Skessuhorn - 18.09.2013, Blaðsíða 20

20 MIÐVIKUDAGUR 18. SEPTEMBER 2013
Göngur og réttir að ná hámarki
Fjárréttir á Vesturlandi fara fram um þessar mundir. Veðrið hef-
ur verið fremur kalsasamt víða á leitarfólk að undanförnu, en
engu að síður gengið vel miðað við aðstæður, þar sem Skessu-
horn hefur fregnað. Leitarmenn hafa þó lent í snjó, hvassviðri
og skárra veðri til skiptis, en alltaf í mjög blautu landi og því er
erfiðu yfirferðar. Fróðir menn sem Skessuhorn hefur rætt við
spá því að fallþungi dilka á þessu landssvæði nái ekki meðallagi.
Helstu ástæðu þess telja þeir miklar rigningar síðustu 4-6 vikur
og hefur því verið kalt á fé og það þrifist illa. mm
Réttað var í Svarthamarsrétt á Hvalfjarðarströnd sl. sunnudag. Veðrið var ágætt um morguninn, en versnaði heldur þegar
leið á daginn, eftir að réttarhaldi lauk. Ljósm. Fannar Sólbjartsson.
Í leitum Borgfirðinga á Arnarvatnsheiði í síðustu viku var veður fremur vott og
kalt með köflum. Þessa mynd tók Íris Þórlaug Ármannsdóttir af gangnamönnum
þar sem þeir leita skjóls í kalsaveðri við Reykjavatnskofann.
Farið var að skyggja þegar gangnamenn af Arnarvatnsheiði komu með safnið í Fljótstungurétt sl. laugardagskvöld. Votviðri
og erfið færð varð því til þess að meginhluti réttarhaldsins fór fram á sunnudaginn. Um morguninn var alhvít jörð og muna
elstu menn ekki eftir slíku á réttardaginn í Fljótstungu. Ljósm. mm.
Svo var að sjá að dilkar kæmu vænir af fjalli hjá bændum sem reka til Svart-
hamarsréttar á Hvalfjarðarströnd. Ljósm. Fannar Sólbjartsson.
Sól skein um tíma í Brekkurétt í Saurbæ. Ljósm. bae. Allir voru í góðu skapi, þrátt fyrir veðrið í Fellsendarétt.
Ljósm. bae.
Réttað var í Þverárrétt síðastliðinn mánudag. Veður hélst
þokkalegt allan daginn, en þó blés nokkuð að norðan og
ekki taldi hitastigið margar gráður. Fólk lét það hins vegar
ekkert á sig fá og var glatt yfir að ekki rigndi eins og spáð
hafði verið. Ljósm. mm.
Svipmynd yfir einn dilkinn í Þverárrétt sl. mánudag.
Ljósm. mm.
Hjálpast að við fjárdrátt í Þverárrétt. Ljósm. Caroline Langhein.
Á sunnudagsmorguninn snjóaði til fjalla í Borgarfirði. Í Fljótstungu lá snjóbreiða
yfir þegar bændur mættu til réttar um morguninn. Hér er horft heim frá Fljót-
stungubænum í réttina sem er fyrir miðri mynd. Ljósm. Bjarni Johansen.