Fréttablaðið - 17.07.2014, Blaðsíða 20

17. júlí 2014 FIMMTUDAGUR| FRÉTTIR VIÐSKIPTI | 20
Austurvegur 51-59 Selfossi-
skipulagslýsing.
Samkvæmt 1. mgr. 40. gr. skipulagslaga nr. 123/2010
er hér kynnt tillaga að lýsingu deiliskipulags fyrir Austurveg
51- 59 Selfossi.
Um er að ræða deiliskipulag á skipulagssvæði sem er
skilgreint sem miðsvæði.Skipulagssvæðið afmarkast af
lóðamörkum Grænumarkar 5 í vestur, götunni Heiðmörk í
austur, Austurvegar í suður og lóðamörkum lóðanna
Austurvegar 51- 59 í norður.
Skipulagslýsingin liggur frammi á skrifstofu skipulags- og
byggingarfulltrúa að Austurvegi 67 Selfossi og í Ráðhúsi
Árborgar að Austurvegi 2 Selfossi á skrifstofutíma frá kl.
8-15. Skriflegum ábendingum er hægt að koma á framfæri
á sama stað og á netfangið bardur@arborg.is fyrir 1.ágúst
2014. Einnig er hægt að kynna sér lýsinguna á heimasíðu
Sveitarfélagsins, http://www.arborg.is
Selfossi 15.júlí 2014.

Bárður Guðmundsson
Skipulags- og byggingarfulltrúi Árborgar.
Kortavelta einstaklinga jókst um
7,3 prósent að raungildi í júní frá
sama mánuði í fyrra samkvæmt
tölum Seðlabankans.
Þar af jókst kortavelta innan-
lands að raungildi um 5,6 prósent
en kortavelta erlendis um 20,6 pró-
sent.
Greining Íslandsbanka segir að
vöxturinn sé á svipuðum nótum
og hann var í maí síðastliðnum og
bendi til aukinnar einkaneyslu.
Allt bendir til þess að vöxtur
einkaneyslu muni mælast umtals-
verður á öðrum fjórðungi ársins.
Að jafnaði óx kortavelta ein-
staklinga um 5,1 prósent að raun-
gildi á öðrum ársfjórðungi frá
sama tíma árið áður. Þar af jókst
kortavelta innanlands um 3,4 pró-
sent en kortavelta erlendis um 19,0
prósent.
Áfram er búist við aukinni veltu.
- jhh
Kortavelta jókst um 7,3 prósent milli ára í júní:
Einkaneysla heldur
áfram að aukast
VÖXTUR Að jafnaði jókst kortavelta einstaklinga um 5,1 prósent. FRÉTTABLAÐIÐ/ARNÞÓR
Guðmundur Marteinsson, fram-
kvæmdastjóri Bónuss, seldi í gær
1.150.000 hluti í Högum. Þetta
kemur fram í tilkynningu frá
Högum til Kauphallarinnar. Guð-
mundur seldi á genginu 42,5 og
því er heildarsöluandvirði hlutar-
ins tæpar 49 milljónir króna.
Eftir söluna á Guðmundur
1.285.172 hluti í fyrirtækinu.
Heildarverðmæti þeirra hluta er
tæpar 55 milljónir króna. Þetta
kom fram í tilkynningu frá Kaup-
höll Íslands. - jhh
Minnkar hlut sinn í Högum:
Seldi fyrir 49
milljónir króna
Stjórnendur Orku náttúrunnar
(ON), dótturfyrirtækis Orkuveitu
Reykjavíkur, hafa skrifað undir
viljayfirlýsingu um sölu á 35
megavöttum af raforku til fyrir-
hugaðs sólarkísilvers bandaríska
fyrirtækisins Silicor Materials.
Í fréttatilkynningu ON segir
að afhending eigi að hefjast árið
2016 og að engin áform um bygg-
ingu nýrra virkjana fylgi sam-
komulaginu.
