Fréttablaðið - 02.10.2014, Side 2

2. október 2014 FIMMTUDAGUR| FRÉTTIR | 2
HEILBRIGÐISMÁL „Ég er búin að
starfa við þetta síðan 1998 og ég er
alltaf að berjast við þessar vind-
myllur. Þessar rannsóknir sem er
verið að vitna í eru gallaðar. Þær
eru gerðar af kristilegum sjúkra-
húsum og kristilegum skólum og
er ætlað að sýna fram á ákveðnar
niðurstöður,“ segir Helga Sól Ólafs-
dóttir, félagsráðgjafi á kvennadeild
Landspítalans, um ummæli Siri
Didriksen, eins skipuleggjenda
Kristsdags, um fóstureyðingar.
Á Kristsdegi sem haldinn var í
Hörpu þann 27. september síðast-
liðinn var sérstaklega beðið fyrir
breyttum viðhorfum til fóstureyð-
inga.
Í viðtali við Fréttablaðið síðast-
liðinn mánudag sagði Siri að konum
sem færu tvisvar og oftar í fóstur-
eyðingu um ævina, „liði virkilega
illa“ á efri árum og sagði hún máli
sínu til stuðnings að rannsóknir
sýndu fram á þá niðurstöðu. Vildi
Siri meina að samfélagið setti
þrýsting á margar ungar konur til
að láta eyða fóstri og að konur not-
uðu fóstureyðingar eins og getnað-
arvörn.
Helga Sól segist ekki hafa orðið
vör við slíkt í sínu starfi. „Þetta
er auðvitað alltaf erfið ákvörð-
un. Það koma engar konur hingað
af því að þær langar til þess. Þær
koma vegna þess að aðstæður eru
þannig að þær sjá ekki fram á að
þetta gæti hreinlega gengið. Það
er þeirra eigið mat á eigin aðstæð-
um. Þær vilja geta gefið barni gott
líf þegar þar að kemur. Mér finnst
leiðinlegt að heyra tal um að konur
noti þetta úrræði sem getnaðar-
vörn. Eftir öll mín ár í starfi hef ég
ekki enn hitt þá konu.“
Helga Sól bendir á að þær konur
sem nýti sér fóstureyðingu sem
úrræði séu langflestar undir 24 ára
aldri og að 70 prósent af fóstureyð-
ingum séu framkvæmd undir níu
vikum. Hún bendir á að fjöldi fóst-
ureyðinga hafi staðið í stað í fjölda
ára en þeim fari í raun fækkandi.
Helga Sól bendir á að þvert á
móti fullyrðingum Siri sýni aðrar
rannsóknir frá virtum rannsókn-
arhópum ekki fram á að fóstureyð-
ingar valdi konum andlegri van-
líðan. Hún bendir á yfirlitsgrein
frá 2008 sem mun vera sú grein
sem mest er vitnað í á þessu sviði.
Greinin tekur saman 21 rannsókn
á áhrifum fóstureyðinga á andlega
heilsu og segir að þar komi ekki
fram nein neikvæð áhrif hjá þeim
hópi sem farið hefur í fóstureyð-
ingu umfram þann sem ekki hefur
gert það.
Varðandi málflutning Siri segir
Helga hann vera meiðandi fyrir
þær konur sem hafa valið að láta
eyða fóstri. „Þetta er svo mikil
dómharka. Það er í raun og veru
verið að ýta undir að þú eigir að
skammast þín. Þér á að líða illa.
Ef þér líður ekki illa er eitthvað
að þér. Ég skil ekki hvernig mann-
eskja sem talar um náungakær-
leika getur sagt þetta við kynsyst-
ur sínar.“
hannarut@frettabladid.is
Bæn um fóstureyð-
ingar meiðandi
Félagsráðgjafi á kvennadeild segir rannsóknir sýna að fóstureyðing valdi konum
ekki vanlíðan. Segir bæn á Kristsdegi um breytt viðhorf til fóstureyðinga ýta undir
skömm. Verður ekki vör við þrýsting frá samfélaginu á fóstureyðingar.
