Skessuhorn - 19.03.2014, Blaðsíða 9
9MIÐVIKUDAGUR 19. MARS 2014
FÉLAGSFUNDUR
og AÐALFUNDUR
Félagsfundur verður haldinn í sal Stéttarfélags Vesturlands
Sæunnargötu 2a þann 20. mars nk. kl. 17:00
Dagskrá fundarins er:
1. Málefni aðalfundar félagsins
2. Kjaramál
3. Önnur mál
Veitingar verða í boði á fundinum og happdrætti.
Aðalfundur KJALAR stéttarfélags verður
haldinn þann 27. mars 2014 kl. 17:00 í
Menningarhúsinu Hofi Akureyri
Dagskrá:
1. Venjuleg aðalfundarstörf
2. Stjórnarkjör
3. Önnur mál
Veitingar og happdrætti.
Akureyri 17. mars 2014
Stjórn KJALAR stéttarfélags
starfsmanna í almannaþjónustu
S
K
E
S
S
U
H
O
R
N
2
0
1
4
Það var matarlegt um að litast þeg-
ar tíðindamaður Skessuhorns var
á ferðinni í Bjarnarhöfn í Helga-
fellssveit á dögunum. Þeir feðgar
Guðjón Hildibrandsson og Hildi-
brandur Bjarnason höfðu fengið
fjóra hákarla til skurðar og starf-
inn var því ærinn þennan daginn að
skera beituna hverja af annarri og
koma í kæsingu. Þeir feðgar starf-
rækja í sameiningu ferðaþjónustuna
í Bjarnahöfn og Hildibrandur seg-
ir að Guðjón sé orðinn aðalmaður-
inn í henni.
„Í hákarlaverkuninni er Guðjón í
aðalhlutverki. Við fengum minna af
hákarli núna tvö síðustu árin en við
höfum fengið alla jafnan. Við von-
umst til að fá meira þetta árið. Það
veitir ekkert af að fá mikið af hákarli
því ferðamönnunum finnst ákaf-
lega spennandi að smakka hann,“
segir Hildibrandur. Hákarlarn-
ir fjórir sem þeir feðgar skáru voru
fengnir af útlendum togara sem
landaði í Reykjavík nema einn sem
kom frá Höfrungi AK sem reyndar
landaði líka í Reykjavík. Aðspurð-
ur sagði Hildibrandur mjög mis-
jafnt hve mikið væri verkað af há-
karli í Bjarnahöfn yfir árið og há-
karlarnir líka mjög misstórir. „Það
er alltaf markaður fyrir hákarlinn
en langmest fer hann sem smakk
fyrir ferðamanninn. Það er stöð-
ug aukning hjá okkur í ferðaþjón-
ustunni og það góða er að hún er
að færast meira yfir árið. Við rek-
um ferðaþjónustuna á ársgrundvelli
og mér finnst að fleiri mættu gera
það á þessu svæði. Það vantar ein-
mitt meira framboð afþreyingar og
þjónustu fyrir ferðafólk yfir vetrar-
tímann hjá okkur hérna á Snæfells-
nesi,“ segir Hildibrandur í Bjarnar-
höfn. Hann segir að hákarlinn sem
núna var skorinn verði orðinn að
herramannsmat um mitt sumar. þá
Afkoma Faxaflóahafna sf. árið
2013 var betri en ráð var gert fyr-
ir í fjárhagsáætlun. Tekjur voru
181 milljónir króna umfram áætl-
un en rekstrarútgjöld 37,9 millj-
ónum undir áætluðum útgjöldum.
Breytingin á milli ára er að tekjur
hækka um 4,1%, en rekstrargjöld
um 0,9%. Þá voru fjármagnslið-
ir undir því sem áætlað var í fjár-
hagsáætlun og skýrist það af lækk-
un lána, lækkun vaxta á megin-
láni hafnarinnar og vegna styrk-
ingu krónunnar. Rekstrarhagnað-
ur varð því meiri en áætlað hafði
verið eða sem nemur 278,3 millj-
ónum króna.
