Skessuhorn - 15.01.2014, Blaðsíða 12

12 MIÐVIKUDAGUR 15. JANÚAR 2014
„Akraneskaupstaður undirbýr nú
útboð á snjómokstri og stefnir á
að fjölga minni tækjum sem nýtast
meðal annars á gangstéttir,“ seg‑
ir í frétt á vef bæjarins um helgina.
Þetta verður gert til að auka hálku‑
varnir, en tíðin að undanförnu hef‑
ur verið afleit með tilliti til hálku‑
myndunar þegar skipst hefur á
snjór, frost og þýða. Að sögn Sig‑
urðar Páls Harðarsonar fram‑
kvæmdastjóra umhverfis‑ og fram‑
kvæmdasviðs þá hefur verið reynt
að salta helstu gönguleiðir fremur
en að sanda en það hefur ekki allt‑
af dugað til.
Í kjölfar snjókomu á föstudaginn
síðasta var ákveðið að þjónustu‑
miðstöðin við Laugarbraut yrði
opin á laugardaginn og gátu íbúar
sótt sér sand og salt til að setja við
innkeyrslur og bílastæði. Þá voru
saltaðar og sandaðar allar aðalleið‑
ir, sem og aðalgönguleiðir í bæn‑
um. Frá áramótum og til 11. janúar
höfðu farið 10 tonn af sandi á götur
og gangstíga á Akranesi og 14 tonn
af salti. „Gárungar hafa bent á að
Akraneskaupstaður eigi nú sandþró
við Sementsverksmiðjuna og því sé
nóg af sandi til. Því er til að svara
að skeljasandurinn er of fínn í þetta
verkefni. Akraneskaupstaður hvetur
íbúa til að fara varlega í hálkunni,“
segir í frétt á vef bæjarins.
Ýmislegt gert
Aðspurður um verklag við hálku‑
varnir að undanförnu segir Sig‑
urður Páll að starfsmenn bæjar‑
ins fylgi ákveðnu plani í kringum
helstu stofnanir og fjölförnustu leið‑
ir í bænum. „Okkar menn ásamt
verktaka hafa séð um þetta. Það er
ákveðið verklag í kringum þessar
stofnanir, eins og skóla, leikskóla,
íþróttamannvirki og svo framvegis.
Við dreifum líka tunnum með sandi
og salti á þessa staði til að reyna að
lágmarka hættuna. Það er allt í gangi
til að reyna að sporna við hálkunni,“
segir Sigurður. Aðspurður um hvað
hafi helst verið gert undanfarið í
hálkuvörnum annars staðar en við
stofnanir bæjarins svarar hann: „Við
höfum verið að reyna að halda öll‑
um helstu gönguleiðum í bænum
í lagi með sandi, þannig að það sé
allavega hægt að ganga öðrum meg‑
in við göturnar. Þetta hefur verið
erfitt viðfangs því þegar það kemur
þýða þá blotnar í klakanum þannig
að sandurinn skolast í burtu. Einnig
höfum við verið að salta til að reyna
að ná niður klakanum.“ mm/grþ
Það voru tímamót í útgerðarsögu
togarans Helgu Maríu AK um liðna
helgi en þá var lagt af stað í fyrstu
veiðiferð skipsins sem ísfiskstog‑
ara. Sú ákvörðun var tekin í byrjun
síðasta árs að auka áherslu á land‑
vinnslu botnfisks hjá HB Granda en
draga úr sjófrystingu. Helga María
kom til landsins í lok nóvember eft‑
ir breytingarnar í Póllandi og tók
þá við vinna íslenskra verktaka sem
sáu um niðursetningu á öllum bún‑
aði á millidekki skipsins og annan
frágang. Á millidekkinu hefur verið
komið fyrir mjög fullkomnum bún‑
aði sem miðar að því að hráefnis‑
gæðin verði sem allra mest. Fisk‑
urinn er blóðgaður og slægður um
leið og hann berst inn á millidekkið
og þaðan liggur leið hans í blóðg‑
unarkar og síðan í kar þar sem fisk‑
urinn er kældur niður undir 0°C og
er gert ráð fyrir að það geti tekið
um 40 mínútur. Kerfið er tvöfalt
og afkastageta þess um 16 tonn á
klukkustund. Eftir kælingu er hægt
að flokka fiskinn í fjóra mismun‑
andi stærðarflokka og honum er
síðan komið fyrir í fiskkörum með
ískrapa í kælilestinni.
