Skessuhorn - 19.03.2014, Blaðsíða 32
32 MIÐVIKUDAGUR 19. MARS 2014
Mánudaginn 17. mars sl. var opn-
uð sýning í Safnahúsi Borgarfjarð-
ar í Borgarnesi um listamanninn
blinda, Þórð Jónsson frá Mófells-
stöðum í Skorradal (1874-1962).
Þórður var stórmerkur maður og
afrek hans kraftaverki líkust. Ljós
hans í myrkrinu var að geta smíðað
vandaða og nytsama gripi þrátt fyr-
ir algert sjónleysi frá sjö ára aldri.
Í Safnahúsinu í Borgarnesi hefur
nú verið sett upp sýning um Þórð í
tilefni af því að 140 ár eru liðin frá
fæðingu hans. Á sýningunni má sjá
smíðisgripi Þórðar, muni úr eigu
hans, ljósmyndir og fróðleik. Meðal
annars er þar mikil gersemi sem er
bandsög Þórðar sem hann smíðaði
sjálfur á árunum 1911 og 1912 eftir
að hafa þreifað á annarri slíkri sög
á Iðnsýningunni í Reykjavík sum-
arið 1911. Þetta var að vori til og
að haustinu þegar um hægðist við
bústörfin smíðaði hann sögunarvél
handa sjálfum sér eftir minni.
Einnig smíðaði Þórður sér renni-
bekk og mikið af öðrum verkfær-
um. Meðal annars endurbætti hann
sláttuorfið. Þórður smíðaði hann
glugga, fulningahurðir, mynda-
ramma, vagna, vagnhjól, húsgögn
o.fl. Á sýningunni er einnig að finna
vandaðan stóran skáp með snúnum
súlum, en þær tálgaði Þórður sjálfur
og er sú smíði með miklum ólíkind-
um. Fjölskylda Þórðar hefur einn-
ig lánað á sýninguna vasaúr hans og
fleiri gripi sem segja sögu þessa ein-
staka manns.
Þórður Jónsson var sæmdur ridd-
arakrossi hinnar íslensku fálkaorðu
árið 1954. Sýningin í Safnahúsinu
verður opin til 14. apríl nk. mm/gj
Það vakti athygli laxveiðimanna ný-
verið þegar það fregnaðist að lax-
veiðimaður á Akranesi hefði ver-
ið kosinn í stjórn Stangaveiði-
félags Reykjavíkur. Það er Rögn-
valdur Örn Jónsson útibússtjóri
Fiskmarkaðar Íslands á Akranesi.
Rögnvaldur fæddist í Reykjavík og
ólst þar upp en var öll sumur og í
fríum á Hellissandi hjá afa sínum
og ömmu, Rögnvaldi Ólafssyni
og Jónu Ágústsdóttir. Rögnvald-
ur bjó lengi á Hellissandi en flutt-
ist til Akraness árið 2004. Í samtali
við Skessuhorn sagðist Rögnvald-
ur strax hafa gengið í Stangaveiði-
félag Reykjavíkur þegar hann flutti
á Akranes. „Ástæðan var sú að þar
var meira úrval áa en Stangveiði-
félag Akraness hafði upp á að bjóða.
SVFR er með stórar og góðar ár í
Borgarfirði og víðar, auk þess sem
félagsstarfið er þar fjölbreytt og
skemmtilegt. Strax og ég gekk í fé-
lagið fór ég að taka þátt í félagsstarf-
inu. Hef átt sæti í árnefndum hjá fé-
laginu, en fulltrúar í þeim nefndum
sjá um undirbúning fyrir veiðitíma-
bilið, svo sem um að viðhaldi sé
sinnt í veiðihúsum. Meðal viðburða
í félagsstarfinu eru barna- og ung-
lingadagar hjá SVFR. Þá fá þau að
veiða í Elliðaánum með hjálp okkar
félagsmanna. Ég hef líka verið leið-
sögumaður fyrir félagið í nokkur ár
í Langá,“ segir Rögnvaldur Örn.
Veiðiferðir með afanum
kveiktu áhugann
Rögnvaldur er fyrrum sjómaður
en hóf strax störf á Fiskmarkaðin-
um og hann fluttist til Akraness.
Lengst af meðan hann bjó á Hellis-
sandi var hann á bátnum Óla Fær-
eyingi, litlum netabáti með mági
sínum. „Það var komið nóg af sjó-
mennskunni og ástæðan fyrir því að
við fluttum voru meiri möguleikar
með vinnu á suðursvæðinu,“ segir
Rögnvaldur Örn. Aðspurður segir
hann að áhuginn fyrir veiðimennsk-
unni hafi kviknað snemma. „Þegar
ég var fimm eða sex ára gamall fór
afi minn, Rögnvaldur Ólafsson, að
taka mig með í laxveiðitúra. Það er
honum að þakka að ég ánetjaðist
laxveiðinni. Þá vorum við aðallega
að veiða í Miðá í Dölum. Svo voru
það lækir og sprænur í nágrenni
Hellissands sem toguðu mikið. Um
tíðina hef ég svo mikið veitt í ánum
í Borgarfirði, svo sem Norðurá og
Langá.“
Síðustu ár verið erfið
Eins og áður segir hefur Rögnvald-
ur Örn tekið þátt í starfi Stanga-
veiðifélags Reykjavíkur alveg frá
því hann gekk í félagið 2004. „Svo
núna var ég kosinn í stjórnina í
fyrsta skipti, er ritari stjórnar. Það
er mjög spennandi en krefjandi
starf. Síðustu árin hafa verið gríð-
arlega erfið rekstrarlega í Stanga-
veiðifélagi Reykjavíkur. Í áætlun
fyrir þetta ár er gert ráð fyrir að
reksturinn verði í lagi og að félagið
sé komið í viðunandi stöðu. Gríð-
arlegar sveiflur hafa verið í veiðinni
síðustu árin í ám um allt land. Sum-
arið 2012 var hörmung og svo ofan
í það kom metveiðisumar 2013 á
flestum ef ekki öllum veiðisvæð-
um sem félagið hefur á leigu,“ seg-
ir Rögnvaldur. Aðspurður um útlit-
ið fyrir næsta sumar, segir hann að
öll merki séu um að það verði gott.
