Fréttablaðið - 25.06.2014, Qupperneq 8

25. júní 2014 MIÐVIKUDAGUR| FRÉTTIR | 8
KJARAMÁL Félag skurðlækna og
Læknafélag Íslands hafa vísað
kjaradeilum sínum til Ríkissátta-
semjara. Sigurveig Péturs dóttir,
formaður samninganefndar
Læknafélagsins, segir að mikið
beri í milli í deilu þeirra við ríkið.
Hún segir að læknar fari fram
á verulega hækkun á launum
sínum. „Það er læknaskortur í
landinu og við verðum hreinlega
að bæta kjör lækna svo að þeir
geti hugsað sér að koma heim að
sérnámi loknu,“ segir hún. - sój
Læknar vísa til sáttasemjara:
Vilja verulega
hækkun launa
UTANRÍKISMÁL Gunnar Bragi
Sveinsson utanríkisráðherra
fagnar því að Petró Pórosjenkó,
forseti Úkraínu, hafi lagt fram
áætlun um hvernig stilla megi til
friðar í landinu.
Utanríkisráðherra segir íslensk
stjórnvöld styðja friðaráætlunina
sem sé mikilvægur grund völlur
þess að ofbeldi í austurhluta
Úkraínu verði stöðvað.
Hann segir áætlunina stað-
festa að Pórosjenkó forseti leggi
höfuðáherslu á að tryggja frið og
öryggi fyrir alla íbúa landsins.
- jme
Ráðherra fagnar friðaráætlun:
Segir Úkraínu-
forseta vilja frið
SAMFÉLAGSMÁL Siv Friðleifs dóttir,
fyrrverandi ráðherra, hefur
verið skipuð formaður Velferðar-
vaktarinnar. Velferðarvaktinni
er ætlað að fylgjast með félags-
legum og fjárhagslegum afleið-
ingum efnahagshrunsins fyrir
fjölskyldur og einstaklinga í land-
inu og gera tillögur um aðgerðir.
Hún var upphaflega stofnuð árið
2009, þeirri vakt lauk í febrúar.
Eygló Harðardóttir félagsmála-
ráðherra ákvað að skipa nýja Vel-
ferðar vakt í stað hennar og verða
störf hennar með líku sniði og fyr-
irrennara hennar. - jme
Ný Velferðarvakt skipuð:
Siv Friðleifs-
dóttir formaður
Sími 412 2500 - sala@murbudin.is - www.murbudin.is
Kletthálsi Reykjavík
Reykjanesbæ
Flísasagir og -skerar
Drive LG3-70A
1800W flísasög
86x57cm borð
kr. 139.900
Drive LG4-570A
800W flísasög
79x39cm borð
kr. 39.900
Drive DIY 430mm flísaskeri
kr. 3.990
Drive DIY 500mm flísaskeri
kr. 8.990
Drive Pro
600mm flísaskeri í tösku
kr. 21.990
Drive Pro
600mm flísaskeri
kr. 14.990
OFBELDISMÁL Það er orðið mjög algengt að
menn í ofbeldissamböndum hóti fórnar-
lömbum sínum dreifingu á óþægilegu og
grófu myndefni af þeim.
„Þetta kemur í veg fyrir að konurnar þori
yfirhöfuð að fara frá manninum,“ segir Sig-
þrúður Guðmundsdóttir, framkvæmdastýra
Kvennaathvarfsins. „Þetta er þó frekar á
meðal yngri kvenna en eldri.“
Sigþrúður segir að þessi þróun hafi orðið á
löngum tíma. „Almennt hefur þetta þau áhrif
að hann stjórnar áfram lífi hennar og heftir
frelsi hennar. Þrátt fyrir að konan sé búin
að koma sér undan líkamlegu valdi hans þá
hefur hann vopn í hendinni.“
Hún segir að oft láti ofbeldis maðurinn
ekki til skarar skríða. „Við þekkjum mörg
dæmi um að þeir hafi ekki gert það. Í
flestum tilfellum sem við höfum heyrt af
þá eru þetta innantómar hótanir og ekki
byggðar á neinum rökum.“
Friðrik Smári Björgvinsson yfirlögreglu-
þjónn segir að reynt sé að hafa samband við
konur sem verða fyrir grófri myndbirtingu.
