Skessuhorn - 30.12.2014, Síða 22

22 ÞRIÐJUDAGUR 30. DESEMBER 2014
Ný norræn matargerð verð-
ur þekktari á heimsvísu með ári
hverju. Danskur veitingastaður
hefur verið valinn besti veitinga-
staður í heimi í nokkur ár. Í lok
nóvember síðastliðinn hlaut ís-
lenska kokkalandsliðið tvenn gull-
verðlaun og endaði í fimmta sæti í
heimsmeistarakeppni kokkalands-
liða. Þetta er besti árangur íslenska
landsliðsins í matreiðslu. Nú líður
að einstaklingskeppninni Bocouse
d‘Or sem er heimsmeistarakeppni
einstaklinga í matreiðslu og verð-
ur haldin nú í janúar. Sigurð-
ur Helgason matreiðslumaður á
Grillinu á Hótel Sögu hefur öðlast
keppnisrétt í Bocouse d‘Or keppn-
inni með góðum árangri í Evrópu-
keppninni síðastliðið vor. Sigurður
er Skagamaður að ætt og uppruna
en Helgi faðir hans var gjarnan
kenndur við Málningarþjónustuna
á Akranesi. Hann hefur verið liðs-
félagi í kokkalandsliðinu nokkrum
sinnum en var ekki með í ár vegna
undirbúningsins fyrir einstaklings-
keppnina. Sigurður nýtur aðstoð-
ar þjálfara kokkalandsliðsins, sem
náði svo góðum árangri í haust.
Kostnaður við þátttöku í einstak-
lingakeppninni sem Sigurður tek-
ur þátt í er mjög mikill. Sérstakt
hlutafélag hefur verið stofnað til
að halda utan um söfnun pen-
inga vegna kostnaðar Sigurðar við
keppnina. Hlutafélagið heitir Siggi
Helga ehf. og er umsjónarmaður
með söfnuninni Magnús H. Ólafs-
son Akranesi, mark@isholf.is
Eldfjall verði skapað á
bakkanum
Heimsmeistarakeppni einstaklinga
fer fram í Lyon í Frakklandi 27.-28.
janúar. Keppnisdagarnir eru tveir
og allir 24 keppendurnir þurfa að
reiða fram 14 forréttadiska og síð-
an einn bakka sem á er aðalréttur-
inn, einnig fyrir 14 manns. Sigurð-
ur tengir saman í matargerð sinni
ímynd hreinleika landsins, afurð-
ir þess og náttúrufegurð. For-
svarsmenn stuðningsmannafélags-
ins Sigga Helga ehf. með Magn-
ús H. Ólafsson í broddi fylking-
ar telja raunverulegan möguleika
á því að Íslendingar eignist besta
matreiðslumann í heimi í þessari
frægu keppni sem Bocouse d‘Or
er. Sigurður hefur notið aðstoð-
ar Sindra Gunnarssonar hönnuð-
ar við að hanna bakkann. Hug-
myndin er að skapa svolítið eldfjall
á bakkanum þegar hann verður
borið fram. Bakkinn er hringlaga
90 sm í þvermál. Grunnur bakk-
ans er spegilstál með sandblásturs
munstri til að undirstrika eldfjall-
ið og náttúru Íslands. Eldfjallið
er gert úr álstrendingum í stuðla-
bergsformi með álskál í formi eld-
gígs. Burðargrindin undir bakk-
anum er gerð úr áli. Aðrir íhlutir,
sem tengjast matnum sjálfum, eru
gerðir úr silfri. Heildarkostnaður
við gerð bakkans er átta milljónir
króna. Gerður hefur verið sérstak-
ur bæklingur um þátttöku Sigurð-
ar Helgasonar í keppninni og má
nálgast hann með því að hafa sam-
band við Magnús Ólafsson í síma
893 2002 eða senda honum tölvu-
póst.
Glæsilegur ferill
Sigurður Helgason fæddist á Akra-
nesi 4. ágúst 1978 og lauk grunn-
skólaprófi frá Grundaskóla. Árið
1997 fluttist hann í Kópavoginn
og hóf nám við Menntaskólann
í Kópavogi og síðar í Hótel- og
veitingaskólanum. Sigurður byrj-
aði matreiðsluferil sinn á veitinga-
húsinu Perlunni árið 1998. Hann
var valinn matreiðslunemi árs-
ins árið 1999 og útskrifaðist með
hæstu einkunn árið 2001. Á ár-
unum 1999 -2001 starfaði hann
hjá embætti Forseta Íslands við
veisluundirbúning undir sterkri
leiðsögn Sturlu Birgissonar mat-
reiðslumeistara. Að loknu námi
hélt Sigurður til Lúxemborgar þar
sem hann starfaði á Resturant Lea
Linster´s í sex mánuði, en sá stað-
ur skartar einni Michelin stjörnu.
Árið 2004 tók Sigurður við sem yf-
irmatreiðslumaður á Skólabrú og
starfaði þar til ársins 2006. Á ár-
unum 2006-2010 starfaði Sigurður
utan lands sem einkakokkur á Eng-
landi, Írlandi og New York. Á ár-
unum 2004-2006 starfaði Sigurður
með Íslenska kokkalandsliðinu, þar
sem liðið vann til verðlauna m.a.