Að sögn Eiríks Ragnarssonar
skipstjóra, sem verið hefur í áhöfn
skipsins allt frá því að það kom til
landsins árið 1989, fyrst sem 1.
stýrimaður og afleysingaskipstjóri
og síðar sem skipstjóri frá árinu
1995, var brottför úr höfn í Reykja‑
vík síðdegis sl. laugardag.
,,Öllum prófunum í landi er lok‑
ið og nú verður búnaðurinn reynd‑
ur á sjó,“ sagði Eiríkur á fréttavef
HB Granda, en að hans sögn verð‑
ur fyrsta veiðiferðin nokkurs konar
prufutúr. Fyrir vikið verða 17 skip‑
verjar um borð auk fjögurra tækni‑
manna en miðað er við að 15 manns
verði í áhöfn hverju sinni framveg‑
is. Eiríkur segir að veðurspáin sé
slæm fyrir næstu daga og það muni
því reyna á skip og áhöfn svo ekki
sé talað um tæknimennina.
mm
Næstkomandi laugardag, 18. janú‑
ar, stendur Akraneskaupstaður fyr‑
ir íbúafundi um Sementsverksmiðj‑
ureitinn á Akranesi. Á fundinum
gefst íbúum Akraness tækifæri að
viðra hugmyndir sínar um nýtingu
reitsins. Sementsverksmiðjureit‑
urinn er stórt og mikið svæði, alls
um sex hektarar að stærð. Í lok síð‑
asta árs var gengið frá samningum
sem veita Akraneskaupstað full yf‑
irnrráð yfir stærsta hluta svæðisins
og heimild til að vinna framtíðar‑
skipulag fyrir allt svæðið, þótt hluti
þess komi ekki til afhendingar fyrr
en eftir 15 ár.
Regína Ásvaldsdóttir bæjarstjóri
sagði í samtali við Skessuhorn svæð‑
ið mjög mikilvægt fyrir samfélagið
og atvinnulífið á Akranesi. „Það er
í raun ríkidæmi að eiga þetta svæði.
Takmarkið hjá okkur hlýtur að vera
að skipuleggja svæðið þannig að það
skapi sem mest lífsgæði fyrir bæjar‑
búa. Það er líka ljóst að við ætlum
okkur að hafa tekjur af svæðinu til
framtíðar. Þetta tvennt og kannski
fleiri þætti þarf að samtvinna í skipu‑
laginu,“ segir Regína. Á umræddum
íbúafundi mun Regína kynna samn‑
ing um Sementsverksmiðjureitinn.
Þá munu arkitektar frá Kanon varpa
upp hugmyndum um nýtingu reits‑
ins. Regína segir að fulltrúar Ka‑
non arkitektastofu hafi verið fengn‑
ir í þessa hugmyndavinnu, gagngert
til að opna á umræður á íbúafundin‑
um. „Við tökum það fram að þetta
eru hugmyndir og alls ekki tillögur,
til þess gerðar að kveikja á og laða
fram hugmyndir frá fundargestum.
Væntanlega er hægt að hugsa sér
allskonar ásýnd og nýtingu svæðis‑
ins. En kannski verður svo einhvers‑
konar samhljómur milli hugmynda
fólks, hver veit? Við vonumst eftir
því að íbúar mæti á fundinn og viðri
skoðanir sínar,“ segir Regína.
Fundurinn hefst klukkan tíu og
að loknum kynningum verða skip‑
aðir vinnuhópar. Áfram verði síðan
unnið með niðurstöður þeirra hópa.
