Fréttablaðið - 22.10.2014, Síða 36

Blómabúðin í Portinu flutti nýverið á Nýbýlaveg 8 en hún var áður á
Garðatorgi (Blómabúðin Sóleyjarkot). „Þar vorum við til húsa í tæp fimm
ár,“ segir eigandinn og blómaskreytirinn Jóhanna Einarsdóttir. Hún hefur
alla tíð átt heima í Kópavogi og kann afar vel við að vera komin heim.
„Hér verður ríkulegt úrval af blómum og hægt að fá allar gerðir
skreytinga, svo sem fyrir útfarir, brúðkaup og svo framvegis. Við erum líka
með sérvalda og fallega gjafavöru. Um þessar mundir eru jólavörurnar
frá House Doctor einmitt að tínast inn og þá er nóvemberkaktusinn
kominn í hús.“
Jóhanna segir áfram verða lagða áherslu á persónulega þjónustu og
notalegt viðmót. Hún býður sína gömlu og góðu viðskiptavini í Garðabæ
velkomna og segir blómabúðina nú í alfaraleið enda Nýbýlavegurinn vel
staðsettur. „Það var á árum áður blómabúð hér á Nýbýlavegi en nú hefur
aðgengi og umhverfi breyst til hins betra.“
Jóhanna býður alla velkomna í formlega opnun í dag, fimmtudag,
23. október. Það verða spennandi tilboð og opið til klukkan 22.
Blómabúð í alfaraleið
Blómabúðin í Portinu var áður á Garðatorgi, hét Blómabúðin Sóleyjarkot en gekk
ávallt undir nafninu Blómabúðin á Garðatorgi.
BES
TA PIKKÖPP-LÍNAN
KYSSTU MIG
ÉG FÉKK MÉR
SERRANO
SERRANO ER GOTT FYRIR ÁSTINA
Verið velkomin á nýjan og glæsilegan
veitingastað okkar á Nýbýlavegi 6-8.