Fréttablaðið - 05.02.2015, Blaðsíða 18

5. febrúar 2015 FIMMTUDAGUR| FRÉTTIR VIÐSKIPTI | 18
Landssamband kúabænda hyggst
kaupa Nautastöðina á Hesti í
Borgarfirði af Bændasamtökum
Íslands. Landssambandið hefur
stofnað félagið Nautgriparæktar-
miðstöð Íslands af þessu tilefni,
eins og greint var frá í Lögbirt-
ingablaðinu.
Nautastöðin er kynbótastöð
Íslands fyrir nautgripi. Þar eru
naut haldin og sæði tekið og því
dreift síðan til þeirra sem sjá um
sæðingar.
Baldur Helgi Benjamínsson, for-
maður Landssambands kúabænda,
segir að viðræður um kaupin standi
yfir. Hann segir að Bændasam-
tökin hafa rekið nautastöðina síðan
1970. Baldur Helgi bendir á að það
séu einungis kúabændur sem noti
þessa stöð, eðli málsins samkvæmt,
en ekki allir bændur. Hugmyndin
sé því að kúabændur beri á henni
faglega og fjárhagslega ábyrgð.
„Það er það sem við erum að
hugsa og Bændasamtökin líka. Að
þessi rekstur sé á herðum þeirrar
greinar landbúnaðarins sem notar
stöðina og rekur hana og kaupir af
henni þjónustu,“ segir Baldur Helgi.
Hann segir að kaupin séu háð
samþykki Búnaðar þings og aðal-
fundar Landssambands kúabænda.
„Ég vonast til að þetta gangi eftir
en það er háð samþykki beggja
þessara stofnana,“ segir Baldur
Helgi. - jhh
Landssamband kúabænda hefur stofnað nýtt félag og hyggst yfirtaka rekstur af Bændasamtökunum:
Kúabændur kaupa Nautastöðina á Hesti
NAUTGRIPIR Landssamband
kúabænda vill taka yfir Nautastöðina
á Hesti. Bændasamtökin hafa rekið
stöðina í áratugi. FR
ÉT
TA
BL
AÐ
IÐ
/S
TE
FÁ
N
Togstreita á vinnumarkaði kom
í veg fyrir að Seðlabanki Íslands
lækkaði vexti. Þetta kom fram í
máli þeirra Arnórs Sighvats sonar
aðstoðarseðlabankastjóra og Þór-
arins G. Péturssonar, aðalhag-
fræðings bankans, á vaxtaákvörð-
unarfundi í gær. Sú togstreita
hefði aukist frá því Peningamál
Seðlabankans komu út í nóvem-
ber.
Meginvextir bankans verða
óbreyttir í 4,5 prósentum. Grein-
ingardeildir allra viðskiptabank-
anna höfðu spáð 0,25 prósentu-
stiga lækkun og það sama á við
um IFS greiningu.
Engu að síður er gert ráð fyrir
því í Peningamálum að verðbólga
verði 0,5 prósent á fyrsta fjórð-
ungi þessa árs en í síðustu spá var
búist við að hún yrði 2 prósent.
Seðlabankinn segir horfur
á að verðbólga haldist undir
verðbólgu markmiði Seðlabank-
ans fram undir lok næsta árs og
verði samkvæmt spánni 0,7 pró-
sent á þessu ári og 2,3 prósent á
árinu 2016.
Seðlabankinn segir þó að ýmsar
forsendur spárinnar séu háðar
töluverðri óvissu. Þar megi helst
nefna óvissu um niðurstöður
komandi kjarasamninga þar sem
launahækkanir gætu reynst meiri
en gert er ráð fyrir í grunnspánni.
Ef samið yrði um óhóflegar launa-
hækkanir yrði verðbólguþrýsting-
ur meiri en gert er ráð fyrir. - jhh
Seðlabanki Íslands spáir því að verðbólga verði undir 2,5 prósenta markmiðinu langt fram á næsta ár:
Togstreita kom í veg fyrir vaxtalækkun
SKÝRIR ÁKVÖRÐUN Arnór Sighvatsson
aðstoðarseðlabankastjóri gerði grein
fyrir ákvörðun peningastefnunefndar.
