Fréttablaðið - 15.08.2014, Side 34

KYNNING − AUGLÝSINGGleraugu & sjónmælingar FÖSTUDAGUR 15. ÁGÚST 20144
HEILRÆÐI FRÁ BÖRNUM
Börn sem nota gleraugu tóku
saman heilræði handa öðrum
börnum sem nú þurfa að nota
gleraugu í fyrsta sinn.
● Ekki hafa áhyggjur af útlitinu
þótt þú þurfir að ganga með gler-
augu. Það er alltaf hægt að finna
gleraugu sem klæða þig vel.
● Settu gleraugun þín alltaf á
sama stað svo það sé auðvelt að
finna þau.
● Ekki geyma gleraugun nærri
smábörnum og gæludýrum.
● Settu gleraugun aldrei í vasann
né leggðu þau frá þér á götuna.
Þá getur einhver stigið á þau eða
þau brotnað í vasanum.
● Geymdu gleraugun alltaf í
gleraugnahúsi til að verja þau
skemmdum.
● Hreinsaðu gleraugun á
hverjum degi. Þá sérðu strax
betur út.
● Ekki taka stríðni annarra krakka
nærri þér. Láttu þá heyra að það
sé ljótt að stríða og segðu þeim
að þú notir gleraugu til að sjá
betur. Þú getur líka útskýrt fyrir
þeim að fleiri en eitt af hverjum
tíu grunnskólabörnum þurfi að
nota gleraugu og að margt frægt
fólk noti gleraugu eða linsur til að
sjá betur. Þú þarft heldur ekki að
nota gleraugu alla ævi því skipta
má yfir í linsur þegar þú eldist.
EINSTÖK EINGLYRNI
Einglyrni voru einkar vinsæl á
meðal herforingja og kapítalista á
19. öld en eru nú smátt og smátt
aftur að komast í tísku.
Allt frá kaffihúsum Berlínar,
írskum knæpum í Dyflinni og
fínum veitingastöðum New York
má sjá herramenn með einglyrni
á lofti og sömuleiðis í auglýs-
ingum og tískutímaritum.
Einglyrni koma sér vel fyrir
nærsýna en eru ekki síst yfir-
lýsing nútímaherramanna sem
vilja skapa sér sérstöðu og setja
punktinn yfir i-ið í klæðaburði.
Tískumógúlar kalla þá „hina
nýju aðalsmenn“; stælgæja sem
skreyta sig með einglyrni við sér-
saumuð tvídföt og þröng stígvél.
Aðrir ganga lengra og bera með
sér gamaldags sjónauka úr látúni
í hliðartöskum.
Tískusveiflan er merki um upp-
götvun og nýja upphefð gamals
handverks og hafa einglyrni til
að mynda verið vinsæl á meðal
kokka sem þurfa að sjá betur á
uppskriftabók-
ina og næla
því í svuntuna
sína. Þá er
matargestum
sem sjá illa á
matseðilinn
boðið ein-
glyrni til að
auðvelda
lesturinn.
SÉRÐU STAFINA?
Stafaspjald þekkja velflestir sem nota gleraugu. Stafaspjöld geyma
bókstafi, tölustafi eða tákn sem sýnd eru í mislöngum röðum og byrja efst
í einum stórum staf en birtast svo í minnkandi letri niður eftir spjaldinu.
Til að prófa megi næmi augans eru þeir sem gangast undir sjónmælingu
látnir bera kennsl á bók- eða tölustafi spjaldsins.
Stafaspjöld fyrir ung börn og ólæsa fullorðna eru með einföldum
myndum eða mynstrum. Önnur eru eingöngu með bókstafnum E sem
er snúið í ólíkar áttir og þá segir sjúklingurinn til um í hvaða átt E-ið snýr.
C-kort hafa svipaða þýðingu og draga úr möguleika á að sjúklingar giski
á myndirnar.
Stafaspjöld eru vanalega hönnuð til sjónprófa í sex metra fjarlægð en
oft og tíðum er þörf á sjónprófum sjúklinga í skemmri fjarlægð og hafa til
þess verið hönnuð sérstök stafaspjöld.