„Seiðamælingar í ánum hafa kom-
ið vel út, en alltaf er þetta spurning
um hvernig sjórinn fóðrar fiskinn.
Veiðimenn eru alltaf ofur bjartsýnir,
gera yfirleitt ráð fyrir metári, það er
svolítið alltaf þannig. SVFR verð-
ur með 12 laxveiðiár næsta sumar
og 16 silungsveiðisvæði. Um tíðina
hafa Elliðaárnar verið flaggskip-
ið og af borgfirsku ánum er Langá
aðal veiðisvæðið eftir að Norðurá
datt út. Stangaveiðifélag Reykja-
víkur hefur tvær ár í leigu með
Stangveiðifélagi Akraness; Fáskrúð
í Dölum að hálfu og Andakílsá þar
sem Akranesfélagið er með fjórð-
ungshlut. Þetta samstarf hefur var-
að lengi og gengið vel.“
Tvisvar fengið 20
punda fisk
Aðspurður býst Rögnvaldur Örn
við að standa við bakkana 40 daga
næsta sumar eins og venjulega, ann-
aðhvort við leiðsögn með erlendum
veiðimönnum eða sjálfur að veiða.
„Það má líklega segja að ég sé for-
fallinn veiðimaður,“ segir hann. En
hefur Rögnvaldur verið að landa
stórum fiskum? „Ég hef fengið
tvo 20 punda fiska, annan í Norð-
urá og hinn í Miðfjarðará. Ekki síst
eftirminnilegt úr veiðinni er síð-
asta sumar, frá Langá þegar gríð-
arleg veiði var í ánni allt sumarið.“
En fara veiðimenn ekki að ókyrr-
ast þegar kominn er þessi tími og
sumarið nálgast? „Já, þegar kemur
fram í mars fer að kenna óþols hjá
veiðimönnum að bíða eftir sumr-
inu, enda þá stutt í að þetta hefjist.
Það er hægt að leita uppi vatn með
silungi þegar kemur fram í apríl,
svona til að taka mesta hrollinn úr
sér, og svo byrjar laxveiðin í júní.“
þá
Hátt í 100 ungmenni halda tónleika
í Reykholtskirkju föstudagskvöldið
21. mars kl. 20.00. Þar koma fram
Háskólakórinn og Sinfóníuhljóm-
sveit unga fólksins auk þess sem
Geirþrúður Ása Guðjónsdóttir
leikur einleik á fiðlu. Stjórnandi er
Gunnsteinn Ólafsson.
Að sögn Gunnsteins verður efnis-
skráin bæði íslensk og erlend. „Við
byrjum á því að flytja Mansöng fyrir
Ólafs rímu Grænlendings eftir Jór-
unni Viðar fyrir kór og hljómsveit.
Jórunn varð 95 ára í desember sl.
og við heiðrum þessa merku konu
með því að flytja glæsilegt verk eftir
hana. Þá hljómar fiðlukonsert eftir
Mendelssohn og loks sinfónía nr. 9
eftir Antonin Dvorak sem kölluð er
Til nýja heimsins. Bæði konsertinn
og sinfónían eru á topp tíu-listan-
um í klassískri tónlist.“ Geirþrúð-
ur Ása er einn efnilegasti fiðluleik-
ari sem við Íslendingar eigum nú
um stundir. Hún stundaði nám við
Tónlistarskólann í Reykjavík og
Listaháskóla Íslands, síðan í Aust-
urríki og er nú við framhaldsnám í
Bandaríkjunum. Gunnsteinn von-
ast til þess að naglarnir í þaki Reyk-
holtskirkju gefi sig ekki í látunum
þegar sinfónían verður flutt. Að-
gangseyrir er kr. 2.000.
mm
Stórtónleikar í
Reykholtskirkju
Kistill þessi á sér merkilega sögu.
Þórður smíðaði hann fyrir bróður sinn
og mágkonu, Guðfinnu og Vilmund
á Mófellsstöðum, sem þakklætisgjöf
til Sigurðar bónda Sigurðssonar á
Ytri-Skeljabrekku sem hjálpaði þeim
hjónum á erfiðri stund. Þá sögu og
fleiri má lesa á sýningunni í Safna-
húsinu.
„Ljósið í myrkrinu“ – sýning um
hagleiksmanninn Þórð Jónsson
Þórður Jónsson var sæmdur ridd-
arakrossi hinnar íslensku fálkaorðu.
Úr sem var í eigu Þórðar.
Telst líklega forfallinn veiðimaður
Rögnvaldur búinn að landa vænum fiski í Norðurá. Ljósm: Sævar Haukdal.
Rögnvaldur Örn Jónsson útibússtjóri
Fiskmarkaðar Íslands á Akranesi.