„Lögreglan er í sjálfu sér ekki með mikið
frumkvæðiseftirlit á netinu en það koma
vissulega ábendingar til okkar um myndir og
annað slíkt. Ef það er hægt að þekkja þá sem
eru á myndum og myndirnar eru þess eðlis
þá er haft samband við viðkomandi.“ Erfitt
geti þó reynst að sanna hver dreifði mynd-
efninu.
Guðrún Jónsdóttir, talskona Stígamóta,
þekkir mörg dæmi þess að konur sem koma
úr ofbeldissamböndum hafi myndbirtingu
sveimandi yfir sér. „Í nútímakynlífi og með
nútímatækni er oft til myndefni sem er
kannski framleitt af báðum en síðan er hægt
að nota það sem vopn gegn henni, eflaust
líka karlinum en ég hef bara engin dæmi um
það.“ Hún segir myndbirtinguna auka vigt
ofbeldisins. „Það að það sé til gróft myndefni
af þér sem þú hefur enga stjórn á er svona ný
vídd í ofbeldisheiminum.“ snaeros@frettabladid.is
Klekkja á kærustum
með myndbirtingu
Svo mörg dæmi koma inn á borð Kvennaathvarfsins þar sem ofbeldismenn hóta
að dreifa óþægilegum myndum af fórnarlambinu að ekkert eitt stendur upp úr.
Hótanirnar geta orðið til þess að konurnar þora ekki að yfirgefa kærasta sína.
„Við þekkjum dæmi þess að myndir hafi ýmist verið settar
á netið eða sendar í tölvupósti til ákveðinna aðila, til dæmis
vinnuveitenda, samstarfsfólks eða kunningja,“ segir Sig-
þrúður Guðmundsdóttir, framkvæmdastýra Kvennaathvarfs-
ins. „Ég man eftir dæmum þar sem hótað er að senda for-
eldrum eða börnum viðkomandi myndirnar. Eins og almennt
á við í ofbeldissamböndum þá er hoggið þar sem sárast er.“
Senda myndirnar á vinnuveitendur
ANDLEGT OFBELDI Sigþrúður segir að hótanir um myndbirtingu geti
haft mikil áhrif jafnvel þótt konan sé flutt frá ofbeldismanninum og
byrjuð að byggja líf sitt upp að nýju. NORDICPHOTOS/GETTY
EVRÓPUMÁL Geert Wilders, leiðtogi
hollenska Frelsisflokksins, segir að
hægri þjóðernissinnum hafi ekki
tekist að öngla saman liði í þing-
hóp á Evrópuþinginu. Þýska tíma-
ritið Der Spiegel hefur eftir honum
að hann hafi ekki viljað taka pólska
flokkinn KNP inn í hópinn, því leið-
togi þess flokks hafi gengið of langt
í yfirlýsingum sem lýsa gyðinga-
andúð og karlrembu. Til þess að
geta myndað þinghóp þarf 25 þing-
menn frá að minnsta kosti fimm
aðildarríkjum ESB. Wilders hafði,
ásamt Marine Le Pen og frönsku
Þjóðarfylkingunni hennar, fengið
hægri þjóðernisflokka frá Austur-
ríki, Belgíu og Ítalíu til liðs við sig,
en það dugði ekki til. Fresturinn
til að mynda þinghópa fyrir næsta
kjörtímabil rann út í gær.
Nigel Farage, leiðtogi Breska
sjálfstæðisflokksins (UKIP), fékk
Ítalann Beppe Grillo til liðs við sig,
ásamt flokkum Evrópuandstæð-
inga frá Litháen, Frakklandi, Tékk-
landi, Lettlandi og Svíþjóð, og náði
að mynda nýjan þinghóp. - gb
Frestur flokka til að mynda þinghópa á Evrópuþinginu rann út áður en þjóðernissinnar náðu saman:
Wilders náði ekki að búa til breiðfylkingu
MARINE
LE PEN
OG GEERT
WILDERS
Ekkert varð
úr þinghópi
hægri þjóð-
ernissinna,
þrátt fyrir gott
gengi í kosn-
ingum.
NORDICPHOTOS/AFP