Fréttablaðið - 02.10.2014, Page 22

2. október 2014 FIMMTUDAGUR| FRÉTTIR NEYTENDUR | 22
Heyrnar- og ta lmeinastöð
Íslands (HTÍ) varar heyrnar-
skerta við því að kaupa heyrnar-
tæki án ráðgjafar frá fagaðilum.
Þetta kemur fram í tilkynningu
sem Kristján Sverrisson, for-
stjóri HTÍ, sendi fjölmiðla í gær.
Kristján segir að borið hafi á
því að einstaklingar auglýsi stíft
til aldraðra heyrnartæki til sölu.
Auglýsingum hefur verið komið
fyrir í sambýlum aldraðra, born-
ar út í póstkassa á elliheimilum,
dvalarheimilum og víðar.
Kristján segir að þau tæki
sem HTÍ hafi fengið að skoða
séu kínversk framleiðsla og í
þeim séu einfaldir hljóðmagn-
arar sem settir eru inn í hlust-
ir viðkomandi. Tækin sé ekki
hægt að aðlaga sérstaklega að
heyrnarskerðingu viðkomandi
einstaklings. „Þetta er einfald-
ur magnari sem bara hækkar
öll hljóð inn í hlust, en þegar
þú tapar heyrn þá gagnast það
lítið,“ segir Kristján í samtali
við Fréttablaðið. „Ég efast um
að þetta henti mjög mörgum sem
lausn,“ segir Kristján.
Þessi umræddu heyrnartæki
sem HTÍ varar við kosta innan
við 30 þúsund krónur. Þau tæki
sem HTÍ býður til sölu geta hins
vegar kostað yfir 300 þúsund
krónur, eða tífalt meira en þessi
heyrnartæki sem Kristján varar
við.
Kristján segir í samtali við
Fréttablaðið að auglýsingum
um þessi kínversku tæki hafi
verið dreift um nokkurt skeið.
„Það kom inn fatlaður maður og
eiginkona hans í gær og höfðu
fengið auglýsingar um helgina
þannig að hann heldur áfram
markaðsstarfsemi,“ segir Krist-
ján.
Fréttablaðið náði tali af Þóri
Gunnlaugssyni, sem flytur
umrædd tæki inn. Hann líkir
innflutningi og sölu á tækjunum
við sölu á ódýrum gleraugum í
versluninni Tiger. Þórir segir
athugasemdir HTÍ byggðar á
misskilningi. „Þeir vilja ekki
að það komi neinn inn á þenn-
an bisness þeirra, enda skiljan-
legt,“ segir Þórir. Hann segist
lána fólki tækið í eina viku gegn
2.000 króna greiðslu. „Síðan
tekur fólk ákvörðun um það
hvort það hefur not fyrir það eða
ekki,“ segir hann.
Í reglugerð um sölu heyrnar-
tækja segir að til sölu þeirra
þurfi rekstrarleyfi ráðherra.
Áður en ráðherra veitir rekstr-
arleyfi skuli hann óska eftir
umsögn landlæknis um það
annars vegar hvort þau heyrn-
artæki, sem rekstrarleyfishafi
hyggst selja, og önnur lækninga-
tæki, sem hann hyggst nota, upp-
fylli kröfur samkvæmt lögum
um lækningatæki og hins vegar
hvort umsækjandi sé fær um að
veita nauðsynlega fagþjónustu.
jonhakon@frettabladid.is
Þetta er einfaldur
magnari sem bara hækkar
hljóð inn í hlust. En þegar
þú tapar heyrn þá gagnast
það lítið.
Kristján Sverrisson,
forstjóri Heyrnar- og
talmeinarstöðvarinnar
Bestu kaupin eru það að kaupa mig inn í Búseta, segir séra
Hildur Eir Bolladóttir. Hún flutti til Akureyrar fyrir fjórum árum
þegar hún fékk starf sóknarprests þar.
