Skessuhorn - 27.08.2014, Side 6

6 MIÐVIKUDAGUR 27. ÁGÚST 2014
Ekið á sauðfé
LBD: Síðustu vikuna hefur
verið ekið á þrjár ær og fjögur
lömb í umdæmi lögreglunn-
ar í Borgarfirði og Dölum.
Vill lögreglan minna öku-
menn á að aka um þjóðvegi
með aðgát þar sem sauðfé er
víða við vegi á þessum tíma
og daginn farið að stytta.
–þá
Lokun á Lang-
jökulsvegi
BORGARFJ: Örlítið seink-
aði að hefja viðgerð á brúnni
yfir Geitá í Borgarfirði, á
leiðinni að Langjökli þegar
ekið er frá Húsafelli. Fram-
kvæmdir hófust þó í liðinni
viku. Í tilkynningu frá Vega-
gerðinni segir að gert sé ráð
fyrir að brúin verði lokuð til
25. september.
–mm
Féll af hestbaki
BORGARFJ: Karlmaður
féll af hestbaki skammt frá
heimili sínu í Stafholtstung-
um í Borgarfirði sl. fimmtu-
dagskvöld. Hafði hann verið
á reið ásamt börnum sínum
þegar hross sem hann var á
fældist. Börnin náðu að kalla
til hjálp og fóru lögregla og
sjúkraflutningamenn á stað-
inn og fluttu manninn und-
ir læknishendur. Hann hlaut
beinbrot og höfuðáverka, en
var engu að síður með reið-
hjálm. Maðurinn er nú á
batavegi og hefur verið út-
skrifaður af sjúkrahúsi.
-mm
Aðalfundur
Landssamtaka
skógareigenda
LANDIÐ: Sautjándi aðal-
fundur Landssamtaka skóg-
areigenda verður haldinn
dagana 29.-30. ágúst. Fund-
urinn verður að þessu sinni í
Miðgarði í Skagafirði og sér
Félag skógarbænda á Norð-
urlandi um undirbúning.
Fyrir fundinn verður haldin
ráðstefna sem ber yfirskrift-
ina „Kraftmeiri skógur“ og
hefst hún kl. 13:30 og lík-
ur kl. 15:30. Aðalfundurinn
hefst svo í kjölfarið. Eftir að
aðalfundi líkur verður boðið
í skógargöngu og eru gestir
hvattir að hafa með viðeig-
andi klæðnað til útiveru. Að
lokum blása skógarbændur
til árshátíðar og skemmta sér
fram á nótt. Nánari upplýs-
ingar og dagskrá fundarinns
og ráðstefnunnar má finna á
heimasíðu LSE: www.skog-
arbondi.is
–fréttatilk.
Eitt af þeim verkefnum sem Vega-
gerðin hefur haft á sinni könnu
um árabil er að slá grasið við kanta
þjóðvega landsins. Lengi vel hef-
ur það trúlega verið búfénaðurinn
sem víða hélt grasvextinum við veg-
ina í skefjum, en eftir að Vegagerð-
in girti þá af hefur reynst nauðsyn-
legt að slá grasið við vegkantana til
að þeir safni síður að sér snjó á vet-
urna. Þegar blaðamaður Skessu-
horn var á leið í Dalina sl. föstudag
var einmitt verið að slá. Starfsmað-
ur Vegagerðarinnar, Ólafur Guð-
jónsson bóndi á Leikskálum í Lax-
árdal, var að slá meðfram vegin-
um rétt sunnan Erpsstaða. „Það er
langt síðan grasið hefur verið svona
mikið við kantana eins og núna.
Það er venjulega um þetta leyti,
síðsumars eða að haustinu, sem við
förum í þetta verk og það mátti ekki
seinna vera núna svo að stikurnar
hyrfu ekki í grasið,“ sagði Ólafur.
Hann bætti við að það væri nauð-
synlegt út frá umferðaröryggi að
slá við kantana. „Það er verra að sjá
sauðfé þegar grasið er orðið svona
mikið, ef það leynist í köntunum.
Ef grasið væri ekki slegið fyrir vet-
urinn myndi það síðan virka eins
og snjógirðingar á einstaka stöð-
um þar sem snjósöfnun á sér stað.“
Aðspurður sagðist Ólafur ekki hafa
tölu á þeim fjölda kílómetra sem slá
þarf meðfram vegum í Dölunum en
þetta væri um hálfs mánaðar verk.
þá
Eins og sjá má er grasvöxturinn mikill við vegina. Greinilega er til mikilla bóta að
slá vegkantana.
Hyggjast
endurhlaða
gömlu fjárréttina
ÓLAFSVÍK: Guðrún Tryggva-
dóttir hefur forystu fyrir áhuga-
hópi í Snæfellsbæ um endurgerð
gömlu fjárréttarinnar sem er í
hlíðinni við Rjúkandavirkjun
ofan Ólafsvíkur. Guðrún hefur
aflað leyfis frá Minjastofnun til
að fara í framkvæmdir og hefur
boðað til fundar um fyrirhugað
verkefni. Hann verður haldinn
í Átthagastofu Snæfellinga nk.
föstudag kl. 16. Guðrún seg-
ir að eitthvað sé til af gögnum
um réttina en einnig standi til
að safna ljósmyndum og sögum
sem tengjast réttinni, þannig að
hún verði enn sýnilegri nýrri
kynslóð. Guðrún segir að það
hafi lengi verið draumur sinn
og margra annarra að fá leyfi
og fjármagn til að laga og hlaða
gömlu fjárréttina upp á nýtt.
Einn fjárstyrkur hefur fengist
til verkefnisins og vonast er eft-
ir liðsinni frá fleirum. –þá
Örlítil aukning
umferðar
um göngin
HVALFJ: Umferð í Hvalfjarð-
argöngum jókst um tæplega
2% fyrstu sjö mánuði ársins frá
sama tímabili í fyrra. Umferð-
artölur júlímánaða áranna 2014
og 2013 eru nánast samhljóða.
Júníumferðin var hins vegar
3,6% meiri í ár en í fyrra. Þetta
kemur fram á heimasíðu Spal-
ar. Umferð á hringveginum var
á sama róli og um göngin, tæp-
lega 2% meiri í júlí en í sama
mánuði í fyrra samkvæmt taln-
ingu Vegagerðarinnar. Umferð-
in jókst mest á Suðurlandi en
dróst hins vegar saman á Norð-
urlandi, sem reyndar er eini
landshlutinn þar sem umferð
var minni en í fyrra. Tölur frá
Vegagerðinni segja að umferðin
í heildina hafi aukist um 4,5%
fyrstu sjö mánuði ársins og er
spáð að aukningin verði um
4% á hringveginum á öllu árinu
2014. –þá
Kafgras slegið við vegkantana
Slegið meðfram veginum skammt sunnan Erpsstaða í Dölum.
Ólafur Guðjónsson starfsmaður Vegagerðarinnar í Búðardal og bóndi á Leik-
skálum í Laxárdal í traktornum sem notaður er við sláttinn.