FRÉTTABLAÐIÐ/GVA
Þriðjungur þeirra sem voru á
vinnumarkaði árið 2012 munu
ekki uppfylla lagaviðmið um lág-
markslífeyrissöfnun þegar þeir
fara á eftirlaun. Þetta kemur fram
í nýútgefinni skýrslu Fjármála-
eftirlitsins og Landssamtaka
lífeyrissjóða sem ber nafnið
„Nægjan leiki lífeyrissparnaðar“.
Í lögum um lífeyrissjóði er
miðað við að iðgjöld dugi fyrir líf-
eyri sem sé 56 prósent af meðal-
ævitekjum. Það viðmið mun þriðj-
ungur launamanna ekki uppfylla.
„Það kom vissulega á óvart að
hópurinn væri svona stór,“ segir
Stefán Halldórsson, verkefnastjóri
hjá Landsamtökum lífeyrissjóða
og einn af höfundum skýrslunnar.
Stefán segir flesta sem ekki ná
56 prósent viðmiðinu ekki hafa
unnið nógu lengi á Íslandi en 56
prósenta hlutfallið er miðað við
40 ára starfsævi hér á landi. „Þeir
sem fara í langskólanám eiga ekki
möguleika á að ná nægjanlegum
fjölda starfsára til þess að uppfylla
þessi viðmið. Einnig þeir sem hafa
flust til landsins og eiga þannig
skemmri starfsævi hér á landi,“
segir Stefán.
Hlutfallið er talsvert hærra á
meðal þeirra sem eru eldri. 42
prósent fólks sem var á aldrinum
60-64 árið 2012 mun ekki ná lág-
marksviðmiðinu. Í aldurshópnum
35-39 ára er hlutfallið 27 prósent.
Björn Z. Ásgrímsson, sérfræð-
ingur hjá Fjármálaeftirlitinu og
annar skýrsluhöfunda segir ástæð-
una fyrir þessum kyn slóðamun
vera að lífeyriskerfið hafi ekki
verið fullmótað þegar eldri kyn-
slóðir hófu að greiða lífeyri. Því
hafi minni lífeyrir safnast hjá
þeim aldurshópi.
Stefán bendir þó á að flestir
sem nái ekki viðmiðinu fái hærri
lífeyrisgreiðslur frá Tryggingar-
stofnun sem jafni tekjur þeirra
miðað við þá sem safnað hafa
hærri iðgjöldum. Þá skilar söfnun
séreignarsparnaðar einnig hærri
lífeyrisgreiðslum.
Stefán segir nokkrar leiðir
færar til þess að lækka hlutfall
þeirra sem ekki uppfylla lág-
marksviðmiðið. „Í skýrslunni er
bent á þann möguleika að auka
megi sveigjanleika í töku lífeyris
og söfnun lífeyrisréttinda þannig
að menn geti bætt sér upp slaka
ávinnslu á yngri árum með því
annaðhvort að vinna lengur eða
borga hærri iðgjöld síðar á starfs-
ævinni,“ segir Stefán. Skýrsluhöf-
undar mæla með valkvæðri hækk-
un iðngjalda sem hafist gæti við 50
ára aldur og væri frádráttarbær
frá skattstofni.
Bent er á í skýrslunni að verði
ekkert að gert muni þyngri
byrði lífeyrisgreiðslna falla á
almannatryggingar sem greidd-
ar séu af skattfé en lífeyrissjóða-
lögunum hafi verið ætlað að létta
þá byrði.
ingvar@frettabladid.is
Þriðjungur nær ekki að
safna fyrir lágmarkslífeyri
Þriðjungur fólks á vinnumarkaði árið 2012 mun ekki ná að safna nægum lífeyri til að uppfylla lög um
lágmark lífeyrisgreiðslna. Lagt er til að vandanum verði mætt með hækkun lífeyrisaldurs og hærri iðgjöldum.
„Það sem enn
stendur í nefndinni
er starfsskyldumat.
Það eru allir sam-
mála um að taka
það upp en þetta
er spurning um
leiðir,“ segir Pétur
Blöndal, alþingismaður og for-
maður nefndar um breytingar á
almannatryggingakerfinu. Pétur
segir að með starfsskyldumatinu
verði þeim sem hafa minni en 75
prósenta örorku greiddar talsvert
hærri bætur en gert er nú. Að
sögn Péturs er helst tekist á um í
nefndinni hvort miða eigi við 50
eða 70 prósenta starfsgetu. Búið
sé að ná sátt í meginatriðum um
lægra skerðingarhlutfall lífeyris-
greiðslna með hækkun tekna sem
og hækkun lífeyrisaldurs úr 67 í
70 ár.
