Fréttablaðið - 05.03.2015, Blaðsíða 2

5. mars 2015 FIMMTUDAGUR| FRÉTTIR | 2
Púði
5.495 kr.
Dúkur
5.495 kr.
Vörur INDISKA eru skandinavísk
hönnun sem er innblásin af
indversku handverki með sínum
óteljandi litum og mynstrum þar sem
rækt er lögð við sérhvert smáatriði.
Kringlan | 588 2300
Diskur
2.295 kr.
Viskustykki
1.795 kr.
Krukka
5.495 kr.
Skrautegg
2.795 kr.
Fjaðralengja
1.295 kr.
Halldór, stendur meirihlutinn
á gati?
„Nei, á gatasigti gatnakerfisins.“
Halldór Halldórsson, oddviti Sjálfstæðis-
flokksins í Reykjavík, vill leggja meira fé í
viðhald gatna, enda eru göt víða.
HEILBRIGÐISMÁL Guðmundur Jóhann
Hallvarðsson greindist með krabba-
mein í lifur í janúar árið 2013. Hann
lést rúmu ári síðar. Sonur hans,
Hallvarður Guðmundsson, segir
krabbameinið hafa reynst illvígt
og að hefðbundinni lyfjameðferð
hafi verið hætt eftir þrjá mánuði
þegar ekkert benti til þess að hún
hefði áhrif á gang sjúkdómsins. Þá
hafi faðir hans kynnst sjúklingum
í Ljósinu sem sögðust hafa læknast
af krabbameini fyrir tilstilli sann-
kallaðs kraftaverkalyfs. Efnið kall-
ast Orasal, eða Salicinium, og sjúk-
lingarnir bentu á mann sem hefði
aðstoðað þá við að kaupa efnið.
„Pabbi fékk símanúmer hjá konu
sem sagðist hafa læknast og komst
í samband við sölumann efnisins.“
Mánaðarskammturinn sem Guð-
mundur keypti kostaði um þúsund
dollara, eða 134 þúsund krónur.
Hann keypti Orasal og tvær teg-
undir fæðubótarefna frá banda-
ríska fyrirtækinu Perfect Balance.
Skammtana keypti hann í níu mán-
uði og eyddi því meira en milljón
króna í efnin.
„Samkvæmt upplýsingum á
heimasíðu Perfect Balance er
kostnaðurinn um 90 þúsund, þann-
ig að hann var að smyrja svolítið á
þetta,“ segir Hallvarður og segist
sár og reiður. Í upphafi hafi hann
hins vegar reynt að vera bjartsýnn
fyrir hönd föður síns.
„Ég reyndi að vera jákvæður og
líta björtum augum á þetta. Í fyrstu
fannst okkur pabbi taka einhverjum
framförum og ég veit ekki hvort það
var efnið eða bjartsýni pabba. Eftir
að ég hitti þennan mann þá gat ég
ekki verið bjartsýnn lengur. Hann
talaði mikið um samsæriskenning-
ar í lyfjaiðnaði og benti okkur á að
horfa á heimildarmynd á Youtube
um krabbamein, sem var hreinn
þvættingur og tengdist raunar
þessu efni ekki neitt.“
Mánuði áður en Guðmundur lést
frétti Hallvarður að sölumaðurinn
hefði beðið um röntgenmyndir af
æxlinu til að senda út til sölufyrir-
tækisins Perfect Balance. Tilgang-
urinn var að meta framhald með-
ferðarinnar. „Sölumaðurinn var að
senda röntgenmyndir til sölufyrir-
tækisins í Bandaríkjunum, Perfect
Balance, og hafði fengið þau svör
að pabbi ætti að halda áfram með-
ferðinni. Ég var tortrygginn. Ég
spurði hann hvort það væri hægt
að fá staðfestingu á því hvort fag-
aðilar skoðuðu þessar myndir. Hann
gat ekki svarað því en bað okkur um
að greina ekki krabbameinslækni
pabba frá því að hann vildi senda
myndir af æxlinu út. Þegar þarna
var komið var ég orðinn bæði sár
og reiður. Framganga þessa manns
skyggði á síðustu daga pabba. Hann
trúði á þetta allt saman í upphafi en
eftir því sem dró af honum hætti
hann að nenna þessu,“ segir Hall-
varður. kristjanabjorg@frettabladid.is
Eyddi meira en
milljón á dánarbeði
Guðmundur Hallvarðsson lést í mars á síðasta ári. Dánarmeinið var krabbamein í
lifur. Hann eyddi rúmri milljón króna í efnið Orasal. Sonur hans, Hallvarður, segir
hann hafa verið féflettan á dánarbeðinum.