Þetta kemur fram í nýbirtum
ársreikningi Faxaflóahafna fyr-
ir síðasta ár. Í greinargerð Gísla
Gíslasonar hafnarstjóra seg-
ir að litlar breytingar hafi orðið í
rekstrar umhverfi Faxaflóahafna
sf. milli áranna 2012 og 2013, en
þó megi nefna að í lok árs glædd-
ist lóðaeftirspurn þó svo að engri
lóð hafi verið úthlutað á árinu. Þá
má sjá nokkurn samdrátt milli ára í
aflagjöldum, sem skýrist að mestu
af verðlækkun á sjávarafurðum,
styrkingu krónunnar og undir lok
ársins breyttu útgerðarmynstri.
Helstu frávik frá áætlun tekju-
megin skýrast af vöruflutningum
umfram spár og stærri skemmti-
ferðaskipum sem komu til hafn-
ar. Gjaldamegin skýrast frávikin
af minni viðhaldskostnaði hafnar-
mannvirkja en auknum útgjöldum í
hafnarþjónustu vegna stærri skipa.
Gísli hafnarstjóri segir að þegar á
heildina sé litið væri afkoma Faxa-
flóahafna sf. vel viðunandi og í að-
alatriðum nokkru betri en sú fjár-
hagsáætlun sem lagt var upp með.
Fjárhagsstaða Faxaflóahafna sé því
sterk og ekki veiti af því framund-
an eru stórar framkvæmdir m.a.
við gerð hafnabakka í Sundahöfn
og áframhaldandi þróun svæðisins
á Grundartanga. þá
Félagsfundur í Framsóknarfélagi
Borgarfjarðar og Mýra samþykkti í
gærkvöldi framboðslista félagsins í
komandi sveitarstjórnarkosningum
í Borgarbyggð. Breytingar verða á
listanum frá því í síðustu kosning-
um og tefla framsóknarmenn nú
fram nýjum oddvita í efsta sæti. Það
skipar nú Borgnesingurinn Guð-
veig Eyglóardóttir. Í öðru sæti er
Helgi Haukur Hauksson, formaður
Sambands ungra framsóknarmanna
og nemandi á Bifröst. Í þriðja sæti er
Finnbogi Leifsson bóndi í Hítardal
og núverandi sveitarstjórnarmaður
og í því fjórða Sigríður G. Bjarnar-
dóttir sem fyrir kosningarnar fyr-
ir fjórum árum var oddviti listans.
Í fimmta sæti er síðan Kolbeinn
Magnússon bóndi í Stóra-Ási.
Listinn í heild lítur svona út:
1. Guðveig Eyglóardóttir, Borg-
arnesi
2. Helgi Haukur Hauksson, Bifröst
3. Finnbogi Leifsson, Hítardal
4. Sigríður Guðbjörg Bjarnadóttir,
Borgarnesi
5. Kolbeinn Magnússon, Stóra-Ási
6. Kristín Erla Guðmundsdóttir,
Borgarnesi
7. Einar Guðmann Örnólfsson,
Sigmundarstöðum í Þverárhlíð
8. Jóhanna Sjöfn Guðmundsdóttir,
Grímsstöðum
9. Hjalti Rósinkrans Benediktsson,
Borgarnesi
10. Sigríður Þorvaldsdóttir, Hjarð-
arholti
11. Sigurjón Helgason, Mel
12. Halla Magnúsdóttir, Borgarnesi
13. Sigrún Ólafsdóttir, Hallkels-
staðahlíð
14. Kristján Axelsson, Bakkakoti
15. Dagný Sigurðardóttir, Inni-
Skeljabrekku
16. Sveinn Hallgrímsson, Vatns-
hömrum
17. Jenný Lind Egilsdóttir, Borg-
arnesi
18. Ásmundur Einar Daðason,
Þverholtum.
