Skessuhorn - 04.12.2013, Blaðsíða 33

33MIÐVIKUDAGUR 4. DESEMBER 2013
Drengjakór íslenska lýðveldisins
kom nýverið í Rif og flutti þar góða
dagskrá eftir að hafa skemmt vist-
fólki á dvalarheimilunum í Grund-
arfirði og Ólafsvík. Gestir voru
margir og undirtektir mjög góðar.
Á meðfylgjandi mynd er kórinn að
syngja fyrir gesti í Frystiklefanum.
Kór þessi er fjórfaldur kvartett og
var stofnaður í lok hrunársins 2008
og hefur komið víða fram síðan,
svo sem í brúðkaupum, guðsþjón-
ustum, jólahlaðborðum, árshátíð-
um, þorrablótum og víðar. Kórinn
hefur hlotið einróma lof fyrir létta
framkomu og góðan söng enda er
hópurinn skipaður reyndum söng-
mönnum sem allir hafa gaman af
því að skemmta sér og öðrum með
söng og sprelli. mm
Síðastliðið mánudagskvöld var
haldið upp á 50 ára afmæli Hesta-
mannafélagsins Snæfellings. Af-
mælisfagn-
aðurinn fór
fram í nýj-
um sal-
a r k y n n -
um Hót-
els Rjúk-
anda við
Vegamót á
S n æ f e l l s -
nesi. Þar
s v i g n u ð u
borð und-
an kræs-
ingum í glæsilegri kaffiveislu. Á
sjöunda tug félagsmanna og gesta
voru saman komnir til að fagna af-
mælinu. Meðal annars Leifur Kr.
Jóhannesson helsti hvatamaður að
stofnun félagsins ásamt nokkrum
stofnfélögum og fleiri eldri félags-
mönnum.
„Þetta var skemmtileg og nota-
leg kvöldstund. Fólk kom upp og
sagði skemmtilegar minningar frá
veru sinni í félaginu. Þá var ekki síst
gaman að eldri félagarnir gátu ver-
ið viðstaddir,“ segir Ásdís Ólöf Sig-
urðardóttir í Eiðhúsum, formaður
Snæfellings. Hún segir að annars
hafi verið lítið um ræðuhöld í af-
mælisfagnaðinum, veittar hafi verið
nokkrar viðurkenningar, en mesti
tíminn farið í notalegt rabb og að
njóta veitinganna. Mikill kraftur er
í starfi Snæfellings en stutt er síð-
an félagið kom sér upp reiðhöll í
Grundarfirði. Auk þess hafa félagar
í Snæfellingi aðgang með sína hesta
í reiðhöllinni hjá Einari Ólafssyni í
Söðulsholti. Félagar í Snæfellingi
eru um 225 talsins. þá/ Ljósm. iss.
Versluninni Hrannarbúðinni í
Grundarfirði var lokað síðastliðið
fimmtudagskvöld eftir þrjátíu ára
rekstur. Í versluninni var fjölbreytt
úrval vara. Þar voru m.a. seld leik-
föng, bækur, ritföng, prjónavör-
ur, rafskutlur og í raun allt á milli
himins og jarðar, ef svo má að orði
komast. Það er því mikill missir af
versluninni í samfélaginu í Grund-
arfirði. „Ástæðan fyrir því að við
hættum rekstri er að við erum búin
að vera svo lengi í þessu. Konan er
búin að vera í þrjátíu ár og ég síð-
ustu sextán árin, frá því að ég hætti
sem skólastjóri. Það er kominn góð-
ur tími í þetta góða starf en viðver-
an hefur verið mikil og sjaldan frí,“
segir Gunnar Kristjánsson sem rek-
ið hefur verslunina ásamt Jóhönnu
Halldórsdóttur konu sinni.
Óráðið er hvað tekur við hjá þeim
hjónum eftir lokun verslunarinnar.
„Það er ekki í hendi eða ákveðið en
ég kvíði ekki verkefnaskorti. Það er
ekki tímabært að segja frá hvað er
framundan,“ segir Gunnar en eng-
inn hefur tekið við rekstri versl-
unarinnar. „Það er mjög slæmt að
missa svona verslun úr samfélaginu
hérna en fólk skilur alveg okkar að-
stöðu. Kannski tekur einhver við
sér nú þegar búið er að skella í lás
og er tilbúinn að taka upp þráðinn
þar sem við hættum,“ segir Gunn-
ar. grþ
Ríkisstjórnin okkar Íslendinga er
um sex mánaða gömul, kosin í lýð-
ræðishátíð í apríl síðastliðnum
og eru verk hennar smám saman
að koma fram, nú nýjast aðgerð-
ir vegna skuldavanda heimila sem
mikilvægt er að skoða vandlega og
á jákvæðum nótum.
Þær fréttir virðast ætla að gleypa
fréttaflutning um fjárlagafrumvarp
sem m.a. tók ákvörðun um að skera
verulega niður í tekjustofnum rík-
isins, sem gæti haft áhrif á þessar
aðgerðir til lengri tíma. Mér finnst
ástæða fyrir okkur í NV-kjördæmi
að horfa til fjárlagafrumvarpsins.
Er skynsamlegt miðað við stöðu
ríkissjóðs að fella niður skatta í
ferðaþjónustu og fá minna út úr
auðlindagjaldi? Eða að stöðva að-
ildarferli að ESB án þess að kalla
þjóðina að því verki? Með því slá
striki yfir IPA-vinnu sem mun hafa
miklar neikvæðar afleiðingar í för
með sér m.a. í byggðarlögum NV-
kjördæmis þar sem ótal framsækin
verkefni munu væntanlega festast í
bið eða falla niður.