á Ólympíuleikunum í Þýskalandi,
í Scot Hot í Glasgow og í Basel í
Swiss. Á undarfönum árum hefur
Sigurður ferðast mikið til að skoða
leiðandi veitingastaði og mótað
þann matarstíl, sem hann leggur
upp með í matargerð sinni í dag.
Árið 2010 hóf hann störf á Grill-
inu í Hótel Sögu og árið 2011 tók
hann þar við sem yfir matreiðslu-
maður og starfar þar enn.
Hráefni og bragð úr
náttúrunni
Matreiðslustefna Sigurðar er létt
og nútímaleg. Hann hefur það að
leiðarljósi að hráefni fái að njóta
sín til fulls með hreinu bragði,
árstíðarbundnu hráefni og fram-
andi aðferðum í eldun. Sigurður
notar eingöngu hágæða hráefni,
sem er það ferskasta hverju sinni
og frá heimasvæði. Virðing fyrir
náttúrunni skiptir Sigurð miklu. Í
sinni matreiðslu notast hann við
hráefni og bragð úr náttúrunni.
Hann stundar hvoru tveggja skot-
og stangveiðar og að tína úr land-
inu það sem það hefur upp á að
bjóða hverju sinni. Íslensk náttúra
hefur því mikil áhrif á matreiðslu-
stefnu Sigurðar. Áhugamálin eru
veiðar, fluguhnýtingar, snjóbretti,
klifur og vinnan. „Það má segja
að áhugamálin tengist matreisl-
unni beint og óbeint. Vegna langra
vinnudaga í heitu eldhúsi þykir
mér ómissandi að eiga daga sem ég
get notið undir berum himni. Ekki
skemmir að vera kominn út á land,
við veiðar, í göngu um landið og
þá helst að tína ber, sveppi, jurtir
eða vera moldugur upp fyrir haus
í garðvinnu. Auðvitað snýst þetta
allt um að geta aflað sér matar og
að gleðja aðra með mat úr íslenskri
náttúru. Það er skemmtilegt þegar
bæði vinna og áhugamál fara sam-
an.”
Gríðarlegur kostnaður
fylgir þátttökunni
Íslenska Bocouse d‘Or Akademí-
an styður mjög vel við bakið á Sig-
urði Helgasyni. Akademían út-
vegar æfingaaðstöðu í fimm mán-
uði, allt hráefni til æfinga, þjálf-
ara, aðstoðarfólk og svo ferðina til
Lyon með keppendur, farastjóra
og tonn af hráefni og búnaði. Það
félag er í eigu ellefu íslenskra mat-
reiðslumeistara sem allir hafa látið
mikið að sér kveða á undanförn-
um árum. Þeir hafa verið í fremstu
víglínu fyrir Íslands hönd í ýmsum
matreiðslukeppnum, sem fyrrver-
andi og núverandi landsliðsmenn.
Sjö úr þessum hópi hafa tekið þátt
í Bocuse d’Or keppninni í Lyon
í Frakklandi og náð þar góðum
árangri. Gríðarlegur kostnaður
fylgir því fyrir Sigurð að taka þátt
í þessum tveimur keppnum, Evr-
ópukeppninni síðasta vor og nú
Heimsmeistarakeppninni. Hann
þarf sjálfur að bera talsverðan
hluta kostnaðar við þátttökuna.
Áætlaður beinn kostnaður við æf-
ingar og sjálft ferðalagið er um 20
milljónir króna. Þess má geta að
Sigurður fór með rúmlega 800 kg
af eldhústækjum og -tólum í for-
keppnina ásamt 150 kílóum af ís-
lenskum matvælum. Í tilkynningu
frá stuðningsmannafélagi hans
segir að allur stuðningur sé vel
þeginn og þegar framlög berast
verði kvittun fyrir greiðslu send
á viðkomandi. Styrkir til félags-
ins Siggi Helga ehf. bera ekki
virðisaukaskatt. Ef áhugasam-
ir vilja veita Sigurði fjárhagsleg-
an stuðning þá er reikningsnúm-
erið 0133-26-000700 og kennitala
SiggaHelga ehf. er 700914 - 0540.
þá
Hvað finnst þér helst standa
uppúr frá liðnu ári?
Spurning
vikunnar
(Spurt í Borgarnesi)
Einar O. Pálsson:
Góð heilsa þannig að mér tókst
að komast framúr bælinu og
klæða mig hjálparlaust alla daga
ársins.
Sjöfn Hilmarsdóttir:
Eldgosið í Holuhrauni og fjár-
lagafrumvarpið með matarskatt-
inum.
Karen Ýr Þórarinsdóttir:
Ég fæddi dóttir mína 16. febrú-
ar.
Sigurður Guðmundsson:
Góður árangur Sjálfstæðisflokks-
ins í sveitarstjórnarkosningunun
í vor.
Logi Sigurðsson:
Ég ók hringinn í fyrsta sinn í
sumar.
Skagamaður í keppni bestu
matreiðslumanna heimsins
Kynningarveggspjald af Sigga Helga vegna keppninnar stóru.
Ungur drengur í skóla. Siggi með afa sínum og nafna.