Skessuhorn - 27.08.2014, Page 17

17MIÐVIKUDAGUR 27. ÁGÚST 2014
SK
ES
SU
H
O
R
N
2
01
4
Hvað ertu með í skottinu?

Skottsala á bílastæðinu hjá
Ljómalind 30. ágúst kl: 16-18

Komdu með allt sem þú þarft að losna við og
aðrir gætu mögulega haft áhuga á, svo lengi sem
það kemst í skottið hjá þér!

Stæðin verða ókeypis en við biðjum fólk samt um að
senda okkur línu á islandur@yahoo.com eða
hringja í 695 2583 og tilkynna komu sína.

Um að gera að leggja heilann í bleyti og taka þátt
í þessum skemmtilega viðburði, eflaust eiga
margir falin verðmæti sem aðrir gætu nýtt sér.
ATVINNA !
BORGARNESI
AUGLÝSIR EFTIR STARFSKRAFTI

Fullt starf

UMSÓKN SKILIST Á
www.bonus.is
SK
ES
SU
H
O
R
N
2
01
4
Fékk óvæntan glaðning á afmælisdaginn
Blaðamaðurinn og fjölmiðlakonan
Guðríður Haraldsdóttir er þekkt
fyrir að halda veglega upp á afmæli
sitt. Hún er mikið afmælisbarn og
byrjaði að halda formlega upp á af-
mælið þegar hún var 29 ára. „Ég
var komin í mjög skemmtilegan
vinkvennahóp sem ég tilheyri enn
og ákvað að gleðja þær með tertu-
veislu. Þetta vatt svo upp á sig og
ég fór að bjóða fleirum, m.a. kunn-
ingjum, fólki sem ég hafði unnið
með og fólki sem ég þekkti kannski
lítið en tímdi ekki að missa úr lífi
mínu. Öllum er boðið; vinum, ætt-
ingjum, kunningjum, strætóvinum
og feisbúkkvinum,“ segir Gurrí í
samtali við Skessuhorn. Hún held-
ur bara þessa einu veislu á ári og
heldur hana alltaf heima, á afmælis-
daginn sjálfan, 12. ágúst. Yfirleitt er
mikið fjölmenni í afmælum Gurrí-
ar enda býður hún yfir hundrað
manns. „Það kemur alls konar fólk,
allt frá alþingismönnum og upp í
ræstitækna! Í Reykjavík bjó ég í lít-
illi íbúð, ekki nema 56 fermetrum,
og ég þurfti í alvöru nokkrum sinn-
um að biðja fólk að færa sig aftar í
íbúðina til að fleiri kæmust inn, líkt
og gert er í strætó,“ útskýrir hún.
Bjóst við því versta
Gurrí hefur búið á Akranesi í nokk-
ur ár og enn koma margir gest-
ir á afmælidaginn. Hún segir það
skemmtilegt hversu margir af Skag-
anum séu farnir að mæta í afmælið,
en fyrsta árið þar komu einungis
tveir eða þrír heimamenn. Afmæl-
iskökuna fær hún í gjöf frá bakar-
anum í Bernhöftsbakaríi í Reykja-
vík og mætir hann sjálfur í afmæl-
ið með kökuna. Hún lætur allt-
af skreyta kökuna og skrifa ein-
hverja skemmtilega áletrun á hana
og hefur Halldór Högurður, frændi
hennar, aðstoðað hana undanfar-
in ár við að velja áletrun á tertuna.
„Ég kynntist Halldóri reyndar ekki
fyrr en 1996 og er hann fyndnasti
maður sem ég þekki. Halldór, sem
fékk fljótlega uppnefnið „Halldór
fjandi“ í stað frændi, á gott með
að vera andstyggilegur, svo mjög
að hann gerir það eiginlega að list-
formi en hann er jafnframt alveg
hroðalega fyndinn. Þegar hann tók
við byrjaði þemað „ég fékk hana
ódýrt“. Eitt árið létum við til dæm-
is skrifa á tertuna „Dofri Hvann-
berg, til hamingju með fyrsta fall-
hlífarstökkið 10.8.1999“. Gestir
veislunnar hváðu og afmælisbarnið
sagði; „ég fékk hana ódýrt...“ Það
fór svo eftir innræti gestanna hvort
þeir héldu að Dofri hefði hætt við
stökkið eða eitthvað annað. Annað
árið var boðið upp á tertu með áletr-
uninni: „Velkominn til starfa, Run-
ólfur,“ en þá átti Runólfur nokkur
að fá starf hjá umboðsmanni skuld-
ara en fékk ekki,“ segir Gurrí sem
einnig sagði gestunum það árið
að sú kaka hefði fengist ódýrt. Þar
sem Halldór hafði verið aðalráð-
gjafi Gurríar í tertumálum undan-
farin ár, ákvað hún að treysta hon-
um í fyrsta sinn fyrir áletruninni í
ár. „Hann neyddi mig eiginlega til
þess. En ég treysti honum, hann fer
svo oft svo langt yfir mörkin að það
verður fyndið.“
