Fréttablaðið - 25.06.2014, Page 2

25. júní 2014 MIÐVIKUDAGUR| FRÉTTIR | 2
SPURNING DAGSINS

Kristinn, er enginn Fram-
gangur í þessu?
Nei, við Framarar viljum fara að sjá
Fram-kvæmdir.
Kristinn Traustason er formaður íbúasam-
taka í Grafarholti og Úlfarsárdal. Samtökin
og íþróttafélagið Fram eru langþreytt á
hægagangi borgaryfirvalda í uppbyggingu á
íþróttasvæðinu.
DÓMSMÁL Lýður Guðmundsson
og Sigurður Valtýsson voru í
gær sýknaðir af ákæru sérstaks
saksóknara um umboðssvik og
brot gegn hlutafélagalögum sem
stjórnarmenn í Vátryggingafélagi
Íslands (VÍS).
Ólafur Þór Hauksson, sér stakur
saksóknari, segir að embættið
muni nú fara yfir niðurstöður
dómsins. Það sé í höndum ríkis-
saksóknara að ákveða hvort mál-
inu verði áfrýjað til Hæstaréttar.
Í fyrsta lagi var ákært vegna 59
milljóna króna láns sem Lýður fyrir
hönd VÍS átti að hafa veitt Sigurði í
febrúar 2009 og var ítrekað fram-
lengt. Í öðru lagi tug milljóna lán
Sigurðar, fyrir hönd VÍS, til Korks
ehf., félags í eigu Lýðs og Ágústs
bróður hans, sem var framlengt og
hækkað sex sinnum.
Í niðurstöðu dómsins segir að
ákæruvaldið hafi ekki sannað sekt
manna í þessum liðum.
Þriðja atriðið í ákærunni varð-
aði ætluð umboðssvik Lýðs þegar
VÍS keypti 40 prósenta hlut í
félaginu Reykjanesbyggð ehf. af
Kristjáni Gunnari Ríkharðssyni,
svila Sigurðar, fyrir 150 milljónir.
Dómurinn taldi sérstakan sak-
sóknara ekki hafa sannað sekt
Lýðs þar sem gögn í málinu hefðu
ekki nægilega stoð til að nægja
gegn neitun Lýðs og framburði
vitna fyrir dómnum.
Gestur Jónsson, verjandi Lýðs,
sagðist í samtali við Fréttablaðið
vera ánægður með niðurstöðuna
og sagði að hann hefði ekki átt von
á neinu öðru. - fbj
Sýknaðir af ákærum um umboðssvik og brot gegn hlutafélagalögum sem stjórnarmenn í VÍS:
Lýður og Sigurður sýknaðir af öllum ákærum
ÓVÍST MEÐ ÁFRÝJUN Verjandi Lýðs
Guðmundssonar sagði niðurstöðuna
ekki hafa komið sér á óvart.
FÓLK „Það er búið að svipta dótt-
ur okkar ferðafrelsi. Það stenst
engan veginn barnasáttmála Sam-
einuðu þjóðanna,“ segir Kristín
Cardew um ákvörðun Þjóðskrár
að synja dóttur hennar, Harriet
Cardew, um vegabréf vegna þess
að nafn hennar er ekki samþykkt
af mannanafnanefnd.
Kristín og eiginmaður hennar,
Tristan Cardew, sem fæddur er
í Bretlandi, eiga saman fjögur
börn, Lilju og Belindu, fæddar í
Frakklandi, og Harriet, 10 ára, og
Duncan, 11 ára, fædd hér á landi.
Mannanafnanefnd hefur ekki sam-
þykkt nöfnin Harriet og Duncan
og hafa þau hingað til borið nöfnin
Stúlka og Drengur Cardew í Þjóð-
skrá. Þau hafa til þessa fengið
íslensk vegabréf með þeim nöfnum.
Í síðustu viku sótti Kristín um
vegabréf fyrir Harriet vegna þess
að fjölskyldan hyggur á ferða-
lag til Frakklands næstkomandi
þriðjudag. Í gær tilkynnti Þjóð-
skrá þeim að vegna þess að nafnið
Harriet væri ekki samþykkt af
mannanafnanefnd væri ekki hægt
að gefa út vegabréf á hennar nafni.
„Lögmaður Þjóðskrár tilkynnti
okkur einnig að nú væri verið að
hreinsa út alla þá einstaklinga sem
hétu Stúlka og Drengur í Þjóð-
skrá,“ segir Tristan.
Kristín bætir svo við að „ … ef
við værum bæði erlend mættu
börnin bera erlend nöfn. Þau
mættu einnig bera erlend nöfn
ef þau hefðu íslenskt fornafn eða
millinafn.“
Hjónin hafa haft samband við
breska sendiráðið um að fá neyðar-
vegabréf svo þau komist til Bret-
lands þar sem þau geti fengið
varan legt vegabréf fyrir Harriet.
„Það sem er svo ótrúlegt í
þessu er að starfsmenn Þjóð-
skrár eða Sýslumannsins í Kópa-
vogi hefðu auðveldlega getað látið
okkur vita að Harriet yrði neitað
um vegabréf. Þá hefðum við fyrr
getað haft samband við breska
sendiráðið og fengið vegabréf,“
segir Tristan.
