þínum þörfum
Úrval af vörum sem gera garðinn
eins viðhaldsfrían og kostur er
Áslaug Katrín Aðalsteinsdóttir
og Inga Rut Gylfadóttir,
landslagsarkitektar (FÍLA),
aðstoða þig við að gera
hugmyndir þínar um fallegan
garð að veruleika.
Hafðu samband í síma 412 5050