Fréttablaðið - 02.10.2014, Blaðsíða 68

2. október 2014 FIMMTUDAGUR| LÍFIÐ | 56
„Bærinn er engu líkur, ég hlakka
mikið til að koma aftur,“ segir
bresk-kanadíski tónlistarmaður-
inn Tim Crabtree, einnig þekktur
sem Paper Beat Scissors. Hann er
á leiðinni til landsins í annað sinn
en hann kemur fram á tónleikum
á Cafe Rosenberg á föstudaginn.
„Ég er að reyna að læra meiri
íslensku. „Þú ert fallegur,“ er það
eina sem ég kann í augnablikinu,“
segir Tim og hlær.
Tim er Breti sem búið hefur í
Halifax í Kanada undanfarinn ára-
tug. Tim segist spila dýnamíska
tónlist og leikur sér mikið með
tónstyrkinn en þetta er í grunn-
inn indí-þjóðlagatónlist. Hann er
í kreðsunni í kringum hljómsveit-
ina Arcade Fire en Jeremy Gara,
trommari sveitarinnar, hljóðbland-
aði seinustu plötu Tims. Ný plata
frá Paper Beat Scissors kemur út í
apríl á næsta ári en Tim mun spila
ný lög af plötunni í bland við gam-
alt efni.
Að sögn Tims mun hann nýta
dvöl sína á landinu til að vinna
í tónlist fyrir sinfóníutónleika í
Halifax þar sem hann mun semja
útsetningarnar. „Mig langar að
fá innblástur á meðan ég er á
Íslandi,“ segir hann.
Tónleikarnir á Rósenberg verða
seinasti áfanginn á Evróputúr
hans þar sem hann spilaði á 30
stöðum víðs vegar um Evrópu en
síðustu tónleikar hans voru haldn-
ir í grískri rétttrúnaðarkirkju í
Augsburg í Þýskalandi og var upp-
selt. „Þetta hefur verið ótrúlegt
tónleikaferðalag. Ég væri samt til
í að halda áfram,“ segir Tim.
Tónleikarnir á föstudag hefj-
ast klukkan 21.00 og kostar 2.000
krónur inn. Ásamt Paper Beat
Scissors koma fram Sísí Ey og
Svavar Knútur.
- þij
Vill fá innblástur fyrir nýja sinfóníu
Paper Beat Scissors spilar á landinu í annað sinn á föstudag.
VILL HALDA ÁFRAM TIM er ekki orðinn þreyttur á ferðalögum.
109.900
FULLT VERÐ 139.
900
69.900
FULLT VERÐ 79.9
00
79.900
FULLT VERÐ 99.9
00
149.900
FULLT VERÐ 169.
900
„Þetta er verk í vinnslu. Hugmynd-
in er að gera ljóðræna heimildar-
mynd þar sem tilraunir verða gerð-
ar og unnið er með formið. Verkið
ætti að verða tilbúið í janúar, en
við stefnum að því að sýna hana á
hátíðinni í Pompidou í Frakklandi
í janúar,“ segir Erna Ómarsdóttir
dansari, danshöfundur og listrænn
ráðgjafi Íslenska dansflokksins.
Hún, Valdimar Jóhannsson tónlist-
armaður og fleiri skipa listahóp-
inn Shalala. Þau munu sýna brot
úr ljóðrænni heimildarmynd sinni
á RIFF, en myndin hefur verið í
vinnslu upp á síðkastið og teng-
ist efni sem hefur verið í brenni-
depli hjá Shalala. „Við erum búin
að vera að vinna mikið með hug-
myndir um „borderline musicals“
eða jaðarsöngleiki. Áhorfandinn
mun á föstudaginn fá að kynn-
ast því aðeins hvað jaðarsöngleik-
ur er, ásamt alls kyns innsetning-
um, uppfinningum og elementum
úr smiðjum Shalala,“ segir Erna.
„Okkur langaði að prófa okkur
áfram með formið, vinna bæði
með tvívídd og þrívídd og blanda
því svolítið saman. Shalala starfar
oftast sem sviðslistahópur en hefur
þó komið víða við, og með þessu
verkefni er hugmyndin að leggja
enn meiri áherslu á myndbands-
verk,“ segir Erna. Eins og áður
sagði verða sýnd ólík brot úr verk-
inu, sem tengjast þó öll innbyrðis.
