Fréttatíminn - 12.12.2014, Síða 85

86 heilsa Helgin 12.-14. desember 2014
 10 ráð til að bæta líkamsmyndina
Skrifaðu lista yfir allt það
sem þú kannt vel við í fari
þínu
Byrjaðu á því að skrifa niður tíu atriði
sem kannt vel við í fari þínu án þess að
vísa í líkama þinn eða útlit þitt á nokkurn
hátt. Það sem þú ert góð/ur í á að vera
á listanum og/eða hinar ýmsu ástæður
fyrir því að þú ættir að vera stolt/ur af
sjálfri/um þér. Þegar listinn er tilbúinn
skaltu skrifa annan lista þar sem þú telur
upp tíu atriði sem þér líkar við líkama
þinn og útlit. Ef þú ert með lítið sjálfs-
traust getur þetta reynst erfitt verkefni,
en þá er mikilvægt að gefast ekki upp
og gera sitt besta. Það er alltaf hægt að
bæta á listann þegar þér dettur eitthvað
í hug.
Skoðaðu náttúruna
Farðu út og skoðaðu náttúruna, blóm,
trjágrein, steinvölu eða hvað það sem
grípur athygli þína. Veltu því fyrir þér
og spurðu hvort blómið eða steininn sé
fullkominn? Það eru heilmiklar líkur á að
það séu einhverjar misfellur á því sem þú
finnur. Sem þýðir að náttúrunni tekst að
vera falleg og óaðfinnanleg þrátt fyrir að
vera ekki fullkomin. Hugsaðu um sjálfan
þig á sama máta, að þú sért falleg/ur
þrátt fyrir að þú sért ekki fullkomin/n.
Veittu fólki sem nýtur
velgengni eftirtekt
Veittu því athygli hvaða fólki þú dáist að.
Er þetta fólk sem þú lítur upp til vegna
þess að það er fallegt og grannt með
góðan fatastíl? Eða er þetta fólk sem
þú berð virðingu fyrir vegna þess að
það er vel gefið, áhugavert, eða góðar
manneskjur? Skoðaðu hvað það er í fari
fólks sem vekur aðdáun þína, annað en
útlit þeirra. Með því að setja fókusinn á
manneskjuna sjálfa í stað útlitsins ferðu
smám saman að gera heilbrigðari kröfur
til sjálfs þíns.
Forðastu neikvæðni
Í hvert sinn sem þú heyrir sjálfa/n þig
segja eitthvað neikvætt um útlit þitt
skaltu eyða jafnmiklum tíma í að hugsa
um eitthvað jákvætt í fari þínu. Þú ert
yfirleitt þinn harðasti gagnrýnandi,
sem þýðir að þú hefur mestu áhrifin á
sjálfsmyndina. Þú getur lagt meðvitaða
áherslu á það jákvæða og útrýmt allri
neikvæðni með því að breyta hugar-
fari þínu.
Vertu raunsæ/r
Ef þú ert að stefna að því að
léttast eða komast í gott
form, ekki ætlast til þess
að það gerist á einni
nóttu. Ráðfærðu þig
við sérfræð-
inga og ekki setja þér óraunhæf markmið
þar sem þú ætlar þér að líta út eins og
önnur manneskja. Gott útlit fæst með
hollu mataræði, heilbrigðri hreyfingu
og jákvæðu hugarfari. Besti árangurinn
næst með því að setja fókusinn á
heilsuna en ekki útlitið.
Ekki vorkenna þér
Gættu þess að vorkenna þér aldrei yfir
útliti þínu, þá átt ekki að hafa neina
ástæðu til þess.
Hugaðu að mataræðinu
Leggðu áherslu á að borða hollan mat
sem lætur þér líða vel. Ef þú ert að borða
óhollan mat er gott að setja sér markmið
að bæta við hollum mat daglega, í stað
þess að hugsa um allt það sem þú mátt
ekki borða. Þér mun líða vel af holla
matnum og smám saman minnka löngun
í óhollan mat. Ef þér líður vel í líkam-
anum þá ertu líklegri til að hafa jákvæða
líkamsmynd.
Njóttu þess að hreyfa þig
Finndu líkamsrækt sem hentar þér. Það
er hægt að ganga, hlaupa, lyfta lóðum,
fara í fjallgöngur, dansa, hjóla, synda,
spila fótbolta, spila tennis, fara í jóga,
stunda klifur, stunda sjálfsvarnaríþróttir
og heilmargt fleira. Finndu eitthvað sem
þú hefur gaman af og lætur þér líða vel.
Og ef það er eitthvað sem þig hefur alltaf
langað að geta, eins og að klifra upp
veggi eða synda flugsund, láttu þá vaða
og farðu og lærðu þetta. Þér líður vel
með líkama þinn þegar þú finnur hvað
hann getur.