Hún segist aldrei hafa keypt íbúð heldur leigt þegar hún
bjó í Reykjavík. „En svo þegar ég kom hingað norður þá keypti
ég mig inn í Búseta og þess vegna bý ég í fínni íbúð, borga
ákveðna leigu og það er öll þjónusta,“ segir Hildur Eir. Þar sé
meðal annars slegið í kringum húsið á sumrin, snjómokstur á
veturna, ef rafmagnstæki bili þá séu þau endurnýjuð.
„Þetta hefur verulega minnkað áhyggjur mínar. Þetta
einfaldar lífið. Og ég er alltaf glöð þegar ég get einfaldað líf
mitt,“ segir hún.
Hildur Eir segir að verstu kaupin séu rósóttar leggingsbuxur
sem hún keypti í Vero Moda fyrir tveimur árum. „Ég hélt að
þær myndu fara mér vel af því að þetta var í tísku þá. En komst
svo að því þegar ég var búin að klæða mig í þær að ég var
eins og þægilegur sumarbústaðasófi úr IKEA. Þannig að
ég fór bara einu sinni í þær án þess að leyfa nokkrum að
sjá. Þær eru enn þá inni í skáp og ef einhver vill fá svona
leggingsbuxur í stærð large þá má hann fá þær endur-
gjaldslaust,“ segir Hildur Eir.
Hún segist hafa gleymt því um stund að hún væri
komin vel á fertugsaldurinn og væri ekki
lengur með spóaleggi. „Og var bara svo
spennt af því að þær voru á góðu verði
og þetta var rosa í tísku þá. Þegar ég
var komin í þær áttaði ég mig á því að
maður þarf stundum að kaupa sér föt
sem klæða mann frekar en að velja
það sem er í tísku,“ segir Hildur Eir.
NEYTANDINN Hildur Eir Bolladóttir
Búsetaréttur er bestu kaupin
Varar heyrnarskerta við
ódýrum heyrnartækjum
Heyrnar- og talmeinastöð Íslands varar heyrnarskert fólk við því að kaupa heyrnartæki án þess að leita sér
fyrst ráðgjafar frá fagaðilum. Sölumaður sem selur slík tæki segir athugasemdirnar byggðar á misskilningi.
MIKILVÆG
TÆKI
Tæki sem
Heyrnar- og
talmeinastöðin
selur geta kost-
að hundruð
þúsunda.
FRÉTTABLAÐIÐ/
VILHELM
Heyrnarmælingu, þ.e. loft- og beinleiðnimælingu, þrýstingsmælingar,
talþröskulds mælingar, talgreiningu og ef nauðsyn krefur mælingu á
óþægindamörkum, sem framkvæmd er af heyrnarfræðingi eða háls-, nef-
og eyrnalækni með viður kenndum búnaði.
Læknisskoðun sem framkvæmd er af háls-, nef- og eyrnalækni.
Faglega aðstoð við val á heyrnartækjum og stillingar á þeim og
eftirfylgni við notkun tækisins ef þörf krefur ásamt leiðbeiningum um
umhirðu og viðhald tækis.
Rekstrarleyfishafi skal tryggja viðgerðar- og viðhaldsþjónustu vegna
þeirra heyrnartækja sem hann selur samkvæmt reglugerð þessari. Um
ábyrgð á heyrnartækjum fer skv. lögum um lausafjárkaup nema samið sé
um betri rétt.
Landlæknir getur gefið út leiðbeiningar um verklag við veitingu þeirrar
þjónustu sem um getur í a-lið 1. mgr.
➜ Þessa þjónustu þurfa söluaðilar að veita
Verðmunur á æfingagjöldum hjá fimleikafélög-
unum er allt að 131 prósent, samkvæmt niður-
stöðum Verðlagseftirlits ASÍ. Tekið var saman
hvað kostar að æfa fimleika fyrir 8-10 ára börn
nú í haust í fjórar klukkustundir á viku í fjóra
mánuði. Dýrast er að æfa hjá Gerplu í Kópavogi
eða 57.308 krónur en ódýrast hjá Fimleikafélag-
inu Rán á 24.840 krónur. Þetta er 32.468 króna
verðmunur eða 131 prósent.