„Á næstu misserum renna út
samningar um orkusölu til Lands-
virkjunar, sem Orkuveita Reykja-
víkur gerði á árunum 1997 og
2000. Með viljayfirlýsingunni er
áformað að ráðstafa þeirri orku
til sólarkísilversins. Leiði vilja-
yfirlýsingin til samnings hækkar
það verð sem Orka náttúrunnar
fær fyrir rafmagnið,“ segir í til-
kynningunni.
Þegar Fréttablaðið greindi frá
áformum Silicor í febrúar síðast-
liðnum kom fram að verksmiðj-
an þyrfti 80 megavött í fullum
afköstum. Kom þá einnig fram að
fyrirtækið ætti í viðræðum við
Landsvirkjun, sem Silicor stað-
festi í gær. Viðræðurnar eru sam-
kvæmt heimildum um kaup á þeim
45 megavöttum sem verksmiðjan
þyrfti til viðbótar.
Eins og áður hefur komið fram
hyggst Silicor framleiða allt að 19
þúsund tonn af sólarkísil á ári í
77 milljarða króna verksmiðju á
Grundartanga. Fyrirtækið von-
ast til að framkvæmdir geti hafist
síðar á þessu ári og að verksmiðjan
taki til starfa árið 2016. - hg
Forsvarsmenn Silicor Materials hafa skrifað undir viljayfirlýsingu um raforkukaup fyrir sólarkísilver:
Silicor fær 35 MW frá Orku náttúrunnar
GRUNDARTANGI Verksmiðjan er sögð
geta skapað um 400 störf.
FRÉTTABLAÐIÐ/PJETUR
„Loforðið er ótrúverðugt því Íslandi
er þarna lýst sem einfaldri galdra-
lausn við frekar flóknu vandamáli,“
segir Helgi Hrafn Gunnarsson,
þingmaður Pírata, um fullyrðingar
IceBrowser ehf. um að Ísland standi
flestum öðrum þjóðum framar
þegar kemur að friðhelgi einkalífs.
IceBrowser var stofnað hér á
landi í maí síðastliðnum af fjár-
festum frá Kaliforníu. Bandaríska
tímaritið Forbes birti nýverið viðtal
við einn af forsvarsmönnum félags-
ins, Jeff Bermant, þar sem hann
fullyrðir að hugbúnaður þess, sem
er viðbót við Firefox-vafrann, geti
aukið netöryggi notenda um allan
heim. Ástæðan sé meðal annars að
netumferð sé beint í gegnum vef-
þjóna á Íslandi þar sem séu fyrir
lög sem dragi úr líkunum á því að
fyrirtæki og stjórnvöld ríkja geti
nálgast upplýsingar um netnotkun
og önnur gögn notenda. Þá
fullyrðingu má einnig finna
á heimasíðu IceBrowser.
„Við erum vissulega ekki
með verstu lögin en við
erum ekki komin á þann
stað að það sé hægt að full-
yrða að Ísland sé með ein
sterkustu friðhelgislög í
heimi,“ segir Helgi.
Stýrihópi um fram-
kvæmd þingsályktunar um vernd
tjáningar- og upplýsingafrelsis,
sem samþykkt var árið 2010, hefur
meðal annars verið falið að benda á
leiðir að auknu netöryggi. Aðalheið-
ur Ámundadóttir, lögfræðingur og
stjórnarmaður í IMMI, alþjóðlegri
stofnun um upplýsinga- og tjáning-
arfrelsi, sem var stofnuð í kjölfar
þingsályktunarinnar, bendir á að
hér skorti dómafordæmi sem stað-
festi það öryggi sem eigi að felast í
íslenskum lögum.
„Við vitum ekki hvað gerist ef
lögreglan krefst gagna
og hvað þá ef stjórnvöld
í erlendum ríkjum krefj-
ast þess að íslensk yfir-
völd veiti þeim einhvern
aðgang. Á meðan íslenskir
dómstólar hafa ekki feng-
ið að takast á við svona
spurningar er erfitt fyrir
okkur að átta okkur á því,“
segir Aðalheiður.