Sýningin mun hefjast á sjálfstæðu
myndbandsverki sem þau Erna og
Valdimar gerðu í samvinnu við
myndlistarkonuna Gabríelu Frið-
riksdóttur og ber nafnið Bloody
Crepuscular Monstrous Rays.
Verk Ernu og Valdimars, The
Black Yoga Screaming Chamber
eða öskurklefinn, kemur við sögu
í heimildarmyndinni sem sýnd
verður á RIFF. Nýlega afhenti
Erna Alþingi einn slíkan klefa og
hefur hann verið tekinn í varan-
lega notkun á skrifstofu Bjartrar
framtíðar, en þar geta allir alþing-
ismenn komið og nýtt sér klefann
og öskrað. Nú þegar hafa nokkrir
alþingismenn öskrað í klefanum og
munu öskur þeirra birtast í mynd-
inni, ásamt því að þeir ræða upp-
lifun sína af honum. Erna segir
öskurklefann vera betrumbætandi
fyrir mannsandann og að hann
geti mögulega bjargað lífi fólks.
„Við finnum stundum stað þar
sem okkur finnst mikil þörf fyrir
svona klefa og gefum þá eitt stykki.
Mín von er að þetta geti til dæmis
breytt pólitíska andrúmsloftinu og
fólk geti átt öðru vísi samskipti,“
segir Erna. „Það er til dæmis gott
að nota hann fyrir eða eftir fund
og fá útrás þar einn í myrkrinu.
Við það að öskra svona þá skýrast
stundum hugsanir manns og menn
geta oft fundið lausnir á hlutum
sem virtust óleysanlegir áður. Eins
og oft þá byrjaði þessi hugmynd í
gríni, en öllu gríni fylgir nokkur
alvara og oftast býr eitthvað dýpra
þar að baki.“
Verkið verður sýnt föstudaginn
3. október í Norræna húsinu og er
aðgangur ókeypis.
adda@frettabladid.is
Öskurklefi nn getur
bjargað mannslífum
Listahópurinn Shalala sýnir brot úr nýrri ljóðrænni heimildarmynd sinni á RIFF.
Þar kemur öskurklefi nn á skrifstofu þingfl okks Bjartrar framtíðar við sögu.
NÝ HEIMILDARMYND Valdimar Jónsson og Erna Ómarsdóttir eru ásamt fleirum í listahópnum Shalala. FRÉTTABLAÐIÐ/STEFÁN
Eins og oft þá
byrjaði þessi hugmynd í
gríni, en öllu gríni fylgir
nokkur alvara.
Erna Ómarsdóttir
Mexíkóskar kjötbollur
600 g blandað nauta- og svínahakk
250 g rjómaostur
1 egg, hrært
50 g brauðrasp
4 beikonsneiðar, saxað
125 g rifinn cheddar-ostur
1/3 meðalstór laukur, fínsaxaður
3 hvítlauksrif, pressuð
½ tsk. chili-pipar
1 tsk. oreganókrydd
½ tsk. broddkúmen (cumin)
sjávarsalt og nýmalaður pipar
Setjið allt hráefnið saman í
skál og blandið vel saman með
höndunum. Kælið í 20-30 mínútur. Hitið
ofninn í 220°C. Mótið bollur (u.þ.b. mat-
skeið fyrir hverja bollu) úr hakkinu og
raðið á pappírsklædda ofnplötu. Bakið í
15 mínútur og berið fram með jalapeño-
sósunni.
Jalapeño-sósa
3 msk. jalapeño, saxað
2 hvítlauksrif
1 tsk. hvítvínsedik
150 g sýrður rjómi 10%
150 ml létt ab-mjólk
2 msk. söxuð fersk steinselja
sjávarsalt og nýmalaður pipar
Setjið jalapeño og hvítlauk í
matvinnsluvél ásamt edikinu
og vinnið vel saman. Bætið
afganginum af hráefninu saman við og
kryddið með salti og pipar. Kælið þar til
sósan er borin fram.
Kjötbollur með jalapeño-sósu