Samkvæmt niðurstöðum Verðlagseftirlitsins
hefur gjaldskrá félaganna staðið í stað hjá þrem-
ur félögum af 15 frá því í fyrra, en þau félög eru
Afturelding, Keflavík og Fimleikafélagið Rán.
Hin félögin hafa hækkað gjaldskrána um 2-17%.
Mesta hækkunin er hjá Íþróttafélaginu Hamri,
sem hækkaði gjaldið úr 24.000 krónum í 28.000
krónur, eða um 17%. Fimleikafélag Akureyrar
og Fimleikafélag Akraness hafa hækkað um
14%, Grótta um 11% og Ungmennafélagið Sel-
foss um 10%.
Verðlagseftirlitið bar saman gjaldskrá fyrir
8-10 ára börn sem æfa um það bil fjórar klukku-
stundir á viku. Tekinn er saman æfingakostnað-
ur fram að jólum, eða í fjóra mánuði. - jhh
Tólf fimleikafélög af fimmtán hækkuðu æfingagjöld frá síðastliðnum vetri:
Allt að 131 prósent verðmunur
FIMLEIKAR Verðlagseftirlit ASÍ hefur tekið saman hvað kostar að
æfa fimleika. FRÉTTIR/VILHELM
Matvælastofnun hefur fengið
upplýsingar um innköllun vegna
vanmerkingar á ofnæmis- og
óþolsvaldi í pasta. Það er svokall-
að PASTAÄLGAR FULLKORN
heilhveitipasta og PASTAÄLGAR
hveitipasta, sem selt hefur verið í
sænska matarhorninu.
Ástæða innköllunarinnar er að
varan inniheldur mögulega soja,
sem er ofnæmisvaldur. Ekkert
kemur fram um soja í innihalds-
lýsingu.
- jhh
IKEA-pasta inniheldur Soja:
Verslunin IKEA
innkallar pasta
Húsasmiðjan hefur ákveðið að
lækka verð á nokkrum vörum
sem bera vörugjöld til ára-
móta. Eins og fram hefur komið
stendur til að leggja vörugjöld
af, að mestu leyti, um áramótin.
Einungis fastaviðskiptavinir, eða
svokallaðir kjaraklúbbsmeðlimir,
munu fá afsláttinn.
Afslættirnir eru á bilinu 13-17%,
en fyrirtækið segir að með þessu
vilji það koma í veg fyrir að neyt-
endur fresti framkvæmdum og
innkaupum á vörum sem bera
vörugjöld fram yfir áramót.
- jhh
Innkaupum verði ekki frestað:
Vörugjöldin
afnumin strax
Verðhjöðnun í september er fyrst
og fremst rakin til metlækkunar
fargjalda í millilandaflugi. Þau
lækkuðu um tæp 29 prósent í
mánuðinum. Flugfargjöld innan-
lands hækkuðu aftur á móti um
13 prósent.
Breytingin er frá fyrri mánuði,
en ekki milli ára, því tölur frá
fyrri árum eru ekki samanburð-
arhæfar.
Samkvæmt upplýsingum frá
Hagstofunni er líklegt að tilboð
í mánuðinum hafi haft áhrif á
lækkunina. Greining Íslands-
banka sagði þó í Morgunkorni
nýverið að ólíklegt væri að þessi
lækkun gengi að fullu til baka í
október.
- jhh
Verðhjöðnun vegna fargjalda:
Lægra verð á
fargjöldum
HÚSASMIÐJAN Forsvarsmenn fyrir-
tækisins vilja hindra að neytendur geri
hlé á innkaupum. FRÉTTABLAÐIÐ/ANTON