FÉLAGSRÁÐGJAFI Helga Sól Ólafsdóttir, félagsráðgjafi á Kvennadeild Landspítalans,
segir dómhörku einkenna tal eins skipuleggjenda Kristsdags um fóstureyðingar.
FRÉTTABLAÐIÐ/PJETUR
Þorsteinn, er þetta á tæru með
tæringuna?
„Þetta er á kristaltæru.“
Þorsteinn Jóhannsson, sérfræðingur hjá
Umhverfisstofnun, segir málmtæringu
vandamál í langdregnu eldgosi.
NATÓ Norðmaðurinn Jens Stoltenberg hefur tekið við starfi framkvæmda-
stjóra Nató af Dananum Anders Fogh Rasmussen. Stoltenberg fundaði í
fyrsta sinn með Norðuratlantshafsráðinu í höfuðstöðvum þess í Brussel
í gær og sagði það vera mikinn heiður að taka við embættinu sem hann
lýsti sem krefjandi starfi á krefjandi tímum.
Stoltenberg sagðist hafa fundið fyrir miklum stuðningi frá öllum banda-
lagsríkjum. Hann sagði jafnframt að öll bandalagsríkin yrðu að axla
ábyrgð og að bandalagið yrði að geta tekið ákvarðanir á hættutímum þar
sem aðstæður breytast fljótt.
Stoltenberg, sem steig fyrst fram á alþjóðlega sjónarsviðið eftir að
hryðjuverkaárásirnar voru gerðar í Noregi í júlí 2011, sagðist vilja heim-
sækja öll bandalagsríkin og hefur skipulagt ferðir til Póllands og Tyrk-
lands á næstu dögum. - glp
Jens Stoltenberg er orðinn framkvæmdastjóri Nató:
Vill heimsækja öll aðildarríkin
STOLTUR Jens Stoltenberg, fyrrverandi forsætisráðherra Noregs, er orðinn fram-
kvæmdastjóri Nató. NORDICPHOTOS/AP
HONG KONG, AP Leiðtogar mótmæl-
enda í Hong Kong vöruðu við því
að ef æðsti yfirmaður Hong Kong
segði ekki af sér í gær myndu þeir
fjölga mótmælaaðgerðum sínum,
þar á meðal leggja undir sig þó
nokkrar mikilvægar byggingar
stjórnvalda.
Þar með eiga mótmælendur á
hættu að lenda í átökum við lög-
reglu því ólíklegt er að hún leyfi
þeim að leggja undir sig bygging-
arnar án fyrirhafnar.
Með yfirlýsingu sinni hafa mót-
mælendur einnig sett þrýsting á
kínversk stjórnvöld. Þau hafa
hingað til sagt mótmælaaðgerð-
irnar vera ólöglegar og stutt til-
raunir Leung Chun-ying, fram-
kvæmdastjóra Hong Kong, til að
binda enda á þær. Hann var við-
staddur athöfn þar sem fáni var
dreginn að húni í tilefni þjóðhá-
tíðardags Kínverja í gær. Fyrir
athöfnina hrópuðu nokkur hundr-
uð mótmælendur á Chun-ying og
kröfðust þess að hann segði af
sér embætti. Þegar athöfnin hófst
sneru þeir baki við því sem fram
fór.
Xi Jinping, forseti Kína, hefur
hingað til verið harður í afstöðu
sinni gegn öllum þeim sem ógna
veldi kommúnistaflokksins. Í
þjóðhátíðarræðu sinni hét hann
því að tryggja hagsæld og stöðug-
leika í Hong Kong.
Aukinn fjöldi fólks tók þátt í
mótmælunum í gær, enda var um
frídag að ræða. Talið er að tugur
þúsunda hafi verið á götum úti.