Hjónin hafa sent umboðsmanni
barna bréf og rætt við lögfræðing
um hvort úrskurður Þjóðskrár
standist lög og bíða eftir svari.
Þau útiloka ekki að fara með málið
fyrir dómstóla snúi Þjóðskrá ekki
úrskurði sínum.
ingvar@frettabladid.is
Harriet neitað um
vegabréf af Þjóðskrá
Foreldrum hinnar tíu ára gömlu Harriet var í gær tilkynnt af Þjóðskrá að hún
fengi ekki vegabréf vegna þess að nafnið væri ekki samþykkt. Þau segja ákvörð-
unina ekki standast lög en fjölskyldan hyggur á ferð til Frakklands eftir viku.
NEITAÐ UM VEGA-
BRÉF Duncan og
Harriet Cardew heita
Stúlka og Drengur
í Þjóðskrá. Nú fær
Harriet ekki vegabréf
vegna þess.
FRÉTTABLAÐIÐ/DANÍEL
LÖGREGLUMÁL 204 kannabisplöntur
sem lögreglan komst á snoðir um
að væru í ræktun fundust aldrei.
Þrír menn á fertugsaldri og einn á
fimmtugsaldri hafa verið ákærðir
fyrir ræktun á plöntunum til dreif-
ingar og sölu. Tveir þeirra voru
jafnframt ákærðir fyrir ræktun á
568 plöntum til viðbótar.
Lögreglan gerði húsleit á heim-
ili tveggja mannanna í Kópavogi
árið 2010 og fann þar 568 kanna-
bisplöntur sem mennirnir höfðu
ræktað um nokkurt skeið auk
tæplega tveggja kílóa af kanna-
bisefnum sem tilbúin voru til
sölu.
Við húsleitina fann lögregla líka
myndband þar sem mennirnir
sáust setja upp ræktunaraðstöðu
fyrir 204 plöntur við Suðurlands-
braut í Reykjavík. Myndbandið
leiddi lögreglu á hinn nýja rækt-
unarstað degi síðar en þá var búið
að taka ræktunina niður og plönt-
urnar á bak og burt.
Málið var þingfest í Héraðsdómi
Reykjavíkur á þriðjudag. Aðeins
þrír mannanna mættu fyrir dóminn.
Þeir neituðu allir að hafa komið
að ræktun á kannabisplöntum í hús-
næðinu við Suðurlandsbraut en einn
þeirra viðurkenndi að hafa staðið í
ræktuninni í Kópavogi.
- ssb
Fjórir menn ákærðir fyrir að standa í umfangsmiklum fíkniefnaviðskiptum:
Ræktuðu 772 kannabisplöntur
KANNABIS-
PLÖNTUR
Ræktun í stórum
stíl þekkist víða
á höfuðborgar-
svæðinu.
FRÉTTABLAÐIÐ/STEFÁN
DÓMSMÁL Lögmaður Tonys Omos,
Stefán Karl Kristjánsson, sagði
fyrir héraðsdómi í gær að innan-
ríkisráðuneytið væri vanhæft til
að fjalla um mál skjólstæðings
hans, vegna lekamálsins.
Omos stefndi ríkinu eftir að
honum var synjað um hæli hér á
landi og var fyrirtaka í málinu í
gær.
Lögmaðurinn telur að málið
hafi tekið aðra stefnu eftir að lög-
regla lýsti því yfir að rökstuddur
grunur væri fyrir því að ónefndir
starfsmenn innanríkisráðuneyt-
isins hefðu lekið minnisblaði um
mál hælisleitandans til fjölmiðla.
- jme / nej
Innanríkisráðuneytið vanhæft:
Fyrirtaka í máli
Tonys Omos
DÓMSMÁL Hjúkrunarfræðingur-
inn sem ákærður er fyrir mann-
dráp af gáleysi vegna vanrækslu
í starfi og lögfræðingur Landspít-
alans, fyrir hönd Landspítalans,
neita sök.
Málið var þingfest í Héraðs-
dómi Reykjavíkur í gær.
Hjúkrunarfræðingnum er
meðal annars gefið að sök að
hafa láðst að tæma loft úr kraga
barka raufarrennu þegar hún tók
sjúklinginn úr öndunarvél. Það
hafði þær afleiðingar að súrefnis-
mettun og blóðþrýstingur sjúk-
lings féll og hann lést skömmu
síðar.
- ih
Ákærð vegna vanrækslu:
Neitar mann-
drápsákæru
NEBRASKA, AP Smábærinn Pilger í Nebraska í Bandaríkjunum er rústir
einar eftir að tveir öflugir hvirfilbyljir riðu yfir bæinn á mánudaginn.
Þar að auki eru tveir látnir og minnst nítján særðir í þessum 350
manna bæ.
Trey Wisniewski, íbúi í Pilger, segir ótrúlegt að svo fáir hafi farist
en yfir 75 prósent af byggingum í bænum eru skemmd eða ónýt eftir
hvirfilbyljina. - ih
Sjónarvottar segja ótrúlegt að einungis tveir hafi farist:
Bærinn rústir einar eftir hvirfilbylji
GENGUR FRAM HJÁ ALTARINU Prestur í bænum Pilger í Nebraska gengur fram hjá
altari kirkju bæjarins sem er rústir einar eftir hvirfilbylji sem riðu yfir bæinn.
FRÉTTABLAÐIÐ/AP