SÁR OG REIÐUR Hallvarður segir framgöngu sölumanns efnisins Orasal hafa skyggt
á síðustu daga föður síns og er sár og reiður. FRÉTTABLAÐIÐ/PJETUR
PERSÓNUVERND Miðlun lögregl-
unnar á persónuupplýsingum um
einstaklinga sem viðstaddir voru
mótmælin árin 2008-2011 stóðst
ekki lög að mati Persónuverndar.
Í fyrra skilaði Geir Jón Þóris-
son, fyrrverandi yfirlögreglu-
þjónn, inn skýrslu um mótmælin
2008-2011. Strax í kjölfarið komu
upp ásakanir um ólögmæta miðl-
un viðkvæmra persónuupplýs-
inga og Persónuvernd tók málið
upp að eigin frumkvæði.
Mat Persónuverndar er að
öryggis hafi ekki verið gætt við
vinnslu og útgáfu skýrslunnar
en skýrsluhöfundi lögreglunn-
ar láðist að útmá nöfn og við-
kvæmar persónuupplýsingar úr
skýrslunni og þannig hafi lög-
regla gerst brotleg við lög um
persónuvernd.
Persónuvernd leggur fyrir lög-
regluna á höfuðborgarsvæðinu
að setja sér verklagsreglur um
hvernig öryggis sé gætt við með-
ferð persónuupplýsinga í mála-
skrárkerfi lögreglunnar.
- srs
Skýrsla lögreglunnar um mótmælin 2008-2011 braut persónuverndarlög:
Skýrsla Geirs Jóns í bága við lög
STJÓRNMÁL Gunnar Bragi Sveins-
son utanríkisráðherra mælir
fyrir breytingum á lögum um
alþjóðlega þróunarsamvinnu
Íslands. Frumvarpið var kynnt
á ríkisstjórnarfundi í síðustu
viku, því var síðan dreift til þing-
manna.
Samkvæmt frumvarpi utan-
ríkis ráðherra verður Þróunar-
samvinnustofnun lögð niður,
verkefni hennar flutt yfir í ráðu-
neytið en „þrátt fyrir ákvæði
laga þessara skal Þróunarsam-
vinnustofnun Íslands starfa
áfram til 1. janúar 2016, en lögð
niður frá og með þeim degi,“ eins
og segir orðrétt í frumvarpinu.
Katrín Jakobsdóttir, formaður
Vinstri grænna, er einn níu þing-
manna stjórnarandstöðunnar sem
lögðu fram beiðni um skýrslu frá
utanríkisráðherra um skipulag
þróunarsamvinnu vegna fyrir-
hugaðrar sameiningar.
„Við erum að leita eftir því
hvaða faglegu rök séu til grund-
vallar þessari tillögu ráðherra, að
sameina allt í ráðuneytinu, hvort
það hafi verið einhver óánægja
með störf Þróunarsamvinnu-
stofnunar og hvort ekki sé ástæða
til að bíða eftir úttekt sem er í
vinnslu hjá þróunarsamvinnu-
nefnd Efnahags- og framfara-
stofnunarinnar (DAC) sem verð-
ur birt 2016. Við spyrjum: hvað
liggur á? Og hver faglegu rökin
séu. Við viljum að það sé tíund-
að betur en gert er í greinargerð
með frumvarpinu.“
- kbg
Utanríkisráðherra vill leggja niður Þróunarsamvinnustofnun:
Þingmenn krefjast skýrari svara
VILJA SVÖR Þingmenn vilja rök fyrir því
af hverju stendur til að leggja niður Þró-
unarsamvinnustofnun. FRÉTTABLAÐIÐ/GVA
MÓTMÆLI
Skýrsla lög-
reglunnar
fjallaði um
mótmælin
2008-2011.