- fb
Ef æðsti maður segir ekki af sér munu mótmælendur leggja undir sig byggingar stjórnvalda:
Mótmælendur hóta hertum aðgerðum
AÐGERÐASINNI Einn þeirra sem hafa
krafist lýðræðisumbóta í Hong Kong
hrópar slagorð yfir hóp mótmælenda á
götu skammt frá höfuðstöðvum stjórn-
valda í Hong Kong. FRÉTTABLAÐIÐ/AP
LÖGREGLA Gylfi H. Gylfason, lög-
reglufulltrúi hjá greiningardeild
ríkislögreglustjóra, er á leið í
þriggja mánaða nám við lög-
regluháskóla FBI í Quantico í
Bandaríkjunum. Námið er ætlað
stjórnendum lögreglu en helsta
markmið þess er að auka þekk-
ingu nemenda og gera þá betur í
stakk búna til að takast á við flókin
löggæsluverkefni. Gylfi er jafn-
framt níundi íslenski lögreglu-
maðurinn sem leggur stund á nám
við skólann. Námið er í samvinnu
við háskólann í Virginíufylki en
lögregluháskóli FBI er þekktur á
alþjóðavettvangi fyrir námið. - glp
Hæfni lögreglumanna efld:
Lögreglumaður
í nám hjá FBI
FJÖLMIÐLAR Samkomulag hefur
náðst milli RÚV og Lífeyrissjóðs
starfsmanna ríkisins um frestun
á afborgun af skuldabréfi að fjár-
hæð 190 milljónir króna. Gjalddagi
bréfsins var í gær en hefur verið
frestað til 31. desember 2014. Þetta
kemur fram í tilkynningu frá RÚV.
Umfangsmiklar niðurskurðar-
aðgerðir undanfarins árs hafa
ekki dugað til að vega á móti nið-
urskurði á þjónustutekjum og útlit
er fyrir tap á rekstrarárinu 2013
til 2014. Viðræður standa yfir við
stjórnvöld um að leysa úr þess-
um langtímavanda, auk þess sem
unnið er að sölu eigna RÚV, meðal
annars lóða og fasteigna.
Ingvi Hrafn Óskarsson formað-
ur stjórnar RÚV er bjartsýnn á
að RÚV muni geta greitt skuldina
eftir fjóra mánuði. „RÚV er nátt-
úrulega með tekjur allan ársins
hring, frá auglýsingasölu og
öðru, auk þess sem það fær
greiðslu frá ríkinu sem inn-
heimtir útvarpsgjaldið. En
þetta sýnir bara þá þröngu
stöðu sem RÚV er í, það má
ekkert út af bregða,“ segir
hann.
Ingvi segir að nú þegar
hafi verið ráðist
í umfangsmikl-
ar niðurskurð-
araðgerðir en
segir að frek-
ari uppsagnir
séu ekki fyrir-
hugaðar að
svo stöddu.
Hann segir
að umfang vandans sem
safnast hefur upp sé slíkt
að fleira þurfi að koma
ti l . Nauðsyn-
legt sé að ræða
fjárhagsgrund-
völl félagsins í
samhengi við
margbrotin
lögboðin verk-
efni við stjórn-
völd.
- fbj
Ríkisútvarpið ohf. er yfirskuldsett vegna gamalla lífeyrissjóðsskuldbindinga:
RÚV getur ekki staðið í skilum
Þetta sýnir bara þá
þröngu stöðu sem
RÚV er í, það má
ekkert út af bregða.
Ingvi Hrafn Óskarsson,
formaður stjórnar RÚV
KJARAMÁL Már Guðmundsson seðla-
bankastjóri segir ekki raunhæft að
laun hækki um meira en 3,5 prósent
á ársgrundvelli í komandi kjaravið-
ræðum aðila vinnumarkaðarins.
Seðlabankinn muni ella beita stýri-
vöxtum til að draga úr áhrifum
launahækkana á verðbólgu.
Peningastefnunefnd Seðlabank-
ans ákvað að halda stýrivöxtum
óbreyttum en lýsti yfir áhyggjum
af spennu á vinnumarkaði og gefið í
skyn að vextir muni hækka næst af
þeim sökum.
Aðildarfélög ASÍ hafa gert stífa
kröfu um launahækkanir í komandi
kjaraviðræðum. - þþ
Gætu þurft að hækka vexti:
Laun megi ekki
hækka mikið
SPURNING DAGSINS
Sturtusett
Verð frá kr. 66.900
Gæði fara aldrei úr tísku