hlh
Á annað hundrað manns mættu
á frumkvöðlakvöld sem atvinnu-
og ferðamálanefnd Akraneskaup-
staðar gekkst fyrir í Gamla Kaup-
félaginu sl. mánudagskvöld. Gestir
sýndu verkefnum sem kynnt voru á
fundinum mikinn áhuga og spurðu
margs. Frummælendur og höfund-
ar verkefna voru Ketill Már Björns-
son sem kynnti verkefnið Ísland
í 3vídd og Akranes á kortið, sem
byggir á risalíkani af Íslandi. Frá því
var greint ítarlega í síðasta Skessu-
horni. Karen Emilía Jónsdótt-
ir fjallaði um lífrænt vottuð mat-
væli, tækifæri til atvinnusköpunar.
Þá sögðu systkinin Helga Ingibjörg
og Kristján Hagalín Guðjónsbörn
frá ævintýraferðum um gersemar
Vesturlands með Wild West Tours.
Loks sagði Magnús Freyr Ólafsson
frá sjóstangveiði og möguleikum til
vaxtar á Akranesi.
Fundarstjóri var Sævar Þráins-
son, en auk kynninga á fyrrgreind-
um verkefnum voru örkynningar
frá aðilum á Vesturlandi sem styðja
við frumkvöðla. Það er frá Mark-
aðsstofu Vesturlands, Samtökum
sveitarfélaga á Vesturlandi, Frum-
kvöðlasetrinu í Borgarnesi, Frum-
kvöðlasetrinu á Bifröst og Samtök-
unum Vitbrigði Vesturlands.
þá
Stjórn Framfarafélags Borgfirðinga
lýsir yfir áhyggjum af stöðu geita-
búskaparins að Háafelli í Hvítár-
síðu þar sem Jóhanna Þorvaldsdótt-
ir geitabóndi hefur unnið merkt
frumkvöðlastarf í þágu fjölbreytni
í íslenskum landbúnaði og ferða-
þjónustu. Skorar stjórnin á ráðu-
neyti atvinnumála að taka þátt í að
treysta rekstur þessa bús. Jafnframt
skorar félagið á búnaðarsamtök
í landinu, sveitarstjórn í Borgar-
byggð og viðkomandi stjórnvöld að
standa við bakið á bóndanum sem
hér hefur unnið þrekvirki. Bendir
Framfarafélagið á hve nauðsynlegt
er fyrir íslenskt atvinnu- og menn-
ingarlíf að viðhalda margbreytileika
af þeim toga sem Jóhanna á Háa-
felli hefur staðið fyrir með viðhaldi
hins íslenska geitastofns og rekstri
bús af þessari stærðargráðu.
Óskar Guðmundsson formað-
ur framfarafélagsins sagði í sam-
tali við Skessuhorn að það væri frá-
leitt í jafn ríkisstyrktu landbúnað-
arkerfi eins og væri við líði í land-
inu að geitabúskapur nyti þar ekki
styrkja til jafns við aðrar búgrein-
ar. Eins og fram hefur komið op-
inberlega berst Jóhanna á Háafelli
í bökkum með sinn búskap og ekki
sýnt hvernig hún geti haldið hon-
um áfram að óbreyttu.
þá
Tíu af átján frambjóðendum B-lista framsóknarmanna í sveitarstjórnarkosning-
unum í Borgarbyggð í vor.
Búið að samþykkja lista
Framsóknarflokks í Borgarbyggð
Betri afkoma Faxaflóahafna en áætlað var
Framfarafélagið hvetur til stuðnings
við geitabúskap á Háafelli
Fjölmenni var á frumkvöðlakvöldinu í Gamla kaupfélaginu.
Ljósmynd Sædís Alexía Sigurmundsdóttir.
Fjölmenni á fundi frumkvöðla á Akranesi
Feðgarnir Guðjón og Hildibrandur í Bjarnarhöfn skera beiturnar. Ljósm. sá.
Beiturnar skornar
í Bjarnarhöfn