Halldór stofnaði einnig leyni-
grúppuna Afmælisplott á Face-
book, sem Gurrí fékk alls ekki að-
gang að, og þar skipulagði hann
óvæntan afmælisglaðning. „Ég vissi
ekkert hvað hafði gengið á í þess-
um hópi en datt sitthvað í hug. Mér
fannst það ekki alveg Halldórs að fá
strippara en mig grunaði allt annað,
bjóst við því versta.“
Landhreinsunarátakið
„Gurrí burt“
Afmælisdagurinn rann upp og fyrstu
gestir mættu um klukkan fjögur.
Siggi bakari var mættur með tert-
una en enginn Halldór var sýnileg-
ur. Gestirnir voru orðnir svangir og
því var sagt „gjörið svo vel“ og allt
í boði, nema afmælistertan því hún
var enn hulin þar sem afmælisbarn-
ið mátti ekkert sjá strax. „Svo kom
Halldór með stóra ferðatösku með
sér. Mér fannst svo skrýtið þegar
fólk hópaðist í kringum mig og mér
var sagt að opna töskuna. Ég gerði
það en taskan var tóm. Einhver
sagði mér að gá betur og þá sá ég
stóra útprentaða pappírsörk í hlið-
arnetinu,“ útskýrir Gurrí. Hún kíkti
á örkina og sá að efst á henni stóð
„Landhreinsunarátakið Gurrí burt“
og við hlið textans var fótósjoppuð
mynd af henni sem flugdólgi, kefluð
og bundin við flugsæti. Fyrir neð-
an voru nöfn þeirra sem gengu í af-
mælisplottshópinn. „Mér skilst að
frændi hafi fengið þá hugmynd að
ef afmælisgestir legðu í púkk gæti
margt smátt gert eitt stórt. Hon-
um fannst greinilega of mikil ráð-
deild eða sparnaður hjá mér enda
hef ég ekki farið til útlanda í mörg
ár. Honum tókst því að ná sambandi
við fólkið á boðslistanum og undir-
búa þetta í leynigrúppunni. Und-
irtektirnar voru svo góðar að það
safnaðist fyrir ferð til Elfu vinkonu
í Seattle og vænum farareyri,“ seg-
ir Gurrí þakklát. „Svo var áletrunin
á tertunni afhjúpuð og þá var skilj-
anlegt hvers vegna hún var leyndar-
mál. Þar stóð „Gurrí 56 ára, á leið til
Elfu í Seattle í boði vina og Malaysi-
an Airlines!“ Hann gat því ekki alveg
stillt sig,“ bætir hún við. Gurrí fyrir-
hugar að fara í ferðina nú í nóvem-
ber og með stóru ferðatöskuna að
láni frá Halldóri „fjanda“.
Óvæntur afmælisgestur
Gurrí er dýravinur mikill og á tvo
ketti. Rétt fyrir afmælið bættist
óvænt enn einn köttur inn á heim-
ilið og leitar hún nú eigandans. „Ég
áttaði mig á þegar ég hafði séð hann
við Langasand í um mánuð að hann
væri líklega á vergangi. Hann byrj-
aði að sjást hérna í kringum Írsku
dagana og gæti hafa komið hingað
þá. Það endaði með því að ég tók
hann inn og gaf honum að borða.
Hann var mjög svangur og greini-
lega vanur að bjarga sér. Yndisleg-
ur Facebook-vinur hjálpaði mér
svo að fara með hann til dýralækn-
is og þar kom í ljós að hann er um
tveggja til þriggja ára gamall, gelt-
ur en ekki örmerktur. Ég lét bólu-
setja hann og hreinsa til öryggis.“
Kötturinn, sem er gulbröndótt-
ur og hvítur að lit, hefur nú feng-
ið nafnið Guðbrandur. Gurrí hef-
ur auglýst hann víða en án árang-
urs. Guðbrandur var því meðal
gesta í afmælinu en þó lokaður inni
í þvottahúsi á meðan. „Ekkert bólar
á eigandanum enn. Ég vona bara að
hann komi í leitirnar áður en ég tek
of miklu ástfóstri við Guðbrand,“
segir Gurrí að lokum. grþ
Afmælisbarnið Gurrí Haralds skellihló þegar hún sá hvað leyndist í töskunni.
Ljósm. Nanna Rögnvalds.
Flugdólgurinn Gurrí og áletrunin á skjalinu sem hún fékk í afmælisgjöf.
Ekkert bólar á eigendum Guðbrands
sem lætur fara vel um sig á hekluðu
teppi með útsýni yfir Langasand.
Ljósm. úr einkasafni.
Skeifunni 8 • 108 Reykjavík • Sími: 517 6460 • www.belladonna.is
Lokaútsala
enn meiri verðlækkun
70% afsláttur af öllum útsöluvörum
(reiknast af upphaflegu verði)
Verslunin Belladonna
Stærðir 38-58