Skessuhorn - 14.05.2014, Blaðsíða 7

7MIÐVIKUDAGUR 14. MAÍ 2014
Laus störf hjá Akraneskaupstað
Eftirfarandi störf eru laus til umsóknar
hjá Akraneskaupstað:
Nánari upplýsingar um fyrrgreind störf er að finna á vef
Akraneskaupstaðar, www.akranes.is.
Fyrir um mánuði tóku nýir aðilar
við rekstri Leifsbúðar í Búðardal.
Þetta eru stöllurnar Valdís Gunn-
arsdóttir og Ásdís Melsted. Þegar
blaðamaður Skessuhorns kíkti inn
hjá þeim í Leifsbúð í lok síðustu
viku sögðu þær að ferðamennirnir
væru byrjaðir að sýna sig þetta vor-
ið: Þær hefðu tekið á móti nokkr-
um hópum í síðustu viku. „Enn er
svolítill dagamunur, ekki stöðugt
rennirí en vonandi verður það þeg-
ar líður á vorið og sumarið,“ sögðu
þær Valdís og Ásdís. Valdís sagði
að ferðamenn hefðu verið farn-
ir að koma um það leyti sem þær
opnuðu Leifsbúð 12. apríl sl. „Ég
var að spyrja þá af hvaða tilefni þeir
væru á ferðinni og þá kom í ljós að
það var af ýmsum ástæðum. Sumir
vegna ákveðinna erinda hingað en
aðrir sem komu bara á eigin spýt-
ur utan hefðbundins ferðamanna-
tíma,“ segir Valdís. Þegar þær Ás-
dís og Valdís tóku við rekstri Leifs-
búðar fyrir um mánuði var það gert
með pompi og prakt, en þær kynnt-
ust fyrst við undirbúning Jörvagleði
2013. Meira að segja spilaði svokall-
að Gospel band í Búðardal við opn-
unina. Í því bandi er aðalsprautan
Þorkell Cyrusson aðstoðarskóla-
stjóri sem spilar á kassagítar, Hilm-
ar Óskarsson rafvirki á gítar, Jón-
as Guðmundsson hjá Rarik á bassa,
Jóhann Hólm Ríkharðsson bóndi í
Gröf á trommur og faðir hans Rík-
harður Jóhannsson á trompet.
Í þjóðleiðinni til Vest-
fjarða
Þær Valdís og Ásdís segja að hlut-
verk Leifsbúðar sé margþætt. Það
er kaffihús, upplýsingamiðstöð og
áningarstaður ferðamanna, félags-
og menningarmiðstöð Dalamanna,
fundaaðstaða og þar er einnig
landafundasýningin. „Við bjóðum
upp á léttar og einfaldar veitingar.
Erum alltaf með íslenska kjötsúpu
á hlóðum, sem við berum fram
með heimabökuðu brauði og hefð-
bundið íslenskt kaffimeðlæti, svo
sem hjónabandssælu og vöfflur,“
segja þær Valdís og Ásdís. Upplýs-
ingamiðstöðina reka þær í náinni
samvinnu við Markaðsstofu Vest-
urlands og aðra ferðaþjónustuaðila
á svæðinu. „Við erum í þjóðleið til
Vestfjarða og þetta er ekki bara án-
ingarstaður erlendra ferðamanna,
heldur leggjum við mikla áherslu
á að staðurinn sé fjölskyldu- og
barnvænn. Hér er tilvalið fyrir fólk
á löngum akstursleiðum að slaka
á meðan börnin teygja úr sér. Við
erum með leikaðstöðu bæði innan-
og utanhúss og skiptiborð á salern-
inu. Svo stillum við verði á veiting-
um í hóf,“ segja Valdís og Ásdís.
Húsið nýtt í þágu
heimamanna
Leifsbúð er, samkvæmt samningi
við eigandann sveitarfélagið Dala-
byggð, rekin allt árið. Þær stöllur
horfa til þess að starfsemin dafni
allt árið. Yfir vetrarmánuðina þeg-
ar dragi úr straumi ferðamanna sjái
þær fyrir sér að húsið nýtist fyrst og
fremst í þágu heimamanna. Ýmist
til einkasamkvæma eða félags- og
Ari Jóhannesson gefur út sína fyrstu skáldsögu
Leggja áherslu á Leifsbúð sem fjölskylduvænan stað
Nýir rekstraraðilar Leifsbúðar, Ásdís Melsted og Valdís Gunnarsdóttir.
menningarstarfsemi af ýmsu tagi.
Á efri hæð hússins er aðstaða til
funda fyrir allt að 60 manns. Síð-
ast en ekki síst hýsir Leifsbúð Vín-
lands- og landafundasýningu sem
tileinkuð er feðgunum Eiríki rauða
og Leifi heppna, en sá síðarnefndi
fæddist á Eiríksstöðum. Sýning-
in er hluti af stórri sýningu sem
opnuð var í Þjóðmenningarhúsinu
árið 2000. Leifsbúð var byggð árið
1900 af Boga Sigurðssyni kaup-
manni. Árið 1918 keypti Kaup-
félag Hvammsfjarðar húsið og var
með margháttaða starfsemi þar í
um hálfa öld. Húsið var gert upp
að frumkvæði Eiríksstaðanefnd-
ar undir forystu Friðjóns Þórðar-
sonar fyrrverandi alþingismanns
og var vígt á sumardaginn fyrsta
árið 2007.