➜ Leggja til minni
skerðingu bóta
PÉTUR BLÖNDAL

FRÉTTABLAÐ
IÐ
/G
VA
LÍFEYRISMÁL RÆDD Bjarni Guð-
mundsson tryggingastærðfræðingur
sagði það hafa komið á óvart hve
margir útlendingar ættu rétt á líf-
eyrisgreiðslum hér á landi. Allt að
2.700 erlendir ríkisborgarar fæddir
frá árinu 1977 hafa að líkindum
greitt í íslenskan lífeyrissjóð.
Héraðsdómur vísaði í gær frá
máli Sverris Einars Eiríkssonar
á hendur Hraðpeningum ehf. og
Skorra Rafni Rafnssyni.
Hraðpeningar var stofnað
árið 2009 og voru stofnendur og
stjórnarmenn í tilkynningu til
fyrirtækjaskrár sagðir vera Gísli
Rúnar Rafnsson, Skorri Rafn og
Sverrir Einar, hver með þriðj-
ungs hlut.
Samkvæmt fyrstu tveimur árs-
reikningunum var Skorri Rafn
sagður eigandi alls hlutafjár í
félaginu. En samkvæmt reikningi
ársins 2011 er kýpverska félagið
Jumdon Micro Finance skráð eig-
andi. Dómurinn taldi að þar sem
Jumdon væri núna skráður eig-
andi Hraðpeninga hefði Sverrir
þurft að stefna Jumdon til að fá
eignarhald sitt viðurkennt. - jhh
Stefnir Hraðpeningum:
Vill eignarhald
sitt viðurkennt
HRAÐPENINGAR Deilur eru um eignar-
hald á félaginu. FRÉTTABLAÐIÐ/VALLI
Landsbréf hf. í samstarfi við
SA Framtak GP ehf. hafa lokið
4 milljarða króna fjármögnun á
Brunni sprota- og vaxtarsjóði.
Hluthafar í sjóðnum eru Lands-
bankinn, sjö lífeyrissjóðir og
nokkrir einkafjárfestar, auk SA
Framtaks GP sem er jafnframt
ábyrgðar aðili samlagshluta-
félagsins. Landsbréf munu annast
rekstur sjóðsins í samstarfi við
SA Framtak GP.
Þá hefur Sprota- og vaxtarsjóð-
urinn Eyrir Sprotar lokið fyrsta
áfanga fjármögnunar upp á 2,5
milljarða. Sjóðurinn er í eigu
Eyris Invest og Arion banka.
Þórður Magnússon er formaður
fjárfestingaráðs Eyris Sprota.
- jhh
Stofna tvo nýja sprotasjóði:
Milljarðar í
nýja sprotasjóði
FORMAÐUR FJÁRFESTINGARÁÐS
Þórður Magnússon á stóran hlut í Eyri
Invest. FRÉTTABLAÐIÐ/VILHELM
Hagnaður Marels á fjórða árs-
fjórðungi 2014 samsvarar 450
milljónum króna. Hagnaður á
árinu 2014 í heild samsvarar 1.755
milljónum króna, en var tæplega
3,1 milljarður króna árið á undan.
Í afkomutilkynningu segir að
hagnaður sé litaður af einskiptis-
kostnaði í tengslum við hagræð-
ingu í rekstri á árinu 2014.
Stjórn fyrirtækisins mun leggja
það til að hluthafar fái greiddar
3,5 milljónir evra í arð, eða um
525 milljónir. - jhh
1,8 milljarða hagnaður:
Greiðir hálfan
milljarð í arð
0
4
-0
2
-2
0
1
5

2
2
:0
3
F
B
0
7
2
s
_
P
0
7
0
K
.p
1
.p
d
f
F
B
0
7
2
s
_
P
0
5
5
K
.p
1
.p
d
f
F
B
0
7
2
s
_
P
0
0
3
K
.p
1
.p
d
f
F
B
0
7
2
s
_
P
0
1
8
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
3
A
4
-D
3
1
0
1
3
A
4
-D
1
D
4
1
3
A
4
-D
0
9
8
1
3
A
4
-C
F
5
C
2
8
0
X
4
0
0
3
A

F
B
0
7
2
s
C
M
Y
K