Skoðaðu líkama þinn
Margir láta sér nægja að horfa bara á
andlitið í speglinum, en það er gott að
skoða allan líkamann. Skoðaðu þig frá
öllum hliðum í spegli, því það er mikil-
vægt að þú venjist líkama þínum. Ef þú
getur gert það daglega þá bregður þér
síður þegar þú ferð til dæmis í fataklefa
að máta föt.
Vertu góð/ur við líkama þinn
Dekraðu við kroppinn. Farðu í nudd
eða gott freyðibað. Berðu á þig krem
ef húðin er þurr, og farðu vel
með fæturna og gættu að
líkamsstöðunni. Láttu eftir
þér að fara í hand- eða
fótsnyrtingu eða annað
dekur. Veldu góða stóla
til að sitja á og gott
rúm til að sofa í.
Elskaðu líkama
þinn, því þú
færð ekki
annan.
Elskaðu
líkama þinn
Líkamsmyndin hefur mikil áhrif á sjálfsmynd og líðan fólks. Hún
mótast af skapgerð okkar og umhverfisþáttum eins og feg-
urðarstöðlum og einnig af samskiptum við annað fólk. Neikvæð
líkamsmynd getur haft vond áhrif á heilsuna, en fjölmargar
rannsóknir sýna að konum hættir til að hafa neikvæða líkams-
mynd og allar konur eru óánægðar með einhvern hluta líkama
síns. Heimurinn samanstendur af ólíku fólki af ólíkri stærð og
gerð og því fer fjarri að allir séu steyptir í sama mót og því er
nauðsynlegt að læra að elska líkama sinn eins og hann er. Góð
líkamsmynd kemur ekki að sjálfu sér og það þarf að taka með-
vitaða ákvörðun um að byggja hana upp. Hér eru tíu ráð til að
bæta líkamsmyndina því allir eiga rétt á því að vera hamingju-
samir og sáttir í eigin skinni.
Góð og heilbrigð líkamsmynd
stuðlar að bættri heilsu.
Sölustaðir
Fæst í öllum apótekum,
heilsuverslunum og
heilsuhillum stórmarkaða.
Einnig á vefverslun Icecare:
www.icecare.is
Unnið í samstarfi við
Icecare
Þjáist þú af
svefnleysi?
Icecare kynnir: Melissa Dream eru töflur sem henta
þeim sem þjást af svefnleysi.
m elissa Dream er tafla sem fær mann til að slaka á, sofa betur og vakna endurnærður. Þetta er ekki lyf heldur náttúruleg vítamín og jurtir,“ seg-
ir Birna Gísladóttir, markaðsfulltrúi hjá Icecare. Í gegnum
aldirnar hefur sítrónumelis jurtin, Melissa officinalis,
verið vinsæl meðal grasalækna, en þaðan dregur varan
nafn sitt. „Þetta vísindalega samsetta náttúrulyf er hannað
til að aðstoða einstaklinga við að sofa betur og vakna
endurnærðir án þess að innihalda efni sem hafa sljóvgandi
áhrif,“ segir Birna.
Sítrónumelis taflan inniheldur náttúrulegu amínósýruna
L-theanine, sem hjálpar til við slökun, auk
alhliða B-vítamín, sem stuðlar að eðlilegri
taugastarfsemi. Auk þess inniheldur taflan
mikið magn af magnesíum, sem stuðlar
að eðlilegri vöðvastarfsemi og dregur þar
með úr óþægindum í fótum og handleggj-
um og bætir svefn.
Reynslusaga Sigríðar Helgadóttur af
Melissa Dream: Nú sofna ég fljótt og er
laus við fótapirringinn. „Undanfarið var ég
búin að eiga nokkrar andvökunætur, eitt-
hvað sem ég var ekki vön, og var það aðal-
lega fótapirringur sem truflaði svefninn.
Það er mjög óþægilegt því það hélt fyrir
mér vöku. Ég fór að leita mér ráða, þá sá
ég reynslusögur í blöðunum um Melissu
Dream og fór að lesa mér til um þær og
ákvað að prófa, því það sakaði ekki að
reyna.
Ég tek tvær töflur klukkutíma fyrir
svefn, þegar mér finnst ég þurfa þess og
ég næ að sofna fljótlega og svo finn ég ekki
fyrir þessum fótapirringi. Það sem mér
finnst líka æðislegt við þessar töflur er að
þær eru náttúrulegar og hafa engin eftir-
köst þegar maður vaknar. En ég þarf ekki
að taka þær á hverju kvöldi en mér finnst
ég ná að slaka svo vel á og næ að sofna
þegar ég tek þær.
Ég er mjög ánægð með Melissu Dream,
og ég mæli með þeim við alla sem eiga
erfitt með svefn.“
Sigríður Helgadóttir
Birna Gísladóttir, markaðs-
fulltrúi hjá Icecare.