Hún segir IMMI reglulega fá
fyrir spurnir frá fólki sem vilji
stofna fyrirtæki hér á landi í þeim
tilgangi að bjóða upp á þjónustu
sem feli í sér aukið netöryggi.
„Þingsályktunin hefur verið
samþykkt en vinnunni við að koma
henni til framkvæmdar er ekki
lokið. Því er erfitt fyrir okkur að
svara þessum spurningum og lofa
einhverju því hér gæti komið dómur
frá Hæstarétti sem segði eitthvað
þveröfugt með vísun í almanna-
hagsmuni og þjóðaröryggi,“ segir
Aðalheiður og heldur áfram:
„Markaðurinn og samkeppnin um
bestu friðhelgislausnirnar og lög-
gjöfin þurfa hins vegar að haldast
í hendur. Því fagna ég því þegar
einkafyrirtæki bjóða lausnir sem
eiga að auka netöryggi.“
haraldur@frettabladid.is
Gagnrýnir loforð um
netskjól á Íslandi
IceBrowser fullyrðir að hugbúnaður þess geti aukið netöryggi notenda með því að
beina umferðinni í gegnum Ísland. Ekki hægt að fullyrða að Ísland standi flestum
öðrum þjóðum framar þegar kemur að friðhelgi einkalífs, segir þingmaður Pírata.
HEIMASÍÐAN IceBrowser bendir einnig á aðra eiginleika hugbúnaðarins eins og
dulkóðun gagna. FRÉTTABLAÐIÐ/DANÍEL
AÐALHEIÐUR
ÁMUNDADÓTTIR
Við
erum vissu-
lega ekki með
verstu lögin
en við erum
ekki komin á
þann stað að
það sé hægt að fullyrða að
Ísland sé með ein sterkustu
friðhelgislög í heimi.
Helgi Hrafn Gunnarsson,
þingmaður Pírata
Skiptastjóri þrotabús Lifandi
markaðar hefur selt veitingastaði
og verslanir fyrirtækisins til
nokkurra mismunandi aðila.
Hjónin Þórdís Björk Sigur-
björnsdóttir og Ellert Aðalsteins-
son keyptu rekstur veitingastaðar-
ins í Borgartúni.
Þórdís og Ellert eru bæði fjár-
festar, auk þess sem Ellert er
margfaldur Íslandsmeistari í leir-
dúfuskotfimi. Þau kaupa vöru-
merkið og reksturinn í Borgartúni
af skiptastjóra í gegnum einka-
hlutafélagið EE Development.
Í tilkynningu frá EE Develop-
ment segir Þórdís að stefnt sé á
að opna Lifandi markað í Borgar-
túni strax á mánudag. Þar segir
jafnframt að eindreginn vilji sé
til þess að endurráða starfsfólk
Lifandi markaðar. Öllum sjötíu
starfsmönnum fyrirtækisins var
sagt upp í gær. Fyrirtækið var
úrskurðað gjaldþrota þann 4. júlí
síðastliðinn.
Fyrirtækið rak þrjár matvöru-
verslanir á höfuðborgarsvæð-
inu og veitingastaðinn. Það tap-
aði samtals rúmum 90 milljónum
króna á árunum 2011 og 2012 sam-
kvæmt ársreikningi. Fyrirtækið
var í eigu Auðar I fagfjárfestinga-
sjóðs sem er framtakssjóður sem
var rekinn af Virðingu. - bá / hks
Nýir eigendur vilja endurráða starfsfólk og opna í Borgartúni á mánudag:
Kaupa rekstur Lifandi markaðar
LIFANDI Verslanirnar og veitingastaðurinn eru opin þrátt fyrir gjaldþrotaúrskurðinn.