FRÉTTABLAÐIÐ/
ANTON
➜ Miðlun lögreglu á upplýs-
ingum um einstaklinga sem
viðstaddir voru mótmælin
2008–2011 stóðst ekki lög..
➜ Á vefsíðu Perfect Balance
er efnið sagt virka gegn sjúk-
dómum sem stafa af loft-
fælnum eða gerjandi frum-
um. Efnið trufli ferlið sem
geri ónæmiskerfinu kleift að
eyða krabbameinsfrumum.
MIKILFENGLEGT En hættulegt. AFP PHOTO / ATONCHILE / CARLOS ROCUANT
SÍLE Um þær mundir sem Íslendingar fögnuðu goslokum í Holuhrauni
braust út eldgos í eldfjallinu Villarrica í Suður-Síle. Ólíkt gosinu í
Holuhrauni hefur eldgosið í Villarrica haft alvarlegar afleiðingar því
að yfirvöld hafa flutt um 3.000 manns á brott úr nærliggjandi þorpum.
Villarrica er eitt virkasta eldfjall Síle og heimildir eru til um elds-
umbrot allt frá árinu 1558 en þetta er stærsta eldgosið í Villarrica frá
1985. Eldfjallið er undir jökli og því er hraunið sjálft ekki það hættu-
legasta við það heldur aurskriður og flóð sem ná til nærliggjandi
þorpa. - srs
Eitt stærsta eldgosið í eldfjallinu Villarrica frá árinu 1985:
3.000 manns fluttir á brott í Síle
BANDARÍKIN Darren Wilson,
lögreglumaðurinn sem skaut
óvopnaðan ungling í Ferguson í
Missouri til bana, mun ekki vera
sóttur til saka vegna þessa.
Á vef The Guardian kemur
fram að dómsmálaráðuneyti
Bandaríkjanna tilkynnti í gær að
eftir sex mánaða rannsókn var
ákveðið að ekki væri grundvöll-
ur fyrir því að sækja Wilson til
saka.
Ekki þóttu vera næg sönnunar-
gögn til að skera úr um hvort Wil-
son hafi hleypt af skotvopni sínu í
sjálfsvörn eða ekki. - srs
Morðmál ekki til dómstóla:
Darren Wilson
ekki ákærður
VEÐUR Alls voru 13 hús rýmd á
Patreksfirði í gær vegna snjóflóða-
hættu. 41 einstaklingur þurfti að
yfirgefa heimili sitt og leituðu
flestir til vina og vandamanna.
Aðrir fóru á hótel.
„Það verður tekin ákvörðun
í fyrramálið um hvort fólk geti
snúið til síns heima þegar fundað
verður með almannavarnarnefnd
og snjóflóðadeild Veðurstofunnar,“
segir Ingvar Jakobsson, varðstjóri
hjá lögreglunni á Vestfjörðum.
Hátt í 50 björgunarsveitarmenn
voru að störfum í gær í óveðrinu
sem gekk yfir landið. - fbj
Snjóflóðahætta fyrir vestan:
13 hús rýmd
á Patreksfirði
SPURNING DAGSINS
0
4
-0
3
-2
0
1
5

2
2
:1
0
F
B
0
5
6
s
_
P
0
5
5
K
.p
1
.p
d
f
F
B
0
5
6
s
_
P
0
5
5
K
.p
1
.p
d
f
F
B
0
5
6
s
_
P
0
0
2
K
.p
1
.p
d
f
F
B
0
5
6
s
_
P
0
0
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
4
0
4
-4
C
E
C
1
4
0
4
-4
B
B
0
1
4
0
4
-4
A
7
4
1
4
0
4
-4
9
3
8
2
8
0
X
4
0
0
1
B

F
B
0
5
6
s
C
M
Y
K