þá
Í dag kemur út skáldsagan Lífsmörk
eftir Ara Jóhannesson lækni. Hér er
um áhugaverða og nýstárlega sögu
að ræða. „Hún hefst hið örlagaríka
ár 2008 og fjallar um ungan svæf-
inga- og gjörgæslulækni, Sölva
Oddsson. Sölvi er ákaflega vel af
guði gerður, fyrrum íþróttastjarna
og forkur til vinnu og hann nýt-
ur sín best á næturvöktum á Gjör-
gæsludeild Landspítalans í Foss-
vogi,“ segir Ari um söguhetjuna.
„Helga, eiginkona Sölva, er skrif-
stofustjóri á þekktri arkitektastofu
og saman hafa þau reist sér snoturt
einbýlishús í Garðabæ. En hlutirn-
ir taka oft aðra stefnu en ætlað var
og Sölvi og Helga, óstýriláti hjúkr-
unarfræðingurinn Olga, Andrés
taugasjúkdómalæknir og myndlist-
armaðurinn umdeildi, Ingó Eld-
ar og Elsa kona hans sogast smám
saman inn í atburðarás sem breytir
lífi þeirra allra. Vettvangur atburða
er bæði á Íslandi og í útlöndum.
Þannig berst sagan frá Landspít-
ala til Laugarvatns, frá Toronto til
Boston, til Rómar og Austurlanda.
Þetta ekki hefðbundin spennusaga
en ætti þó að geta verið spennandi
aflestrar,“ segir Ari. Í sögunni eru
ýmsir tónar slegnir og eru í bland
gálgahúmor og djúp alvara, fíkn og
sársauki, svo eitthvað sé nefnt.
Návígi við lífsmörkin
Ari segir spítala vera mikinn ör-
lagavettvang í mörgu tilliti og það
kemur fram í sögunni. Gildir einu
hvort um sorg eða gleði sé að ræða.
Í miðjunni standa síðan starfsmenn
spítalans. „Það er ekki út í bláinn
að aðalsöguhetjan er svæfingalækn-
ir á gjörgæsludeild. Það er að jafn-
aði meiri dramatík sem fylgir þeim
störfum þar sem starfað er í miklu
návígi við lífsmörkin sem bókin
dregur nafn sitt af. Sögupersónurn-
ar eiga þó engar beinar fyrirmynd-
ir í raunveruleikanum,“ segir Ari
spurður út
í persónu-
sköpunina
og inn-
blásturinn
að verk-
inu. „Vita-
skuld er
ég þó inn-
b l á s i n n
af störf-
um mín-
um sem
l æ k n -
ir á liðnum
árum. Það má því segja að persónur
bókarinnar og einstök atvik eiga
sér að einhverju leyti raunveruleg-
ar fyrirmyndir. Það verður ekki hjá
því komist.“
Læknir skrifar um
lækna
Lífsmörk er fyrsta skáldsaga Ara
sem getið hefur sér gott orð á bók-
menntasviðinu en árið 2007 hlaut
hann Bókmenntaverðlaun Tómas-
ar Guðmundssonar fyrir ljóðabók
sína Öskudagar. Ari hefur starfað
sem læknir í tæpt 41 ár en hann er
lyflæknir að mennt með sérhæfingu
í innkirtla- og efnaskiptasjúkdóm-
um. Hann starfaði sem yfirlæknir á
Sjúkrahúsinu á Akranesi í 14 ár uns
hann söðlaði um og gerðist læknir á
Landspítalanum árið 1998. Þar hef-
ur hann starfað síðan en býr enn á
Akranesi ásamt fjölskyldu sinni. Ari
segist lengi vel ekkert hafa fengist
við skapandi skrif þótt skáldskapur
hafi alltaf verið honum hugleikinn.
„Ég byrjaði ekki að yrkja fyrr en
2003 og var þá að efna loforð sem
ég gaf sjálfum mér ungum að fresta
skáldadraumnum en farga honum
ekki. Mér fannst heillandi að lækn-
irinn og skáldið væri sami maður-
inn, þannig að ég myndi yrkja og
jafnvel semja sögur út frá starfinu.“
Útgáfuteiti á föstudag-
inn
Í tilefni af útgáfu Lífsmarka verður
sérstakt útgáfuteiti haldið í verslun
Eymundsson á Akranesi föstudag-
inn 16. maí. Þar mun Ari lesa valda
kafla upp úr bók sinni og árita ein-
tök fyrir gesti. Útgáfuteitið hefst kl.
17 og eru allir velkomnir. Hægt er
að kaupa bókina í öllum helst bóka-
búðum en það er Mál og Menning
sem gefur hana út.
hlh
Húfa
handbragð úr fornum arfi
Fyrirhugað er að hafa handverkskaffi
mánaðarlega á Safnasvæðinu
Þann 15. maí verður handverkskaffi
í Stúkuhúsinu kl. 20-22.
Kynning verður á sauðskinnsskóm
og baldýringu.
Allir velkomnir og frítt inn.
Safnasvæði Görðum
Akranesi
Sauðskinnsskór
Rósaleppaprjón
Baldýring
Silfursmíði
Orkering
Spjaldvefnaður
Blómstursaumur
Rósasaumur
Skattering
Sútun
Sjöl og hyrnur
Svartsaumur
Refilsaumur
Jurtalitun
Leðurvinna
Eldsmíði
Ari Jóhannesson læknir og rithöfundur.
Bókarkápa Lífsmarka.
Járniðnaðarmaður óskast
Óskum eftir vönum járniðnaðarmanni á
starfstöðina á Grundartanga
Upplýsingar gefur Björn í síma 660-3537
Sk
es
su
ho
rn
2
01
4
Vesturhraun 1 - 210 Garðabær