„Það er mikilvægt að vel takist til
við skipulagið og það er alveg ljóst
að fleiri íbúafundir verða haldn‑
ir um skipulag Sementsverksmiðj‑
ureitsins. Ekki liggur fyrir ákvörðun
um hvort skipulagið verði síðan sett
í samkeppnisferli eða unnið á ann‑
an hátt. Við tökum þetta skref til að
byrja með,“ segir Regína Ásvalds‑
dóttir bæjarstjóri. þá
Niðurstaða leiðangurs Drafnar
skips Hafró á Breiðafjörð í síðustu
viku hefur leitt í ljós þær niður‑
stöður að það eru árgangar 2007 og
2008 sem einkum vantar í Breiða‑
fjörð í samanburði við mælinguna
í fyrra. „Þetta eru árgangar sem
uxu upp fyrir sunnan land og hluti
þeirra er þar enn samkvæmt berg‑
málsmælingum á Bjarna Sæmunds‑
syni í haust. Hluti þessara árganga
birtist nokkuð óvænt í Breiðafirði
í fyrravetur og var hlutfall þeirra í
afla og bergmálsmælingum tölu‑
vert, einkum 2008 árgangsins. Í
vetur virðast þessir árgangar hins‑
vegar hafa vetursetu á nýjum og
enn sem komið er óþekktum slóð‑
um,“ segir í frétt frá Hafró. Þar seg‑
ir að framhald síldarrannsókna og
leita þessa vetrar verði ákveðnar á
næstu dögum. Í tengslum við mæl‑
ingar í Kolgrafafirði var farið með
neðansjávarmyndavél til að skoða
hvort eitthvað væri af dauðri síld á
botni fjarðarins innan við brú. Það
reyndist ekki vera enda hefur súr‑
efnismettun í firðinum verið góð
það sem af er vetri. Í tilkynningu
Hafró segir enn fremur að endan‑
legir reikningar verði ekki tilbúnir
fyrr en síðar, en það sé ljóst að ekk‑
ert hafi bæst við magn veiðistofns í
Breiðafirðinum frá því að mæling‑
ar voru gerðar í haust. Enn vantar
því töluvert magn inn í bergmáls‑
mælingar vetrarins miðað við mæl‑
ingar síðasta árs eða um 140 þús‑
und tonn.
þá
Samkvæmt verðlagskönnun sem
ASÍ hefur birt hefur heildar raf‑
orkukostnaður hjá heimilum lands‑
ins hækkað frá því í ágúst
2013 miðað við 4000 kW
stunda notkun á ári. Mest
hefur raforkukostnað‑
urinn hækkað hjá við‑
skiptavinum Rarik dreif‑
býli/Orkusalan eða um
6,6%, Rafveita Reyð‑
arfjarðar hefur hækkað
um 2,8% og Orkuveita
Reykjavíkur/Orka Nátt‑
úrunnar um 1,3%. Í til‑
kynningu frá verðlags‑
eftirliti ASÍ segir að ekki
hafi allar dreifiveiturnar
hækkað verðið, en mest
hækki hjá Rarik dreifbýli eða um
9%. Rafveita Reyðarfjarðar hækki
raforkuna um 2,8%, OR um 2,1%
og HS veita um 0,4%. Verð á raf‑
orkunni hafi hækkað hjá öllum raf‑
orkusölum að lámarki um 0,08%,
en Rafveita Reyðarfjarðar hefur
hækkað um 2,47%. Benda má á að
skattur á raforkusölu, umhverfis‑
og auðlindaskatturinn var hækkað‑
ur um áramót úr 0,126 kr. á kWst. í
0,13 kr. á kWst.
Raforkureikningi heimilisins
má skipta í tvo hluta. Annars veg‑
ar er greitt fyrir flutning og dreif‑
ingu raforkunnar til þeirrar dreifi‑
veitu sem hefur sérleyfi á viðkom‑
andi landssvæði og hins vegar er
greitt fyrir raforkuna
sjálfa til þess sölufyrir‑
tækis sem hver og einn
kaupandi velur. Þannig
greiðir heimili á Ísafirði
ávallt Orkubúi Vestfjarða
fyrir flutning og dreif‑
ingu á raforku en getur
síðan t.d. valið að kaupa
raforkuna af Orkuveitu
Reykjavíkur. Ódýrast
er að kaupa orkuna hjá
Orkubúi Vestfjarða‑þétt‑
býli/dreifbýli, þar sem
kostnaðurinn er 25.050
kr. en dýrast er að kaupa
hana frá Orkuveitu Reykjavík‑
ur og HS orku en þar kostar árið
það sama eða 26.154 kr. Munur á
hæsta og lægsta verði er 1.104 kr.
eða tæplega 4%.
þá
Akraneskaupstaður hyggst
bjóða út snjómokstur
Tvo árganga síldar vantar
í Breiðafjörðinn
Helga María AK við brottförina frá Póllandi. Ljósm. Rósa María Tómasdóttir.
Fyrsta veiðiferð Helgu Maríu
AK sem ísfisktogari
Verulegar hækkanir hjá Rarik í dreifbýli
Regína Ásvaldsdóttir bæjarstjóri á
Akranesi.
Íbúar viðri hugmyndir um nýtingu
Sementsverksmiðjureitsins