Læknablaðið - 15.09.2003, Síða 53

UMRÆÐA & FRÉTTIR / LYFJANOTKUN
landsins vel ásamt því að vera þjóðhagslega
arðbært. Hins vegar sést þetta ekki sem sparn-
aður í heilbrigðisþjónustunni.
c. Þótt ábati heilbrigðiskerfis af lyfjanotkun sé
drjúgur er hann ekki sýnilegur í rekstri heil-
brigðisstofnana. Eftirspurn eftir heilbrigðis-
þjónustu er miklu meiri en heilbrigðisstofnanir
geta annað á hverjum tíma. Þær verða ætíð
fullbókaðar þó svo þörfin fyrir þær minnki um-
talsvert vegna tilkomu nýrra lyfja.
Niðurlag
Með þessum pistli vil ég vekja athygli á umfangs-
miklu vandamáli sem herjar á hið opinbera varðandi
lyfjamál. Það er hin þunga áhersla sem lögð er á lyfja-
kostnað og þá þversögn að hann eigi ekki að hækka.
Nýjum lyfjum og notkun þeirra er kennt um þær
hækkanir sem orðið hafa og helstu blórabögglarnir
eru nýjungagjarnir læknar. Rannsóknir hafa sýnt að
eldri lyf eru oft á tíðum góður kostur, en þær sýna
einnig að aðalástæða kostnaðarhækkana er ekki
endilega ný lyf.
Ég vil benda á að alltaf hefur gleymst að skoða
málið frá fleiri hliðum og ber þar hæst ábati lyfja fyrir
þjóðfélagið. Ástæður þessarar ofuráherslu á að halda
lyfjakostnaði niðri eru einkum óeðlilegt fyrirkomu-
lag fjármögnunar lyfjakostnaðar og það að jákvæð
útkoma lyfjanotkunar er ekki sýnileg í heilbrigðis-
kerfinu.
Heimildir
1. Torfadóttir A. Notkun geðdeyfðarlyfja (Þróun notkunar,
notkunarmynstur og kostnaður). Kandídatsritgerð. Háskóli
íslands, Lyfjafræðideild, maí 2003.
2. Jónasdóttir SE. Notkun lyfja í ATC-flokki A02B (Próun
notkunar, notkunarmynstur og kostnaður). Kandídatsritgerð.
Háskóli íslands, Lyfjafræðideild, maí 2003.
3. Mullins CD, Wang J, Palumbo FB, Stuart B. The impact of
pipeline drugs on drug spending growth. Health Affairs 2001;
20:210-5.
4. Sigfússon E. Lyfjamá! 112 - Spamaðarmöguleikar í flokki
blóðþrýstingslyQa. Læknablaðið 2003; 89:163.
5. Sigurðsson JA, Helgason S. Þíasíð aftur fyrsta lyfið við há-
þrýstingi. Læknablaðið 2003; 89:593-4.
6. Andersen K. ALLHAT rannsóknin: Á að setja alla blóðþrýst-
ingsmeðferð undir sama hatt? Læknablaðið 2003; 89:183-4.
7. Lichtenberg FR. Are the benefits of newer drugs worth their
cost? Evidence from the 1996 MEPS. Health Affairs 2001; 20:
306-7.
Frá Félagi áhugamanna um
sögu læknisfræðinnar og
Þjóðminjasafni íslands
Nesstofusafn vetrarþjónusta: leiðsögn og viðtaka muna
ÞJÓÐMINJASAFI
ÍSLANDS
Lækningaminjasafnið í Nesstofu var opið í sumar frá 15. maí
til 15. september, en verður lokað í vetur fram til 15. maí á
næsta ári.
Yfir vetrarmánuðina er boðið upp á leiðsögn um safnið
eftir samkomulagi. Leiðsögn má panta hjá Sigrúnu Kristjáns-
dóttur, fagstjóra safnfræðslu Þjóðminjasafns íslands, sími:
530-2280; sigrunk@natmus.is
Safnið er góður staður fyrir lækna, heilbrigðisstarfsmenn
og gesti þeirra til að kynnast heilbrigðissögu þjóðarinnar. Þar
gefur að líta apótek, endurgert eins og það var á dögum
Bjarna Pálssonar, ýmis lækningatæki frá fyrri tíð, til dæmis
fótstiginn tannlæknabor, augnlækningatæki, gleraugu, fæð-
ingaráhöld, aflimunartæki og fleira. Eitt herbergi er helgað
holdsveiki og Holdsveikraspítalanum í Laugarnesi.
Lækningaminjasafnið er í eigu Þjóðminjasafns íslands og
umsjónarmaður safnsins er Lilja Árnadóttir, fagstjóri muna-
safns Þjóðminjasafnsins, og tekur hún við munum sem
safninu bjóðast. Sími: 530-2280; lilja@natmus.is
Læknablaðið 2003/89 697