Fjárlagafrumvarpið stefnir að
hallalausum fjárlögum sem er mjög
gott mál. Því meira sem ég les frum-
varpið, því meira efast ég þó um að
núllinu verði náð. Óvissutekjur eru
þar allnokkrar og ég hef verulegar
áhyggjur af frekari flötum niður-
skurði. Það einfaldlega virkar ekki
miðað við raunverulega stöðu, enda
komið inn úr kjarnanum t.d. í heil-
brigðis- og menntakerfi.
Einnig kom á óvart að sjá dreg-
ið úr niðurgreiðslum á raforku-
verði og til landflutninga. Ég
neita að trúa því að samfélagsleg
ábyrgð landsmanna taki ekki til
þess að reyna að jafna aðstöðu Ís-
lendinga þegar kemur að orkumál-
um. Ákveðin skref hafa verið tek-
in til að rétta við stöðu okkar sem
búum utan höfuðborgarsvæðisins
og á köldum svæðum en nú virðist
stefnan vera að auka þann ójöfnuð á
ný. Verulega smár hluti af heildar-
fjármagni í fjárlögum, en stór fyrir
íbúa kaldra svæða!
Svo eru það hagræðingartillög-
urnar 111 sem miðast að því að
draga úr ríkisrekstri. Margar þeirra
hljóma vel, en þó hef ég ákveðnar
áhyggjur af því að heldur sé gárað
yfirborðið, en ekki kíkt undir. Full-
yrðingar um að sameiningar einar
og sér muni draga úr fjárútlátum
þarf að skoða gaumgæfilega og þar
verður að koma inn faglegt sjónar-
horn. Frasinn um að skera niður og
auka þjónustu er verulega hæpinn
og þarfnast eiginlega útskýringar.
Ekki kannski síst þegar kostnað við
ríkisstjórn virðist eiga að auka um
23%.
Sérstaklega hef ég þó áhyggjur
af því fyrir mitt kjördæmi að sjá til
þess tekið að fækka þurfi háskólum
og framhaldsskólum. Í kjördæminu
starfa þrír háskólar og tvö háskóla-
setur. Á síðustu 10 árum hafa ver-
ið reistir tveir nýir framhaldsskólar
auk þess sem fimm ný „framhalds-
skólaútibú“ hafa risið. Ég átta mig
á því að skoða þarf menntakerfið
gaumgæfilega og vel má vera að þar
felist hagræðingar-rmöguleikar,
sérstaklega á höfuðborgarsvæðinu
þar sem stutt er á milli stofnana,
en ég óttast það að frekar sé horft
til annarra svæða. Þessir nýju skól-
ar og setur hafa gjörbreytt aðstöðu
fólks í námunda við þá og allur nið-
urskurður ríkisins gagnvart þeim er
ávísun á að flytja kostnað yfir á for-
ráðamenn barna þessara staða.
Þess vegna set ég hér línur á blað.
Því ég vil ekki sitja einn uppi með
þennan ugg. Í okkar kjördæmi eru
sex þingmenn í ríkisstjórnarflokk-
unum. Við eigum utanríkisráðherr-
ann, forseta Alþingis og aðstoðar-
mann forsætisráðherra sem jafn-
framt stendur fyrir hagræðingar-
hópnum.
Ég skora á þá að finna á ný þær
áherslur sem þeir töluðu um á ferð-
um sínum fyrir kosningar og rifji
upp hvað það var, og er, sem fólkið í
kjördæminu þeirra talaði fyrir. Það
er ennþá möguleiki að endurskoða
tekjustofna í stað þess að sveifla
niðurskurðarhnífnum af krafti og
það er full ástæða til þess að spyrja
sig reglulega hvað styður best við
bak samfélaganna okkar hér.
Starf þingmannsins er göfugt
starf. Það felst að mínu mati 80% í
því taka þátt í samtali við sína þjóð
og hin 20% eiga að miða að því að
vinna úr þeim óskum. Ekki bara
fyrir kosningar, heldur alltaf.
Því lofaði Björt Framtíð og hef-
ur fylgt því eftir í störfum sínum.
Fjölgum endilega í því liði!
Magnús Þór Jónsson - Í stjórn
Bjartrar Framtíðar.
Pennagrein
Hvaða verk munu tala í NV-kjördæmi?
Fullorðnir drengir í kór
Hjónin Gunnar Kristjánsson og Jóhanna H. Halldórsdóttir hafa nú hætt rekstri
Hrannarbúðarinnar í Grundarfirði eftir að hafa rekið verslunina í þrjá áratugi.
Hrannarbúðinni í Grundar-
firði hefur verið lokað
Haldið upp á 50 ára afmæli Snæfellings
Leifur Kr. Jóhannesson
helsti hvatamaður að
stofnun Snæfellings.
Ásdís Ólöf Sigurðardóttir formaður Snæfellings, Siguroddur Pétursson
hestaíþróttamaður Snæfellings og Gunnar Sturluson frá Hrísdal, en Hrísdalur er
ræktunarbú ársins hjá Snæfellingi.
Leifur Kr.
Jóhannesson
veitir Bjarna
Jónassyni
Þotuskjöldinn,
en hann er
veittur fyrir vel
unnin störf.
Þrír félagsmenn fengu heiðursviðurkenningar. Frá hægri Einar Ólafsson Söðuls-
holti, Halldís Hallsdóttir frá Bíldshóli og Svavar Edilonsson í Stykkishólmi.
Leifur Kr Jóhannesson og Högni Bæringsson hlutu gullmerki ÍSÍ sem Garðar
Svansson framkvæmdastjóri HSH afhenti.